ក្រមុំខ្ញុំនរណាសង? ខែ មីនា 25, 2009
Posted by សុភ័ក្ត្រ in ពីនេះពីនោះ, អំពីស្រុកខ្មែរ.5 comments
«… លោកចៅមហាខឹងណាស់ អីយ៉ាស់នាងនេះឆោតមែន លែងក៏លែងតែនាងសងបណ្ណាការ យាយឆ្លើយវិញឲ្យសងក៏ខ្ញុំមិនថា តែលោកចៅមហាត្រូវសងក្រមុំខ្ញុំដែរ…» នេះជាវគ្គមួយនៃបទចម្រៀងដែលច្រៀងដោយនាង សុង សេងហ៊ន យូរឆ្នាំមកហើយ។ តែអ្វីៗវាមិនខុសពីបទចម្រៀងនេះទេ នៅពេលរឿងគួរហួសចិត្តមួយបានកើតឡើងកាលពីពេលថ្មីៗនេះ នៅខេត្តកំពង់ឆ្នាំង។
សាកល្បងអានព័ត៌មានម្សិលមិញនេះក្រោមចំណងជើងថា “ តុលាការកាត់ក្តីឲ្យសងថ្លៃទឹកដោះទៅខាងប្រុស ឪពុកម្តាយខាងស្រីប្តឹងតវ៉ាឲ្យសងក្រមុំមកវិញ“ ។
អានព័ត៌មាននេះយូរទៅគួរឲ្យចង់សើច កោតតែភាគីខាងប្រុសចេះធ្វើទៅរួច សម្បត្តិត្រឹម ជ្រូក ២ ក្បាល, មាន់ ១០ ក្បាល, ស្រាសចំនួន ១១ ប៊ីដុង និងគ្រែមួយ ក៏គាត់យកទៅវិញដែរ ទីបញ្ចប់គាត់ទារសងបណ្ណការទៀត អូហ៍ម៉ាយហ្កដ!! នេះបានជាដូចអ្នកស្រីសុង សេងហ៊ន ច្រៀងមែន “ ក្រមុំខ្ញុំអ្នកណាសង?“
