រើផ្ទះរើសម្បែង ខែ វិច្ឆិកា 3, 2008
Posted by សុភ័ក្ត្រ in ពីនេះពីនោះ, អំពីសុភ័ក្ត្រ.19 comments
ចុងសប្ដាហ៍នេះរវល់ម៉ែឪអារវល់ហើយញាតិមិត្រអើយ! ដូចប្រកាសលើកៗមុន (សម្រាប់អ្នកតាមដាន) ខ្ញុំបានជួលផ្ទះស្នាក់នៅតែមួយខែទេ ព្រោះវាថ្លៃពេក ឥឡូវខ្ញុំដល់ខែដែលត្រូវដូរជម្រកថ្មីហើយ។ កាលពីល្ងាចង៉ៃស្រុករៀនពេញម៉ោងរហូតដល់ម៉ោង៥ល្ងាចមកដល់ផ្ទះវិញ ត្រូវរើបន្ទប់ឡើងម៉ាអស់កម្លាំង ព្រោះម្ចាស់គេឲ្យរើឲ្យបានមុនម៉ោង៨យប់ហ្នឹងឯង។
ពីរង៉ៃមោនេះ ត្រូវចេញក្រៅសឹងពេញម៉ាបាងកកទៅហើយ ដើម្បីទិញរបស់របរមកដាក់ផ្ទះថ្មីនេះ ព្រោះផ្ទះថ្មីនេះ គ្មានអ្វីទាំងអស់ក្រៅពីទូរដាក់ខោអាវ និងគ្រែដេកមួយហ្នឹងឯង ច្នេះហើយឧបករណ៍ សម្ភារៈអ្វីៗ យើងត្រូវទិញយកមកដាក់ខ្លួនឯងទាំងអស់។ ម្សិលមិញទៅទិញទូរទស្សន៍ (អត់ទូរទស្សន៍មិនបានទេខ្ញុំ), ទូរទឹកកក, តុ កៅអី និងសម្ភារៈប្រើប្រាស់ម៉ាគភ្លុះអូសទៀត ដាច់ប៉ាតលុយជាងមួយម៉ឺនបាត 
ខ្ញុំនៅបន្ទប់នេះសោតបានតែ១៥ង៉ៃទេ ពីរសប្ដាហ៍ក្រោយត្រូវរើបន្តទៀត គឺទៅនៅជាន់ទី៨ ព្រោះត្រូវបែរមុខទៅថ្នល់វាស្រឡះមុខមាត់បន្តិច ខ្ញុំមិនចូលចិត្តនៅបែរមុខទៅលូទឹកស្អុយទេ។ និយាយពីរឿងនៅទីនេះ យ៉ាប់ហួសពីការនិយាយហើយញាតិមិត្រអើយ (ង៉ៃនេះសូមរអ៊ូឲ្យស្ដាប់ទៅចុះ)។ អ៊ីនធ័រណេតនៅអាគារនេះថ្លៃជាងពេជ្របរប៉ៃលិនទៅទៀត ខែដំបូងគឺ១៣០០បាត ល្បឿនតែ២១៥ទៅទៀត។ ច្នេះហើយទើបខ្ញុំមិនបានត និងមិនបានអាប់ដែតវេបប៉ុន្មានង៉ៃនេះ, អ៊ីមែល អ៊ីម៉ាអីក៏មិនបានបើកដាច់ខ្សែរយៈអស់រលីង។ ង៉ៃនេះទៅទិញស៊ីមការ៍ដថ្មីយក៍មកដាក់ប្រើតាមប្រព័ន្ធអីភីអអេស ព្រះសិរអាមេត្រីអើយ យឺតជាងស្តាសែលនៅស្រុកខ្មែរយើងទៀត។ មេសសិនជើ ដើរមិនបានទេ រកឆែកអីក៏មិនបានទេ។ ខ្ញុំសង្ស័យតែរស់នៅទីនេះមិនបានយូរទេខ្ញុំ៕
_____________________________________________________________
ប្រកាសទាក់ទង៖
១. ផ៉ាករ៍កឡេនដ៍រេស៊ីដេនស៍
២. ដូរបន្ទប់ថ្មី
៣. សំរាមអីខ្លះក្នុងម៉ាយរូម?
