ថៃប្រកាសឲ្យខ្មែរដកទង់ជាតិ និងរុះរើវត្តកែវសិក្ខាគិរីស្វារៈ ថ្ងៃ ចន្ទ 31 ខែមករា 2011
Posted by សុភ័ក្ត្រ in នយោបាយ, ប្រវត្តិសាស្ត្រ, ព្រះវិហារ, អំពីស្រុកខ្មែរ, ภาษาไทย.14 comments
កកន៖ ថ្ងៃនេះ (៣១ មករា ២០១១) ប្រទេសថៃ តាមរយៈក្រសួងការបរទេស របស់ខ្លួនបានចេញសេចក្ដីថ្លែងការណ៍មួយច្បាប់តតបនិងក្រសួងការបរទេសខ្មែរ ដែលបានចេញសេចក្ដីប្រកាសមួយ កាលពីថ្ងៃសុក្រ កន្លងទៅ។ ខ្ញុំសូមមិនធ្វើអត្ថាធិប្បាយបន្ថែម តែសូមយកមកចុះផ្សាយ និងធ្វើការបកប្រែក្រៅផ្លូវការនូវសេចក្ដីប្រកាសរបស់ក្រសួងការបរទេសថៃនេះ ដូចតទៅ៖
ถ้อยแถลงของกระทรวงการต่างประเทศกรณีธงกัมพูชาที่ปรากฏอยู่เหนือ “วัดแก้วสิกขาคีรีศวร”
31 มกราคม 2554 17:42:18
ตามที่กระทรวงการต่างประเทศและความร่วมมือระหว่างประเทศแห่งราชอาณาจักรกัมพูชามีคำประกาศ ลงวันที่ ๒๘ มกราคม ๒๕๕๔ เกี่ยวกับธงกัมพูชาที่ปรากฏอยู่เหนือ “วัดแก้วสิกขาคีรีศวร” นั้น กระทรวงการต่างประเทศขอแถลง ดังนี้
๑. ตามบันทึกความเข้าใจระหว่างรัฐบาลแห่งราชอาณาจักรไทยกับรัฐบาลแห่งราชอาณาจักรกัมพูชาว่าด้วยการสำรวจและจัดทำหลักเขตแดนทางบก ปี ๒๕๔๓ อนุสัญญาและสนธิสัญญาระหว่างสยามกับฝรั่งเศส ปี ค.ศ. ๑๙๐๔ และ ค.ศ. ๑๙๐๗ และเอกสารอื่นที่เกี่ยวข้องกับการบังคับใช้สัญญาทั้งสองฉบับ ถือเป็นเอกสารทางกฎหมายที่เกี่ยวข้องในการกำหนดเขตแดน ดังนั้น ประเทศไทยจึงไม่ยอมรับข้ออ้างของกัมพูชาว่าแผนที่ ๑ ต่อ ๒๐๐,๐๐๐ เป็นเอกสารที่จะกำหนดเขตแดน
๒. กัมพูชาได้ยอมรับในคำประกาศฉบับดังกล่าวว่า คำพิพากษาของศาลยุติธรรมระหว่างประเทศ เมื่อปี ๒๕๐๕ (ค.ศ. ๑๙๖๒) มิได้ตัดสินในเรื่องเส้นเขตแดนระหว่างประเทศไทยกับกัมพูชา
๓. ประเทศไทยยืนยันว่า “วัดแก้วสิกขาคีรีศวร” ตั้งอยู่ในอาณาเขตไทย และเรียกร้องให้ประเทศกัมพูชารื้อถอนวัดแก้วฯ และปลดธงกัมพูชาที่ประดับเหนือวัดแก้วฯ ข้อเรียกร้องนี้เป็นการย้ำถึงการประท้วงหลายครั้งของไทยต่อกัมพูชาเกี่ยวกับกิจกรรมต่าง ๆ ในวัดแก้วฯ และบริเวณโดยรอบ ซึ่งล้วนเป็นการละเมิดอธิปไตยและบูรณภาพแห่งดินแดนของราชอาณาจักรไทย
๔. กระทรวงการต่างประเทศยืนยันอีกครั้งถึงความมุ่งมั่นของไทยที่จะแก้ไขปัญหาเขตแดนกับกัมพูชาตามกฎหมายระหว่างประเทศโดยสันติวิธี ภายใต้กรอบของคณะกรรมาธิการเขตแดนร่วมไทย-กัมพูชา การกำหนดเส้นเขตแดนบริเวณปราสาทพระวิหารยังคงเป็นเรื่องที่อยู่ระหว่างการเจรจาภายใต้กรอบของคณะกรรมาธิการฯ
======បកប្រែក្រៅផ្លូវការ======
សេចក្ដីថ្លែងការណ៍របស់ក្រសួងការបរទេស ករណីទង់ជាតិកម្ពុជាដែលប្រាកដនៅលើ “វត្តកែវសិក្ខាគិរីស្វារៈ”
