ទៅលាវគ្រានេះ (ភាគ៨ ចប់) ថ្ងៃពុធ 3 ខែមីនា 2010
Posted by សុភ័ក្ត្រ in ទេសចរណ៍, អំពីសុភ័ក្ត្រ.5 comments
-
នគរហ្លួងវៀងច័ន្ទន៍
១២-១៣ មករា ២០១០
(អានភាគមុន) ល្ងាចថ្ងៃទី១២ មករា ម៉ោងប្រមាណ៦ ខ្ញុំក៏បានមកដល់ទីក្រុងវៀងច័ន្ទន៍វិញ និងដេកនៅសណ្ឋាគារដដែល គឺសណ្ឋាគារសិល្ប៍នគរ (Sinnakhone Hotel)។
ព្រឹកស្អែកឡើង គឺថ្ងៃ១៣ មករា ខ្ញុំចាប់ផ្ដើមធ្វើការងារមួយចំនួនទៀតដែលបានបាត់បង់ ក្រោយមកក៏ទៅកន្លែងកុំព្យូទ័រ និងបេកអាប់ឯកសារបានមកវិញ។ និយាយទៅគ្រាន់តែមកលាវគ្រានេះត្រូវឆ្លងកាត់ និងស្នាក់នៅវៀងច័ន្ទន៍រហូតដល់ទៅបីដង។
នៅពេលថ្ងៃខ្ញុំត្រូវទិញសំបុត្ររថយន្តដើម្បីត្រឡប់ទៅបាងកកវិញ។ ការសម្រេចចិត្តទៅតាមរថយន្តនេះគឺឃើញថាទីមួយសន្សំសំចៃថវិកាខ្លះ និងដោយសារខ្ញុំធ្លាប់ធ្វើដំណើរបែបនេះរួចមកហើយ (សូមអាន៖ ដំណើរកម្សាន្តទៅប្រទេសលាវ លើកទី២ (ភាគ៧)) ឃើញថាមានភាពងាយស្រួលផងក៏សម្រេចចិត្តធ្វើដំណើរតាមរថយន្តក្រុងពីវៀងច័ន្ទន៍ ទៅបាងកកនេះ។ ថ្លៃសំបុត្រប្រមាណ៩០០បាត។
នៅល្ងាចថ្ងៃទី១២ នេះខ្ញុំត្រូវចេញពីវៀងច័ន្ទន៍ប្រមាណជាម៉ោង៦ល្ងាច ឆ្លងទៅប្រទេសថៃ ម៉ោងប្រមាណជា៥ព្រឹក ថ្ងៃទី១៣ ខែមករា ឆ្នាំ២០១០ ខ្ញុំក៏មកដល់ទីក្រុងបាងកកដោយសុវត្ថិភាព។ ចប់ដំណើរទស្សនកិច្ចទៅប្រទេសលាវគ្រានេះ។ សូមរង់ចាំទស្សនាឃ្លីបវីដេអូទៅលាវគ្រានេះ៕
___________________________________________
អានផងដែរ៖
១. ទៅលាវគ្រានេះ (ភាគ៧)
២. ត្រឡប់មកពីប្រទេសលាវវិញ
៣. ដំណើរកម្សាន្តទៅប្រទេសលាវ លើកទី២ (ភាគ៧)
