អាវាហមង្គលរបស់ជនជាតិភូមា ខែ មិថុនា 28, 2009
Posted by សុភ័ក្ត្រ in ពីនេះពីនោះ, ភាសាភូមា.2 comments
កាលពីពេលដែលខ្ញុំទៅទស្សនាប្រទេសភូមានោះ ខ្ញុំបានមានឱកាសរួមពិធីរៀបអាពាហ៍ពិពាហ៍មួយរបស់ប្រជាជនភូមា។ ពិធីរៀបការរបស់ជនជាតិភូមាអធិកអធមដូចតែនៅកម្ពុជាយើងដែរហ្នឹង គួរឲ្យសោកស្ដាយខ្ញុំមិនបានឃើញពិធីបែបប្រពៃណីទេ គឺទៅដល់គេទទួលទានអាហារទៅហើយ។
មិនដឹងថាគេមានពិធីជប់លៀងបន្ទាប់នោះ ឬយ៉ាងណាទេ ពិធីដែលខ្ញុំទៅឃើញ គឺភ្ញៀវកិត្តិយសនាំគ្នាទទួលទាននំ ស្រា តាមទំនៀម ចំណែកឯកូនក្រមុំ កូនកំឡោះ នាំគ្នាដើរអរគុណភ្ញៀវដែលមកចូលរួម។
អ្វីដែលគួរឲ្យកត់សម្គាល់គឺ នៅក្នុងពិធីអាពាហ៍ពិពាហ៍នេះ នៅក្នុងប្រទេសភូមា ទាំងសំបុត្រការអញ្ជើញភ្ញៀវ និងក្ដារប្រកាសនៅក្នុងពិធីការ ក៏ដូចជាវត្ថុអនុស្សាវរីយ៍ជូនភ្ញៀវ គេដាក់ឈ្មោះកូនក្រមុំ កូនកំឡោះ អមជាមួយនឹងកម្រិតសិក្សារបស់អ្នកទាំងពីរ មើលទៅគេមានអំណរនឹងការសិក្សាណាស់នៅប្រទេសនេះ។
ដើម្បីកុំឲ្យខាតពេលសូមទស្សនារូបភាពពីពិធីរៀបអាពាហ៍ពិពាហ៍របស់ជនជាតិភូមា នៅឯក្រុងប៉ាកាន់ជី។
កន្លែងគេប្រារព្ធពិធី
នំចំណីដែលគេទទួលភ្ញៀវ
កូនក្រមុំ កូនកំឡោះទទួលពួកយើង
កន្លែងកត់ចំណងដៃ ពេលភ្ញៀវចងដៃជាថវិការួចគេផ្ដល់ផ្លិតមួយ
ទិដ្ឋភាពទួទៅនៅកន្លែងរៀបអាពាហ៍ពិពាហ៍
គេជូនស្លឹកនេះដល់ភ្ញៀវចូលរួមពិធី
ផ្លិតដែលគេជូនដល់ភ្ញៀវ មានដាក់ឈ្មោះកូនក្រមុំ កូនកំឡោះដែលរៀបអាពាហ៍ពិពាហ៍
កុមារ៤រូប (ប្រុសពីរស្រីពីរ) នេះ ដែលទំនងជាអ្នកកាន់ថង់រង ដូចខ្មែរ? (មិនច្បាស់)
_____________________________________________________
អានផងដែរ៖
១. ដំណើរកម្សាន្តទៅប្រទេសភូមា ភាគ៥
២. ជំនឿលើណាតនៅក្នុងសង្គមភូមា