៣១ មករា ២៥៥៤ (២០១១) ១៧:៤២:១៨
តាមដែលក្រសួងការបរទេស និងសហប្រតិបត្តិការអន្តរជាតិនៃព្រះរាជាណាចក្រកម្ពុជា ដែលមានសេចក្ដីប្រកាស ចុះថ្ងៃទី២៨ ខែមករា ឆ្នាំ២០១១ ទាក់ទងនឹងទង់កម្ពុជាដែលប្រាកដនៅលើ “វត្តកែវសិក្ខាគិរីស្វារៈ” នោះ ក្រសួងការបរទេស (ថៃ) សូមថ្លែង ដូចតទៅនេះ
១. តាមអនុស្សារណៈនៃការយោគយល់គ្នារវាងរដ្ឋាភិបាលនៃរាជអាណាចក្រថៃ ជាមួយរដ្ឋាភិបាលនៃព្រះរាជាណាចក្រកម្ពុជា ថាដោយការរៀបចំពិនិត្យ និងកំណត់ព្រំដែនដីគោក ឆ្នាំ២០០០ អនុសញ្ញា និងសន្ធិសញ្ញារវាងសៀម និងបារាំង ឆ្នាំ១៩០៤ និង១៩០៧ និងឯកសារដទៃទៀតទាក់ទងនឹងការអនុវត្តប្រើសញ្ញាទាំងពីរច្បាប់ រាប់ថាជាឯកសារខាងផ្លូវច្បាប់ ដែលទាក់ទិននឹងការកំណត់ព្រំដែន ហេតុដូចនេះ ប្រទេសថៃទើបមិនព្រមទទួលស្គាល់ការអះអាងរបស់កម្ពុជាថាផែនទី១លើ២០០.០០០ ជាឯកសារដែលកំណត់ព្រំដែននោះទេ។
២. កម្ពុជាបានទទួលស្គាល់នៅក្នុងសេចក្ដីប្រកាសទាំងនោះថា សេចក្ដីសម្រេចរបស់តុលាការយុត្តិធម៌អន្តរជាតិ កាលពីឆ្នាំ១៩៦២ មិនបានកាត់សេចក្ដីលើបន្ទាត់ព្រំដែនរវាងប្រទេសថៃ និងកម្ពុជា។
៣. ប្រទេសថៃអះអាងថា ”វត្តកែវសិក្ខាគិរីស្វារៈ” តាំងនៅក្នុងអាណាខេត្តថៃ និងស្នើឲ្យប្រទេសកម្ពុជារុះរើវត្តកែវ (សិក្ខាគិរីស្វារៈ) និងដកទង់ជាតិដែលដាក់នៅលើវត្តកែវ។ សំណើនេះគឺជាការធ្វើឡើងដដែលៗដែលបានធ្វើការទាមទារជាច្រើនលើកមកហើយរបស់ថៃទាក់ទងនឹងពិធីនានានៅក្នុងវត្តកែវ និងបរិវេណជុំវិញ ដែលសុទ្ធសឹងជាការរំលោភអធិបតេយ្យ និងបូរណភាពនៃដែនដីរាជអាណាចក្រថៃ។
៤. ក្រសួងការបរទេសអះអាងជាថ្មីចំពោះឆន្ទៈរបស់ថៃដែលនឹងដោះស្រាយបញ្ហាខេត្តដែនជាមួយកម្ពុជាតាមច្បាប់អន្តរជាតិដោយសន្តិវិធី ក្រោមនីតិវិធីរបស់គណៈកម្មការព្រំដែនរួមថៃ-កម្ពុជា។ ការកំណត់ព្រំដែនបរិវេណប្រាសាទព្រះវិហារ កំពុងស្ថិតនៅក្នុងការចរចាក្រោមនីតិវិធីនៃគណៈកម្មការនេះ៕
_________________________________________________
អានផងដែរ៖
១. យ៉ាងម៉េចហើយទំនាក់ទំនងស្រឡាញ់-ស្អប់?
២. ខ្មែរប្រកាសមិនដកទង់ជាតិ និងមិនរុះរើវត្តកែវសិក្ខាគិរីស្វារៈ
៣. កម្ពុជា និងថៃ ផ្ទុះអាវុធល្បងកម្លាំងជាថ្មី
៤. ក្រសួងការបរទេសខ្មែរចេញសេចក្ដីប្រកាសទាក់ទងនឹងការប្រយុទ្ធគ្នាថ្ងៃនេះ
៥. ក្រសួងការបរទេសថៃចេញសេចក្ដីប្រកាសទាក់ទងនឹងការប្រយុទ្ធគ្នាម្សិលមិញ
៦. កម្ពុជាបញ្ជូនលិខិតទៅក្រុមប្រឹក្សាសន្តិសុខអង្គការសហប្រជាជាតិ
៧. បាត់ទង់ជាតិលើប្រាសាទព្រះវិហារ
ឆ្នាំចិនជិតចូលមកដល់ ថ្ងៃ អាទិត្យ 30 ខែមករា 2011
Posted by សុភ័ក្ត្រ in អំពីស្រុកខ្មែរ, 中文.2 comments
