ចង់ធ្វើនាយករដ្ឋមន្ត្រីយ៉ាងក្ដៅក្ដិត ខែ កញ្ញា 11, 2008
Posted by សុភ័ក្ត្រ in ภาษาไทย, នយោបាយ, ពីនេះពីនោះ.trackback
សភាពការណ៍ស្រុកថៃពីមួយថ្ងៃទៅមួយថ្ងៃកាន់តែធ្ងន់ធ្ងរទៅៗ នាយករដ្ឋមន្ត្រីស្ម័គ្រ ត្រូវបានតុលាការបញ្ជាឲ្យចាកចេញពីតំណែងពីព្រោះបានទៅធ្វើចុងភៅទូរទស្សន៍ មើលទៅគួរឲ្យអស់សំណើចយ៉ាងខ្លាំងដែលអ្នកដឹកនាំស្រុកស៊ីវីល័យមួយនេះនាំគ្នាលេងបាយឡុកបាយឡប្រជាធិបតេយ្យដូចលេងបិទពួន។
ស្រុកថៃមកដល់ម៉ោងនេះត្រូវអត់មាននាយករដ្ឋមន្ត្រីដឹកនាំស្រុក ដឹកនាំប្រទេស។ ប្រជាជនបែកខ្ញែកជាបក្ខជាពួក មានលឿងមានក្រហមពេញទាំងស្រុកទេស មើលទៅគួរឲ្យអណោចអធមជាខ្លាំង។
ចំណែកឯលោកម្នាក់នោះឈ្មោះ អភិសិទ្ធិ វេជ្ជាជីវៈ ប្រធានគណបក្សម៉ែឪជំទាស់ថៃបានតាំងខ្លួនចង់ធ្វើនាយករដ្ឋមន្ត្រីស្រុកនេះ (ចង់ធ្វើយូរណាស់មកហើយ តែវាមិនបាន ព្រោះគ្មានមនុស្សបោះឆ្នោតឲ្យ) លើកនេះឆ្លៀតឱកាសលោកស្ម័គ្រធ្លាក់ទឹក លោកម្នាក់នេះមោចេញស្ដែងឲ្យឃើញពីមហិច្ឆិតាចង់ធ្វើប្រធានប្រទេសនេះយ៉ាងឥតខ្មាស់ឥតអៀនអីសោះឡើយ ខណៈដែលគណបក្សរបស់ខ្លួនមានសំឡេងតិចជាងគេនោះផងទៀត។
“ ខ្ញុំត្រៀមខ្លួនធ្វើជានាយករដ្ឋមន្ត្រីរួចហើយ!” លោកអភិសិទ្ធិ វេជ្ជាជីវៈ ឆ្លើយជាមួយអ្នកកាសែត នៅពេលដែលពួកកាសែតបានសាកសួរ។
ចម្លើយរបស់លោកប្រធានបក្សប្រឆាំងថៃរូបនេះ ត្រូវបានគេមើលឃើញជាទូទៅថា លោកនេះចេះឆ្លើយទៅកើតមិនខ្មាស់គេសោះ។ ឱ! អត្មាអញអើយ កៅអីនាយករដ្ឋមន្ត្រីហ្នឹងវាស្រួលណាស់ទៅហ្អី លោក អភិសិទ្ធិ ហេតុអីបានជាចង់អីក៏ចង់ម៉េះ? មើលចុះលោកនេះចង់ធ្វើនុះឡើងក្ដៅក្ដិតទៅហើយ។ Sic
ខ្ញុំថា លោកឯងនេះគ្មានថ្ងៃណាបានធ្វើជានាយករដ្ឋមន្ត្រីទេណា! ដេកយល់សប្តិទៅ! ចាំមើលថ្ងៃសុក្រនេះទៅមើល (ស្អែកនេះ សភាថៃនឹងបោះឆ្នោតរើសនាយករដ្ឋមន្ត្រីថ្មី) អ្នកណាដែលមានវាសនាធ្វើជានាយករដ្ឋមន្ត្រីឲ្យពិតប្រាកដ នឹងបានឃើញសឃើញខ្មៅ។ សង្ឃឹមថាលោកស្ម័គ្រ នឹងទទួលបានការជ្រើសរើសជាថ្មីឡើងវិញដើម្បីដោះស្រាយបញ្ហាប្រទេសនេះ និងដើម្បីបំបាក់មុខលោកស្អីគេនោះឲ្យបាក់មុខម្ដង។
ស៊ូៗ លោកនាយកស្ម័គ្រ!!!
