ភាពគ្មានសណ្ដាប់ធ្នាប់នៃចំណតរថយន្តកណ្ដាលក្រុងភ្នំពេញ ថ្ងៃពុធ 1 ខែកក្កដា 2009
Posted by សុភ័ក្ត្រ in ពីនេះពីនោះ, អំពីស្រុកខ្មែរ.6 comments
វាពិតជាអាក្រក់មើល និងពិបាកភ្នែកសម្បើមណាស់ចំពោះចំណតរថយន្តក្រុងកណ្ដាលបេះដូងស្រុកខ្មែរ។ ប្រសិនបើលោកអ្នកបានទៅភ្នំពេញ សាកល្បងទៅមើលចំណតរថយន្តទីក្រុងនេះក្បែរផ្សារថ្មីនោះ លោកអ្នកនឹងឃើញនូវទិដ្ឋភាពដ៏មហាវេទនាភ្នែក។
ក្រៅពីបងប្អូនអ្នករត់តាក់ស៊ីយើងនាំគ្នាចតឡានសឹងពេញផ្លូវ រកអ្នកដំណើរផ្សេងទៀតធ្វើដំណើរមិនបាននោះ ពួកគាត់ថែមទាំងនាំគ្នាប្រសាចដណ្ដើមអ្នកដំណើរ មើលទៅគួរឲ្យរញេរញៃ និងអនិច្ចាពួកគាត់សម្បើមណាស់។
មិនដឹងជាសាលារាជធានីនៅបន្តអនុញ្ញាតឲ្យមានចំណតរថយន្តកណ្ដាលទីក្រុងដូចនេះរហូតដល់ពេលណាទេ។ សណ្ដាប់ធ្នាប់ទីនោះ មើលទៅដូចជាអាណាធិបតេយ្យរកលេខដាក់គ្មានទេ។ ក្រៅពីបង្កភាពកកស្ទះ ពួកបងៗទាំងនោះបន្ថែមនូវភាពគគ្រិច ដូចជាខាកស្ដោះ បោះសំរាម រួមទាំងនោមផង បើនាំគ្នាដើរម្ដុំនោះ ជាពិសេសបណ្ដោយការាសាំងក្បែរនោះ យ៉ាប់ហើយ។
សាលារាជធានីគួរតែពិចារណាដកចំណតនេះ ឬរៀបចំឲ្យមានសណ្ដាប់ធ្នាប់ប្រសើរឡើងជាងនេះនៅទីនោះ ដ្បិតកន្លែងនេះជាបណ្ដុំភ្ញៀវជាតិ អន្តរជាតិទាំងឡាយ និងដើម្បីស្ដារមុខមាត់រាជធានីយើងឲ្យស្រស់ស្រាយជាងនេះបន្តិច៕
ពិនិត្យមើលចុះ សឹងតែគ្មានវាចារនឹងថ្លែងទេ ពួកគាត់យកផ្លូវអ្នកដំណើរ មកចតឡានពេញទ្រូងផ្លូវតែម្ដង ជាហេតុបង្កការកកស្ទះ និងអសណ្ដាប់ធ្នាប់ រញេរញៃសម្បើមណាស់
________________________________________________
ប្រកាសប្រហាក់ប្រហែល៖
១. ជ្រុងមួយនៃក្រុងភ្នំពេញ
