ការ៍ដនិស្សិតរបស់ខ្ញុំ ខែ វិច្ឆិកា 25, 2008
Posted by សុភ័ក្ត្រ in ពីនេះពីនោះ, អំពីសុភ័ក្ត្រ.1 comment so far
ព្រឹកមិញនេះប័ណ្ណនិស្សិតរបស់ខ្ញុំបានធ្វើរួចរាល់ហើយ ហើយបានទៅយកជាមួយមិត្ររួមថ្នាក់នៅឯសាខាធនាគារថៃពាណិជ្ជនៅក្បែរសាលារៀន។
ប័ណ្ណនេះអាចប្រើបានជាប័ណ្ណនិស្សិតសម្គាល់ខ្លួន, ខ្ចីសៀវភៅ, ប្រើបរិការក្នុងបរិវេណសាកលវិទ្យាល័យ ដូចជាហែលទឹក, វាយសី, តឺនីស…។ល។ និងសេវាមួយទៀតគឺប្រើជាប័ណ្ណធនាគារ (ប័ណ្ណអេធីអ៊ឹម) សម្រាប់ដកប្រាក់ពីម៉ាស៊ីនដកប្រាក់ស្វ័យប្រវត្តិរបស់ធនាគារថៃពាណិជ្ជ។
បើគិតទៅនេះជាគណនីទីពីររបស់ខ្ញុំនៅធនគារនេះ បន្ទាប់ពីកាលខែមុន ខ្ញុំបានបើកបញ្ជីនៅធនាគារនេះមួយដែរ ដោយប្រើប័ណ្ណប្រភេទម៉ាស្ទ័រការ៍ដ៕
_______________________________________________
ប្រកាសទាក់ទង៖
១. បើកកុងនៅធនាគារថៃ
ផលប៉ះទង្គិចពីពួកអាវលឿង ខែ វិច្ឆិកា 25, 2008
Posted by សុភ័ក្ត្រ in ภาษาไทย, នយោបាយ, ពីនេះពីនោះ, អំពីសុភ័ក្ត្រ.6 comments
មើលទូរទស្សន៍ថៃល្ងាចមិញនេះ បានចំជាអស្ចារ្យមែនពួកអាវលឿង។ ពួកនេះយូរៗទៅសាហាវជាងចោរ៥០០ទៅទៀត។ ពួកនេះបានធ្វើសម្រេចដោយមិនឲ្យពួកស.ស. (សមាជិកសភា)ថៃ និងសមាជិកព្រឹទ្ធសភា ចូលរួមប្រជុំនៅវិមានរដ្ឋសភាបានទេ កាលពីព្រឹកមិញនេះ។
ថែមទាំងអស្ចារ្យ ពួកនេះប្រកាសជ័យជម្នះយ៉ាងគគ្រឹកគគ្រេងហើយ ថែមទាំងលើកគ្នាមួយក្រុមទៀតទៅអាកាសយានដ្ឋានដងមឿង ទៅព័ទ្ធដើម្បីកុំឲ្យសមាជិករដ្ឋាភិបាលជួបប្រជុំគ្នាបានទៀតផង។ ស្ថានីយ៍ដងមឿងដែលរដ្ឋាភិបាលថៃយកមកធ្វើជាទីស្ដីការគណៈរដ្ឋមន្ត្រីថ្មី បន្ទាប់ពីពួកអាវលឿងនេះកាន់កាប់វិមានរដ្ឋាភិបាលជាង៣ខែហើយ ធ្វើឲ្យនាយករដ្ឋមន្ត្រី និងរដ្ឋមន្ត្រីរបស់លោកអត់កន្លែងធ្វើការ ហេហេ…។
ហេតុអីបានថាពួកនេះសាហាវ? ពួកនេះបានចាត់ក្រុមគ្នាទៅព័ទ្ធចាប់យករថយន្តក្រុងបានចំនួន៥គ្រឿង និងបញ្ជាឲ្យអ្នកបើកបរដើម្បីដឹកពួកក្រុមខ្លួនទៅដងមឿង អីយ៉ា ចេះក្បួនចាប់ចំណាប់ខ្មាំង មើលទៅពួកនេះវាមានតវ៉ាសន្តិវិធី ប្រជាធិបតេយ្យខ្មោចកាច់អីវា? លេងក្បួនពួកចោរប្លន់ទេតើហ៍។
គួរឲ្យអស់សំណើចមានអ្នកខ្លះមកខមមេនត៍ទីនេះថា ពួករបស់កាច់យ៎អស់ទាំងនោះតាមពិតឆ្លងចេញពីខ្មែរទេតើហ៍ ខ្មែរនាំហេតុឲ្យពួកនេះចេះឈ្លោះគ្នា! អីយ៉ា ល្មមហើយទេដឹងលោក?! ជាតិលោកឈ្លោះគ្នាឈ្លោះតែគ្នាលោកចុះ កុំមកយកជាតិខ្ញុំមកពាក់ព័ទ្ធ។ នែ! អាធន់អស់ហ្នឹងណា ខ្ញុំថា ជាតិលោកមិនបានឆ្លងពីខ្មែរទេ តែជាតិលោកឆ្លងពីនរកប្រែតចាប់ជាតិ ពីមុនៗមកវាគ្រាន់តែមិនទាន់ឆ្លងពណ៌ល័ក្តដែលខំបិទបាំងស្រោបពីក្រៅនោះរលាយរលត់ចេញទេតើហ៍។ ឥឡូវតិចដល់ពេលពណ៌អស់នោះវាចាប់ផ្ដើមហើរចេញ សល់តែគ្រឿងក្នុងដូចល្វាក៏មិនដឹង! អីយ៉ាលោកនេះចេះតែនឹកឃើញហ្ន៎។
គិតៗមើលទៅខ្ញុំឯណេះក៏ប៉ះពាល់ឆ្លងពីបាតុកម្មស្អីគេហ្នឹងដែរ។ ថ្នាក់រៀនដែលស្អែកត្រូវទៅទស្សនកិច្ចសិក្សានៅបណ្ណាល័យជាតិនេះ បែរជាត្រូវផ្អាក (ស៊ូច!! ខ្សិបមួយចុះ គ្រូគាត់ថាកន្លែងដែលត្រូវទៅទស្សនកិច្ចសិក្សានោះ វានៅជិតហ្វូងពួកអាវលឿងពេក) ចុម! ម៉ាថ្នាក់អត់បានរៀននឹងគេដែរ!
________________________________________________________
ប្រកាសប្រហាក់ប្រហែល៖
១. ថៃ, មានតែសង្គ្រាមធំដែលអាចរំលំសង្គ្រាមតូច?!
