ស៊ុមឆាយនៅក្នុងចក្ខុខ្ញុំ ខែ វិច្ឆិកា 19, 2008
Posted by សុភ័ក្ត្រ in ภาษาไทย, ពីនេះពីនោះ, អំពីសុភ័ក្ត្រ.3 comments
ម្សិលមិញនេះ បន្ទាប់ពីបញ្ចប់ទស្សនកិច្ចសិក្សានៅសាកលវិទ្យាល័យសិល្បករ ដែលនៅក្បែរព្រះបរមរាជវាំងក្រុងបាងកក និងវាលព្រះមេរុ (ស្នាមហ្លួង) នោះ ខ្ញុំបានដើរត្រឡប់មកផ្ទះវិញដោយឆ្លងកាត់ស្នាមហ្លួង ទីតាំងដែលគេកំពុងរៀបចំពិធីថ្វាយព្រះភ្លើងព្រះរាមព្រះមហាក្ស័ត្រយ៍ថៃ សម្ដេចព្រះចៅភីនាងធើ ចៅហ្វាកល្យាណិវឌ្ឍនា ក្រុមហ្លួងនរាធិវាសរាជនគរិន្ទ្រ។
ថ្ងៃម្សិលមិញនេះជាថ្ងៃដំបូងដែលរដ្ឋាភិបាលថៃអនុញ្ញាតឲ្យសាធារណជនបានចូលទស្សនាដោយផ្ទាល់នូវព្រះមេរុ ដ៏ធំអស្ចារ្យដែលគេបានសាងសង់ឡើងដើម្បីថ្វាយជាព្រះកិត្តិយសដល់ព្រះអង្គ (ខ្ញុំមិនបានចូលទស្សនាទេ ដោយមនុស្សម្នាច្រើនពេក)។
សម្រាប់ថ្ងៃដំបូងនេះ លោកនាយករដ្ឋមន្ត្រីថៃ ស៊ុមឆាយ វង្សសុវត្ថិ បានចូលរួមបើកកម្មវិធីទៀតផង។ ជាចៃដន្យពេលខ្ញុំបានដើរមកដល់ទីតាំងនេះ ក៏គាប់ចួនលោកនាយករដ្ឋមន្ត្រីធ្វើដំណើរមកដល់ល្មម ធ្វើឲ្យខ្ញុំមានវាសនាបានឃើញលោកនាយករដ្ឋមន្ត្រីដោយផ្ទាល់ភ្នែក និងយ៉ាងជិតទៀតផង។
តាមការសង្កេត លោកសាមញ្ញណាស់ខុសពីនាយករដ្ឋមន្ត្រីមួយចំនួន (?) ដែលចុះពីឡានមក និងដើរទៅរាក់ទាក់ប្រជាជនរបស់លោកដែលបានចូលរួមកម្មវិធីនោះយ៉ាងរីករាយ៕
លោកនាយករដ្ឋមន្ត្រីពេលចុះពីលើឡានភ្លាម
លោកនាយករដ្ឋមន្ត្រីត្រូវបានប្រជាជនចោមរោមចាប់ដៃ