នៅសល់តែប៉ុន្មានថ្ងៃទៀតប៉ុណ្ណោះពិធីបុណ្យចូលឆ្នាំតាមបែបច័ន្ទគតិ ប្រពៃណីជនជាតិចិនយួន និងចូលមកដល់ហើយ។ ដោយឡែកនៅប្រទេសកម្ពុជាវិញ បើទោះបីនេះមិនមែនជាប្រពៃណីរបស់ជនជាតិភាគច្រើននៃប្រទេសនេះក៏ដោយ ក៏គេឃើញថា នៅតាមទីផ្សារសភាពអ៊ូអរនៅមានគ្រប់ទីផ្សារមុនថ្ងៃបុណ្យចូលឆ្នាំនេះចូលមកដល់។
ការប្រារព្ធបុណ្យចូលឆ្នាំចិនយួន នៅប្រទេសកម្ពុជាត្រូវបានគេមើលឃើញថា ត្រូវបានធ្វើឡើងយ៉ាងពេញលេញ និងធំដុំផង ដោយគ្មាននរណាហាមប្រាមឡើយ ជាពិសេសនៅទីក្រុងភ្នំពេញ និងទីប្រជុំជននានារបស់ប្រទេស។ តាមការពិត មិនអាចប្រកែកបាន ប្រជាជនខ្មែរ ដែលកំពុងរស់នៅក្នុងទីក្រុង និងទីប្រជុំជនទាំងនោះ សុទ្ធតែមានសាច់ឈាមកូនកាត់ចិន បើមិនតិចជំនាន់ ក៏ច្រើនជំនាន់ដែរ បើទោះបីជាបច្ចុប្បន្នមានការកាត់លាយជាមួយជាតិខ្មែរច្រើន ហើយកូនកាត់ចិនទាំងនោះមួយចំនួនមិនបានទាំងចេះភាសាចិនផងទេ។
រយៈពេលប៉ុន្មានឆ្នាំចុងក្រោយនេះមានបណ្ដាជនជាតិចិនដីគោកជាច្រើនបានមករស់នៅ និងរកស៊ីនៅក្នុងប្រទេសកម្ពុជា ស្របជួននិងមុខទំនិញចិនជាច្រើនបានចូលលុកលុយទីផ្សារប្រទេសខ្មែរយ៉ាងពេញទំហឹង។ ប្រពៃណីចូលឆ្នាំចិនយួនឆ្នាំនេះ ប្រាកដជាអធិកអធមជាងឆ្នាំកន្លងទៅ។
ឆ្នាំនេះតាមប្រក្រតិទិនចិន ការចូលឆ្នាំត្រូវនឹងថ្ងៃព្រហស្បតិ៍ទី៣ ខែកុម្ភៈ ឆ្នាំ២០១១ ដែលជាឆ្នាំថោះ គឺសត្វទន្សាយ៕
គ្រឿងសំណែនក្នុងរដូវចូលឆ្នាំចិន ដាក់លក់ក្នុងទីផ្សារមួយនៅភ្នំពេញ
គ្រឿងលំអគេហដ្ឋានក្នុងរដូវចូលឆ្នាំចិន ដាក់លក់ក្នុងទីផ្សារមួយនៅភ្នំពេញ
_________________________________________________
អានផងដែរ៖
១. វប្បធម៌ចិនកំពុងគ្របដណ្តប់មកលើសង្គមខ្មែរ
២. ថ្ងៃសែនចិន
កួឡា ឡូមពួរ ថ្ងៃ សៅរ៍ 29 ខែមករា 2011
Posted by សុភ័ក្ត្រ in ពីនេះពីនោះ.20 comments
កួឡា ឡូមពួរ (Kuala Lumpur) គឺជារាជធានីនៃប្រទេសម៉ាឡេស៊ី និងជាទីក្រុងធំបំផុតរបស់ប្រទេសផងដែរ។ មនុស្សម្នាភាគច្រើនមិនថាជនជាតិម៉ាឡេស៊ី ឬបរទេសនិយមហៅកួឡា ឡូមពួរ ជាអក្សរកាត់ថា ឃេអិល (KL)។
កួឡា ឡូមពួរ គឺជាផ្នែកមួយក្នុងចំណោម៣នៃទឹកដីសហព័ន្ធម៉ាឡេស៊ី (Malaysian Federal Territories) ដែលព័ទ្ធដោយរដ្ឋសេឡាង៉រ (Selangor state) នៅភាគខាងកើតប៉ែកកណ្ដាលនៃឧបទ្វីបម៉ាឡេស៊ី។
កួឡា ឡូមពួរ កតាំងឡើងក្នុងប្រមាណឆ្នាំ១៨៤៩, បច្ចុប្បន្នមានផ្ទៃដីប្រមាណ២៤៣,៦៥គីឡូម៉ែត្រក្រឡា និងមានប្រជាករប្រមាណ១.៨០៩.៦៩៩នាក់។ បច្ចុប្បន្ននេះអភិបាលក្រុងនេះគឺលោក ដាតុ Ahmad Fuad Ismail។
គេហទំព័រ៖ www.kualalumpur.gov.my
ទង់ប្រចាំរដ្ឋ និងត្រាប្រចាំរដ្ឋ
ផែនទីប្រទេសម៉ាឡេស៊ី និងទីក្រុងកួឡា ឡូមពួរ (ព័ណ៌ក្រហម)
ទីក្រុងកួឡា ឡូមពួរ នាពេលបច្ចុប្បន្ន
_________________________________________________
អានផងដែរ៖
១. មកដល់ស្រុកម៉ាឡេ
