មើលក្រដាសប្រាក់២០.០០០រៀលថ្មី ខែ ឧសភា 23, 2008
Posted by សុភ័ក្ត្រ in ពីនេះពីនោះ, អំពីស្រុកខ្មែរ.4 comments
អានអត្ថបទទាក់ទង៖ ធនាគារជាតិចេញក្រដាសប្រាក់គំរូថ្មី២០.០០០រៀល
និល ទៀង៖ សម្ដេចព្រះសង្ឃរាជទី១ នៃក្រុងកម្ពុជា ខែ ឧសភា 22, 2008
Posted by សុភ័ក្ត្រ in ប្រវត្តិសាស្ត្រ, ពីនេះពីនោះ, អំពីស្រុកខ្មែរ.1 comment so far
សម្ដេចព្រះមហាសង្ឃរាជ គណៈមហានិកាយ
និល ទៀង
សម្ដេចព្រះមហាសង្ឃរាជ ព្រះនាម និល ទៀង
គណៈមហានិកាយ
ព.ស.២៤០១ – ២៤៥៧
គ.ស.១៨៥៧ – ១៩១៣
ព្រះអង្គទ្រង់ប្រសូត នៅថ្ងៃសៅរ៍ ៧កើត ខែអាសាធ ឆ្នាំវក ឆស័ក ព.ស.២៣៦៨ គ.ស.១៨២៤ ក្នុងស្រុកពោធិព្រះបាទ ខេត្តកៀនស្វាយ (ស្រុកកៀនស្វាយ ខេត្តកណ្ដាល បច្ចុប្បន្ន)។ ព្រះអង្គជាបុត្រច្បងនៃ បិតានាម និល មាតានាម ឡឹក។
ក្នុងគ.ស.១៨៣១ កាលនោះកុមារទៀង ទើបតែ អាយុបាន៨ឆ្នាំ ទ័ពយួន និងសៀម បានពើបប្រយុទ្ធគ្នាយ៉ាងខ្លាំងក្លា នៅតំបន់កៀនស្វាយដើម្បីដណ្ដើមយកស្រុកខ្មែរ។ គ្រួសារសម្ដេចទៀងទាំងប៉ុន្មាន ត្រូវទ័ពសៀមចាប់កេណ្ឌកៀរយកទៅស្រុកសៀម ទុកធ្វើជាទាសាទាសី។ កុមារទៀង និងជីដូន ត្រូវគេបញ្ជូនឲ្យទៅរស់នៅឯទីក្រុងបាងកក។ នៅទីនោះកុមារទៀង បានជួបនឹងមាម្នាក់ឈ្មោះ ពៅ ជាអាមាត្យរបស់ព្រះបាទសម្ដេចព្រះ អង្គ ដួង កាលព្រះអង្គនៅជាព្រះអង្គម្ចាស់ដែលសៀមកេណ្ឌកៀរយកទៅធ្វើជាឈ្លើយដែរ។ ចំណែកគ្រួសារសម្ដេចមួយផ្នែកទៀត ត្រូវសៀមបញ្ជូនទុកឲ្យរស់នៅ ស្រុកមង្គលបុរី ក្នុងខេត្តបាត់ដំបង។
ព្រះអង្គមានព្រះជន្មបាន១១ឆ្នាំ ក្នុងឆ្នាំមមី ឆស័ក ព.ស.២៣៧៨ គ.ស.១៨៣៤ បានបំពេញផ្នួសជាសាមណេរ នាវត្តមួយនៅទីក្រុងបាងកក។
ព្រះជន្មបាន២១វស្សា ក្នុងឆ្នាំរោង ព.ស.២៣៨៨ គ.ស.១៨៤៤ សម្ដេចព្រះន័ងក្លៅ ព្រះចៅក្រុងសៀម ទ្រង់ព្រះរាជានុញ្ញាតឲ្យសាមណេរ ទៀង ចូលបំពេញឧបសម្បទា ក្នុងនាគខ្នានព្រះរាជទ្រព្យ នៅវត្តព្រះស្រីរតនសាស្ដាររាម គឺវត្តព្រះកែវមក៌ត ក្រុងបាងកក។
