អវសានក្រសួងការបរទេស ខែ សីហា 19, 2008
Posted by សុភ័ក្ត្រ in អំពីសុភ័ក្ត្រ.trackback
ព្រឹកមិញនេះខ្ញុំចេញស្ថានទូតថៃដើម្បីទៅធ្វើទិដ្ឋាការចេញទៅសិក្សា បន្ទាប់មកខ្ញុំចេញទៅក្រសួងការបរទេស។ មើលទៅខ្ញុំមិនទំនងជាអាចសុំព្យួរបានទេ។ អ្វីៗទាំងអស់ហាក់ដូចជាបង្ខំខ្ញុំដើម្បីទាត់ចោលក្របខណ្ឌក្រសួងការបរទេសដែលម្នាក់ៗខំសូកលុយដើម្បីបានចូលធ្វើការនៅទីនោះទៅវិញ។
ការងារច្រើនអនេកនៅកន្លែងសព្វថ្ងៃ និងដើម្បីតាំងចិត្តចាប់យកអ្វីមួយឲ្យប្រាកដសម្រាប់ខ្លួន ខ្ញុំត្រូវចាំបាច់ហ៊ាននិយាយ និងហ៊ានធ្វើថាខ្ញុំសុំឈប់។ សួរថាខ្ញុំស្ដាយនិងក្របខណ្ឌក្រសួងដែលទើបប្រឡងជាប់ មិនទាំងទាន់បានធ្វើការក្ដៅគូថនេះដែរឬទេ? ចម្លើយ! ពិតជា “ បាទ” ខ្ញុំស្ដាយ។
ថ្ងៃនេះខ្ញុំទៅក្រសួងទាំងពេលព្រឹក និងពេលថ្ងៃត្រង់ដើម្បីបំពេញពាក្យសុំឈប់តាមផ្លូវការ ដែលមានអ្នកខ្លះតាមចំអកឲ្យថា ចាំបាច់ធ្វើប្រតូកូបែបនេះធ្វើអ្វី នាំតែគេកេងចំណេញឈ្មោះ ដាក់លក់បានលុយឥតអំពើ, ចង់ឈប់ម៉េចមិនឈប់ម្ដងទៅ ធ្វើឯងថ្លៃថ្នូរអី ទៅចាំបាច់ខ្វល់អី លៃលកស៊ីសស៊ុះតាមក្រោមទុក ឲ្យលុយគេខ្លះទៅនឹងបានសល់ឈ្មោះមកវិញបានធ្វើការ។ និយាយដោយស្មោះចុះ ខ្ញុំថាជាមនុស្សម៉ឺសៗ ក៏ថាបាន មិនសូវចេះនិយាយ និងធ្វើរឿងយ៉ាងនេះសោះ ម្យ៉ាងខ្ញុំហាក់ធុញ និងខ្ជិលសម្បើមណាស់។
ណាស់ហ្អើយ! កុំឲ្យថោកតាំងខ្លួនជាមនុស្សលោក ធ្វើតាមច្បាប់គេឲ្យចប់ចុងចប់ដើមទៅ ម្ល៉េះយើងបានធូរទ្រូងមិនចាំបាច់លួចចេញចូលៗពីកន្លែងមួយទៅកន្លែងមួយដូចសព្វថ្ងៃនេះថ្វី។ បើវាសនាកំណត់ថាយើងបានធ្វើការនៅទីនោះមែន ខ្ញុំថាមិនរួចផុតពីកណ្ដាប់ដៃខ្ញុំទេ តែបើទេវតាថាទេហើយ ទ្រាំទទួលយកទៅចុះ។
ឱ! ក្រសួងការបរទេសអើយ បើមានវាសនាមែនខ្ញុំនឹងបានទៅជួបអ្នកម្ដងទៀត បំពេញការងារឲ្យអ្នកជាមិនខានទេ៕
អានប្រកាសទាក់ទង៖
១. អស្ចារ្យណាស់ស្រុកខ្ញុំ
២. ប្រឡងក្រសួងការបរទេស
៣. សម្ភាសក្រសួងការបរទេស
៤. លទ្ធផលប្រឡងក្រសួងការបរទេស
[...] _____________________________________________________ អានប្រកាសទាក់ទង៖ ១. អស្ចារ្យណាស់ស្រុកខ្ញុំ ២. ប្រឡងក្រសួងការបរទេស ៣. លទ្ធផលប្រឡងក្រសួងការបរទេស ៤. អវសានក្រសួងការបរទេស [...]
ចំណងជើងស្មានតែក្រសួងស្លាប់!
ខ្ញុំគាំទ្រ បើម្នាក់ៗគិតតែពីរឿងខ្លាចគេចំណេញបែបនេះ នោះថ្ងៃអនាគតប្រទេសយើងនឹងមានតែមារយាទបែបនេះរហូត កាលណាច្បាប់មានសុពលភាព នោះខ្មែរជំនាន់ក្រោយនិងរីកចំរើនមិនខាន។ កំអែលពួកអ្នកពុករលួយលក់ឈ្មោះអ្នកធ្វើការនោះ ខ្ញុំដឹងតាំងពីសម័យរដ្ឋកម្ពុជាមកម្លេះ។ តែអយុត្តិធម៌ណាស់សំរាប់អ្នកមានចំណេះតែមិនមានប្រាក់ទិញកៅអីសំរាប់អង្គុយធ្វើការ ទោះបីជាប្រាក់ខែមិនគ្រប់និង ការចំណាយផ្ទាល់ខ្លួនមួយខែផង ក៏នៅមានមនុស្សទិញតំណែងដល់ទៅរាប់ពាន់ដុល្លា។
កាលខ្ញុំទៅស្រុកខ្មែរឆ្នាំមុនលឺតាមគេមកថា ចូលធ្វើអ្នកបោសសំរាមនៅរដ្ឋសភា ក៏សូកលុយដែរ។ ណ្ហើយអោយពួកនិងស្លាប់អស់សិនចុះចាំគិតទៀត អាឡូវធ្វើអីក៏មិនបានដែរ។
នៅស្រុកខ្មែរសព្វថ្ងៃ គេលែងភ្ញាក់ផ្អើលទៅហើយ ជាពិសេសបងប្អូនខ្មែរយើងនៅស្រុកខ្មែរ នៅពេលចង់ធ្វើការកន្លែងណាមួយគឺត្រូវតែស៊កឯលិច ស៊កឯកើត ដើម្បីបានការធ្វើ។ បើសិនជាគ្មានខ្សែរយៈ ឬ ក្រដាសពណ៌បៃតងទេ កុំសង្ឃឹមឲ្យសោះនៅស្រុកខ្មែរ អំពើពុករលួយ វាជាធម្មតាទៅហើយ!
A difficult decision, but there are priorities in life. good luck!
ពិតជាត្រឹមត្រូវណាស់សុភ័ក្រ្តខ្ញុំគាំទ្រ
បាទខ្ញុំគ្រាំទ្រដែរតែការពិតទៅទៀតនោះបើគ្មានអ្នកស៊កក៏គ្មានស៊ីដែរ
ជាកូនខ្មែរត្រូវតែកែលំអរទាំងអស់គ្នា
Congratulation! This is a really motivating hero committing self sacrifice for the cause of anti-corruption and bribery. What an applauding act!
ចូលរួមសោកស្តាយផងកាភាក់អើយ ធ្វើម៉េចវាសនាយើងវាតម្រូវឲ្យទៅជាយ៉ាងហ្នឹង!
គួរឲ្យអាណិតណាស់។ មានវាសនាគង់តែជួប!