កម្ពុជា, ឃ្លាត់បានតែម៉ាំង ថ្ងៃពុធ 26 ខែមករា 2011
Posted by សុភ័ក្ត្រ in នយោបាយ, បរិយាយថ្ងៃនេះ, ប្រវត្តិសាស្ត្រ, ព្រះវិហារ, អំពីស្រុកខ្មែរ, ภาษาไทย.trackback
* ប្រសិនបើអ្នកបានចូលមកដល់ទីនេះ តាមរយៈគេហទំព័រ ខេអាយ មេឌា សូមអានអត្ថបទមួយនេះសិន៖ «លិខិតចំហទៅ KI មេឌា» សូមអរគុណ!
ថ្ងៃនេះ (២៦ មករា ២០១១) កម្ពុជាបានបង្ហាញប្រជាជនខ្លួនឲ្យឃើញជាក់ច្បាស់ពីភាព«ឃ្លាត់ៗ បានតែម៉ាំង» របស់ខ្លួន។ ជម្លោះរឿងរ៉ាវប្រាសាទព្រះវិហាររវាងប្រទេសកម្ពុជា និងថៃ គ្មានអ្វីក្រៅអំពីការធ្វើនយោបាយ បែបល្ខោនក្នុងវាំងនននោះទេ ខណៈដែលនៅស្រុកថៃវិញ ប្រជាជនគេមានសិទ្ធិដឹងឮ និងសេរីភាពគ្រប់បែបយ៉ាង ទាំងៗទីតាំង ក៏ដូចជាប្រាសាទមិនមែនជារបស់ពួកគេ (ថៃ) ផងនោះ។
ចាប់តាំងពីប្រាសាទព្រះវិហារត្រូវបានដាក់បញ្ចូលជាបេតិកភណ្ឌពិភពលោករួចមក ប្រទេសថៃបានយកករណីនេះ ក៏ដូចជាស្រុកខ្មែរទាំងមូលជាចំណាត់ខ្មាំងនៃខ្លួន ហើយដែលកម្ពុជា តាមពិតគ្មានអ្វីខ្លាំងសោះ ត្រូវរងខ្លួនលេងតាំងល្ខោនដែលថៃចងក្រងឲ្យរហូតដល់វិនាទីនេះ។
«ខ្មែរពូកែអួត» ជាប្រយោគមួយមិនដែលភ្លេចទេក្នុងត្រចៀកខ្មែរ តែសម្រេចសម្រួលគឺ បានតែមាត់ហ្នឹងឯង។ រឿងរ៉ាវករណីស្លាកសញ្ញាដែលខ្មែរបានដាក់នៅតំបន់ព្រះវិហារ ហើយបើតាមចាំកាលណោះហានក្លាណាស់ រហូតដល់សរសេរន័យបែបទូងក្បាលថៃទៅឲ្យអន្តរជាតិដឹងឮផង ដោយសរសេរថា «ទីនេះទាហានថៃចូលឈ្លានពាន… »។ ការដាក់ស្លាកដែលត្រូវបានរាយការណ៍ថាបន្ទាប់ពីទាហានថៃដកថយ (ពិតឬមិនពិតមិនដឹង) ចេញពីវត្តកែវដោយទំនងមិនបានគិតគូរឲ្យដិតដល់សម្រាប់វិបាកនាថ្ងៃមុខ ឬទំនងយកចិត្តអាទិទេពនោះ ដែលចុងក្រោយគ្មានអ្វីក្រៅពីឲ្យខ្មែរទាំងផងខ្មាស់គេ។
ជារឿយៗម្ចាស់ផែនដីខ្មែរតែងតែបដិសេធមិនទទួលស្គាល់អ្វីដែលថៃហៅថាតំបន់ត្រួតស៊ីគ្នា នៅតំបន់ប្រាសាទព្រះវិហារ។ តែសំណួរនៅត្រង់ថា បើប្រកាសក្ដែងៗថាទីនោះជាទឹកដីខ្មែរ ហេតុអ្វីថៃមានសិទ្ធិម្ល៉េះ ហើយស្លាកដែលដាក់លើដីខ្មែរមានអ្វីថៃអាចបញ្ជាឲ្យរុះរើបាន? តែអ្វីដែលដឹងគឺថាថ្ងៃនេះអាប៉ោងបើកគ្រប។ ថៃបានជំទាស់ ព្រមគំរាមឲ្យខ្មែរដកស្លាកមេបញ្ហានោះជាបន្ទាន់។ មិនបានប៉ុន្មានថ្ងៃផង ខ្មែរក្រៅពីមាត់នៅខ្លាំងម្សិលមិញនេះ បានកាត់បន្ថយដោយលួចដកស្លាកចាស់ ដាក់ស្លាកថ្មី និងសរសេរត្រឹមពាក្យ«ទីនេះ ជាទឹកដីកម្ពុជា» ហើយបានយកទៅដាក់ម្សិញនេះ ដោយស្ងាត់ៗ មិនទាន់ទាំងបានមួយថ្ងៃស្រួលបួលផង ស្លាកទី២នេះ ក៏ត្រូវបាន មិនត្រឹមដកចេញទេ គឺត្រូវបានកម្ទេចចោល នៅនឹងកន្លែងយ៉ាងវេទនាភ្នែកផងទៀត តាមបញ្ជារបស់ថៃ? sic
គ្មានអ្វីត្រូវឆ្ងល់ថាមុននេះមួយថ្ងៃ មេទាហានខ្មែរនៅម៉ាំងឃ្លាត់ថានឹងមិនដកស្លាកនេះចេញព្រោះទីនេះជាទឹកដីខ្មែរ sic តែថ្ងៃនេះវិញ ទ័ពខ្លួនឯងអ្នកដាក់ ហើយទ័ពខ្លួនឯងអ្នកកម្ទេចក្នុងទឹកដីខ្លួន យ៉ាងវេទនាភ្នែកខ្មោចតាឌី និងយ៉ាងអាម៉ាស់មុខព្រោះតែខ្លាចថៃ។
ពេលដាក់មិនឲ្យគេដឹង ពេលកម្ទេចប្រកាសពេញផែនដីឲ្យគេឃើញ!
នេះហើយដែលគេថា កម្ពុជា, ឃ្លាត់បានតែម៉ាំង!
ស្លាកដំបូងដែលបានដាក់ថា «ទីនេះ! ជាកន្លែងដែលកងទ័ពសៀម ចូលមកឈ្លានពានទឹកដីកម្ពុជា កាលពីថ្ងៃទី១៥ ខែកក្កដា ឆ្នាំ២០០៨ ហើយដកថយទៅវិញ នៅវេលាម៉ោង១០.៣០នាទី ព្រឹកថ្ងៃទី០១ ខែធ្នូ ឆ្នាំ២០១០» (រូបថតចេញពីទូរទស្សន៍ថៃ លេខ៣)
នៅទីតាំងដើម ស្លាកទី១នោះ ត្រូវគេបានលួចដក និងដាក់ដោយសម្ងាត់នូវស្លាកទី២វិញ ដោយបានដាក់ថា «ទីនេះ! ជាទឹកដីកម្ពុជា HERE! IS CAMBODIA» (រូបថតភ្នំពេញប៉ុស្តិ៍)
តែថ្ងៃនេះស្លាកដែលថាក់ថា ទីនេះ! ជាទឹកដីកម្ពុជា នោះត្រូវបានកម្ទេចចោលយ៉ាងសង្វេគទៅហើយ។ (រូបថតស៊ីអ៊ីអិន)
កម្ទេចចោលពាក្យថា «ទីនេះ! ជាទឹកដីកម្ពុជា» ឬថា ទីនេះ មិនមែនជាទឹកដីកម្ពុជាទៀតហើយ?!
______________________________________________________
អានព័ត៌មានបន្ថែម៖
១. ផ្ទាំងអក្សរចារិក ដែលសម្គាល់ពីកងទ័ពថៃ ឈ្លានពានទឹកដីកម្ពុជា ត្រូវបានដកចេញជាលើកទី២
២. ផ្ទាំងថ្មដែលចារិកអក្សរថាទាហានថៃឈ្លានពានត្រូវបានវាយកម្ទេចចោល
៣. ថៃដកទ័ពទៅវិញបន្ទាប់ពីកម្ពុជាយល់ព្រមដកផ្ទាំងចារឹកថ្មីចេញ
អានផងដែរ៖
១. អភិសិទ្ធិចេញថ្លែងការណ៍ករណីខ្មែរចាប់ជនជាតិថៃ
២. យ៉ាងម៉េចហើយទំនាក់ទំនងស្រឡាញ់-ស្អប់?