ព្រះជន្មបាន២៦វស្សា ក្នុងឆ្នាំរកា ឯកស័ក ព.ស.២៣៩៣ គ.ស.១៨៤៩ ព្រះអង្គបានទៅថ្វាយព្រះពរលាសម្ដេចព្រះន័ងក្លៅ ត្រឡប់មកប្រទេសកម្ពុជាវិញ។ លុះមកដល់ប្រទេសកម្ពុជាហើយ ព្រះបាទហរិរក្សរាមាឥស្សរាធិបតី ព្រះអង្គ ដួង ទ្រង់សូមនិមន្តឲ្យគង់នៅប្រទេសកម្ពុជា ហើយទ្រង់បានធ្វើព្រះរាជសុភអក្សរ ថ្វាយសម្ដេចព្រះន័ងក្លៅ។
ព្រះជន្មបាន៣៤វស្សា ក្នុងឆ្នាំម្សាញ់ នពស័ក ព.ស.២៤០១ គ.ស.១៨៧៥ ព្រះបាទសម្ដេចព្រះហរិរក្សរាមាឥស្សរាធិបតី ព្រះអង្គ ដួង ទ្រង់បានលើកព្រះព្រហ្មមុនី និល ទៀង ឲ្យគ្រងទីសម្ដេចព្រះមហាសង្ឃរាជាក្រុងកម្ពុជា។
លុះរំលងពីនោះមកបានមួយឆ្នាំ ព.ស.២៤០២ គ.ស.១៨៥៨ ព្រះបាទសម្ដេចព្រះហរិរក្សរាមាឥស្សរាធិបតីព្រះអង្គ ដួង បានតាំងសម្ដេចព្រះមហាសង្ឃរាជ និល ទៀង ជាស្ដេចសង្ឃពេញទី ហើយបានរៀបចំពិធីថ្វាយទឹកក្លស់ទឹកស័ង្ខ នៅក្រុងឧត្ដង្គមានជ័យ មានគោរម្យងារជា “ សម្ដេចព្រះមហាសង្ឃរាជា គណធិបតី សិរីបរមបពិត្រ ជាសង្ឃនាយកតិលកលោកាចរិយោត្ដមបរមមេធសង្ឃជេដ្ឋា មហាសង្ឃរាជា ធម្មិកវរោត្ដមបរមបពិត្រ ដ៏ជាអធិបតីព្ធដ៏គណសង្ឃក្នុងក្រុងកម្ពុជា ជេដ្ឋារដ្ឋាមហាឥន្ទបត្តនគរបវរបូរីរម្យឧត្ដមរាជបនិជាមហាមគ្គនាយក” សម្រេចកិច្ចអស់ទ្រទ្រង់សង្ឃព្រះរាជាគណៈទាំង៤សម្រាប់។
សម្ដេចព្រះមហាសង្ឃរាជ និល ទៀង ព្រះអង្គមានឋានន្តរស័ក្ដិជាមហាសង្ឃរាជ នៅក្នុងរាជ្យ៣គឺ៖
១. ព្រះបាទសម្ដេចព្រះហរិរក្សរាមាឥស្សរាធិបតីព្រះអង្គ ដួង
២. ព្រះបាទសម្ដេចព្រះ នរោត្ដម ព្រះចៅក្រុងកម្ពុជាធិបតី
៣. ព្រះបាទសម្ដេចព្រះ សិរីសុវត្ថិ ព្រះចៅក្រុងកម្ពុជាធិបតី
ព្រះជន្មបាន៩០វស្សាគត់ នៅក្នុងឆ្នាំឆ្លូវ ព្រះអង្គទ្រង់សោយទិវង្គត នៅថ្ងៃព្រហស្បតិ៍ ២កើត ខែអស្សុជ ឆ្នាំឆ្លូវ បញ្ចស័ក ព.ស.២៤៥៧ ត្រូវនឹងថ្ងៃទី២ ខែតុលា គ.ស.១៩១៣ វេលាម៉ោង១២និង៤០នាទីអាធ្រាត ដោយព្រះរោគជរាពាធ នៅព្រះរាជតំណាក់វត្តឧណ្ណាលោម ក្រុងភ្នំពេញ៕
