វេបសៃត៍ខ្មែរឆ្កួតមួយ ខែ មិថុនា 20, 2007
Posted by សុភ័ក្ត្រ in ពីនេះពីនោះ, អំពីភាសា.17 comments
មិនដឹងមាននរណាធ្លាប់បានចូលមើលវេបសៃត៍មួយនោះ ដែរឬទេ ជាវេបមួយឈ្មោះអ្វីដែលគេហៅថា មណ្ឌលវប្បធម៌ខ្មែរ លេងសុទ្ធតែយូនីកូដផង។ មិនដឹងជាពួកគាត់នៅខំប្រឹងធ្វើខុសគេដល់ណាទៀត? ល្មមតាមគេតាមឯងក្នុងស្រុកផងទៅ លោកតាៗអើយ។ នៅធ្វើ weired នាំខូចដល់ខ្មែរ ពេលណាឈប់។ គេមានទាំងខំចង់ងាប់ចង់រស់ ធើវចនានុក្រម ឲ្យពួកម្ដែងខ្មែរ សរសេរតាម ដើម្បីឲ្យត្រឹមត្រូវ ដូចគ្នា ជាគំរូ និងតម្លៃភាពជាភាសា របស់ជនជាតិមួយដែលមានឯករាជ្យ ម៉េចក៏ចេះតែ នាំគ្នាអូសទៅលិច ទៅកើតដល់ណា?
អាបែបធ្វើចេះតែឯងហ្នឹង ខ្ញុំថាមិនមែនជួយជាតិទេ មិនមែនជួយរក្សាភាសាជាតិទេ គឺវាជួយបំផ្លាញទៅវិញ។ ធ្វើឲ្យរញេរញៃ។ កូនខ្មែរ ជំនាន់ក្រោយឡប់ខួរ មិនដឹង សរសេរមួយណាខុស មួយណាត្រូវ។ នេះហើយសឹងជាលទ្ធផល របស់តាៗឯងអស់ហ្នឹង មកដល់បច្ចុប្បន្ននេះ។
លែងមានអស់ហើយស្រៈពេញតួ ក្នុងវេបមួយហ្នឹង។ អក្សរ ណ ដូរខ្ទេចអស់រលីង។ តួយ៉ាង គេសរសេរ៖
- អិលូវ
- កន្ដាល
- អុសភា(ខែឧសភា)/អុបសគ្គ
- អោកាស/អោយ/អោ! (សំឡេងឧទាន)
- រឺ
- អែ/អ្នកចំរៀងអែក (មិចមិនសរសេរ នាក់ចំរាងអែក ទៅតា?)
។ល។
លែងមានអស់ហើយពាក្យតម្រួត គេឡប់មកសរសេរជាព្យាង្គរាយវិញ។ ចុះបើ គ្រាន់បើ មិចមិនសរសេរ៖ កាញ់ញ៉ា (ខែកញ្ញា, នាងកញ្ញា), ដន់ត្រី (តន្ត្រី), … ។ល។ ទៅ? ម៉េចចាំ នៅសរសេរត្រួតគ្នាដដែលធ្វើអី? ចង់ឆ្ងល់ ទៀតហើយពួកម៉ាក!
ធ្លាប់ផ្ញើអ៊ីមែលទៅសួរសុំបំភ្លឺ ដែរ ធ្វើឫកមិនតប។ ចាំអីទៀតសរសេរដាក់ទីនេះម្ដង!
តួយ៉ាងតទៀត៖
ស្ដាប់មើលទៅពររបស់គេគួរឲ្យចង់សើច។ ធ្វើម៉េចប្រទេសរីកចម្រើនបានទៅរួច បើខ្លួនគិតតែចង់ធើអីខុសគេ មិនឯកភាពជាមួយគេ តាំងពីអារឿងភាសានេះបាត់ទៅហើយ។ រក្សាទំនៀមទម្លាប់, គតិបណ្ឌិតអីបាន លោកអើយ! វាមិនខ្មេះទេ៕
