កាំបិតចិតដងឯង ខែ វិច្ឆិកា 11, 2009
Posted by សុភ័ក្ត្រ in ภาษาไทย, នយោបាយ, បរិយាយថ្ងៃនេះ, អំពីស្រុកខ្មែរ.trackback
បើទោះបីសភាពការណ៍តានតឹងរវាងខ្មែរនិងថៃប៉ុន្មានថ្ងៃថ្មីនេះ បន្ទាប់ពីអតីតនាយករដ្ឋមន្ត្រីថៃធ្លាក់ពីអំណាច ទក្សិណ ជិនវ័ត្រ បានមកប្រទេសកម្ពុជាហើយក៏ដោយ ស្ថានការណ៍តាមបណ្ដោយជាយដែនកម្ពុជាថៃក៏នៅប្រក្រតី ក្រៅតែពីប្រទេសថៃ ជាពិសេសអន្ទិតនាយករដ្ឋមន្ត្រីមុខឌឺ នាយ អភិសិទ្ធិ វេជ្ជាជីវៈ ឆ្លេឆ្លា និងងងិតមុខឈឹង ដ្បិតធ្វើខ្មែរមិនកើត។
នេះគឺប្រហែលជាមេរៀនមួយដែលខ្មែរត្រូវសងយ៉ាងចាស់ដៃត្រឡប់ទៅថៃវិញ ដែលមុននេះថៃបានផ្ដល់មកឲ្យខ្មែរ ហើយដែលពេលនេះថៃត្រូវរៀនទាំងសើចលែងសមពីខ្មែរ បន្ទាប់ពីប្រទេសនេះ ជាងរយៈកាលមួយឆ្នាំហើយ និងបន្ទាប់ពីអន្ទិត អភិសិទ្ធិ ឡើងកាន់តំណែងជានាយករដ្ឋមន្ត្រីថៃ បានត្រឹមតែធ្វើឲ្យល្អក់កកររវាងទំនាក់ទំនងថៃខ្មែរកាន់តែដុនដាបទៅៗ។ យើងនៅចាំបានហើយថា នៅមុននេះ អន្ទិត អភិសិទ្ធិ និងរដ្ឋាភិបាលរបស់នាយ (អភិសិទ្ធិ) បានយករឿងប្រាសាទព្រះវិហារខ្មែរទៅប្រឡាក់ប្រឡូក ទាញប្រជាប្រិយភាពនៅក្នុងប្រទេសហែកហួររបស់ខ្លួន និងដែលធ្ងន់ធ្ងរជាងនេះទៅទៀតនោះ អន្ទិត អភិសិទ្ធិ ថែមទាំងប្រមាថមាក់ងាយដល់ជនជាតិខ្មែរ ដោយហ៊ានពោលពាក្យថា រឿងដែលគេទាមទារអង្គការយូណេស្កូទាក់ទងនឹងប្រាសាទព្រះវិហារនោះ គឺជារឿងរបស់ប្រទេសថៃ និងអង្គការយូណេស្កូទេ មិនមែនជារឿងរបស់កម្ពុជាទេ sic
តើ អភិសិទ្ធិ មានបានដឹងថាពាក្យសម្ដីដ៏ឆ្កួតលីលារបស់ខ្លួនដែលបានពោលនេះវាប៉ះពាល់ដល់សតិអារម្មណ៍របស់មនុស្សខ្មែរគ្រប់រូបទេ ដែលរបស់ខ្លួនពិតៗបែរជាត្រូវគេនិយាយថាមិនពាក់ព័ន្ធទៅវិញ? នេះសំណាងហើយដែលជនជាតិខ្មែរជាមនុស្សអំណត់គ្រាន់បើ រួមទាំងរដ្ឋាភិបាលខ្មែរដែលពេលនោះមិនបានទម្លាក់ចំណងការទូត ដូចអ្វីដែលនាយ (អភិសិទ្ធិ) បានធ្វើជាមួយខ្មែរនេះឡើយ។
ឥឡូវនេះវាដល់ពេលដែលអភិសិទ្ធិ ត្រូវដឹងហើយថា ការដែលរដ្ឋាភិបាលខ្មែរសម្រេចរើសយកលោក ទក្សិណ ជិនវ័ត្រ មកធ្វើជាទីប្រឹក្សារដ្ឋាភិបាល និងជាទីប្រឹក្សាផ្ទាល់របស់លោកនាយករដ្ឋមន្ត្រី ហ៊ុន សែន នៃកម្ពុជានោះ គឺជាប្រចក្ស, ជារឿងរបស់កម្ពុជា និងលោក ទក្សិណ ទេ ពោលគឺមិនមែនជារឿងរបស់ប្រទេសថៃទេ។ ហេតុដូចនេះប្រទេសថៃមិនគួរនិងខំចំណាយទឹកប៊ិច, បញ្ជូនសារមកទាមទារការចាប់ខ្លួន ឬបញ្ជូនខ្លួនលោក ទក្សិណ នាំតែអស់ពេល ចំណាយសោហ៊ុយ និងបំផ្លាញបរិស្ថានដោយសារសំណក់ទឹកប៊ិច និងក្រដាសឡើយ។
អភិសិទ្ធិ មិនបាច់មកចំទាលថាការតែងតាំងលោក ទក្សិណ គឺជាការមើលស្រាលប្រព័ន្ធយុត្តិធម៌ថៃ និងធ្វើឲ្យប្រជាជនថៃមិនស្បាយចិត្តនោះឡើយ ហើយការដែលរដ្ឋាភិបាលខ្មែរបានធ្វើនេះវាមិនទាន់ស្មើបាននៅឡើយទេ បើប្រៀបធៀបនឹងការប្រព្រឹត្ត និងសម្ដីរបស់នាយ (អភិសិទ្ធិ) រយៈកាលកន្លងទៅនោះចំពោះខ្មែរ ហើយដែលខ្មែរមួយនគរអត់ទ្រាំខាំចិត្តសង្កត់កាយចំពោះការមាក់ងាយមើលថោកពីសំណាក់នាយករដ្ឋមន្ត្រីថៃនេះមកលើខ្លួនគេ និងបុព្វបុរសគេ។