ចម្លងចេញពីសៀវភៅព្រះរាជជីវប្រវត្តិ សម្ដេចព្រះសង្ឃរាជ រៀបរៀងដោយ ភិក្ខុបញ្ញាវិមលោ លឹម វាសនា ចៅអធិការស្ដីទីវត្ត អង្គប្រិយសិរីមានជ័យ ឆ្នាំ២០០៤
មើលក្នុងគេហទំព័រនរណាខ្លះនៅកម្ពុជា៖ និល ទៀង
ព្រះវិហារ webblog ខែ ឧសភា 21, 2008
Posted by សុភ័ក្ត្រ in ពីនេះពីនោះ, អំពីសុភ័ក្ត្រ, អំពីស្រុកខ្មែរ.3 comments
ប្រិយមិត្រជាទីស្នេហា! ដោយនឹកឃើញគុណបុណ្យដូនតាខ្មែរបន្សល់ជាមត៌កជូនជាតិមាតុភូមិមកទល់សព្វថ្ងៃនេះ ប្រាសាទព្រះវិហារកំពុងត្រូវបានចុះឈ្មោះជាបេតិកភ័ណ្ឌមត៌កពិភពលោក។ ប្រវត្តិជូរចត់របស់ប្រាសាទនេះមានតាំងពីអតីត និងរហូតមកដល់សព្វថ្ងៃ ដែលពួកមារ កំពុងតាមលងជារៀងរាល់ថ្ងៃ។ ដើម្បីជាប្រវត្តិស្នាដៃដូនតា ខ្ញុំ ព្រឹកនេះបានបង្កើត ប្លក់ថ្មីមួយទៀតហើយ គឺ www.preahvihear.wordpress.com (កំណត់ហេតុព្រះវិហារ – មត៌កជាតិខ្មែរ)។ ប្លក់នេះ នឹងដាក់ជាព័ត៌មានផ្សេងៗ ទាំងភាសាខ្មែរ អង់គ្លេស ឬថៃ ដែលនិយាយទាក់ទងចំពោះប្រាសាទព្រះវិហារ ដ៏ល្បីល្បាញនៃដូនតាខ្មែរយើង។
សូមលោកអ្នកនាងជួយគាំទ្របន្តទៀត។ សូមអរគុណ!
Indochina in 2050 – a fantasy ខែ ឧសភា 20, 2008
Posted by សុភ័ក្ត្រ in នយោបាយ, ប្រវត្តិសាស្ត្រ, ពីនេះពីនោះ, អំពីស្រុកខ្មែរ.17 comments
កំពុងតែស្រាវជ្រាវក្នុងហ្កលហ្កូលអំពីផែនទីចុះផែនទីឡើង ស្រាប់តែប្រទះវេបត៍មួយ ដែលជាប្លក់របស់ជនជាតិវៀតណាម។ ក្ដីស្រមើស្រម៉ៃរបស់ម្នាក់នេះសម្បើមដល់កណាស់ រយៈពេល៤០ឆ្នាំខាងមុខនេះ គេមើលឃើញអស្ចារ្យ។ គេក៏បានដាក់ដែរថា “ I just invented all those ridiculous stuff in a melancholic night. Of course I believe that you don’t take it seriously… 
” នៅក្នុងសេចក្ដីសន្និដ្ឋានរបស់គេ។
តែម្យ៉ាងបស់គាត់ដែរ គំនិតរវើរវាយបែបឡប់សតិនេះ មិនគួរមើលស្រាលទេ!
