ដំណើរកម្សាន្តទៅប្រទេសភូមា ភាគ៧ ខែ ឧសភា 20, 2009
Posted by សុភ័ក្ត្រ in ពីនេះពីនោះ, ភាសាភូមា, អំពីសុភ័ក្ត្រ.trackback
ថ្ងៃទី៧, ថ្ងៃសៅរ៍ ទី០៧ ខែមេសា ឆ្នាំ២០០៩ (អានភាគទី៦)
ថ្ងៃនេះពួកយើងត្រូវធ្វើដំណើរពេញមួយថ្ងៃតាមទូកដើម្បីទៅ Mingun ដោយឆ្លងកាត់ទន្លេ Irrawaddy នៅភាគខាងជើងមន្ដលេះ។ ពួកយើងចេញដំណើរពីសណ្ឋាគារឆ្ពោះទៅកំពង់ផែដើម្បីផ្ទេរចូលកាណូត។ កំពង់ផែនៅមន្ដលេះនេះមើលទៅមមាញឹកដល់ហើយ ប្រកបដោយកប៉ាល់ធំៗជាច្រើន មើលទៅពាណិជ្ជកម្មទំនងដូចជារវល់ណាស់។ ទីដែលពួកយើងត្រូវទៅទស្សនាដំបូងនោះគឺ ចេតិយ Pondaw ឬ Naung daw gyi និងបន្ទាប់មកទស្សនាចេតិយ Mingun ដែលសាងសង់មិនទាន់រួចរាល់ទេ។
ចេតិយ Mingun នេះធំសម្បើមអស្ចារ្យណាស់ ដោយហេតុភាពមហិមារនៃចេតិយនេះហើយ ទើបសាងសង់មិនរួចដោយសារមានកម្មករដែលសាងសង់នេះស្លាប់ជាច្រើនទើបបណ្ដាលឲ្យគេបញ្ឈប់ការសាងសង់ នេះបើតាមការសន្និដ្ឋានរបស់មគ្គុទេសក៍។ ក៏ប៉ុន្តែតោមួយគួនៅខាងមុខនេះត្រូវបានបញ្ចប់មើលទៅសម្បើមរកអ្វីមកនិយាយមិនបាន តែដោយសារគ្រោះរញ្ជួយដីជាហេតុធ្វើឲ្យតោទាំងពីបាក់ រួមទាំងស្នាមប្រេះរបស់ចេតិយ Mingun ផងដែរ។ បើតាមគម្រោងចេតិយនេះគឺគេសាងសង់ប្រមាណ១៥០ម៉ែត្រឯណោះ។
ក្រោយពីនេះពួកយើងបន្តដំណើរដោយថ្មើរជើងទៅទស្សនារគាំងដ៏ធំអស្ចារ្យមួយទៀតឈ្មោះ Mingun រួមនិងវត្ត Myatheindan ដែលវត្តនេះហើយសៀវភៅមគ្គុទេសក៍ Lonely Planet បានថតរូបយកមកដាក់ក្របសៀវភៅ ចំណែកខ្ញុំក៏បានថតមួយដែរ ហេហេ… (សូមអានប្រកាសមួយនេះ Lonely Planet Vs Sopheak.net)។ ក្រោយពីនេះពួកយើងដើរត្រឡប់មកវិញ ដោយបានឆៀងចូលមណ្ឌលជនចាស់ជរានៅទីនោះដែរ ដោយគ្រប់គ្នានាំគ្នាចូលជាថវិកាបន្តិចបន្តួចដើម្បីឧបត្ថម្ភផងដែរ។ បន្ទាប់មកថ្ងៃត្រង់ល្មម ពួកយើងនាំគ្នាចូលមកកាណូតវិញដើម្បីទទួលទានអាហារថ្ងៃត្រង់នៅតាមដងទន្លេ គួរឲ្យឆ្ងាញ់ពិសារមែនទែន តែទាស់អាកាសធាតុក្ដៅសម្បើមណាស់។
ពួកយើងធ្វើដំណើរបណ្ដើរទទួលទានបណ្ដើរ និងនាំគ្នាដេកខ្លះបន្ទាប់ពីអាហារថ្ងៃត្រង់រហូតមកដល់ Ava (Innwa) ដែលជារាជធានីបុរាណមួយទៀតនៃអាណាចក្រភូមា ដែលនៅភាគខាងក្រោមនៃមន្ដលេះ។ បន្ទាប់ពីចុះពីកាណូតភ្លាម ពួកយើងបន្តដំណើរដោយរទេះសេះម្ដងទៀត ដូចកាលនៅបាកានដែរ (សូមអានកាលពីនៅបាកាន) ដើម្បីធ្វើដំណើរទៅសាលាសំណាក់ព្រះសង្ឃដ៏ចំណាស់មួយមានអាយុ២៦០ឆ្នាំ ឈ្មោះ Bargayhar monastery ដើម្បីសិក្សាពីការអប់រំបែបបុរាណនៅទីនោះ។ នៅទីនោះ ព្រះសង្ឃបន្តបង្ហាត់បង្រៀនក្មេងៗ ដូចសម័យដើម មើលទៅគួរឲ្យអាណិតណាស់ និងការពារសាលាសំណាក់នេះពីរដ្ឋាភិបាលដែលបានដាក់ជាកន្លែងទេសចរណ៍។ នៅទីនោះដែរ ពួកយើងបានឃើញព្រះសង្ឃមួយអង្គ និងក្មេងៗប្រមាណ១០នាក់កំពុងអានអក្សរ ខ្លះដេក តាមលក្ខណៈក្មេង ខ្ញុំក៏បានចូលជាបច្ច័យមួយចំនួនដើម្បីបុព្វហេតុនៅទីនោះផងដែរ។