២. ដំណើរទេសចរដែលខ្ញុំពេញចិត្តបំផុត
៣. ទៅលេងម៉ាឡេស៊ី ក្រោយរយៈពេល៩ឆ្នាំ
៤. ទៅលេងម៉ាឡេស៊ី ក្រោយរយៈពេល៩ឆ្នាំ (ចប់)
៥. ចរាចរណ៍នៅម៉ាឡេស៊ី
យ៉ាងម៉េចហើយទំនាក់ទំនងស្រឡាញ់-ស្អប់? ថ្ងៃ សុក្រ 28 ខែមករា 2011
Posted by សុភ័ក្ត្រ in បរិយាយថ្ងៃនេះ, ប្រវត្តិសាស្ត្រ, ព្រះវិហារ, អំពីស្រុកខ្មែរ, ภาษาไทย.11 comments
ទំនាក់ទំនងរវាងប្រទេសថៃ និងកម្ពុជា តាំងពីអតីតរៀងមក រហូតដល់បច្ចុប្បន្ននេះត្រូវគេមើលឃើញថាប្រៀបដូចអណ្ដាត និងធ្មេញ គឺម្ដងល្អ ម្ដងអាក្រក់ ចំណែកឯអ្នកប្រវត្តិសាស្ត្រធ្លាប់បានឲ្យឈ្មោះថាជាទំនាក់ទំនងបែបស្រឡាញ់ និងស្អប់ ផងដែរ។ លោកសាស្ត្រាចារ្យ ជាញវិទ្យ ក្សេត្រសិរិ (ថៃ៖ ชาญวิทย์ เกษตรศิริ និងមានសំនៀងថា ឆាន-វីត-ក្សេត-ស៊ិ-រិ) អតីតអធិការបតីសាកលវិទ្យាល័យធម្មសាស្ត្ររបស់ប្រទេសថៃ និងជាសិក្សាខាងប្រវត្តិសាស្ត្ររបស់ប្រទេសថៃជាមួយនឹងប្រទេសជិតខាងនោះធ្លាប់បានសរសេរអត្ថបទដ៏ល្បីមួយឈ្មោះថា ថៃ-ក័ម្ពុជា ទំនាក់ទំនងស្រឡាញ់ និងស្អប់ ក្រោយពីព្រឹត្តិការណ៍ដុតស្ថានទូតថៃនៅទីក្រុងភ្នំពេញ។
បន្ទាប់ពីព្រឹត្តិការណ៍កាលពីខ្មែរមករា ឆ្នាំ២០០៣ នោះរួចមក ប្រទេសថៃ និងកម្ពុជា បានបង្កើតយន្តការជាច្រើនដើម្បីលើកស្ទួយទំនាក់ទំនង «ស្រឡាញ់» ឡើងវិញ ក្នុងចំណោមប្រជាជាតិជិតខាងទាំងពីរនេះ។ តែអ្វីៗហាក់ដូចជាមិនបានផលទាល់តែសោះ។ ជាថ្មីម្ដងទៀត រឿងរ៉ាវប្រាសាទព្រះវិហារ ដែលមានតាំងពីរយូរយារណាស់មកហើយ នៅតែត្រូវបានបង្កដោយជនជាតិថៃ ដើម្បីឲ្យមានទំនាក់ទំនង «ស្អប់» ឡើងវិញជាដរាបរហូតមកដល់ថ្ងៃនេះ។
ពីរថ្ងៃកន្លងមកហើយ ដែលទាហានកម្ពុជាបានដកស្លាកដែលដាក់ថា «ទីនេះ! ជាទីទឹកដីកម្ពុជា» បន្ទាប់ពីមានការព្រមានពីប្រទេសថៃ ហើយដូចគ្នាដែល លោកនាយករដ្ឋមន្ត្រីថៃ នាយ អភិសិទ្ធិ វេជ្ជាជីវៈ ក៏បាននិយាយដែលថា កម្ពុជាត្រូវដកទង់ជាតិរបស់ខ្លួន ពីវត្តកែវសិក្ខាគិរីស្វារៈ ដែលនៅក្នុងតំបន់ប្រាសាទព្រះវិហារផងដែរ។ ស្ថិតក្នុងបញ្ហាប្រឈមដ៏ធ្ងន់ធ្ងរនេះ ថ្ងៃនេះ (២៨ មករា ២០១១) រដ្ឋាភិបាលកម្ពុជា តាមរយៈក្រសួងការបរទេស និងសហប្រតិបត្តិការអន្តរជាតិ បានចេញសេចក្ដីប្រកាសមួយ បដិសេធសម្ដីរបស់នាយករដ្ឋមន្ត្រីថៃ ក៏ដូចជាប្រកាសពីសិទ្ធិការពារខ្លួន ប្រសិនបើមានការរំលោភនាពេលអនាគតពីសំណាក់ប្រទេសថៃ។
បើយើងពិនិត្យមើលស្ថានការណ៍ និងទំនាក់ទំនងរវាងប្រទេសទាំងពីរ ជាពិសេសមួយរយៈកាលចុងក្រោយនេះ គឺគ្មានអ្វីក្រៅពី ទំនាក់ទំនង «ស្អប់» និង «ស្អប់» ទេ។ ឬថាកម្ពុជា និងថៃ គួរធ្វើសង្គ្រាមដ៏ធំមួយ ដើម្បីបញ្ចប់ជម្លោះដ៏តូចតាច កំប៉ិកកំប៉ុក អង្ករកំប៉ុង ប្រៀបដូចមនុស្សស្លាប់ មិនស្លាប់ រស់មិនរស់ របៀបដូចសព្វថ្ងៃនេះ យ៉ាងយូរតទៅទៀត?
