មកដល់ទ្រនំឯបាងកក ខែ វិច្ឆិកា 4, 2009
Posted by សុភ័ក្ត្រ in ពីនេះពីនោះ, អំពីស្រុកខ្មែរ.trackback
ខ្ញុំមកដល់ឯបាងកកវិញហើយកាលពីល្ងាចមិញនេះ (០៤ វិច្ឆិកា ២០០៩)។ មកវិញត្រូវមានការងារជាច្រើនត្រូវធ្វើណាស់ កាលពីនៅស្រុកខ្មែរមិនបានធ្វើអីសោះ។
និយាយពីការធ្វើដំណើរល្ងាចមិញនេះ យន្តហោះដូចជាបើកលឿនជាងរាល់ដង អ្នកប្រកាសថាបើកលឿនជាងកំណត់ប្រហែល២០នាទីឯណោះ តែខ្ញុំថាមិនចឹងទេ លឿនមែនតែប្រមាណ៥ទៅ១០នាទីមុនកំណត់ប៉ុណ្ណោះឯង គឺលឿនជាងរាល់ដងមែន។
ដំបូងគេដាក់កៅអីអក្សរស៊ីមាត់កន្លែងដើរ ក៏សុំគេដូរមកកន្លែងអេហ្វ មានអីបានចំកន្លែងកណ្ដាលតែម្ដង ហ៊ើៗៗ។ ហោះប្រហែលពាក់កណ្ដាលផ្លូវដឹង មើលឃើញយន្តហោះផ្សេងទៀតពីចម្ងាយ។
ជិះអាយន្តហោះអ៊ែរអាស៊ីនេះរាល់លើកពេលមកដល់បាងកកវាមិនដែលចូលដល់ចំណតទេ តែងតែឲ្យឡានទៅដឹកបន្ត គ្រានេះមិនដឹងជាយ៉ាងម៉េចវា វាចូលដល់ចំណតតែមិនដឹងវាទៅចតនៅឯស្លាបមួយណារបស់អាកាសយាន្ដដ្ឋានសុវណ្ណភូមិត្រូវធ្វើដំណើរជាង១គីឡូម៉ែត្រឯណោះទើបមកដល់កន្លែងត្រួតពិនិត្យលិខិតឆ្លងដែន ហាហា… យ៉ាប់មែនអានេះ។
ពេលជិះតាក់ស៊ីមកផ្ទះជួបតែពួកស្នេហាទក្សិណ អូ! គាត់តាប៉ែដល់កហើយ ដឹងឯងខ្មែរទៀតមិនបាច់ទេ។ មកដល់បន្ទប់វិញស្អុយដល់កហើយ ចុះទៅទិញបាយញ៉ាំហើយដេកឡាមម៕
បិទរបស់របរឲ្យអស់បន្ទប់ខ្ញុំឯស្រុកខ្មែរ ដ្បិតមកថៃលើកនេះប្រហែលជាយូរបន្តិចបានទៅខ្មែរម្ដងទៀត
ចំណតអាកាសខ្មែរ តូចមែនតែស្អាត
របស់របរយកមកថៃលើកនេះ
មានតែប៉ុណ្ណេះឯង យកមកតិចណាស់ ប្រមាណ១០គីឡូទេ ស្ដាយដែរ តែមិនដឹងដាក់អីមោថែម មានតែសាច់ក្រក១គីឡូឯង
____________________________________________________
អានផងដែរ៖
១. មកដល់ស្រែខ្មុកហើយ
២. ល្ងាចនេះទៅផ្ទះ
៣. មកដល់បាងកក
៤. មកដល់បឹងកក់
[...] _______________________________________________ អានផងដែរ៖ ១. ល្ងាចនេះទៅផ្ទះ ២. មកដល់ភ្នំពេញ ៣. មកដល់ខ្មែរឈឺល្មម ៤. មកដល់ទ្រនំឯបាងកក [...]
[...] ______________________________________________ អានផងដែរ៖ ១. ចប់ហើយៗ ២. មកដល់ស្រែខ្មុកហើយ ៣. មកដល់ខ្មែរឈឺល្មម ៤. មកដល់ទ្រនំឯបាងកក [...]
សុំចែកសាច់ក្រក ខ្លះមក! មើលទៅដូចទំនងដល់ហើយ! ហាហា
នឹងហើយ មានម្តងនោះឈប់អោយដើរឡើងយូរទំរាំតែដល់កន្លែងត្រួតពិនិត្យPassport យន្តហោះតម្លៃថោកតែចឹងអែង ហេហេ
ល្មមមកនៅស្រុកខ្មែរវិញហើយអន្ទិតៗ អើយ គេដកទូតអស់ហើយ តិចថាអត់អីស៊ីតូវ
ល្មមមកស្រុកអី គ្នារៀនមិនទាន់ចប់ផង
ទិញចាបុត្រហើយៗ មិនបាច់ភ័យទេ ហេហេ!