លទ្ធផលប្រឡងក្រសួងការបរទេស ខែ មិថុនា 12, 2008
Posted by សុភ័ក្ត្រ in ពីនេះពីនោះ, អំពីសុភ័ក្ត្រ, អំពីស្រុកខ្មែរ.trackback
តាំងពីថ្ងៃសម្ភាសមកដល់ថ្ងៃនេះស្ងាត់ឲ្យឈឹងអត់ឃើញខាងក្រសួងតេរេសាប់មកសោះ (កាលពីជាប់លើកទី១ ខាងក្រសួងទូរស័ព្ទមកឲ្យទៅមើលឈ្មោះលទ្ធផលប្រឡងលើកទី១) ឯងសង្ស័យតែធ្លាក់គ្ឌុកបាត់ទៅហើយ បើជាប់ម្ល៉េះសមខាងក្រសួងទូរស័ព្ទមកប្រាប់ដូចលើកមុនហើយ។ ឯម្យ៉ាងឯងគ្មានលុយសូកអីនឹងគេហង ឮថា៣, ៤ពាន់ដូឡាអ៊ុយអេសឯណោះ។
ល្ងាចនេះចេញពីធ្វើការក៏នឹកឃើញជិះកាត់ក៏ឆៀងទៅក្រសួងសួរគេមើលក្រែងលោហ៍គេចេញឈ្មោះហើយដឹង ធ្លាក់ក៏ដោយក៏គួរដឹងដែរ ឲ្យវាអស់ចិត្ត។
មកដល់ក្រសួងបុគ្គលិកគេចាប់ផ្ដើមចេញពីធ្វើការអស់ទៅហើយ មេឃវាភ្លៀងរលឹម និងម៉ោង៥កន្លះទៅហើយ។ ក៏សួរអ្នកយាម:
– “ បងៗលទ្ធផលប្រឡងលើកទី២ចេញហើយឬនៅ?”
– “ អូ! ចេញយូរហើយតើហ៍ ងាប់ហើយ នួកទៅមើលនៅក្ដាខៀននោះមើល៍” (លទ្ធផលគេចេញតាំងពីថ្ងៃសុក្រ ទី០៦ មិថុនា សប្ដាហ៍មុនឯណោះ)។ ថាហើយគាត់ក៏នាំខ្ញុំទៅមើលនៅក្ដារខៀនដែលនៅក្រលៀតបន្ទប់មួយ (ព្រោះគេយកចូលពេលយប់ម៉ោងធ្វើការ)។ ដើរបណ្ដើរខ្ញុំគិតបណ្ដើរ យីស!សង្ស័យអានេះជាលទ្ធផលកាលពីលើកមុនទេដឹង? អ្នកយាមនេះច្រឡំទេដឹង?
ដើរមកដល់ខំមើលក្រដាសគេឲ្យច្បាស់ជាលទ្ធផលលើកក្រោយនេះ ឬពីលើកមុន។ តាមពិតគឺលទ្ធផលចុងក្រោយមែន។ លោកអ្នកដឹងទេ? លទ្ធផលគឺ៖ “ ខ្ញុំជាប់ហើយ” ព្រមទាំងជាប់ចំណាត់ថ្នាក់លេខ២ទៀតផងក្នុងចំណោម២០នាក់។ ខ្ញុំសឹងតែមិនជឿភ្នែកខ្លួនឯងសោះ។ ខ្ញុំខំមើលហើយមើលទៀតឲ្យវាប្រាកដ និងមើលប្រកាសមួយទៀតដែលគេបិទក្បែរនោះឲ្យអ្នកជាប់ទាំងអស់មកបង្ហាញខ្លួនមុនថ្ងៃទី២០ មិថុនានេះ។ ខ្ញុំមិននឹកស្មានថាខ្លួនជាប់ទេ ព្រោះម្នាក់ៗ ទាំងមិត្រខាងក្រៅ ទាំងមិត្រនៅតាមប្លក់នេះ ម្នាក់ៗនាំគ្នានិយាយពីរឿងសូកលុយសូកប្រាក់ ទើបបានជាប់ ឯខ្ញុំនេះបើមិនបានស៊ីស៊ួសអីគេផងរឿងអីមានមុខទៅមើលឈ្មោះទៅ? តាមពិតនោះខ្ញុំចេះតែទៅប្រឡងឲ្យដឹងវិញ្ញាសារប៉ុណ្ណោះឯង តែនៅពេលដែលឃើញឈ្មោះខ្លួនឯងជាប់យ៉ាងនេះក៏រកនឹកនិយាយអីមិនត្រូវ។