បន្ទាប់ពីទស្សនាសាលាសំណាក់នេះរួចមក ពួកយើងក៏បន្តដំណើរតាមរទេះសេះនេះមកសាលាសំណាក់មួយទៀតឈ្មោះ Maenu ដែលសាងសង់ពីឥដ្ឋ ខុសពីសាលាសំណាក់លើកមុនៗ។ នៅទីនេះមគ្គុទេសក៍យើងបានតំណាលរឿងដែល ក្សត្រិយ៍ Maenu ចុងក្រោយនៃភូមាដែលឃោឃៅបានសម្លាប់មនុស្សជាច្រើន និងទីបំផុតត្រូវគេសម្លាប់វិញនៅក្នុងសាលាសំណាក់នេះ។ សាលាសំណាក់នេះជាកន្លែងចុងក្រោយដែលយើងបានទស្សនានៅទីនោះ បន្ទាប់មកពួកយើងត្រឡប់មកកាណូតវិញ ដើម្បីធ្វើដំណើរតាមដងទន្លេបន្តទៀត និងត្រឡប់មកច្រាំងទន្លេវិញល្ងាចល្មម រួចក៏ធ្វើដំណើរមកសណ្ឋាគារវិញ និងទទួលទានអាហារពេលល្ងាចនៅសណ្ឋាគារដ៏ធំ ក្រោមបរិយាកាសដ៏មនោរម្យ៕
សូមរង់ចាំអានភាគទី៨
រូបភាពមួយចំនួន
បរិយាកាសនៅកំពង់ផែឯមន្ដលេះ
ចេតិយ Mingun មើលពីកាណូត
ចម្លាក់តោដែលបែកបាក់ដោយសាររញ្ជួយធរណី
គូថតោមួយគូដែលនៅសេសសល់សង់បែរមុខទៅរកទន្លេ (មើលពីចេតិយ Mingun)
វត្ត Myatheindan មើលពីលើចេតិយ
ចេតិយ Mingun និងស្នាមប្រេះដោយសាររញ្ជួយដី
បរិយាកាសតាមផ្លូវមុខចេតិយ ធ្វើដំណើរទៅវត្តនានា
ជួង Mingun
ស្លាករៀបរាប់ពីជួងនេះ
វត្ត Myatheindan
គ្រប់គ្នាដេកអស់កម្លាំងបន្ទាប់ពីអាហារថ្ងៃត្រង់
ទេសភាពមើលពីដងទន្លេ
សំណង់ស្ពានដ៏អស្ចារ្យ
ស្លាកសាលាសំណាក់ព្រះសង្ឃ
ទិដ្ឋភាពទូទៅនៃសាលាសំណាក់
មគ្គុទេសក៍កំពង់រៀបរាប់អំពីសាលាសំណាក់ដ៏ចំណាស់
បដិមានៅក្នុងសាលាសំណាក់
ពិដានមាសនៅពីលើព្រះបដិមា
ក្មេងៗដែលរៀននៅទីនោះ
ចម្លាក់គ្រុឌនៅក្នុងសាលាសំណាក់
សាលាសំណាក់អំពីថ្ម ឈ្មោះ Maenu
បរិយាកាសនៅឯសណ្ឋាគារពេលទទួលទានអាហារពេលល្ងាច
_______________________________________________________
អានផងដែរ៖
១. Lonely Planet Vs Sopheak.net
២. ដំណើរកម្សាន្តទៅប្រទេសភូមា ភាគ៤
៣. ដំណើរកម្សាន្តទៅប្រទេសភូមា ភាគ៦
៤. ដំណើរកម្សាន្តទៅប្រទេសភូមា ភាគ៨
[...] Myanmar Trip (7) « -:- កំណត់ហេតុសុភ័ក្ត្រ -:- – ខែ ឧសភា 20, [...]
[...] អានភាគទី៧ [...]
[...] [...]
ឡង់សេទៀត!!!!
ឡង់រហូតហ្នឹង
[...] ដំណើរកម្សាន្តទៅប្រទេសភូមា ភាគ៨ ខែ ឧសភា 25, 2009 Posted by សុភ័ក្ត្រ in ពីនេះពីនោះ, ភាសាភូមា, អំពីសុភ័ក្ត្រ. trackback ថ្ងៃទី៨, ថ្ងៃសៅរ៍ ទី០៨ ខែមេសា ឆ្នាំ២០០៩ (អានភាគទី៧) [...]