គួរបិទតែពួកបង្ករឿងបានហើយ ថ្ងៃព្រហស្បតិ៍ 20 ខែមករា 2011
Posted by សុភ័ក្ត្រ in បរិយាយថ្ងៃនេះ, អំពីស្រុកខ្មែរ.trackback
ចាប់តាំងពីម្សិលមិញ (១៩ មករា ២០១១) មកម្ល៉េះ រាល់វេបសៃត៍ blogspot មិនអាចបើកបានឡើយ រហូតមកដល់យប់នេះ (ម៉ោង១១ យប់)។ តាមប្រភពជាច្រើនបានរាយការណ៍ថា រដ្ឋាភិបាលកម្ពុជា តាមរយៈក្រសួងមហាផ្ទៃបានបញ្ជាឲ្យក្រុមហ៊ុនផ្ដល់សេវាអ៊ីនធ័រណេត យ៉ាងហោចណាស់ចំនួនពីរ គឺ EZECOM និង Metfone ឲ្យបិទគេហទំព័រ blogspot នេះ។
មួយរយៈចុងក្រោយនេះ មានវេបសៃត៍ មួយដែលប្រើប្រាស់សេវា blogspot នេះដែលតែងតែបង្ករឿងឈ្លោះជាមួយរដ្ឋាភិបាលឥតឈប់ឈរ ហើយការមិនអាចមើលឃើញនូវវេបសៃត៍ blogspot ត្រូវបានគេសង្ស័យពីចំណាត់ការរបស់រដ្ឋចំពោះវេបសៃត៍នេះ។ ចំណែកឯរដ្ឋាភិបាលវិញបានប្រកែកពីការមិនបានបិទទេ។
ប្រសិនបើជាការពិតមែន រដ្ឋាភិបាលគួរតែបិទវេបសៃត៍ដែលបង្ករឿងជាមួយខ្លួនឥតឈប់ឈរពីមួយថ្ងៃទៅមួយថ្ងៃនេះតែមួយបានហើយ មិនគួរបិទ blogspot ទាំងមូលទេ ដ្បិត blogspot គ្រាន់តែជាសេវាផ្ដល់វេបសៃត៍ហ្វ្រីមួយប៉ុណ្ណោះ។ ព្រោះមានវេបសៃត៍ blogspot ដែលល្អៗជាច្រើនទៀតសម្រាប់បម្រើប្រជាជនស្លូតត្រង់ឯទៀត៕
អានបន្ថែម៖ បិទប្លុក ki-media មិនឲ្យមើលឃើញនៅកម្ពុជា
ហេងបន្តិច! នៅផ្ទះបើកបានធម្មតា!
ខ្ញុំមាន Blogspot មួយដែរ បិទបានតែហ្មានម៉ោង ក្រោយមកបើកបានវិញធម្មតា,,,,
ឆ្ងល់អា KI Media ស្អីគេនិងណាស់ មិនដឹងជាវាបង្ករឿងស្អីវាទេ។ មួយថ្ងៃៗ ឃើញតែជាគេ។ អាមួយនិង បែបម៉ែឳវាបង្កើតវាមក អោយតែ ដើរជេគេ ចឹងទេមើលទៅ។
ឃើញតែពីគូររូបជេ រដ្ឋាភិបាល និងចាំចាប់កំហុសអ្នកនេះអ្នកនោះ មិន ចេះចប់។ តែមិនដែលឃើញ គូររូបជេ ម៉ាសៀរ សម រង្សី និងកឹម សុខា ទេ។ ឬក៏ថា សម រង្សី និងកឹម សុខា ជាមនុស្សឥតខ្ចោះ (Perfect Men) មិនដែលធ្វើអីខុស បានជា អាKI Media មិនដែលជេ មិនដែលចាប់កំហុស?
