ពេញកំឡោះហើយខ្ញុំ ខែ ឧសភា 28, 2008
Posted by សុភ័ក្ត្រ in ពីនេះពីនោះ, អំពីសុភ័ក្ត្រ.trackback
ហ៊ឺ! គេថាខ្ញុំម៉ាយូរម៉ាយារហើយទើបពេញកំឡោះ ហាហា ព្រោះទើបតែដុះធ្មេញថ្គាម។ ល្ងាចមិញនេះឌុបនាងពួកម៉ាកខ្ញុំដើរលេងញ៉ាំអីម៉ាសន្ទុះហើយ មិនដឹងជាយ៉ាងមិចទេ ក្នុងក្រអូមមាត់ខ្ញុំឈឺៗ ពើតៗ ខ្ញុំសង្ស័យតែពងមាត់តែម្ដង ព្រោះពងមាត់លើកណាៗ ក៏ឈឺបែបនេះរហូត។ សួរពួកម៉ាកខ្ញុំទៅវាថាសង្ស័យមោពីក្ដៅក្នុង ឬមួយម៉ោពីស្ត្រេសហើយ ព្រោះពេទ្យធ្លាប់ប្រាប់វាចឹង។
ស្ត្រេសស្អីប៉ុន្មានសប្ដាហ៍នេះ ដើរលេងសប្បាយសឹងស្លាប់បានអីស្ត្រេស បើក្ដៅក្នុងជឿខ្លះ។ និយាយគ្នាចប់គិតថាវាក្ដៅក្នុងទៅចុះ។
ដេកយប់មិញចេះតែឈឺទៅៗ ជាពិសេសពេលរៀបភ្លឺនេះឯង។ ងើបពីដេកអត់ទ្រាំមិនបានទៅឆ្លុះកញ្ចក់វែករកអាកន្លែងពងនឹងឲ្យវាដឹងដៃម្ដងមើល ម្រ៉ែអើយ មានពងមាត់ឯណា កាលពិតវាដុះធ្មេញចេញលេចអញ្វាញ និងប៉ះបបេទេតើហ៍ចឹងបានជាវាឈឺណាស់។ 
ទូរស័ព្ទទៅរកពួកម៉ាកខ្ញុំម្នាក់ទៀតដែលអានោះជាពេទ្យធ្មេញវាថាឈឺចឹងហើយ ពេលខ្លះអាចដទៅជាគ្រុន និងក្ដៅខ្លួនទៀតផង។ ហ៊ឺ! យ៉ាប់ហើយខ្ញុំ វាក៏ប្រាប់ឲ្យទៅទិញថ្នាំសះលេបបំបាត់ឈឺសិនទៅ ខ្ញុំក៏ចេញមកទិញថ្នាំលេបតាមវាទៅ មកទល់ពេលនេះនៅតែឈឺនឹងបងប្អូនអើយ។ បងប្អូនឯងដុះហើយឬនៅ។
មកកន្លែងធ្វើការនិយាយប្រាប់មេខ្ញុំ គាត់ថាឲ្យដកចេញទៅ គាត់ក៏ដកចេញដែរ តែអ្នកខ្លះគេថាកុំដកអីមានគ្រោះថ្នាក់ណាស់។ ខ្ញុំក៏គិតថាមានមានគ្រោះថ្នាក់ដែរម៉ាអារឿងធ្មេញនឹង ធ្លាប់ឈឺម្ដងហើយកាលពីនៅស្រុកចិន ម៉ែឪអាស្បថ។ ចាំមើលទៅទ្រាំម៉ារយៈសិនទៀតមើល៍។ ម៉ាអាកំពុងឈឺនេះហើយមានអ្នកខ្លះមកផាឯងថា ប៉ុនណាណីហើយទើបពេញកំឡោះ ព្រោះទើបដុះធ្មេញហ្នឹង! ហាហា…
សូមជួយណែនាំផង អ្នកបានធ្វើអ្វីខ្លះនៅពេលដែលអ្នកដុះធ្មេញថ្គាមហ្នឹង!
គេថាវាត្រូវចឹងមែនហ្នឹង កុំទៅភ័យក្រភាក់ លេបថ្នាំឲ្យទៀងពេលទៅ ហើយអាសាខ្ពុរមាត់នឹងទឹកអំបិល ជាពិសេសពេលព្រឹក ក្រែងជួយបានវ៉ី… ខ្ញុំអីនេះ ដុះតាំងពី ជាង ៦-៧ឆ្នាំមុនម៉េស តែគ្មានឃើញអីហង ឈឺនោះវាឈឺហើយតាយូរទៅបាត់ឯង
គេមានតែដុះធ្មេញថែម! ខ្ញុំឯណេះ ចង្កូមហើយនិងថ្គាមមួយ ចង់រង្គោះរង្គើម៉េចមិនដឹងទេ ចេះតែស្រៀវៗពេលបរិភោគអ្វីម្យ៉ាង …
ធ្មេញហ្នឹងផស់ VN ម៉ងបានប្រើមិនបានយូរហ្នឹងគេ
ផស់ VN មិនថ្វីទេ ខ្ញុំខ្លាចតែផស់យួនផងក៏មិនដឹង?
ព្រះសេអាមេត្រី!! មើលគាត់ស្ដីចុះ ធ្វើមើលតែខ្ញុំបងប្អូនអាបូផាចឹង!!
ធ្មេញខ្ញុំតម្លើងនៅស្រុកខ្មែរនេះឯងបាទ!!
hi sopheak i try to contact with you ask about the blog web i don’t what it do .
Happy birthday for your good for every thing and ok soon will have girlfrient.
congratulation you pass at goverment place .
bye see you next time .