បុណ្យឯករាជ្យឆ្នាំនេះ ខែ វិច្ឆិកា 10, 2007
Posted by សុភ័ក្ត្រ in ពីនេះពីនោះ, អំពីសុភ័ក្ត្រ, អំពីស្រុកខ្មែរ.35 comments
វិមានឯករាជ្យ នារាត្រី០៩ វិច្ឆិកា ២០០៧
ហ៊ឺ! និយាយពីបុណ្យឯករាជ្យឆ្នាំនេះ ខុសពីឆ្នាំមុនឆ្ងាយដូចមេឃនិងធរណី។ មិនដឹងមនុស្សលោកគាត់មកពីណាច្រើននោះច្រើនស្ទះចរាចរណ៍ រកតែខ្ញុំថតរូបមិនបាន។ ឆ្នាំមុនណា ខ្ញុំទៅរង់ចាំនៅមុខវិមានឯករាជ្យម៉ង់ៗ និងមានមនុស្សប្រហែល៧-៨ នាក់ប៉ុណ្ណោះឯង។ ឆ្នាំនេះវិញ! អូម៉ាយហ្កដ!
អារឿងទៅរង់ចាំថតនោះខ្ញុំមិនភ្លេចទេ។ ល្ងាចម៉ិញ ម៉ោងប្រហែល៦:១៥នាទីល្ងាច ខ្ញុំចេញទៅវិមានឯករាជ្យ ដោយយកម៉ូតូទៅផ្ញើនៅផ្សារឡាក់គឺ រួចធ្វើដំណើរដោយអាដូតរហើរទៅដល់វិមានឯករាជ្យដើរថត និងរង់ចាំកាំជ្រួចបាញ់។ អកុសលឆ្នាំនេះ ថតមិនបានទេសហជីវិនអើយ។ មនុស្សខាប់ដូចស្ករតាំងម៉ែ រកជ្រុងណាថតមិនបានសោះ។ ខ្ញុំខកហ្ឬទ័យមែនទែន 
ល្ងាចម៉ិញនេះមនុស្សច្រើនដូចបុណ្យអុំទូកចឹង។ខ្ញុំដើរថតរហូតដល់វិមានរដ្ឋសភាថ្មី បានរូបស្អាតៗ គួរសម។ មានអ្នកខ្លះយប់ហើយឆ្លៀតតេមកសួរមានបានទៅថតរូបអត់? ខ្ញុំថា រឿងអីត្រូវអត់? ឱកាសបែបនេះនោះ។
ខ្ញុំថាមិនសូវចង់អួតទេ។ ណាស់តែមានគេដេញឲ្យដាក់រូបអួត។ ហាហា… គេថាឲ្យផុសរូបទៅទុកអួតអ្នកនៅស្រុកក្រៅ ជាពិសេសពួកនៅស្រុកអាមេហិក និងឥណ្ឌាលក់មុងហ្មង! ឡ!!
តែសុំទោសផង ដាក់បានតែមួយឲ្យមើលសិនទេ។ ចាំស្អែកដាក់ទៀត ខ្ញុំអត់ទាន់បានញ៉ាំបាយថ្ងៃទេណា៎ ម៉ោងជិត៣ហើយ។ ព្រឹកម៉ិញជាប់ប្រជុំពេញម៉ាព្រឹក ប្រញ៉ាប់ទៅផ្ទះ ញ៉ាំបាយសិន ហេវណាស់។
កាម៉េរ៉ាថតជារបស់ពួកម៉ាកខ្ញុំទេ។ ខ្ញុំមិនទាន់បានទិញថ្មីនៅឡើយទេ។ សង្ឃឹមថាទិញបានមុនអុំទូក។
ប្រិយមិត្រសាកល្បងមើលរូបដែលខ្ញុំថតកាលពីឆ្នាំទៅមើល៍។ ខ្ញុំថតបានយ៉ាងស្រួល និងស្អាតណាស់ គ្មានមនុស្សទេ តែឆ្នាំនេះថតមិនបានទេ។ ចុចទីនេះ មើលរូបឆ្នាំ២០០៦
