KI-Media បានធ្វើឲ្យប្លុកខ្ញុំឡើងចំនួនចុចថ្ងៃនេះលើសសព្វដង ខែ កក្កដា 13, 2009
Posted by សុភ័ក្ត្រ in ពីនេះពីនោះ, អំពីសុភ័ក្ត្រ.3 comments
ជាទូទៅតាមការសង្កេតរបស់ខ្ញុំ ចំនួនចុច (click) ចូលទស្សនាប្លុកក្នុងជាមធ្យមក្នុងមួយថ្ងៃរវាងពី ១០០ ទៅ ១៥០ដង។ ចំពោះប្រភពចូលទស្សនាវិញ គឺមានប្លែកៗគ្នាច្រើនគួរកត់សម្គាល់ដែរ។ ចំនួនចុចនេះអាចកើតឡើង នៅពេលណាមានប្រកាសពេញនិយមមួយចំនួន បានធ្វើឲ្យកើនពី២០០ ទៅ៣០០ចំនួនដងដែរ។
មួយរយៈចុងក្រោយនេះ បើទោះបីចំនួនចុចចូលទស្សនាក្នុងប្លុកខ្ញុំរាងធ្លាក់ចុះ តែក្នុងមួយថ្ងៃៗខ្ញុំសង្កេតឃើញថាក៏មិនតិចជាង១០០ចុចដែរ តែអ្វីដែលប្លែកនោះគឺថាចំនួនដាក់វាចារ (ខមមេនត៍) គឺមានការធ្លាក់ចុះច្រើនគួរកត់សម្គាល់ ដ្បិតមានអ្នកមកអានប្រកាសមែនតែគេមិនបានដាក់ខមមេនត៍ទេ វាខុសពីគ្រាមុន។ នេះក៏ដោយសារអ្នកលេងប្លក់ចាស់ៗមួយចំនួនបានឈប់លេង ឬក៏លេងដែរតែមិនសូវជាប់លាប់ដូចពេលមុន ចំណែកឯអ្នកលេងប្លក់បច្ចុប្បន្ននេះសុទ្ធសឹងជាអ្នកថ្មី។ នេះបើតាមខ្ញុំយល់។ តែនេះមិនមែនជាបញ្ហាទេ ដ្បិតប្លក់ខ្ញុំ ដូចបាននិយាយខាងលើ វាគ្រាន់តែជាកំណត់ហេតុផ្ទាល់ខ្លួនប៉ុណ្ណោះ។
ប្លក់របស់ខ្ញុំនេះបានបង្កើតឡើងតាំងពីឆ្នាំ២០០៥មកម្ល៉េះ គឺមានរយៈពេលជិត៤ឆ្នាំហើយ មកដល់ឆ្នាំ២០០៩នេះ និងមានអត្ថបទជាង១០០០អត្ថបទផងដែរ។ បើទោះបីជាខ្ញុំអះអាងថានេះគ្រាន់តែជាកំណត់ហេតុផ្ទាល់ខ្លួន សម្រាប់កត់ត្រានូវជីវិតប្រចាំថ្ងៃក៏ដោយ ក៏ឃើញថាអត្ថបទមួយចំនួនមានការពេញនិយមរហូតដល់មានគេហទំព័រផ្សេងៗយកទៅដាក់បន្តក៏មានដែរ។
កាលពីគ្រាកន្លងទៅនេះសារព័ត៌មានព្រៃនគរក៏បានចុះអត្ថបទរបស់ខ្ញុំមួយចំនួនផងដែរ (សូមអានអត្ថបទ៖កំណត់ហេតុខ្ញុំនៅឯសារព័ត៌មានព្រៃនគរ)។ នៅថ្ងៃនេះចំនួនចុចចូលទស្សនាប្លក់របស់ខ្ញុំបានឡើងយ៉ាងគំហុក (សូមមើលរូបទី១) ពីសព្វដងប្រមាណ១០០ ទៅដល់៤០៤ដងនៅថ្ងៃនេះ ម៉ោងប្រមាណ១១យប់ បន្ទាប់ពីវេបសៃត៍ KI-Media បានដាក់ប្រកាសមួយឈ្មោះ Cambodia’s approach to creating nationalism and national unity ដោយភ្ជាប់ឈ្មោះប្លក់ខ្ញុំនោះ។
(រូបភាពទី១)
ចំនួនចុចទស្សនាប្លក់ខ្ញុំ ចាប់ពីថ្ងៃទី២៨ ខែមិថុនា មកដល់ថ្ងៃទី១២ ខែកក្កដា ២០០៩
ការភ្ជាប់នេះបន្ទាប់ពីខ្ញុំដាក់ប្រកាសជាថ្មីឡើងវិញឈ្មោះថា Repost: ដឹងបានដីពីណាបាត់ឲ្យគេ?!! សៀមមិនចោលក្បួន! រួចមកនោះ។ ចំនួនចុចចូលទស្សនាប្រកាសនេះ បានឡើងរហូតដល់ទៅ១៥០ដងឯណោះ (សូមមើលរូបទី២) និងចំនួនចុចចេញពីវៃបសៃត៍ KI-Media មានចំនួនជាង១០០ដង (សូមមើលរូបទី៣)។
(រូបភាពទី២)
ចំនួនចុចមើលប្រកាសដែលពេញនិយមសម្រាប់ថ្ងៃទី១២ ខែកក្កដា ឆ្នាំ២០០៩
(រូបភាពទី៣)
ចំនួនប្រភពវេបសៃត៍ដែលបានចុចចូលមើលប្លក់របស់ខ្ញុំនៅថ្ងៃទី១២ ខែកក្កដា ឆ្នាំ២០០៩
_____________________________________________
អានប្រកាសទាក់ទង៖
១. កំណត់ហេតុខ្ញុំនៅឯសារព័ត៌មានព្រៃនគរ
២. Repost: ដឹងបានដីពីណាបាត់ឲ្យគេ?!! សៀមមិនចោលក្បួន!