Like this:
មតិ
Sorry comments are closed for this entry
ចាក់សោរឬមិនចាក់សោរជារឿងកលវិធី ។ តែខ្លោចចិត្តចារឹកអក្សរខ្មែរនៅព្រះវិហារ ឥឡូវដេកស្តូកស្តឺងចុះតាមកាសែត អ៊ិនធើណេត ។ ចំណែកចារឹកសៀមមិនមានឃើញមានថតតាំងដូចចារឹកខ្មែរ ។ ខ្លោចចិត្តអាណិតខ្មែរមែន ។ ម៉េចក៏មិនដោះហើយរំកិលទៅទីណាដែលមិនមានទំនាស់ បែរជាវារំលំឲ្យគេថតផ្សព្វផ្សាយទូទាំងលោក មិនប្រាកដក្នុងចិត្ត ម៉េចទៅប្រញាប់លើកផ្លាកធើអី ?
ដោយក្តីគោរពមរតកខ្មែរ ។
http://www.cen.com.kh/localnews/show_detail/129?token=M2RkZDY4ZTBlZmMwMzdhODM3ZmI1ZGU2OGQwOWIz
[...] នាយ អភិសិទ្ធិ តាំងពីមុនធ្វើជានាយករដ្ឋមន្ត្រីមកម្ល៉េះ ត្រូវបានគេមើលឃើញថាជាអ្នកប្រឆាំងនឹងកម្ពុជាយ៉ាងចេញមុខ ជាពិសេសគឺរឿងទាក់ទងនឹងបញ្ហាប្រាសាទព្រះវិហារ។ នៅថ្ងៃនេះផងដែរ នាយ អភិសិទ្ធិ ក៏បានបញ្ជាឲ្យមេទ័ពថៃឲ្យដោះស្រាយជាមួយកម្ពុជាក្នុងការដកស្លាកដែលខាងកម្ពុជាដាក់នៅប្រាសាទព្រះវិហារ ដែលកម្ពុជាបានដាក់ថា ជាកន្លែងដែលកងទ័ពថៃឈ្លានពាននោះផងទៀត។ ចាំមើលថាតើខាងកម្ពុជាមានជំហរខ្លាំងប៉ុណ្ណាចំពោះការដកស្លាកនេះចេញនោះ? (សូមអានអត្ថបទ៖ កម្ពុជា, ឃ្លាត់បានតែម៉ាំង) [...]
Hun Sen is a cheap leader in this generation
I am one of other Khmer people very very shy to other nationals about his characteristics to led and develop the country,
ចងមុងចាំមើលភាគបន្តរ
ហ្អឺ! អាម៉ាស់មុខណាស់ ព្រះរាជាណាចក្រអច្ឆរយខ្មុំអើយ:(
ចប់! អស់អ្វីថ្លៃបាត់ទៅហើយ! ស្ពឹកមុខណាស់ខ្ញុំ!
កុងស៊ីហ្វាឆាយ ហិហិហិ
កុងស៊ីហ្វាឆាយ
Sopheak, please kindly remove my comment. I normally just kidding with you. But now s.one used my quot and even my Name.
KI is politicizing your article and comment. Helping to remove her comment is good.