នេះជាលើកទី៣ហើយដែលខ្ញុំបានប្រឡងជាប់មន្ត្រីរាជការ។ កាលពីលើកទី១នោះជាប់ជាគ្រូភាសាអង់គ្លេស និងបង្រៀននៅវិទ្យាល័យព្រែកឯង ឯលើកទី២ជាប់ជាមន្ត្រីក្រសួងព័ត៌មាន និងធ្វើការនៅទទក បន្ទាប់មកខ្ញុំបានបោះបង់ចោលទាំងពីរ។ ឯលើកនេះទៀតសោតខ្ញុំមិនដឹងជាគិតយ៉ាងមិចដែរទេ ព្រោះមិនដឹងជាខ្ញុំត្រូវស៊ីអត់ស៊ីឃ្លានជាមួយប្រាក់ខែរដ្ឋយ៉ាងណា បើធ្លាប់តែហ៊ឺហារគួរសមជាមួយប្រាក់ខែអង្គការដែលខ្ញុំទទួលបានរាល់ខែនេះ។ យ៉ាងណាៗ ថ្ងៃស្អែកក៏ត្រូវទៅបង្ហាញឈ្មោះ និងយករូបថតឲ្យក្រសួងសិនដែរ ចាំគិតក្រោយទៀត។
ថ្ងៃនេះអាចចាត់ទុកថាហេងក៏បានដែរ ដោយព្រឹកនេះក៏បានឈ្នះទឹកប្រាក់បូនើស ពីក្រុមហ៊ុនហេឡឡូ០១៦ ចំនួន៥០ដុល្លារទៀតផង។ 
ជយោ!
———————————————————
អានប្រកាសទាក់ទង៖
១. អស្ចារ្យណាស់ស្រុកខ្ញុំ
២. ប្រឡងក្រសួងការបរទេស
៣. សម្ភាសក្រសួងការបរទេស
៤. អវសានក្រសួងការបរទេស
គេហទំព័រក្រសួងការបរទេស៖ www.mfaic.gov.kh
[...] អានព័ត៌មានទាក់ទង៖ ប្រឡងក្រសួងការបរទេស , លទ្ធផលប្រឡងក្រសួងការបរទេស [...]
[...] អានព័ត៌មានទាក់ទង៖ សម្ភាសក្រសួងការបរទេស , លទ្ធផលប្រឡងក្រសួងការបរទេស [...]
អបអរផង!
ពូកែណាស់ណ៎លោកគ្រូ! 
គ្រូគ្រោងស្អី យីសយ៉ាប់មែនកូនក្មេងនេះ!
ការពិតទៅ ពីមុន, ពេលដែលខ្ញុំនៅរៀនថ្នាក់ទី ៧, ៨, នៅសាលារដ្ឋ, ពិន្ទុប្រឡងអង់គ្លេសរបស់ខ្ញុំគឺតែងតែនៅលើគេជានិច្ច, ខ្ញុំគិតថាវាជាសមត្ថភាព ព្រោះគ្មានគួរអង់គ្លេស ទើបខ្ញុំចង់ក្លាយជាគ្រូភាសាអង់គ្លេសម្នាក់… ក្រោយមក, ពេលដែលខ្ញុំប្ដូរមករៀនសាលាឯកជន, ថ្វីត្បិតតែវាលែងលោតដល់ថ្នាក់លើសគេ, តែក៏នៅតែកៀកគេដែរ, ចំណែកនៅសាលារៀនក្រៅម៉ោងវិញ, បើរៀនមិនបាន A+ ទេ, កុំហៅឈ្មោះខ្ញុំ, បើមិនបាន A+ ទេ, ខ្ញុំមិនមែនឈ្មោះរចនាទេ… តែអ្វីៗវាមិនទៀង, ពេលនេះខ្ញុំទទួលអាហារូបករណ៍ដែលមិនស្ថិតក្នុងមុខវិជ្ជាអង់គ្លេស, មិនបានរៀននៅ IFL ដូចដែលប៉ង… អ្វីៗប្រែប្រួល, ក្ដីស្រមៃខ្ញុំក៏ដូចគ្នា!
