ថៃរកឃើញនាយករដ្ឋមន្ត្រីថ្មី ខែ ធ្នូ 15, 2008
Posted by សុភ័ក្ត្រ in ภาษาไทย, នយោបាយ, ពីនេះពីនោះ.trackback
ទីបំផុតប្រទេសថៃរើសបាននាយករដ្ឋមន្ត្រីថ្មីមួយទៀតហើយ ជានាយករដ្ឋមន្ត្រីដែលវ័យក្មេង និងសង្ហារទៀតផង។ នាយ អភិសិទ្ធិ វេជ្ជាជីវៈ ប្រធានបក្ខប្រឆាំងផ្កាប់មុខរបស់ប្រទេសនេះ ទីបំផុតបានក្លាយជានាយករដ្ឋមន្ត្រីទី២៧ របស់ប្រទេសនេះទាល់តែបាន។
ការបោះឆ្នោតរើសនាយករដ្ឋមន្ត្រីលើកនេះ ត្រូវបានគេធ្វើដោយបើកចំហរ ពោលគឺសមាជិកសភាម្នាក់ៗ ត្រូវងើបឡើងនិយាយឈ្មោះអ្នកដែលគេគាំទ្រឲ្យធ្វើជានាយករដ្ឋមន្ត្រីតែម្ដង ដែលមានពីរនាក់គឺ លោក អភិសិទ្ធិ វេជ្ជាជីវៈ នេះឯង និងលោកអតីតឧត្ដមសេនីយ ប្រជា ព្រហ្មនក (ประชา พรหมนอก)។
ការបានឈ្នះឆ្នោតធ្វើជានាយករដ្ឋមន្ត្រីរបស់មេបក្ខប្រឆាំងនេះ គឺកើតឡើងបន្ទាប់ពីមានការតស៊ូគ្នាយ៉ាងខ្លាំងក្លា ជាពិសេសពីគណបក្សនេះតែម្ដង ដែលបានខិតខំទៅប្រមូលសំឡេងពីគណបក្សផ្សេងៗទៀត ជាពិសេសគណបក្សដែលរួមរដ្ឋាភិបាលពីលើកមុន មកចូលរួមគាំទ្រគាត់។
ក្ដីស្រម៉ៃបានក្លាយជាការពិតហើយរបស់លោក អភិសិទ្ធិ ដែលខិតខំពុះពារគ្រប់បែបយ៉ាងចង់ធ្វើជានាយករដ្ឋមន្ត្រីដល់កហើយ។ អ្វីដែលអស់សំណើចនៅក្នុងសម័យប្រជុំសភារើសនាយករដ្ឋមន្ត្រីនេះ ពេលដល់ឈ្មោះខ្លួននាយ អភិសិទ្ធិ សុខចិត្តមិនរើសខ្លួនធ្វើជានាយក (អនុបវាទ) ដោយដឹងខ្លួនឯងឈ្នះរួចស្រេចទៅហើយ ដើម្បីកេងយកពិន្ទុ។ Sic
๏ អភិសិទ្ធិ វេជ្ជាជីវៈ ក្លាយជានាយករដ្ឋមន្ត្រីតើប្រទេសខ្មែរត្រូវប្រយ័ត្នអ្វីខ្លះ?
នរណាៗក៏ដឹងដែរថាលោកមេបក្ខប្រឆាំងមួយនេះ មិនត្រឹមតែប្រឆាំងស្រុកគាត់ទេ តែក៏ប្រឆាំងនឹងស្រុកខ្មែរយ៉ាងខ្លាំងក្លាណាស់ដែរ ជាពិសេសនៅអំឡុងពេលដែលកម្ពុជានិងថៃមានវិវាទពីរឿងចុះបញ្ជីប្រាសាទព្រះវិហារនោះ។ លោកនេះបានឡើងបរិយាយនៅក្នុងវិមានរដ្ឋសភាថៃប្រឆាំងនឹងប្រទេសខ្មែរដោយមិនអៀនខ្មាស់ដើម្បីកេងប្រយោជន៍នយោបាយពីរដ្ឋាភិបាលសម្រាប់ប្រទេសគាត់។
កាលដែលមេបក្ខប្រឆាំងរូបនេះបានក្លាយជានាយករដ្ឋមន្ត្រីបែបនេះ សម្រាប់ប្រទេសកម្ពុជាពិតជារឿងមិនធម្មតា ជាពិសេសគណបក្សដែលមិនសូវមានទំនាក់ទំនងល្អជាមួយរដ្ឋាភិបាលកម្ពុជា។ នៅខណៈដែលបញ្ហាជម្លោះរវាងខ្មែរ និងថៃ នៅមិនទាន់បានដោះស្រាយរួចនេះ ការសន្និដ្ឋានជាត្រួសៗ អាចមើលឃើញថា ប្រហែលជាប្រទះបញ្ហាច្រើនបន្ថែមទៀតជាក់ជាមិនខាន។ ហេតុដូចនេះ សម្រាប់ប្រទេសខ្មែរ ចាំបាច់ត្រូវមាននយោបាយជាក់លាក់ និងរឹងមាំដាច់ខាត ដើម្បីដោះស្រាយជាមួយរដ្ឋាភិបាលថ្មីនៃស្រុកថៃនាគ្រានេះ។
๏ ថៃចប់ជម្លោះពេលអភិសិទ្ធិ ក្លាយជានាយករដ្ឋមន្ត្រី
ជម្លោះស្រុកថៃដែលអូសបន្លាយមកទល់ពេលនេះ ត្រូវបានអ្នកវិភាគមួយចំនួនថា នឹងអាចបញ្ចប់នៅពេលដែលបក្ខប្រឆាំងបានក្លាយជានាយករដ្ឋមន្ត្រី នៅខណៈដែលអ្នកវិភាគមួយចំនួនទៀតថាអាចនៅបន្ត ជាពិសេសក្រុមដែលប្រឆាំងនឹងពួកអាវលឿងច្បាស់ជានឹងបន្ត។ អ្វីដែលគេមើលឃើញគម្លាតនៃអ្នកនយោបាយថៃ នៅតែប្រះឆា តាមរយៈសំឡេងដែលគាំទ្រ គឺ ២៣៥ ទល់នឹង១៩៨ តែប៉ុណ្ណោះ ដែលគាំទ្រនាយអភិសិទ្ធិ។
ងាកមកមើលឯខាងក្រៅវិមានរដ្ឋសភាឯណេះវិញ ពួកអាវក្រហមនៅបន្តធ្វើបាតុកម្មមិនទទួលយកលទ្ធផលនេះ និងទាមទារឲ្យរំលាយរដ្ឋសភា។ អ្វីដែលគេនៅសង្ស័យនោះ ថាតើរដ្ឋាភិបាលនេះ មានអាយុប៉ុន្មានខែបន្ទាប់ពីនេះ?
