ភាពធ្វេសប្រហែសរបស់ខ្ញុំ ខែ មីនា 21, 2009
Posted by សុភ័ក្ត្រ in ពីនេះពីនោះ, អំពីសុភ័ក្ត្រ.5 comments
ល្ងាចមិញនេះខ្ញុំត្រូវជូនប្អូនៗខ្ញុំទៅអាកាសយាន្ដដ្ឋានសុវណ្ណភូមិ ដើម្បីពួកគេត្រឡប់ទៅប្រទេសយើងវិញ។ អ្វីៗវាបានត្រឹមតែខកបំណង ព្រោះពួកយើងទៅខកម៉ោង ដោយទៅដល់ព្រលានឆែកអ៊ីន ត្រឹមកន្លះម៉ោងមុនម៉ោងយន្តហោះចេញដំណើរ ហេតុដូចនេះ គេមិនបានអនុញ្ញាតឲ្យប្អូនខ្ញុំធ្វើដំណើរបានល្ងាចមិញនេះទេ បើទោះបីខ្ញុំសុំអង្វរយ៉ាងណាក៏ដោយ។
ទីបំផុតពួកយើងត្រូវត្រឡប់មកបាងកកវិញ ដោយខាតទាំងពេលវេលា និងខាតទាំងប្រាក់កាស។ នេះជាកំហុសរបស់ខ្ញុំធ្ងន់ណាស់។ ការធ្វេសប្រហែល នឹងពេលវេលាបណ្តាលឲ្យប្អូនៗខ្ញុំមិនបានទៅផ្ទះវិញនៅល្ងាចនេះ។ ខ្ញុំពិតជាសោកស្ដាយ និងស្អប់ខ្លួនឯងមែនទែន។
ព្រឹកស្អែកនេះ ខ្ញុំនឹងនាំប្អូនៗខ្ញុំចេញពីព្រលឹមដើម្បីកុំឲ្យខកទៀត ដើម្បីទៅរង់ចាំក្រែងមានអ្នកខេនសែលជើងទៅស្រុកខ្មែរ នោះពួកប្អូនខ្ញុំទាំងពីរនឹងបានទៅស្រុកខ្មែរស្អែកនេះ។ សំបុត្រពួកគេមិនអាចប៊ុកបានទៅវិញស្អែកទេ ព្រោះពេញអស់ហើយ ទាល់តែល្ងាចថ្ងៃច័ន្ទឯណោះទើបមានកៅអី ក៏ប៉ុន្តែភ្នាក់ងារថៃអ៊ែរវេយ៍ ប្រាប់ឲ្យពួកយើងទៅស្តែនបាយបាន ក្រែងអាចទៅបាន ហើយភាគរយគឺច្រើនគួរសមដែរ។ សង្ឃឹមថាស្អែកនេះពួកប្អូនៗខ្ញុំនឹងបានត្រឡប់ទៅស្រុកខ្មែរវិញដោយជោគជ័យ និងសុវត្ថិភាព៕
__________________________________________
អានផងដែរ៖
១. ទៅដល់ផ្ទះ
