ក្រុងទេពភ្លៀងធ្លាក់ ខែ មីនា 2, 2009
Posted by សុភ័ក្ត្រ in ពីនេះពីនោះ, អំពីសុភ័ក្ត្រ.1 comment so far
ព្រឹកម្សិលមិញនេះ ងើបពីដេកឡើងស្រាប់តែអត់ឃើញថ្ងៃរះ មេឃក៏ស្រទុំ! អីយ៉ា! ខ្ជិលខ្វល់ មកបើកកុំព្យូទ័រ ឆែកមែលលេង ស្រាប់តែម៉ាសន្ទុះឮសូរឆ៎ ចេញមកមើលស្រាប់តែភ្លៀង អីយ៉ាល្អហើយ ប៉ុន្មានង៉ៃនេះក្ដៅមហាសែនក្ដៅដល់ករអត្មាហើយ តែមិនដឹងជាយ៉ាងម៉េច ភ្លៀងបានតែបន្តិចហ្នឹងឯងក៏ឈប់ទៅ។
ល្ងាចមិញនេះបន្ទាប់ពីចេញពីរៀនភូមា ក៏ឆ្លៀតចូលស្យាមប៉ារាហ្កនញ៉ាំបាយ និងចូលទិញឥវ៉ាន់នៅទីនោះ ចេញមកវិញស្រាប់តែភ្លៀងទៀត ហេហេ… យប់នេះច្បាស់ជាត្រជាក់ស្រួលហើយ ខ្ញុំចូលចិត្តភ្លៀងពេលយប់ណាស់។ តែដូចពីម្សិលចឹង ភ្លៀងបានបន្តិចក៏ឈប់ទៀតហើយ មិនទាំងបានសើមថ្នល់ផង។ យ៉ាប់មែន!
