ទៅលេងឧដ្ដុង្គ ខែ ឧសភា 10, 2009
Posted by សុភ័ក្ត្រ in ពីនេះពីនោះ, អំពីសុភ័ក្ត្រ.17 comments
ព្រឹកមិញនេះ ខ្ញុំនិងបងប្អូនម៉ាឡាននាំគ្នាទៅលេងភ្នំឧដ្ដុង្គទៀតហើយ ហេហេ… តាំងពីង៉ៃចូលឆ្នាំមោ មកដល់ថ្ងៃនេះទៅលេងបានពីរដងហើយ។
នៅឧដ្ដុង្គព្រឹកមិញនេះមិនជាមានមនុស្សប៉ុន្មានទេ តែមានអ្នកលក់ដូរច្រើនគួរសមណាស់ដែរ ដូចនៅកៀនស្វាយដែរ ជាពិសេសនោះមានលក់ផ្លែត្នោតខ្ចីច្រើនណាស់។
ថ្ងៃនេះបានឡើងលើភ្នំដែរ កាលពីមោង៉ៃចូលឆ្នាំមិនបានឡើង។ មុនពេលឡើងភ្នំភ្លៀងដាក់ម៉ារ៉ាវដែរ ស្មានតែមិនបានឡើងហើយ។ មានអារម្មណ៍ថាភ្នំឧដ្ដុង្គរបស់យើងគគ្រិចសម្បើមណាស់ រួមទាំងព្រះសក្យមុនីចេតិយផងដែរ ដូចជាគ្មាននរណាថែទាំទេ៕
រូបភាពមួយចំនួន
ប្រជាពលរដ្ឋលក់ដូរនៅជើងភ្នំឧដ្ដុង្គ
ជ្រក់ចេក លើកទីមួយហើយដែលឃើញ មានអីរសជាតិសមគួរដែរ
កង្កែបបោក មើលទៅទំនងដល់ហើយ
ក្ដាមឆា?
ព្រះអង្គធំ នៅលើភ្នំ
បល្ល័ង្កព្រះអង្គធំ (បល្ល័ង្កដើម និងធ្វើថ្មីពីលើ)
បណ្ដាព្រះចេតិយព្រះមហាក្ស័ត្រិយ៍ និងព្រះរាជវង្សានុវង្សខ្មែរ រួមនិងព្រះសក្យមុនីចេតិយនៅលើភ្នំ
សីមាវត្ថុបុរាណដ៏មានតម្លៃរបស់ខ្មែរត្រូវបានដាក់រប៉ាត់រប៉ាយពេញខ្ទមវត្តនៅលើភ្នំ
ចេតិយមានបិទការ៉ូពណ៌ទំនងជាទទួលឥទ្ធិពលថៃនាសម័យនោះ
ចម្លាក់ក្បាលដំរីនៅក្រោមចេតិយ
___________________________________________________
អានផងដែរ៖
១. ទៅលេងកៀនស្វាយ និងឧដ្ដុង្គ