๏ នរណាជាអភិសិទ្ធិ វេជ្ជាជីវៈ ?
មកដល់ឆ្នាំនេះលោក អភិសិទ្ធិ វេជ្ជាជីវៈ មានអាយុ៤៤ឆ្នាំគត់ គឺជានាយករដ្ឋមន្ត្រីទី៤របស់គណបក្សប្រជាធិបតេយ្យ បន្ទាប់ពីលោកជួន ហ្លីកភ័យ (ชวน หลีกภัย)។ រហ្ស័សនាមគឺ ហ្ល៉ហ្យ៉ៃ (សង្ហារធំ)។ សូមអានប្រវត្តិបន្ថែមនៅទីនេះ៕
___________________________________________________
ប្រកាសទាក់ទង៖
១. បក្ខប្រឆាំងដើរប្រមូលគេឯងបង្កើតរដ្ឋាភិបាល
២. ចង់ធ្វើនាយករដ្ឋមន្ត្រីយ៉ាងក្ដៅក្ដិត
៣. នរណាជាអភិសិទ្ធិ វេជ្ជាជីវៈ?
[...] ថៃរកឃើញនាយករដ្ឋមន្ត្រីថ្មី « -… – ខែ ធ្នូ 15, [...]
តាប៉ិនេះគ្រាន់បើមែន
អូ តាប៉ិនឹងមើលទៅមុខកាតឺហើយចារឹកកាតឺទៀត។ ប្រហែលពីតូចមកចូលចិត្តឡាំប៉ាតាបែបនឹងមើលទៅ តែលើកនេះឡាំប៉ាផ្អើលអស់ពិភពលោក ថ្លង់គេថ្លង់ឯង ចង់ធ្វើនាយករដ្នមន្ត្រី។ ចាំមើលទៅមានល្ខោនល្អមើលទៀតហើយមើលទៅ។
បើយើងមិនទាន់សា្គល់គេច្បាស់កុំទាន់ថាអោយគេនាយករដ្ឋមន្រ្តីនេះប្រហែលអាចធើ្វអោយស្រុកថៃរកចំរើនតែនាយករដ្ឋមន្រ្តីខែ្មរលែហមានដៃគូរបរទេសពុករលួយហើយ។
ចាំមើលគាត់ឡើងបានម៉ានខែ!?
ប្រហែលកន្លះឆ្នាំតាមខ្ងុំគិត
មិនចូលចិត្តសោះ! ខ្ញុំថារាសីគាត់ហ្នឹងយ៉ាងយូរកន្លះឆ្នាំ!
ខ្ញុំថាគាត់ហ្នឹងឡើងបានយូរ នាយករដ្ឋមន្រ្តីទី27 មានលេខង៉ូវហេងដូចអូបាម៉ាដែរ
some people why want another country down ?
about cambodia every day is debtor.
cambodia borrower .
ចង់យកទៅប្រៀបនឹងប្រទេសអាមេរិច គឺមិនបានទេ ព្រោះសៀមអាច់ន៍គ្រីនេះ វាថោកទាបព្រៃផ្សៃណាស់!
ខ្ញុំគិតថាអាតាប៉ិនេងនៅមិនបានយួទេ….
ចាំមើលទៅ វាដូចតែគ្នា បើនៅតែមាន ពួកអាវលឿង និងពួកអាវក្រហម នៅប្រឈមមុខដាក់គ្នានោះ។ ប្រាកដជាត្រូវគេធាក់ទម្លាក់ចេញពីតំណែងដូចគ្នា។
ហាហាហាហាហា…..គួរឪយអស់សំណើចណាស់!!!
នាយករដ្ឋមន្ត្រីថៃជ្រើសរើសដោយសភាថៃមិនមែនជ្រើសរើសដោយ
ប្រជាពលរដ្ធទេ។
ឥឡួវដល់វេនពួកសៀមអាវក្រហមវ៉ៃពួកថៃអាវលឿងវិញហើយ។
ស្ដេចថៃកើតនៅអាមេរិចរៀននៅអាមេរិចចំណែកនាយករដ្ឋមន្ត្រីថៃថ្មី
កើតនៅអង់គ្លេសរៀននៅអង់គ្លេសបើថៃដោះស្រាយបញ្ហាជាមួយខ្មែរមិនបានគី
ច្បាស់ជាយ៉ាប់ហើយ។
បារាំងថាយ៉ាប់ អារ៉ាប់ថាវេទនា ខ្មែរគ្រប់គ្នាថាពិបាកដល់ហើយ:-)