មិនដឹងជាសារព័តមាន KI Media ស្អីវាទេ។ គួរតែប្តូរឈ្មោះដាក់ថា សារព័តមានខាងជេរប្រចោរ Khang Insulting Media (KI Media) ប៉ាដោយទៅ។
យ៉ាប់ណាស់…….និយាយមិនចេញទេ……:-(
សង្ស័យតែអស់លោក អ្នកធំៗអ្នកចេះលេង WordPress និង Blogspot ទេដឹង បានជាឱ្យគេបិទ Blogspot ? ហាហាហា តាមខ្ញុំស្មានពួកគាត់ឭសូរថា ព័ត៌មានតាមរយៈ blogspot ដល់អាចឹងទៅ ប្រាប់ឱ្យបិទ blogspot តែម្ដង
នៅក្រុមហ៊ុនខ្ញុំតរអ៊ីនធើណេតពី EZECOM តែបើកចេញគ្រប់វេបសាយ ធម្មតា
Metfone បើក Blogspot មិនចេញទេនៅពេលនេះ
បើបិទblocksport បាន ថ្ងៃក្រោយមានអ្នកជេតាម WordPress ទៀត ប្រហែលជាគេបិទ WOrdpress ហើយមិនដឹង
សំណាងហើយមិនបិទវើតប្រេស បើបិទវើតប្រេសទៀតចប់តាម៉ង!
អាល័យតែតត្រុកនៅស្រុកក្រៅមិនដឹងគេបិទស្អីខ្លះទេ ។ និយាយអញ្ចឹង Iphone ប្រាប់ខ្ញុំថា កំឡោះខ្មែរ ជេរ KI Media មិនអស់ពីពោះទេ ។
កំឡោះខ្មែរ ឆ្ងល់ម៉េច Kimedia ជេរគេជេរឯង ។ ប៉ុន្តែកំឡោះខ្មែរភ្លេចថា ខ្លួនហ្នឹងហើយក៏ជាអ្នកជេរដែរ ។ គ្រាន់តែហាមាត់ខ្វាកម៉ោបានពីរម៉ាត់ ម៉ាត់ទីពីរជាសណ្តានពាក្យជេររួចទៅហើយ ។ អញ្ចឹងត្រូវឆ្ងល់ខ្លួនឯងសិន មុននឹងឆ្ងល់គេ ។ មនុស្សយើងតែកាលណាជួបវិបត្តិដល់កធើអីគេមិនកើត គឺមានតែជេរហ្នឹងហើយ មិនតែប៉ុណ្ណោះមានខ្លះលាយជាមួយយំទៀតផង ដល់ពេលនេះមិនដឹងជាទឹកភ្នែកសមាជិកសមាជិកា Kimedia ស្រក់ទឹកភ្នែកអស់ប៉ុន្មានកាធុនទេ ហើយទីបំផុតត្រូវគេបិទទៀ ។ តែមិនជាឆ្អីទេ ម្ខាងទៀតគេមានអំណាចខ្លាំងជាងគេបង្គាប់បិទពឹប ។ តែឮថាអ្នកត្រូវគេបិតមានច្រកចេញប្រឡិចតាមចង្វែកដៃ ។ យកអីទៅបិទលោកអើយ សម័យនេះហើយនោះ ។ IT ណា!!! មិនមែនប៉ុនបាតដៃបិទជិតឯណា ។ ពីមុនឮយួន ឡាវ អីហ្នឹងគេហាម ប្រើទំព័រវេបសាយមួយចំនួន ។ ឥឡូវនេះរាលដាលដល់ខ្មែរហើយ ។
ពូកKI Media គីពួកនិយាយបំផ្លើស។
តើពេលណាទើប Metfone បើក Blogspot វិញទៅ ? ខ្ញុំអត់បានបើកប្លុកស្ពតរបស់ខ្ញុំយូរហើយនៀក : ( !
បើកវិញហើយ តាំងពីម្សិលម៉េះ
[...] [...]
ស្រុកខ្ញុំអាលូវយកតំរាប់តាមចិន យួន នឹងភូមាហើយតើ តែមិនថ្វីទេ បិទបានតែជាមួយអ្នកអត់ចេះបើក អ្នកបើកបាននៅតែបើកបានចឹង។ មើលៗផងណាក្រភាក់អើយតិចទៀត sopheak.wordpress.com នឹងចូលក្នុងបញ្ជីស្បែកឆ្កែផស់គេដែរទៅ។ គ្មានអ្នកណាបញ្ជាឲ្យពួក ISP បិទបានក្រៅពីក្រសួងប្រៃសណីយ និងទូរគមនាគមន៍ហ្នឹងទេ កិកិកិ ជ័យយោក្រសួងខ្ញុំ…..