ព័ត៌មានដែលស្រក់ទឹកនេត្រា ខែ មីនា 19, 2009
Posted by សុភ័ក្ត្រ in ពីនេះពីនោះ, អំពីស្រុកខ្មែរ.6 comments
អានព័ត៌មានពីកោះសន្តិភាពពីរបីថ្ងៃមុននេះ គួរឲ្យស្រណោះពន់ពេកក្រៃ ជាតិជាមនុស្សភ្នែករលីងរលោងចង់ស្រក់ទឹកនេត្រា ដ្បិតអានិតលោកយាយទាំងពីរឥតឧបមា។
ប្រហែលជាលោកអ្នកមួយចំនួនបានអានហើយ លោកយាយ ម៉ា ក្រឹម ព្រះជន្ម៩០ឆ្នាំចិញ្ចឹមកូនពិការយ៉ាងវេទនាអាយុជាង៦០ឆ្នាំមកហើយ លោកអ្នកជួយពិចារណាផងចុះ តើលោកយាយពិបាកយ៉ាងណា ក្រៅពីអាយុត្រឹមណេះទៅហើយនៅរងវេទនាពេញម៉ាជីវិតរកនឹងចូលវត្តសុន្ទរ៍ទានដូចចាស់ដទៃមិនបាន។ សរសេរមកដល់ត្រង់នេះ ខ្ញុំហាក់ដូចជាទន់ភ្នែកនឹកស្រម៉ៃអានិតដល់ជីវិតលោកយាយកាន់តែខ្លាំងទ្វេរឡើងទៀតហើយ។
គិតៗ ព្រហ្មលិខិតម្ដេចក៏ដាក់ទោសមនុស្សយើងយ៉ាងដូចនេះ? វាមិនយុត្តិធម៌សោះ នៅខណៈដែលមនុស្សជាច្រើនលុយហូរក្រាស់ក្រែល ចាយវាយខ្ជះខ្ជាយ មើលងាយប្រាក់កាស ឯអ្នកដទៃទៀតរកអង្ករច្រកឆ្នាំងមិនបាន រស់ស្ទើរវេទនាជាងសត្វទៅទៀត ស្មាទោស!
ខ្ញុំសូមអំពាវនាវដល់មិត្រៗរាល់គ្នានៅទីនេះ មេត្តាជួយដល់លោកយាយទាំងពីរផង។ ប្រហែលជាអាចជួយតាមរយៈកាសែតកោះសន្តិភាព។ ខ្ញុំក៏នឹងជួយដែរ តាមកម្លាំងជ្រះថ្លារបស់យើង។
លោកយាយក្រឹម និងលោកយាយដែលជាកូនរបស់គាត់
អានព័ត៌មានពីកោះសន្តិភាព៖ លោកយាយអាយុ៩០ឆ្នាំចិញ្ចឹមកូនស្រីខ្វិនអាយុ៦០ឆ្នាំ
———————————————————————————
អានផងដែរ៖
១. លោកយាយ ម៉ា ក្រឹម ទទួលបានអំណោយ