វាតែអញ្ចឹង! បើខ្មែរគ្នាឯងវិញ ពូកែណាស់ សុទ្ធតែ « បរិហាកេរ្តិ៍ » « ផ្សាយព័ត៌មានមិនពិត » ។ល។ តែបើជាមួយបរទេស ឃ្លាត់បានតែម៉ាំង មែនហើយ! បញ្ហានេះត្រូវសួរទៅលោកខ្មែរម្នាក់ដែលបាននិយាយថា៖
« …….វាមានអានៅពីលើក្បាលទៀត! »
ហ៊ុន សែន ពូកែបានតែជាមួយខែ្មរគ្នាឯង ពូកែតែខាងកាប់សំលាប់ បង្រ្កាប ចាប់ចងប្រជារាស្រ្តខែ្មរស្លូតត្រង់គ្នាឯងយកទៅដាក់គុក ដាក់ច្រវាក់ប៉ុន្តែដល់ទៅប៉ះជាមួយពួកចោរសៀម ចោរយួនឈានពានទឹកដីខែ្មរវិញ ស្ងាត់មាត់ដូចគេចុក សំងំយកតែព្រះអាយុ សូម្បីតែស្លាកសញ្ញាដែលដាក់នៅលើដីខ្មែរសោះ ពេលដែលសៀមអោយវាយកំទេចចោល ក៏ហ៊ុន សែនកំទេចតាមបញ្ជារដែរ។នេះបានចំជាមេដឹកនាំកំសាកមែន។គឺខ្លាំងបានតែមាត់…….!
ព្រះរាជាណាចក្រ អច្ឆរិយ គឺ អញ្ចឹង
[...] ចុចនេះ ដើម្បីមើលការបញ្ចេញមតិរបស់ក្… [...]
[...] Op-Ed by Sopheak Originally posted at http://sopheak.wordpress.com/2011/01/26/cambodia-strong/ [...]
កំទៅជឿអីអាគំនិត ពួក អា ហ៊ុន សែននោះ វាបានតែខែ្មរគ្នាឯងទេ សំតែអារកពួកវាបានត្រឹមត្រូវ ព្រោះអីយួន ប្រើវាធ្វើអីវានឹងធ្វើតាមមេរបស់វា
Kingdom of Wonder — I WONDER why it have to be like tat? damn
ចូលធ្វើឆ្មាំអង្គរទៅ អាចការពារទឹកដីបានហើយ រឺក៏ចូលធ្វើកងការពារព្រំដែន (៩១១ ដែលជានិមិត្តរូបខ្ញុំទៅ)
ចាំមើលការបកស្រាយរបស់បណ្ឌិត សោមឆាយ៉ា នាទី សុភា អិនធើណិត
(ទាយមិនខុសគឺគំនិតប្រកបដោយគតិបណ្ឌិតរបស់សម្តេច អគ្គសេនាមហា ធិដហបថេហងរហងហ….ពិបាកសសេរម៉េស?)
ខំអង្គុយចាំមើលព័តមានពេលព្រឹកប៉ុស្តបាយ័ន និង CTN អត់មាននិយាយអី អាលីងពីរឿងវាយស្លាកចោល ចុះកាលពីមុនសំដីអីក៏ខ្លាំងម្លេះ? តួនាទីត្រឹម អ្នកផ្សាយព័តមានសោះសំដីខ្លាំងជាងនាយករដ្ឋមន្រ្តីទៀត ។
អាពួកអានពត៍មាន និងអាពួកអ្នកធំមួយចំនួនហ្នឹងគឺជាអាពួកហៃអើ ៗ អាជ័យធ្លាក់ទឹកទេ កុំសូវជាcare ជាមួយពួកវាពេក។ បើវាមិនថា រឺស្រែក ហៃអើតាមគេ មិននិយាយលើកជើងបុគ្គលម្នាក់ហ្នឹងទេ គេប្រាកដជាដកក្បាលវារឺ ដេញក្បាលវាចេញលែងអោយបំរើការងាររឺកាន់តួនាទីធំដុំតទៅទៀត។ ប្រពន្ធកូនវាប្រាកដជាដាច់ពោះងាប់ជាមិនខាន។
ដូច្នេះ មានតែអាជ័យធ្លាក់ទឹក ហៃអើៗ ៗៗ…..!!!។ចាំកាលណាកាលនឹងទៅ។
ចែករំលែក http://www.gopetition.com/petition/42160.html
សុភាសិតខ្មែរមួយបានពោលថា៖
ឆ្កែព្រុសមិនដែលខាំ ផ្គលាន់រអាំមិនដែលភ្លៀង.
កុំនិយាយច្រើនប្រយ័ត្នគេបិទwordpressនេះ
ចោលទៀត.
