ក្មេងតូចគួរឲ្យស្រឡាញ់ Buddy Kids 2007 ខែ វិច្ឆិកា 16, 2007
Posted by សុភ័ក្ត្រ in ภาษาไทย, ពីនេះពីនោះ.6 comments
យប់មិញនេះអង្គុយមើលទូរទស្សន៍ថៃលេខ៧ ពីកម្មវិធីប្រកួត Thai Super Model Contest 2007 និងការជ្រើសរើស Buddy Kids 2007 ហ៊ឺ! ជក់ចិត្តយ៉ាងខ្លាំងពីបណ្ដាក្មេងៗ ដែលចូលរួមប្រកួតទាំងនោះ ជាងនាងៗ ម៉ូដែល អស់ទាំងនោះទៅទៀត។
បណ្ដាក្មេងៗ ទាំងនោះមិនត្រឹមតែមានមុខមាត់គួរឲ្យខ្នាញ់ ប៉ុន្តែថែមទាំងក្លាហាន និងមានទេពកោសល្យ និងឆ្លាតៗណាស់។ ម្នាក់ៗ បញ្ចេញកាយវិការគួរឲ្យស្រឡាញ់មែនទែន បើបាននៅជិតខ្ញុំវិញ ខ្ញុំវ៉ៃងាប់ហើយ!
គ្រាន់តែប្រកាសឈ្មោះគេភ្លាម គេដើរចេញពីជួរមកមុខវេទិកា យ៉ាងសម្បើមអស្ចារ្យ គ្មានជំពាក់នរណាមួយសេន! កូននរណាគេហ្ន៎។ ខ្ញុំបានលួចថតវីដេអូដែរ ចាំពេលទំនេរដាក់ឲ្យមើល។ ពេលនេះលួចមើលរូបថតពីវេបស៍គេសិនទៅ៖
គូនេះឯងដែលឈ្នះការប្រកួតកាលពីយប់មិញ
(រូបនេះថតកាលប្រកួតជម្រើស)
មើលលីលា នៃការប្រកួតរបស់ក្មេងៗ ទាំងនេះបាននៅវេបសៃត៍ kidstarclub ឬវេបសៃត៍ផ្លូវការ។