សេចក្ដីប្រកាសរបស់ក្រសួងការបរទេស និងសហប្រតិបត្តិការអន្តរជាតិ
នៃព្រះរាជាណាចក្រកម្ពុជា នាថ្ងៃទី២៨ ខែមករា ឆ្នាំ២០១១
__________________________________________________
អានផងដែរ៖
១. ថៃ-ក័ម្ពុជា ទំនាក់ទំនងស្រឡាញ់ និងស្អប់
២. នយោបាយថៃនិងទំនាក់ទំនងកម្ពុជា
៣. កម្ពុជា, ឃ្លាត់បានតែម៉ាំង
៤. អភិសិទ្ធិចេញថ្លែងការណ៍ករណីខ្មែរចាប់ជនជាតិថៃ
៥. ថៃប្រកាសឲ្យខ្មែរដកទង់ជាតិ និងរុះរើវត្តកែវសិក្ខាគិរីស្វារៈ
៦. កម្ពុជា និងថៃ ផ្ទុះអាវុធល្បងកម្លាំងជាថ្មី
៧. ក្រសួងការបរទេសខ្មែរចេញសេចក្ដីប្រកាសទាក់ទងនឹងការប្រយុទ្ធគ្នាថ្ងៃនេះ
៨. ក្រសួងការបរទេសថៃចេញសេចក្ដីប្រកាសទាក់ទងនឹងការប្រយុទ្ធគ្នាម្សិលមិញ
៩. កម្ពុជាបញ្ជូនលិខិតទៅក្រុមប្រឹក្សាសន្តិសុខអង្គការសហប្រជាជាតិ
លិខិតចំហទៅ KI មេឌា ថ្ងៃព្រហស្បតិ៍ 27 ខែមករា 2011
Posted by សុភ័ក្ត្រ in ពីនេះពីនោះ, អំពីសុភ័ក្ត្រ.34 comments
● KI ត្រូវបញ្ឈប់ការយកប្រកាសខ្ញុំទៅកេងនយោបាយ
និងយកទៅផ្សាយបន្តដោយគ្មានការអនុញ្ញាត
ពេញមួយថ្ងៃនេះ មានអ្នកចូលមកបើកមើល និងផុសត៍មតិប្លែកៗសំដៅប្រឆាំងរដ្ឋាភិបាល បន្ទាប់ពីគេហទំព័រ អ្វីដែលគេហៅថា “ខេអាយ មេឌា” ក្រុមប្រឆាំងដាច់ក្បាលដាច់កន្ទុយរបស់អស់លោក យកប្រកាសមួយរបស់ខ្ញុំដែលបានដាក់ពីម្សិលមិញនេះ ដោយមិនបានសុំការអនុញ្ញាត និងគ្មានការអនុញ្ញាតសោះឡើយ។ ទង្វើរបស់ខេអាយនេះ ពិតណាស់មិនស័ក្ដិសមឡើយ, ទាំងក្នុងពេលអតីតកាល បច្ចុប្បន្ន និងតទៅអនាគត, ក្នុងការតាំងខ្លួនជាអ្នកមានចំណេះដឹង ឬអ្វីដែលគេហៅថា អ៊ីនថែលលីជេន ស្អីនោះ។ ដ្បិតការយករបស់របរជាកម្មសិទ្ធិរបស់បុគ្គលណាម្នាក់ ដោយគ្មានការអនុញ្ញាតបែបនេះ វាបានផ្ទុយទាំងស្រុងទៅនឹងកម្មសិទ្ធិបញ្ញា ហើយដែលអ្នកចេះដឹងគេមិនធ្វើ។
អ្វីដែលលើសពីនេះទៅទៀតនោះគឺថា ក្រៅអំពីយកអត្ថបទរបស់ខ្ញុំទៅចុះផ្សាយដោយគ្មានការអនុញ្ញាតហើយ វេបសៃត៍ ក៏ដូចជាក្រុមរបស់ពួកលោកកំពុងតែកែប្រែ ក្នុងចរឹតបំផ្លែងអត្ថបទរបស់ខ្ញុំឲ្យទៅជាអត្ថបទនយោបាយ ក្នុងន័យប្រឆាំងរដ្ឋាភិបាល ដូចដែលក្រុម និងវេបសៃត៍របស់ពួកលោកនេះ បាននឹងកំពុងធ្វើ, បាននឹងកំពុងរវើរវាយ និងការប្រឆាំងហួសហេតុ គ្មានទិសគ្មានតំបន់។
