… ឬថា លេចចេញព្រាលៗទំនាក់ទំនងនយោបាយខ្មែរថៃ ខែ តុលា 21, 2009
Posted by សុភ័ក្ត្រ in ภาษาไทย, នយោបាយ, បរិយាយថ្ងៃនេះ.trackback
វាមិនមែនជាការចៃដន្យទេដែលលោក ជវលិត យុងចៃយុទ្ធ (ថៃ៖ ชวลิต ยงใจยุทธ) អតីតនាយករដ្ឋមន្ត្រីថៃមកធ្វើទស្សនកិច្ចប្រទេសខ្មែរនាថ្ងៃនេះ។ លោក ជវលិត ដែលបានចាកចេញពីឆាកនយោបាយអស់រយៈពេលយ៉ាងយូរ និងដែលទើបឈានជើងចូលវិញមិនទាំងបានប៉ុន្មានសប្ដាហ៍ផង ជាមួយគណបក្សកូនជីងរបស់លោកអតីតនាយករដ្ឋមន្ត្រី ទក្សិណ ជិនវ័ត្រ នោះ ពេលនេះកំពុងប្រែក្លាយជាអ្នកចងស្ពាន និងរំលេចឲ្យឃើញយ៉ាងច្បាស់ពីទំនាក់ទំនងនយោបាយខ្មែរ ឬយ៉ាងហោចណាស់គណបក្សដ៏សម្បើមអស្ចារ្យរបស់ស្រុកខ្មែរ និងគណបក្ស ដើម្បីថៃ (ថៃ៖ เพื่อไทย) ដែលពេលនេះក្លាយជាគណបក្សជំទាស់ថៃនោះ។
ថ្ងៃនេះលោកអតីតនាយករដ្ឋមន្ត្រីថៃ ជវលិត យុងចៃយុទ្ធ បានមកធ្វើទស្សនកិច្ចលក្ខណៈឯកជនមួយយ៉ាងពិសេសជាមួយលោក ហ៊ុន សែន នាយករដ្ឋមន្ត្រីនៃប្រទេសកម្ពុជា។ បើទោះជាខំប្រឹងប្រាប់ដល់សាធារណជនថាជាជំនួបក្នុងលក្ខណៈមិត្រភ័ក្ដិក្ដី តែអ្វីៗមិនមែនជាបញ្ហាតូចតាចឡើយ ដ្បិតអ្នកទាំងពីរមិនមែនជាអ្នកតូចតាចឯណា sic ជាពិសេសសង្គមថៃ ចង់ឬមិនចង់ក៏ត្រូវតាមដានសកម្មភាពលោក ជវលិត នៅស្រុកខ្មែរដែរ។
អ្វីដែលគួរកត់សម្គាល់បន្ទាប់ពីជំនួបលោកនាយករដ្ឋមន្ត្រីខ្មែរ និងអតីតនាយករដ្ឋមន្ត្រីថៃនេះគឺថា លោកនាយករដ្ឋមន្ត្រីខ្មែរផ្ដល់ភាពកក់ក្ដៅមួយយ៉ាងសម្បើមអស្ចារ្យមិនធ្លាប់មានពីមុនមកដល់លោកអតីតនាយករដ្ឋមន្ត្រីធ្លាក់ពីអំណាច ទក្សិណ ជិនវ័ត្រ ហើយនឹងរួមកសាងរចនាសម្ព័ន្ធរឹងមាំមួយរបស់គណបក្សលោក គឺគណបក្សប្រជាជនកម្ពុជា ដ៏មហិមា និងគណបក្សដើម្បីថៃ របស់លោក ជវលិត ផងទៀត sic តើនេះជាការចែចូវ ឬជាការពួតដៃគ្នាដើម្បីចាត់ការគណបក្សគ្រប់គ្រងអំណាចក្រុងបាងកកបច្ចុប្បន្នរបស់នាយករដ្ឋមន្ត្រី អភិសិទ្ធិ វេជ្ជាជីវៈ ឬយ៉ាងណា? មិនត្រឹមតែប៉ុណ្ណោះ លោកនាយករដ្ឋមន្ត្រីខ្មែរ ថែមទាំងសន្យានឹងរៀបចំគេហដ្ឋានថ្មីមួយដល់លោក ទក្សិណ ជិនវ័ត្រ ប្រសិនបើគាត់ចង់មកស្រុកខ្មែរផងទៀត។
គិតៗទៅនឹកស្រណោះពួកមិនអាលោះអំណាចនៅស្រុកនោះដែរ គ្នាខិតខំមហាគ្រប់បែបមហាគ្រប់យ៉ាងហើយ តាំងពីដឹកនាំធ្វើមហាបាតុកម្ម យករឿងព្រះវិហារខ្មែរមកវាយរំលំគ្នា ម្ដងជាពីរដង ក៏នៅតែមិនអាចយកឈ្នះ នាយករដ្ឋមន្ត្រីមុខឌឺ អភិសិទ្ធិ វេជ្ជាជីវៈ នេះបានទៀត។ ម្ដងនេះមានតែជួយពឹងខ្មែរសាកលមើល ក្រែងលមានផ្លូវ ហេហេ… ម្នាក់ខំស្វះស្វែងផ្ញើខ្សែអាត់សំឡេងមក ម្នាក់ទៀតខំស្កាត់មកជួបផ្ទាល់ អនិច្ចាជាតិស៊ីវីល័យថៃហ្អើយ! ពេលនេះអស់អីអួតហើយដឹង?