_______________________________________________________
អានប្រកាសទាក់ទង៖
១. ប្រជាធិបតេយ្យមួយលើផ្លូវដ៏រខេករខាក
២. នរណាជាអភិសិទ្ធិ វេជ្ជាជីវៈ?
៣. ស្ម័គ្រ សុន្ទរវេជ នាយករដ្ឋមន្ត្រីថៃទី២៥
៤. ស.៣ ជើងខ្លាំងស្រុកថៃ តើនរណាមួយនឹងក្លាយជានាយករដ្ឋមន្ត្រីថៃ?
៥. បក្ខប្រឆាំងដើរប្រមូលគេឯងបង្កើតរដ្ឋាភិបាល
៦. ថៃរកឃើញនាយករដ្ឋមន្ត្រីថ្មី
[...] ———————————————————- អត្ថបទទាក់ទង៖ ០. វីគីភីឌាភាសាខ្មែរ ១. គេហទំព័រអភិសិទ្ធិ ២. ថ្ងៃនេះទី០២ ខែកក្កដា ឆ្នាំ២០០៨ ៣. រឿងរ៉ាវកាន់តែវែងឆ្ងាយ ពួកថៃថ្លើមធំនាំគ្នាបាតុកម្មបន្ថែមរឿងទាមទារខេត្តមួយចំនួនដែលខ្លួនធ្លាប់គ្រប់គ្រងពីខ្មែរវិញ ៤. ប្រជាធិបតេយ្យមួយលើផ្លូវដ៏រខេករខាក ៥. ចង់ធ្វើនាយករដ្ឋមន្ត្រីយ៉ាងក្ដ… [...]
យ៉ាងហោចណាស់ ក៏ប្រទេសនេះមានលទ្ធិប្រជាធិបតេយ្យ ហើយប្រព័ន្ធតុលាការក៏មានភាពឯករាជ្យផងដែរ។ បានន័យថា គេយកច្បាប់មកអនុវត្ត មិនមែនយកអំណាចមកអនុវត្តដូចស្រុកខ្មែរទេ!
មិនចៀសមែនថាខ្ញុំកាន់ជើងទាញដៃខាងណាទេ តែតាមដែលខ្ញុំបានតាមដាននយោបាយស្រុកហ្នឹងមកក្រែលដែល ប្រជាធិបតេយ្យដែលគេនិយាយកោកៗនោះកំពុងធ្វើដំណើរទៅកាន់បរលោកទៅវិញទេ ឬនិយាយថាវាកំពុងក្លាយជាអតីតកាលសម្រាប់ស្រុកថៃក៏បាន ព្រោះអ្វីដែលគេធ្វើគឺមើលទៅដូចជាកំពុងបោះប្រជាធិបតេយ្យចោល ហើយឈោងចាប់យករបបផ្តាច់ការបុគ្គលនិយម (ប៉ះមិនបាន ពាល់មិនកើត ស្ទាប់រលាក ស្ទាប់ឆេះ ធ្វើស្អីក៏សុទ្ធតែត្រូវ អត់ចេះខុសសោះ) ។
ហេតុផលតុលាការ ដូចក្មេងលេងបាយឡុកបាយឡ ហូសចិត្តសើចវាមិនចេញទៀត! ខ្ញុំថាតុលាការមិននៅក្រោមរដ្ឋាភិបាលវាត្រូវជាង តែឯករាជ្យនោះដូចមិនត្រូវទេ ព្រោះនៅមានស្ថាប័ន (ប៉ះមិនបាន) មួយទៀតដែលហាក់មានសម្ពាធលើតុលាការនេះ ។