ហេតុដូចនេះ ខ្ញុំសូមជូនដំណឹងដល់ក្រុម ឃេអាយ ទាំងអស់ ត្រូវបញ្ឈប់ជាបន្ទាន់ នូវការយកប្រកាសរបស់ខ្ញុំទៅដាក់នៅវេបសៃត៍របស់អស់លោក ដើម្បីបំផ្លែងបម្រើមហិច្ឆតានយោបាយរបស់អស់លោក។ ប្រការសំខាន់បំផុតនោះគឺថា ខេអាយ មេឌា មិនមានគោលគំនិតអ្វីណាមួយស្របនឹងខ្ញុំទាល់តែសោះ។ ខ្ញុំគាំទ្ររដ្ឋាភិបាលស្រឡាញ់បាវចនា និងរដ្ឋធម្មនុញ្ញបច្ចុប្បន្ន ដែលកើតឡើងពិតៗពីប្រជាជនភាគច្រើន ដែលកំពុងរស់នៅក្នុងផែនដីកម្ពុជានេះ។ ខ្ញុំទទួលស្គាល់នូវសមិទ្ធផលនានារបស់រដ្ឋាភិបាលដែលបាននឹងកំពុងធ្វើ ដែលទស្សនៈ និងហេតុផលអស់ទាំងនេះ មិនស្របគ្នាទាល់តែសោះ ជាមួយនឹង ខេអាយ មេឌា។ ហេតុដូចនេះ ប្រកាសរបស់ខ្ញុំទាំងឡាយ មិនមានហេតុផលអ្វីត្រូវមានវត្តមាននៅក្នុងវេបសៃត៍ (ខេអាយ) មួយនេះទេ។
រាល់ប្រកាសទាំងអស់របស់ខ្ញុំ បានសរសេរចេញឡើងក្នុងនាមជាពលរដ្ឋសាមញ្ញមួយ ដោយមិនមានពាក់ព័ន្ធនឹងក្រុម ឬបុគ្គល ឬបក្ខ ឬពួក ណាមួយឡើយ។ ហើយរាល់ប្រកាសនានា គឺធ្វើឡើងតាមវិធីសមធម៌ បើទិទៀន គឺក្នុងន័យស្ថាបនា ធ្វើឲ្យប្រសើរឡើង ពោលគឺមិនមែន រិះគន់បែប អគតិ មិនទទួលស្គាល់ការពិតដូចដែលក្រុម ខេអាយ របស់លោកបានធ្វើនោះទេ។
ជាថ្មីម្ដងទៀត ក្នុងនាមជាពលរដ្ឋក្នុងស្រុកម្នាក់ ខ្ញុំអាចនិយាយថាខ្ញុំមិនពេញចិត្តទាល់សោះនូវសកម្មភាពរបស់ក្រុមលោក ដែលបានប្រមាថ មាក់ងាយ ជាតិសាសន៍ មេដឹកនាំខ្លួន រហូតទៅដល់ព្រះមហាក្ស័ត្រិយ៍ ដែលពួងប្រជាគោរពសក្ការៈ, បង្កជាផលរមាស់រហូតដល់មានការបិទរាំងខ្ទប់វេបសៃត៍របស់អស់លោក ហើយដែលខ្ញុំគាំទ្រទាំងស្រុងក្នុងការបិទខ្ទប់ប្លក់របស់លោកនេះ។ ឥឡូវនេះ ក្រុមរបស់លោកបានហៀរមកដល់ wordpress នេះទៀត។ ខ្ញុំសូមនិយាយថា ខ្ញុំមិនស្វាគមន៍ពួកលោកមក wordpress នេះទេ។ វត្តមានរបស់លោកមិនយូរមិនឆាប់ wordpress អាចនឹងមានបញ្ហាជាយថាហេតុ។ បើក្រុមលោកពិតជាស្នេហាភាពជាអាត្មានៃខ្លួនប្រាកដមែន ខ្ញុំសូមណែនាំដល់ក្រុមលោកជៀសឲ្យឆ្ងាយពីពិភពហ្វ្រីប្លក់នេះ ដើម្បីទុកឲ្យឱកាសដល់ខ្មែរឯទៀត ហើយសូមលោកទៅទិញដូមេន និងបង្ហោះជាវេបសៃត៍ឯករាជ្យផ្ទាល់ខ្លួនឯងទៅ។ ខ្ញុំមិនប្រឆាំងនឹងក្រុមអស់លោកទេ តែខ្ញុំមិនពេញចិត្តទាល់តែសោះនូវទង្វើរបស់ក្រុមលោក៕
ខមមេត៍របស់ខ្ញុំ ទៅគេហទំព័រ ខេអាយ មេឌា ឲ្យបញ្ឈប់ជាបន្ទាន់ការយកប្រកាសខ្ញុំទៅចុះផ្សាយ
កម្ពុជា, ឃ្លាត់បានតែម៉ាំង ថ្ងៃពុធ 26 ខែមករា 2011
Posted by សុភ័ក្ត្រ in នយោបាយ, បរិយាយថ្ងៃនេះ, ប្រវត្តិសាស្ត្រ, ព្រះវិហារ, អំពីស្រុកខ្មែរ, ภาษาไทย.comments closed
* ប្រសិនបើអ្នកបានចូលមកដល់ទីនេះ តាមរយៈគេហទំព័រ ខេអាយ មេឌា សូមអានអត្ថបទមួយនេះសិន៖ «លិខិតចំហទៅ KI មេឌា» សូមអរគុណ!