ម្ដងហើយម្ដងទៀត ទំនាក់ទំនងនយោបាយពិសេសខ្មែរថៃ នឹងអាចមើលឃើញច្បាស់លាស់ ឬថាវាកំពុងលេចចេញព្រាលៗហើយ។ ប្រាកដជាមិនយូរទេ វត្តមានអតីតនាយករដ្ឋមន្ត្រីថៃធ្លាក់ពីអំណាច ទក្សិណ ជិនវ័ត្រ នឹងប្រាកដខ្លួននៅស្រុកខ្មែរជាក់ជាមិនខាន៕
នរណាជា ជវលិត យុងចៃយុទ្ធ
ชวลิต ยงใจยุทธ
លោកឧត្ដមសេនីយឯក ជវលិត យុងចៃយុទ្ធ កើតថ្ងៃទី១៥ ខែឧសភា ឆ្នាំ១៩៣២ ជានាយករដ្ឋមន្ត្រីថៃទី២២ និងជាអតីតឧបនាយករដ្ឋមន្ត្រី, រដ្ឋមន្ត្រីក្រសួងការពារជាតិ, រដ្ឋមន្ត្រីក្រសួងមហាផ្ទៃ, រដ្ឋមន្ត្រីក្រសួងការងារ និងជាអតីតមេបញ្ជាការកងទ័ពជើងគោក។
លោក ជវលិត យុងចៃយុទ្ធ ឡើងកាន់អំណាចជានាយករដ្ឋមន្ត្រីថៃពីថ្ងៃទី១៥ ខែវិច្ឆិកា ឆ្នាំ១៩៩៦ រហូតដល់ ថ្ងៃទី០៨ ខែវិច្ឆិកា ឆ្នាំ១៩៩៧ (លាចេញពីតំណែង)។
នាដើមខែតុលា ឆ្នាំ២០០៩នេះ លោក បានចូលរួមក្នុងឆាកនយោបាយជាថ្មីជាមួយគណបក្សដើម្បីថៃ ដែលគេជឿជាក់ថាជាគណបក្សគាំទ្ររបស់លោកអតីតនាយករដ្ឋមន្ត្រី ទក្សិណ ជិនវ័ត្រ បន្ទាប់ពីលោកនៅពីក្រោយឆាកនយោបាយអស់រយៈពេលយ៉ាងយូរមក។ លោកប្រហែលជាអាចនឹងក្លាយជាប្រធានគណបក្សបក្សនេះ ដើម្បីដណ្ដើមតំណែងនាយករដ្ឋមន្ត្រីសាជាថ្មីនៅថ្ងៃអនាគតផងដែរ៕
______________________________________________
អានផងដែរ៖
១. សូរសីហនាទនៃសម្ដេចអគ្គមហាសេនាបតីតេជោ ហ៊ុន សែន កក្រើកអស់ស្យាមពសុន្ធរា
២. នយោបាយថៃនិងទំនាក់ទំនងកម្ពុជា
៣. ថៃបើកប្រជុំកំពូលអាស៊ានលើកទី១៥ ទាំងរញ៉េរញ៉ៃ
៤. ទក្សិណ៖ ខ្ញុំចង់ទៅអរគុណលោក ហ៊ុន សែន ដោយផ្ទាល់
៥. ទទួលតំណែងថ្មី… ទក្សិណ មកដល់កម្ពុជាហើយ!
ខ្ញុំនៅចាំថា កាលពីឆ្នាំ 2001 លោកនាយករដ្ឋមន្ត្រីហ៊ុន សែន និងលោកថាក់ស៊ីន បានចុះហត្ថលេខាលើសេចក្ដីថ្លែងការណ៍រួមមួយស្ដីពីការ «មិនផ្ដល់សិទ្ធិជ្រកកោនដល់អ្នកទោសនយោបាយ»រវាងប្រទេសទាំងពីរ។ ឥឡូវនេះ ទំនងបែបជាធ្វើខុសសេចក្ដីថ្លែងការណ៍នោះហើយមើលទៅ?
បើផ្ដល់សិទ្ធិជ្រកកោនអ៊ីចឹង តិចមានបញ្ហារវាងប្រទេសទាំងពីរកាន់តែធ្ងន់ទៅ? យ៉ាងណាកុំឲ្យប្រវត្តិសាស្ត្រច្រំដែល។
ចាំមើលរឿងរ៉ាវតទៅទៀតទៅ។ រដ្ឋាភិបាលបានចេញសេចក្ដីថ្លែងការណ៍ហើយ កុំជោរជាមួយស្រុកខ្មែរនោះ ហេហេ…
អ្នកទោសនយោបាយទាល់តែធ្វើត្រឺមត្រួវដល់ទៅប្រើកម្លាំងទាហានបំពានមិន
ត្រឺមត្រួវទេ។ស្រុកសៀមមិនខុសពីស្រុកភូមាប្រើកម្លាំងទាហានបំពានលើប្រជា
ពលរដ្ទខ្លូន។
[...] [...]