បានដារ សេរី បេហ្កាវាន ថ្ងៃ សៅរ៍ 12 ខែកុម្ភៈ 2011
Posted by សុភ័ក្ត្រ in ពីនេះពីនោះ.10 comments
បានដារ សេរី បេហ្កាវាន (ភាសាចាវី: بندر سري بڬاوان ) មានប្រជាករប្រមាណ១៤០.០០០ (ឆ្នាំ២០១០), គឺជារាជធានី និងទីក្រុងធំៗបំផុតនៃរដ្ឋស៊ុលតង់ ប្រុយណេ ដារូស្សាឡាម។ ចំណែកឯនៅក្នុងទីប្រជុំជននៃទីក្រុងនេះ មានប្រជាជនប្រមាណតែ២២.៨០០នាក់ប៉ុណ្ណោះ។
កាលពីដើមឡើយទីក្រុងនេះមានឈ្មោះថាប្រុយណេ តែបបន្ទាប់ពីប្រទេសនេះបានឯករាជ្យពីចក្រភពអង់គ្លេសមក ក៏ត្រូវបានប្ដូរឈ្មោះមកជាបានដារ សេរី បេហ្កាវាន នេះរហូតមកដល់បច្ចុប្បន្ន។
បច្ចុប្បន្នក្រុង បានដារ សេរី បេហ្កាវាន ជាមជ្ឈមណ្ឌលសេដ្ឋកិច្ច, ធុរកិច្ច និងឧស្សាហកម្មរបស់ប្រទេស ព្រមទាំងជាស្ថានីយ៍ផលិតប្រេងសាំង និងហ្កាសធម្មជាតិផងដែរ។ រាជធានីរបស់ប្រទេសនេះក៏ជាទីតាំងស្ថានីយ៍សំខាន់របស់ប្រទេស ដូចជាព្រះបរមរាជវាំង, សួនប្រវត្តិសាស្ត្រសារមន្ទីរប្រុយណេ ព្រះវិហារអីស្លាមដ៏ធំបំផុត គឺវិហារ អូម៉ារ អាលី សៃហ្វូដឌិន និងកំពង់អាយ័រ, ភូមិដើមអ្នកស្រុកប្រុយណេ ដែលមាននៅតាមទន្លេប្រុយណេ ជាដើម។ល។
ពាក្យថា បានដារ គឺមកពីភាសាពែរ្ស بندر ដែលប្រែថា «កំពង់ទូក» ឬ កន្លែងគេចខ្លួន ចំណែកឯឈ្មោះថា សេរី បេហ្កាវាន មកពីពាក្យ «ស្រីភគវ័ន» (Sri Bhagwan) ក្នុងភាសាសំស្ក្រឹត ដែលសំដៅលើ អ្នកស័ក្ដសិទ្ធិ៕
គេហទំព័រទីក្រុង បានដារ សេរី បេហ្កាវាន៖ www.municipal-bsb.gov.bn
ទីក្រុង បានដារ សេរី បេហ្កាវាន មើលពីលើយន្តហោះ/ Courtesy of Information Department of Brunei
វិហារ អូម៉ារ អាលី សៃហ្វូដឌិន