ថ្ងៃនេះ (២៦ មករា ២០១១) កម្ពុជាបានបង្ហាញប្រជាជនខ្លួនឲ្យឃើញជាក់ច្បាស់ពីភាព«ឃ្លាត់ៗ បានតែម៉ាំង» របស់ខ្លួន។ ជម្លោះរឿងរ៉ាវប្រាសាទព្រះវិហាររវាងប្រទេសកម្ពុជា និងថៃ គ្មានអ្វីក្រៅអំពីការធ្វើនយោបាយ បែបល្ខោនក្នុងវាំងនននោះទេ ខណៈដែលនៅស្រុកថៃវិញ ប្រជាជនគេមានសិទ្ធិដឹងឮ និងសេរីភាពគ្រប់បែបយ៉ាង ទាំងៗទីតាំង ក៏ដូចជាប្រាសាទមិនមែនជារបស់ពួកគេ (ថៃ) ផងនោះ។
ចាប់តាំងពីប្រាសាទព្រះវិហារត្រូវបានដាក់បញ្ចូលជាបេតិកភណ្ឌពិភពលោករួចមក ប្រទេសថៃបានយកករណីនេះ ក៏ដូចជាស្រុកខ្មែរទាំងមូលជាចំណាត់ខ្មាំងនៃខ្លួន ហើយដែលកម្ពុជា តាមពិតគ្មានអ្វីខ្លាំងសោះ ត្រូវរងខ្លួនលេងតាំងល្ខោនដែលថៃចងក្រងឲ្យរហូតដល់វិនាទីនេះ។
«ខ្មែរពូកែអួត» ជាប្រយោគមួយមិនដែលភ្លេចទេក្នុងត្រចៀកខ្មែរ តែសម្រេចសម្រួលគឺ បានតែមាត់ហ្នឹងឯង។ រឿងរ៉ាវករណីស្លាកសញ្ញាដែលខ្មែរបានដាក់នៅតំបន់ព្រះវិហារ ហើយបើតាមចាំកាលណោះហានក្លាណាស់ រហូតដល់សរសេរន័យបែបទូងក្បាលថៃទៅឲ្យអន្តរជាតិដឹងឮផង ដោយសរសេរថា «ទីនេះទាហានថៃចូលឈ្លានពាន… »។ ការដាក់ស្លាកដែលត្រូវបានរាយការណ៍ថាបន្ទាប់ពីទាហានថៃដកថយ (ពិតឬមិនពិតមិនដឹង) ចេញពីវត្តកែវដោយទំនងមិនបានគិតគូរឲ្យដិតដល់សម្រាប់វិបាកនាថ្ងៃមុខ ឬទំនងយកចិត្តអាទិទេពនោះ ដែលចុងក្រោយគ្មានអ្វីក្រៅពីឲ្យខ្មែរទាំងផងខ្មាស់គេ។
ជារឿយៗម្ចាស់ផែនដីខ្មែរតែងតែបដិសេធមិនទទួលស្គាល់អ្វីដែលថៃហៅថាតំបន់ត្រួតស៊ីគ្នា នៅតំបន់ប្រាសាទព្រះវិហារ។ តែសំណួរនៅត្រង់ថា បើប្រកាសក្ដែងៗថាទីនោះជាទឹកដីខ្មែរ ហេតុអ្វីថៃមានសិទ្ធិម្ល៉េះ ហើយស្លាកដែលដាក់លើដីខ្មែរមានអ្វីថៃអាចបញ្ជាឲ្យរុះរើបាន? តែអ្វីដែលដឹងគឺថាថ្ងៃនេះអាប៉ោងបើកគ្រប។ ថៃបានជំទាស់ ព្រមគំរាមឲ្យខ្មែរដកស្លាកមេបញ្ហានោះជាបន្ទាន់។ មិនបានប៉ុន្មានថ្ងៃផង ខ្មែរក្រៅពីមាត់នៅខ្លាំងម្សិលមិញនេះ បានកាត់បន្ថយដោយលួចដកស្លាកចាស់ ដាក់ស្លាកថ្មី និងសរសេរត្រឹមពាក្យ«ទីនេះ ជាទឹកដីកម្ពុជា» ហើយបានយកទៅដាក់ម្សិញនេះ ដោយស្ងាត់ៗ មិនទាន់ទាំងបានមួយថ្ងៃស្រួលបួលផង ស្លាកទី២នេះ ក៏ត្រូវបាន មិនត្រឹមដកចេញទេ គឺត្រូវបានកម្ទេចចោល នៅនឹងកន្លែងយ៉ាងវេទនាភ្នែកផងទៀត តាមបញ្ជារបស់ថៃ? sic
គ្មានអ្វីត្រូវឆ្ងល់ថាមុននេះមួយថ្ងៃ មេទាហានខ្មែរនៅម៉ាំងឃ្លាត់ថានឹងមិនដកស្លាកនេះចេញព្រោះទីនេះជាទឹកដីខ្មែរ sic តែថ្ងៃនេះវិញ ទ័ពខ្លួនឯងអ្នកដាក់ ហើយទ័ពខ្លួនឯងអ្នកកម្ទេចក្នុងទឹកដីខ្លួន យ៉ាងវេទនាភ្នែកខ្មោចតាឌី និងយ៉ាងអាម៉ាស់មុខព្រោះតែខ្លាចថៃ។
ពេលដាក់មិនឲ្យគេដឹង ពេលកម្ទេចប្រកាសពេញផែនដីឲ្យគេឃើញ!
នេះហើយដែលគេថា កម្ពុជា, ឃ្លាត់បានតែម៉ាំង!
ស្លាកដំបូងដែលបានដាក់ថា «ទីនេះ! ជាកន្លែងដែលកងទ័ពសៀម ចូលមកឈ្លានពានទឹកដីកម្ពុជា កាលពីថ្ងៃទី១៥ ខែកក្កដា ឆ្នាំ២០០៨ ហើយដកថយទៅវិញ នៅវេលាម៉ោង១០.៣០នាទី ព្រឹកថ្ងៃទី០១ ខែធ្នូ ឆ្នាំ២០១០» (រូបថតចេញពីទូរទស្សន៍ថៃ លេខ៣)
នៅទីតាំងដើម ស្លាកទី១នោះ ត្រូវគេបានលួចដក និងដាក់ដោយសម្ងាត់នូវស្លាកទី២វិញ ដោយបានដាក់ថា «ទីនេះ! ជាទឹកដីកម្ពុជា HERE! IS CAMBODIA» (រូបថតភ្នំពេញប៉ុស្តិ៍)
តែថ្ងៃនេះស្លាកដែលថាក់ថា ទីនេះ! ជាទឹកដីកម្ពុជា នោះត្រូវបានកម្ទេចចោលយ៉ាងសង្វេគទៅហើយ។ (រូបថតស៊ីអ៊ីអិន)
កម្ទេចចោលពាក្យថា «ទីនេះ! ជាទឹកដីកម្ពុជា» ឬថា ទីនេះ មិនមែនជាទឹកដីកម្ពុជាទៀតហើយ?!