ពេលនេះ ខ្ញុំផ្អាកអង់គ្លេសព្រោះត្រូវប្រឡងបាក់, នឹកគ្រូ, នឹកថ្នាក់! ខ្ញុំពិតជាចង់ចូលរៀនវិញណាស់! ខាននិយាយអង់គ្លេសយូរហើយ, ស្ទើរតែភ្លេចអស់ទៅហើយ!
គ្រូមែន? យ៉ាងណាសូមចូលរួមអបអរសុភ័ក្ត្រនិងបេក្ខជន/នារី ទាំងអស់ដែលបានជាប់។ តាមពិតខ្ញុំធ្លាប់ខមិនថ៍ថាមិត្តភក្ត្រខ្ញុំច្រើននាក់ដែរដែលធ្លាប់បានប្រឡងជាប់ដោយមិនសូកលុយអ្វីទេ។ កុំភ្លេចជប់លៀងក្នុងប្លក់ផង!
this is a good message. Corruption is not exist for ever body and not all places. Hope it happens in every government institution in Cambodia
Good job,Sopheak.
Congrat.
គ្រាន់បើមែនល្បងភក្ត្រ! សូមអបអរសាទរ!
ពិតជាអស្ចារ្យមែនល្បងភាក់, សូមអបអរសាទរ! តែកុំភ្លេចបង់កេណា?
ចាំខ្ញុំចេញអាបេឆេ ម៉ាកេសចុះ, អូខេ? បើដឹងថាខ្លួនរវល់មិនអាចធ្វើការបានហើយហេតុអីទៅ ប្រលងធ្វើបាបអ្នកដែលគេចង់ធ្វើការ ធើអី? បើល្បងភាក់ឯងរវល់ការងារអង្គការ
ហើយចង់បានការងាររដ្ឋនោះ ទៅចុះឈ្មោះប្រលងចូលទាហានវិញល្អជាង
ប៉ូលីសក៏បាន…..
និយាយដូចអត់និយាយ!
អត់យល់, ស្អីគេទៅ និយាយដូចអត់និយាយ!
Bravo!!
Congratulations, Ta Pheak. So proud of you!
ពូកែមែនទែនតាភាក់។ បានដល់ទៅលេខ២ទៀត!
ថ្ងៃណាទំនេរ គិតទៅស៊ីស៊ុបចេញម្ដង ដើម្បីអបអរលោកភាក់ឯង ហេងពីរបីជាន់ម៉ាថ្ងៃ។
ហាហា ចុះមានទៅឆ្អី! លោកក្បឿនឯងចេញលុយទៅ !ឡ!
អ្នកនៅខាងលើលោកបឿនឯងចេញក៏បានដែរ តែតឹងតិចម្នាក់ហ្នឹង! (ថាកុំឲ្យគាត់ឮក្រែងគាត់មោវិញ)
congratulation too!
ជួយអបអរសាទរផង!!!
ទ្រាំធ្វើទៅបង ក្រែងបានជួយកែប្រែអ្វី ដែលបងធ្លាប់មិនពេញចិត្ត។
ពិតមែនហើយបង!
មុខលោកភក្ត្រ័នេះ ការ៉ង់ទីអោយ៣ខែនឹង មិនដឹងជាយ៉ាងម៉េចផង!
កុំថាឡើយទៅតស៊ូកែប្រែស្អីនោះ!
M not discouraging you but i believe it’s not so different from your previous job, be ready to have no salary for about one year. that’s our government policy.
be ready to look for part time job if u serious to work there.
[...] ប្រឡងជាប់នៅក្រសួងការបរទេស និង… [...]