ចំណែកឯលោកម្នាក់នោះឈ្មោះ អភិសិទ្ធិ វេជ្ជាជីវៈ ប្រធានគណបក្សម៉ែឪជំទាស់ ហៅមិនទាន់ចំពាក្យទេ នៅស្ទើរបន្តិច តែមិនដឹងរកពាក្យអីមកប្រដូចទេ ព្រោះគាត់ហ្នឹងខ្ញុំសូមស្ងើចរឿងជំទាស់ អារឿងស្អីក៏គាត់ជំទាស់ចេញរួចដែរ ពេលខ្លះស្តាប់ទៅវាគ្មានហេតុផលសោះ គាត់ជំទាស់ទាល់តែចេញជារឿង សូមសរសើរៗ ។
ជឿទៅបើនាយករដ្ឋមន្ត្រីថ្មីឡើងមកក៏មិនយូរដែរ ព្រោះអីមើលសណ្ឋានភាពហ្នឹងទាល់តែបោះឆ្នោតថ្មីម្តងទៀត ។
[...] អានប្រកាសទាក់ទង៖ ១. ចង់ធ្វើនាយករដ្ឋមន្ត្រីយ៉ាងក្ដ… ២. ស. [...]
ថ្មីមានទឹកជំនន់លិចសាលាខណ្ដបស្សីកែវនៅតាមបណ្តោយផ្លូវជាតិលេខ5ត្រង់កន្ែ្លងផ្លូវភ្លោះកីឡូលេខ7ជាប់មុខរោងចក្រមួយមានទឹកជំនន់លិចបាត់ផ្លូវឥឡូវទឹកកំពុងតែហូរទៅក្នុងសាលាខណ្ដបស្សីកែវហើយពុំឃើញមានអាជ្្ាធរចេញមុខមកជួយមើលរឺកាយប្រលាយអោយទឹកហូរមានតែម្យ៉ាងទេសំរាប់ទឹកជំនន់គឺផ្តល់ភាពងាយស្រួលដល់បង១រតមូ់តូបានលាងមូតូយ៉ាងស្ងាត់
កម្មករ៥នាក់ត្រូវបានមន្រ្តីយោធាថៃជួយជីវិត
តាមពតមានពីប្រទេសថៃមកមានកម្មករនេសាទសញ្ញាតិកម្ពុជាចំនួន៥នាក់ចេញបោកគេត្រូវបាននាំយកទៅលក់ធើ្វកម្មករនេសាទរាប់ខែមិនបានទទួលប្រាក់សូម្បីមួយបាតបាននំាគ្នាសំរេចចិត្តលោតចុះពីលើនាវានេសាទទាំង៥នាក់បនែ្តខ្លួនក្នុងសមុទ្ររាប់ម៉ោងកម្មករទាំងនេះមានរាយឈ្មោះ១ថាអាយុ២៥ឆ្នាំ២ឈ្មោះរត្នអាយុ19ឆ្នាំ៣ឈោ្មះរៃអាយុ25ឆ្នាំ៤ឈ្មោះអឿនអាយុ19ឆ្នាំ៥ឈ្មោះធីអាយុ18ឆ្នាំទាំងអស់សុទ្ទតែជាជនកម្ពុជាបងប្អូនណាស្គាល់ជួយប្រាប់តគ្នាផងទៅធើ្វការស្រុកថៃប្រយ័ត្តចេញបោកគេត្រូវការសេចក្តីលំអិតសូមអានwww.sanook.com
តាតិចទៀតហ្នឹង វាវាយគ្នាងាប់អស់ហើយ កុំឆ្ងល់ពេក ចាំមើលទៅ
[...] [...]