______________________________________________________
អានព័ត៌មានបន្ថែម៖
១. ផ្ទាំងអក្សរចារិក ដែលសម្គាល់ពីកងទ័ពថៃ ឈ្លានពានទឹកដីកម្ពុជា ត្រូវបានដកចេញជាលើកទី២
២. ផ្ទាំងថ្មដែលចារិកអក្សរថាទាហានថៃឈ្លានពានត្រូវបានវាយកម្ទេចចោល
៣. ថៃដកទ័ពទៅវិញបន្ទាប់ពីកម្ពុជាយល់ព្រមដកផ្ទាំងចារឹកថ្មីចេញ
អានផងដែរ៖
១. អភិសិទ្ធិចេញថ្លែងការណ៍ករណីខ្មែរចាប់ជនជាតិថៃ
២. យ៉ាងម៉េចហើយទំនាក់ទំនងស្រឡាញ់-ស្អប់?
ជិនឫកអាច្រូចក្បាលទំពែក ថ្ងៃ អង្គារ 25 ខែមករា 2011
Posted by សុភ័ក្ត្រ in ពីនេះពីនោះ.14 comments
អាច្រូចមានផ្ទះវីឡាកញ្ចាស់ ជញ្ជាំងប្រេះ ដំបូលធ្លុះមួយនៅម្ដុំឡុយទឹកស្អ៊ូ អ្នកផងទាំងហ្លាយតែងតែចូលលេងផ្ទះវាបានទៀងទាត់ ដើម្បីគេចៗពីប៉ូលីស គេចពីប៉េអ៊ឹម។ល។ បងប្អូនអើយ ដែលគេនាំគ្នាចូលផ្ទះវានឹងគឺទៅលេងអាប៉ោង ចាក់យូគីអីអស់ហ្នឹង។ អាច្រូចវាមិនមែនជាអ្នកលេងអីទេ តែអាហ្នឹងមេស៊ី ចាំគោះតុយកលុយគេនឹងឯង។
អស់រយៈពេលជិតមួយសប្ដាហ៍ហើយ គ្មាននរណាចូលផ្ទះវាលេងល្បែងប្រជាប្រិយបានទៀតណាស់ រហូតនាំគ្នាឆ្ងល់ផ្អើលអស់សព្វសត្វ អស់សព្វបក្សី។ ហេតុដែលចូលទៅផ្ទះវាលែងបាននឹងគឺថាវាបានចាក់សោរ ព័ទ្ធច្រវ៉ាក់ឡើងហ៊ុំជិតឈឹងរកទឹកជ្រាបមិនទាំងបានផង រឿងអីមនុស្សចូលបាន។ អាច្រូចហ្អើយ!
នៅពេលដែលគេទាំងផងសួរវាទៅវាតបវិញថាផ្ទះវាមានចាក់សោរឯណា រឿងអីចូលមិនបាន ពួកអស់ឯង មានកូនសោរហើយអត់ចេះចាក់ដោះសោរខ្លួនឯងទេដឹង? យ៉ា! ហ៊ី! មើល៍អាច្រូចក្បាលទំពែកវានិយាយ ម៉ាអាកូនសោរពួកអែងចាក់ចូលផ្ទះវាលេងល្បែងរាល់ថ្ងៃសោះហ្នឹងហ្អ៎ា។
មិនដឹងជាវាឲ្យកូនសោរខុស ឬក៏ពួកអ្នកទាំងពួងយកសោរទៅចាក់ច្រឡំទេ គឺតាំងពីថ្ងៃនោះមកម្នាក់ៗខំចាក់ឡើងស៊ាមម្រឹកអស់ហើយ ម៉ាង៉ៃៗនៅតែចាក់មិនចេញសោះ។ តែចំឡែកអីថ្ងៃនេះនាំគ្នាសាកល្បងចាក់ចូលផ្ទះវាម្ដងទៀត ព្រោះម្នាក់ៗញៀនល្បែងដល់កហើយ! ព្រះសិអារ្យអើយ ង៉ៃនេះបែរជាចាក់ត្រូវ បើទ្វារចូលបានទៅវិញ។
តែអ្វីដែលហួសចិត្ត និងជ្រិញអាច្រូចក្បាលទំពែកនោះគឺថា ចាក់ចូលបានហើយបែរជាមិនមែនផ្ទះបនល្បែងវាដូចធ្លាប់បានចូលទៅលេងរាល់ដងទេ គឺបែរទៅជាផ្ទះអ្នកផ្សេងទៅវិញ! យ៉ាហ៊ី! ចឹងបានថាជិនឫកអាច្រូច។ នៅធើអែងក្រែងម៉ាំងឃ្លាត់ ប្រកែកថាមិនបានបិទសោរទៀតហ្អា៎។ បើជ្រុលទេ សារភាពឲ្យចំៗទៅមាននរណាថាអី ម៉ាសព្វផ្ទះវីឡាដំបូលធ្លុះមួយនឹង គេនាំគ្នាទៅលេងបនថ្មីក៏បានដែរ ហេហេ…៕