ខ្ញុំខ្មាសគេណាស់លោកអើយ
ពេលបានឃើញរូបភាពនេះ
គួរអោយសោកស្តាយ ដែលអ្នកដឹកនាំខ្មែរបានព្រួសសំដីហាក់ដូចជាខ្លាំង
ណាស់ តែចុងក្រោយអញ្ចឹងសោះ ហាក់ដូចយកកាំបិតចាក់ខ្លួនឯង ថាអញ់
មិនខ្លាចទេ អោយតែចូលតែមួយលី គឺបាញ់ បាញ់បានតែជនជាតិខ្លួនឯងទេ
បើជាមួយសៀម ដូចឆែ្កខ្លាចម្ចាស់ ហា!ហា!ហា! ថោកទាប។។។
កូនប្រសារខ្មោច
អភិសិទ្ធិមុខថ្លា ព្រោះខ្លួនបានទទួលជ័យជំនះលើខ្មែរមួយក្ឌាំង ។ ប៉ុន្តែជាកិច្ចកលនយោបាយក៏អាចថាបាន ។ ការចេញក្រឡាសាររបស់នាយករដ្ឋមន្ត្រីថៃបានលេចឡើងបន្ទាប់ពីបក្សពួកខ្លួនដែលដេកគុកខ្មែរបានរួចពីគុកខ្មែរ ។ ចំណែកអាអ្នកនៅសល់គេកំពុងដើរក្រឡា ។ មិនយូរទេឆាកថ្មីនឹងត្រដែតមកទៀត ។ មួយជើងថ្មីនេះមិនដឹងខាងយើងឬខាងគេទេដែលត្រូវស៊ី ។ អាត្រង់នេះវាស្រេចទៅលើអ្នកគូសវាសចង្អុលផ្លូវ ។ ឬត្រូវចាញ់ទៀតដឹងយើង ។ វាយចារឹកខ្មែរពីផ្ទាំងបានសម្រេច សំឡេងអាភីស៊ីតត្រូវតែបានទទួលគេចមិនបាន ។ ខាងយើងត្រូវស្រុតបន្តិច ប៉ុន្តែគេព្រាងថាមិនឲ្យខាតទេ គឺត្រូវបានស៊ីទាំងសងខាង បើមិនដូច្នេះ អាញ់ឈប់លេង ។ អារឿងខាងអ្នកធំយើងធើថោកគឺបណ្តោយឲ្យគេប្រមាថលើមរតកខ្មែរ ។ គាស់រំលើងទាំងអស់ម៉ោ ហើយយកទៅតម្កល់ទុកក្នុងវត្ថ ឬ ទិញប្រេងចាក់ឡានដឹកចុះមកទុកផុតពីកន្លែងជម្លោះទៅ ។ ម៉េចក៏មិនធ្វើ បែរទៅជាវាយកម្ចេច (demolish)។
ភ្លីភ្លើណាស់ នៅមិននៅទៅស្រាតខោឲ្យគេមើលពេញពិភពលោក។
តើឲ្យខ្ញុំមានមុខហៅខ្លួនឯងថាខ្មែរទៀតម៉េចកើត????
ខ្មែរអន់ ខ្មែរកំសាក ខ្មែរហ៊ានតែជាមួយខ្មែរ។
អាដី៤,៦ គីឡូក្រាម ច្បាស់ជាថៃយកទាល់តែបានចាំតែមើលទៅ បើទាហ៊ានខ្មែរខ្លាចថៃយ៉ាងញ័រជើងដូច្នេះ។
គួរឲ្យអាម៉ាស់ណាស់ មិនដឹងយកមុខទៅទុកនៅទីណាទេ។
តើក្រុមតេជោមានគឹតពីមោទនភាពជាតិខ្លះដែរទេ ?
ចាំបាច់វាយកំទេច ដកចេញដោយស្ងាត់ ៗទៅ មិនបានទេឬ ?