បើកអានអត្ថបទដ៏អស្ចារ្យរបស់លោកជាភាសាអង់គ្លេស៖ http://trystnguyen.blogspot.com/2007/12/indochina-in-2050-fantasy.html
វិសាខបូជា ព.ស.២៥៥២ ខែ ឧសភា 18, 2008
Posted by សុភ័ក្ត្រ in ពីនេះពីនោះ, អំពីស្រុកខ្មែរ.4 comments
ពិសាខបូជា ឬវិសាខបូជា (អានថា _ ខៈបូជា) ន. (បា. វិសាខ + បូជា) ឈ្មោះពិធីបុណ្យ ឬការធ្វើសក្ការបូជាក្នុងថ្ងៃពេញបូណ៌មីខែពិសាខ ជាថ្ងៃដែលព្រះសក្យមុនីសម្មាសម្ពុទ្ធទ្រង់ប្រសូត, ទ្រង់បានបរមាភិសម្ពោធិ, ទ្រង់រលត់ខន្ធចូលកាន់បរិនិព្វាន, ធ្វើរំឭកដល់ព្រះគុណរបស់ព្រះអង្គ, ជាការបូជាពិសេសមួយយ៉ាង សម្រាប់ពុទ្ធសាសនិកជនទាំងបព្វជិតទាំងគ្រហស្ថនាំគ្នាធ្វើរាល់ឆ្នាំ, រាប់ថាជាបុណ្យសម្រាប់ពុទ្ធសាសនាៈ ថ្ងៃពិសាខបូជា, ធ្វើពិសាខបូជា។ (វ. ខ្មែរ ទំព័រ ៧៥៩)
ឆ្នាំនេះវិសាខបូជា ត្រូវនឹងថ្ងៃច័ន្ទ ទី១៩ ខែឧសភា ឆ្នាំ២០០៨
អានអត្ថបទបន្ថែមកន្លងទៅដែលបានដាក់ផ្សាយ៖
១. ប្រវត្តិវិសាខបូជា
២. ថ្ងៃវិសាខបូជានៅភ្នំព្រះរាជទ្រព្យ
៣. វិសាខបូជានៅភ្នំពេញ
៤. សិក្សា៖ ឆ្នាំនេះ ថៃ និងខ្មែរ ធ្វើបុណ្យមាឃបូជា និងវិសាខបូជា ខុសថ្ងៃគ្នា
៥. វិសាខបូជា ព.ស.២៥៥៣
មកដល់ស្រុកខ្មែរវិញ ខែ ឧសភា 18, 2008
Posted by សុភ័ក្ត្រ in ពីនេះពីនោះ, អំពីសុភ័ក្ត្រ.3 comments
ខ្ញុំមកដល់ស្រុកយើងវិញហើយ ហត់ចង់ស្លាប់ មកដល់ម៉ោងជិត៩យប់។ គិតៗទៅស្រុកយើងមានរឿងប្លែកៗច្រើនណាស់។ រង្វង់មូលប៉ោយប៉ែត មិនដឹងជាថ្ងៃណាខែណាឆ្នាំណា បានគេធ្វើទេ។ មហាសែនគគ្រិច មើលទៅគួរខ្មាស់ញាតិជិតខាងណាស់ ចឹងតើហ៍បានជាគេមើលងាយមិនចេះខុស។ ណាស់ហើយ! កុំខឹងគេ ធ្វើម្ដេចយើងវាចឹងហើយ តពូជពង្សអង្គរកេរម្រ៉ាយចែកមកចឹង ទទួលទ្រាំទៅ! sic
មានរឿងរ៉ាវច្រើនណាស់ ចាំមកអានផង!
Arrive City of Angel ខែ ឧសភា 17, 2008
Posted by សុភ័ក្ត្រ in ภาษาไทย, ពីនេះពីនោះ, អំពីសុភ័ក្ត្រ.2 comments
hi,. i just arrived Krung Tep (Bangkok) this morning,.. terribly tired and have a big sleep after landing lol,.
will go shoping soon,. wow!!! exiting shoping here before back home tomorrow!