បើទោះជាដឹងថារដ្ឋាភិបាលខ្មែរនឹងមិនធ្វើតាមសំណើរបស់ខ្លួនក្ដីក៏រដ្ឋាភិបាលថៃ ដែលមាននាយមុខឌឺនេះជានាយករដ្ឋមន្ត្រីក៏នៅតែត្រដរខ្យល់ធ្វើ គឺធ្វើដើម្បីឲ្យខ្លួនបាក់មុខបន្ថែមទៀត។ អភិសិទ្ធិ វិលមុខពេលនេះត្រដរខ្យល់ព្រោះធ្វើអីខ្មែរមិនកើត ឬដូចដែលពួកក្មេងៗនាំគ្នានិយាយថា «ធើអីកយ?» ដូច្នេះដែរ។ ដរាបណា អភិសិទ្ធិ នៅតែកំញោញនឹងខ្មែរបែបនេះទៀត ហើយព្រំដែនក៏មិនហ៊ានបិទ ដ្បិតដឹងខ្លួនឯងថាបើបិទ ខ្លួនច្បាស់ជាបះជើងនោះ និងលោក ហ៊ុន សែន បាននិយាយច្បាស់ហើយនៅថ្ងៃនេះថា បើនិយាយរឿង ទក្សិណ គឺមិនចរចាជាមួយនោះ អភិសិទ្ធិ ពេលនេះច្បាស់ជាត្រូវចប់ហើយ គឺចប់ដូចគេចុក រកនិយាយអ្វីមិនបាន ភ្លាត់ស្នៀតនូវអ្វីដែលខ្លួនបានប្រព្រឹត្ត ដែលនេះជាកាំបិតចិតដងឯងយ៉ាងប្រាកដ៕
_____________________________________________________
អានផងដែរ៖
១. ទទួលតំណែងថ្មី… ទក្សិណ មកដល់កម្ពុជាហើយ!
២. ហ៊ុន សែន ជួបជើងខ្លាំងពិតប្រាកដ
៣. ជ្រួលច្របល់តែពីរឿង ទក្សិណ
៤. នយោបាយថៃនិងទំនាក់ទំនងកម្ពុជា
ក្រែងខ្លាំងណាស់តើអាល្បងនឹង មេចក៏អស់លក្ខហើយ!
[...] កាំបិតចិតដងឯង [...]
តាមដានរឿននយោបាយដូចរឿងកុនចឹងអាឡូវ។ ចាំមើលភាគបន្តរទៅមើល
Appointment of a Thai national as an economic advisor to the Royal Government of Cambodia and Cambodia’s strong man is a benchmark manifesting the world that Cambodia do not hate Thais. Prime Minister Hun Sen did clarify that it is the issue between Hun Sen and Abhishit. It is not the issue between the Thais and Cambodians.
អភិសិទ្ធិកុំស្មានថាកើតនៅអង់គ្លេសរៀននៅអង់គ្លេសគ្រាន់បើជាងហុនសែន។
សួម្បីតែមន្ត្រីក្រសួងការបរទេសសៀមកាសិទភីរមក៍សុំទោសហុនសែនដែរ។
នៅស្រុកខ្មែរបក្សប្រឆាំងខ្មែរមិនដែលសុំទោសហុនសែនផងដល់់ទៅ
មន្ត្រីក្រសួងការបរទេសសៀមកាសិទភីរមបានសុំទោសហុនសែនដួចជា
អន់ជាងហុនសែនមែនទែន។
now thai like cambodia during 1969 – 1975 .
but thai not receive from any one and cambodia receive from vietnam.
កុំព្រួយមាំពេក ដើម្បីជៀសវាងកុំអោយច្រួលច្របល់ ខ្ញុំបាននិមន្តព្រះ ឥសូរ ព្រះវិស្នុ និងហនុមាន ព្រមទាំងអគ្គមហេសី មកជួយប្រក់ព្រុំកម្ពុជា សូមអញ្ជើញ ទស្សនានិងសំណេះសំណាល កុំបីខាន នៅប៉ុសខ្ញុំទាំពីរ…។
Siam is trying to forget the fact that they are living in the Cambodia land in the past. From here, I map with desciption that Koh Kong was one belong to Trat of Thailand (they seem to ignore the root history). This is a kind of trick the rest of the world. Have a look at http://nationmultimedia.com/2009/11/13/politics/politics_30116522.php
អាតាបិះ Peehs07 ហ្នឹង និយាយដូចអត់ចូលសាច់រឿងសោះចឹង?និយាយឡប់ៗឆ្កួតៗ
តាមពិតលោក peehs07 គាត់ដឹង តែគាត់ចង់លេងសើចជាមួយនឹងយើងបន្តិច ដោយដើរតួធ្វើជា clown (តួកំប្លែងនៅក្នុងរោងសៀក) ។