អេសអ៊ឹមអេសច្របល់ស្រុកខ្មែរ ខែ កក្កដា 24, 2008
Posted by សុភ័ក្ត្រ in ពីនេះពីនោះ, អំពីស្រុកខ្មែរ.trackback
ដំណឹងអកុសលកាលពីល្ងាចម្សិលមិញនេះ បានបោះតគ្នាពីមួយទៅមួយតាមរយៈសារអេសអ៊ឹមអេស ថាមានការពើបប្រយុទ្ធគ្នាហើយរវាងកងទ័ពកម្ពុជា និងកងទ័ពថៃ។
ក្រោយពីទទួលបានដំណឹងនេះភ្លាម ម្នាក់ៗនៅក្នុងកន្លែងធ្វើការរបស់ខ្ញុំនាំគ្នាជ្រួលច្របល់ លែងមានអារម្មណ៍ធ្វើការ ឯអ្នកដែលជាប់ត្រេននីងក៏ឈប់អស់ទាំងគ្រូទាំងសិស្ស នាំគ្នាចេញមកក្រៅនិយាយគ្នាអេចអូចៗ ឯខ្ញុំឯណេះបើកវេបសៃត៍មើលតាមរកប្រភពគ្រប់ទាំងអស់ ឃើញថាគ្មានព័ត៌មានដូចដែលបានផ្ញើបន្តគ្នានេះទេ។
មិនអស់ចិត្តទូរស័ព្ទសួរបណ្ដាញអ្នកកាសែត ទាំងនៅភ្នំពេញនិងនៅព្រះវិហារ ទើបទទួលបានព័ត៌មានច្បាស់ការថាជាការមិនពិតទេ ក៏ទើបអស់ចិត្តនឹងរាងធូរចិត្តបន្តិចមកវិញ។
ខ្ញុំមិនដឹងថាជាល្បិចនរណា មានបំណងអ្វីឲ្យពិតប្រាកដទេ ក្នុងការនាំគ្នាផ្ញើសារមិនពិតពាសពេញស្រុកយ៉ាងដូចនេះ។ ខ្ញុំសូមសំណូមពរអ្នកទាំងអស់គ្នាមុននឹងផ្ញើសារបន្តគ្នាសូមពិចារណាសិន និងរកប្រភពព័ត៌មានពិតប្រាកដសិន មុននឹងផ្ញើបន្តទៅអ្នកទីបីនោះ។ ការដែលយើងផ្ញើបន្តដោយល្ងិតល្ងង់នោះ វាមិនបានជួយអ្វីដល់ស្រុកយើងទេ ថែមទាំងអាចបំផ្លាញស្រុកយើងទៀតផង។ សូមកុំភ្លេចព្រឹត្តិការណ៍ដុតស្ថានទូតថៃពីឆ្នាំ២០០៣ឲ្យសោះ។
សូមលោកអ្នកជឿជាក់លើស្នាដៃរដ្ឋាភិបាល និងបួងសួងកុំឲ្យមានព្រឹត្តិការណ៍ឈានទៅរកការប្រយុទ្ធគ្នាឲ្យសោះ យើងនឹងរកវិធីគ្រប់បែបយ៉ាងតាមរយៈច្បាប់អន្តរជាតិ និងការទូត ដើម្បីយកឈ្នះសត្រូវជូនជាតិមាតុភូមិម្ដងទៀតជាមិនខាន នៅពេលនោះហើយដែលប្រទេសនោះ នឹងត្រូវរងអាម៉ាសបាក់មុខមិនរួច និងត្រូវទទួលរងបណ្ដាសារ រលាយហិនហោចជាក់ជាមិនខាននាពេលឆាប់ៗខាងមុខនេះ៕
ខ្ញុំបានមួយនឹងគដែរ!
I did not get such a crazy message….How lucky I was……
ខ្ញុំសូមគាំទ្រ។
តែសូមសួរមួយ ថាការធ្វើពហិការទំនិញថៃមានផលចំណេចនិងការបះពាល់អីខ្លះដល់សេដ្ឋកិច្ចខ្មែរ?
even in US got one too. i think Khmer arround the globe will get it like me.
សៀមផុងខ្លួនជ្រៅពីមហិច្ជតាលោភលន់របស់ខ្លួន
ការរំលោភលើបូរណៈភាពដែនដីរបស់ខ្មែរ ពីសំណាក់សៀមដោយខុសច្បាប់ និងប្រើកងយោធាសៀមក្នុងគោលបំណងធ្វើអោយខ្មែរខឹង ដែលអាចនឹង បង្ករជម្លោះនៅតាមព្រំដែខ្មែរ-សៀម ប៉ុន្តែគោលបំណងនោះត្រូវបានបរាជ័យ។ ការផ្គើនរបស់សៀម និងចាក់ចំណុចរសើចរបស់ខ្មែរ ដែលសៀមបានទទួល បទពិសោធន៍លើខ្មែរកាលពីឆ្នាំ២០០៣លើរឿងពាក្យចរចាមរាមនៃប្រាសាទ អង្គរវត្ត ដែលេកើតចេញពីបណ្តាញផ្សព្វផ្សាយសៀមថា តារាឯកស្រីនាង ផ្កាយព្រឹក បាននិយាយថាប្រាសាទអង្គរវត្តជារបស់សៀមនោះ ត្រូវទទួល បរាជ័យនៅពេលនេះ។ ពាក្យចរចាមរាមនោះ បានធ្វើអោយប្រជាជនខ្មែរខឹង យ៉ាងខ្លាំង ដោយប្រើកំហឹងដោះស្រាយ និងរំសាយកំហឹងដែលនាំប្រទេស ជាតិខាតប្រយោជន៍យ៉ាងច្រើននិងអន្តរជាតិវាយតំលៃមិនល្អចំពោះ ជាតិសាសន៍ខ្មែរយើង។ ដោយសារតែដានស្រមោល និងភាពឆាប់រសើប និងចំណុចខ្សោយ របស់ខ្មែរឆាប់ខឹងនោះ បានធ្វើអោយសៀមចាប់ចំណុច ខ្សោយខ្មែរ បាន ហើយចង់ប្រើប្រាស់បទពិសោធន៍នេះម្តងទៀតមកលើខ្មែរ ដែលធ្វើយ៉ាងណាអោយខ្មែរខឹងផ្ទុះ អាវុធមុន ហើយសៀមនឹងយកលេសនេះ ទៅជាការការពារខ្លួនវាយបកមកវិញ ដែលហេតុការណ៏នេះអាចបំភាន់ អន្តរជាតិថាខ្មែរយើងខុស ហើយសន្មត់ថាជាតិខ្មែរចូលចិត្តប្រើហឹង្សា ដោះស្រាយជំលោះ និងអាចខូចខាតដល់ប្រាង្គប្រាសាទព្រះវិហារទៀតផង។ ចូលខ្មែរទាំងអស់រួមសាមគ្គីគ្នា អត់ធ្មត់ និងរួមគ្នាការពារទឹកដីមាតុភូមិអង្គរ របស់ខ្មែរយើង។ បើសិនជាមានសង្រ្គាមកើតឡើងពីការឈ្លានពានរបស់សៀម មកលើខ្មែរ ហើយខ្វះខាតកងទ័ព ខុំ្ញសុខចិត្តចូលបំរើកងទ័ពដើម្បីការពារមាតុ ភូមិ បូរណភាពទឹកដីអង្គរ។