លោកអភិបាលក្រុងចង់ជិះឡានបឺសទៅធ្វើការ ខែ មករា 15, 2008
Posted by សុភ័ក្ត្រ in ពីនេះពីនោះ, អំពីស្រុកខ្មែរ.13 comments
រថយន្តក្រុងនៅភ្នំពេញ គ្រាន់ជាក្ដីស្រមៃមួយប៉ុណ្ណោះសម្រាប់អ្នកនៅក្នុងទីក្រុងតូចមួយនេះ។ បរាជ័យជាច្រើនលើកច្រើនសាក្នុងការដាក់រថយន្តក្រុងឲ្យរត់បានធ្វើឲ្យប្រជាជនជាច្រើនធុញទ្រាន់នឹងពាក្យរថយន្តក្រុងនៅភ្នំពេញ។
តែក្រោមការដឹកនាំប្រកបដោយគំនិតគិតនោះគិតរបស់លោកអភិបាលក្រុងដ៏មហិមារបស់ភ្នំពេញជំនាន់នេះ លោកបានគិតឃើញមួយទៀតពីមធ្យោបាយថ្មីនៃរថយន្តក្រុងសម្រាប់ភ្នំពេញ។
“ …លោក កែប ជុតិមា បានបន្ថែមថា ប្រសិនបើមានការឯកភាព សាលាក្រុងមានបំណងទិញរថយន្តក្រុង (រថយន្តបឺស) ចំនួន៣គ្រឿង សម្រាប់ដឹកមន្ត្រីសាលាក្រុងទៅធ្វើការរាល់ថ្ងៃ… រួមទាំងរូបលោកផងទៅធ្វើការ…”
ទាក់ទិនទៅនឹងគម្រោងរបស់លោកអភិបាលក្រុងភ្នំពេញដែលមានបំណងកាត់បន្ថយការប្រើប្រាស់ប្រេង ហើយបំផុសឲ្យមន្ត្រីទាំងអស់ជិះរថយន្តបឺសទៅធ្វើការនោះ គេបានឮមតិប្រតិកម្មជាច្រើនថា គម្រោងផែនការនេះពួកគាត់ហាក់មិនជឿថាសាលាក្រុងធ្វើបាននោះទេ ហើយអ្វីដែលរឹតតែមិនជឿនោះទៀត គឺមន្ត្រីដែលមានរថយន្តល្អៗជិះច្រើនជាងគេគឺសាលាក្រុងភ្នំពេញនេះតែម្ដង ប្រសិនបើឲ្យពួកគាត់ទុករថយន្តដ៏ល្អទំនើបនោះចោល ហើយមកជិះរថយន្តរួមវិញនោះខ្លាចតែទៅមិនរួច។ Sic
