ឧប៊ុន រាជធានី​ ថ្ងៃ ទី ២១ ខែ ធ្នូ(TNA) – យោង តាម របាយការណ៌ ពី មន្ទីរពេទ្យ នៅ ទី នេះ បាន ឲ្យ ដឹង ថា ជា រៀង រាល់ ថ្ងៃ មាន ប្រជាជន លាវ​ និង ខ្មែរ ជិត ១០០នាក់ បាន ឆ្លង ចូល ព្រំដែន ថៃ ដើម្បី ស្វែង រក ការ ព្យាបាលជំងឺមួយចំនួន ដូចជា​ ផ្តាសាយ បណ្ដាលមកពីរងា រួមនិងជំងឺទាក់ទងនឹងអាកាសធាតុមួយចំនួនទៀត នៅក្នុងមន្ទីរពេទ្យថៃ។ 

អាកាសធាតុត្រជាក់បានបណ្ដាលឲ្យមានការហូរចូលពីសំណាក់អ្នកជំងឺទៅក្នុងមន្ទីរពេទ្យដែលនៅតាមបណ្ដោយព្រំដែន ក្នុងខែត្រឧប៊ុនរាជធានី ជាពិសេសមន្ទីរពេទ្យក្នុងស្រុកខេមរដ្ឋ ដែលជាមធ្យមមានអ្នកជំងឺជនជាតិលាវជាង៥០នាក់ក្នុងមួយថ្ងៃមកពីស្រុកសង់គរ ក្នុងខែត្រសុវណ្ណខែត្ររបស់ប្រទេសលាវចូលមកព្យាបាល។ 

អ្នកជំងឺក្រីក្រដែលធ្វើដំណើរតាមទូកឆ្លងកាត់ទន្លេមេគង្គចូលមកព្យាបាលជំងឺទាក់ទងនឹងផ្លូវដង្ហើមមួយចំនួន ដូចជារងា ផ្ដាសាយ និងរោគឈឺមួយចំហៀងក្បាលជាដើម។ 

ចំណែកឯមន្ទីរពេទ្យក្នុងស្រុកនាំយឺនវិញ បានផ្ដល់ការព្យបាលដល់ប្រជាជនខ្មែរមួយចំនួនដែលមកពីខែត្រព្រះវិហារដែលនៅជាប់នោះ នូវរោគមួយចំនួនស្រដៀងគ្នាដែរ។ 

បើតាមអ្នកជំងឺបានប្រាប់ទៅមន្ទីរពេទ្យទាំងពីរឲ្យដឹងថា​ មានអ្នកជំងឺជាច្រើនក្នុងស្រុកមួយចំនួននៅក្នុងប្រទេសរបស់ពួកគេ កើតមានជំងឺមួយចំនួនទាក់ទងទៅនឹងអាកាសធាតុត្រជាក់ ដែលមន្ត្រីសុខាភិបាលក្នុងស្រុកមិនអាចផ្ដល់នូវការព្យាបាលបានគ្រប់គ្រាន់ ដោយគ្រាន់តែចែកនូវថ្នាំមួយចំនួនតែប៉ុណ្ណោះ។ 

ហេតុដូចនេះទើបអ្នកភូមិទាំងនេះសំរេចចិត្តឆ្លងដែនចូលមកព្យាបាលក្នុងមន្ទីរពេទ្យថៃ។ (TNA)-E009