នាយករដ្ថមន្រ្តីខ្មែរផ្លែរត្នោតចេះមិនអោយគេកោត
ពេលឆោតអោយថៃធាក់ក្បាលញីក្រោមបាទា
ខ្លាំងអីខ្លាំងអីបានតែខ្មែរខ្នែងអ៊ែ។។មិនខ្លាំងទៅ
អាថៃឈ្លានពានផង។។។។ខំតែថាគ្រាន់ដឹងអី
អន់ជាងអាចម៏មាន់ស្ក។។។គ្រាន់តែអាថៃមាន់
សំឡក៏មិនហ៊ានកំដរដែរ។។។។ហាស។។ហា។។។។
នាយករដ្ថមន្រ្តីខ្មែររឺយួនហ្ន
ដែលធ្វើអោយខ្មែរបាត់កិត្តិយស
អាម៉ាស់មុខយ៉ាងនេះ?????
ម៉េចមិនខ្លាំងទៀតទៅពួកសំណាកយួន
មិនហ៊ានប្តឺងទៅអង្គការសហប្រជាជាតិ
ទេខ្លាចច៉ះពាល់ចោរយួនជាចៅហ្វាយនាយ
សុខចិត្តធ្វើព្រាយជញ្ជក់ឈាមនិងតាមលង
ខ្មែរគ្នាអែង។។។។។។ពួកចោលម្សៀតមែន
ធ្លាប់ឃើញមតិរិះគន់ថ្នាក់ដឹនាំរដ្ឋាភិបាលតាមរយៈលិខិតមិត្តអ្នកអានរបស់កោះសន្តិភាពប្រមាណជាបីបួនឆ្នាំមុន ។ តាំងពីនោះមកលែងឃើញមានកន្លែងឲ្យគេបញ្ចេញមតិអីទៀតហើយ ចាំបានថាសម័យនោះអក្សរយូនីកូដមិនទាន់ផុសផុលដូចសព្វង៉ៃនេះទេ ។ ជេរគ្នាគេប្រើតែអក្សរឡាតាំង ។ កាលណោះគេជេរថ្នាក់រដ្ឋាភិបាលមិនតិចទេ ។ ការណ៍នេះបានបាត់រលាបទៅហើយ ប្រហែលជាគេញាត់លុយ ឬសំឡុតមេកាសែត ។ ទន្ទឹមនឹងនោះដែរ KI Media ក៏រើប ៗ នឹងគេដែរ ដល់ខ្លាំងនៅក្រោយ ៗ នេះ រហូតដល់ង៉ៃនេះគេហទំព័រនេះនៅវើកនៅឡើយ ។ ក្រោយពេលគេបិទកាវនៅស្រុកខ្មែរ គេហទំព័រនេះមើលឃើញតែក្រៅស្រុកប៉ុណ្ណោះ ។ ចូលដល់រឿងនេះ ទំព័រនេះគួរមានកំណត់ឲ្យមានការប្រើពាក្យពេចន៍ និងរាល់សម្តីដែលមើលទៅធ្ងន់ធ្ងរពេក គួរមានការពិនិត្យ បើមិនដូចអញ្ចុងទេ ក្រែងលែងបង្ហើរវាចារទាំងអស់គ្នា ។ ខ្ញុំនិយាយនេះខុសឫត្រុវបងប្អូន ? ហើយមិនដឹងលោកសុភ័ក្រកិចយ៉ាងមិតដែរ ? អាណឹងហើយប្រព័ន្ធសារព័ត៌មានខ្មែរ ។
ដោយបំណងល្អពីលីអូបៀរ ។
[...] Op-Ed by Sopheak Originally posted at http://sopheak.wordpress.com/2011/01/26/cambodia-strong/ [...]
[...] Op-Ed by Sopheak Originally posted at http://sopheak.wordpress.com/2011/01/26/cambodia-strong/ [...]
[...] ២៦ មករា – កម្ពុជាបានវាយកម្ទេចចោលស្លាកដែលដាក់នៅតំបន់ប្រាសាទព្រះវិហារ បន្ទាប់ពីមានការគំរាមពីប្រទេសថៃ [...]
[...] ៣. កម្ពុជា, ឃ្លាត់បានតែម៉ាំង ៤. [...]
[...] The busiest day of the year was ខែមករា 27th with 1,130 views. The most popular post that day was កម្ពុជា, ឃ្លាត់បានតែម៉ាំង. [...]
[...] គឺប្រកាស «កម្ពុជា, ឃ្លាត់បានតែម៉ាំង» ដែលបានដាក់នៅថ្ងៃទី២៧ [...]