បាត់ទង់ជាតិលើប្រាសាទព្រះវិហារ ថ្ងៃ អង្គារ 15 ខែកុម្ភៈ 2011
Posted by សុភ័ក្ត្រ in ព្រះវិហារ, អំពីស្រុកខ្មែរ.trackback
ខ្ញុំមិនដែលបានទៅទស្សនាប្រាសាទព្រះវិហារដោយផ្ទាល់ទេ តែតាមរយៈរូបភាពក្ដី វីដេអូក្ដី ខ្ញុំតែងតែឃើញទង់ជាតិនៃប្រទេសកម្ពុជាយើងបក់រវេចៗលើប្រាសាទព្រះវិហារ នៅឯគោបុរៈទី៥ តាំងពីយូរយារណាស់មកហើយ រហូតដល់រយៈពេលចុងក្រោយប្រមាណឆ្នាំ២០០៨ ចាប់ផ្ដើមមានជម្លោះជាមួយប្រទេសថៃ ដែលលោកនាយករដ្ឋមន្ត្រីថៃកាលណោះ ស្ម័គ្រ សុន្ទរវេជ ធ្លាប់បានលើកក្នុងសភាជាតិថៃថា ទង់កម្ពុជាបក់លើប្រាសាទរាប់ឆ្នាំមកហើយ មានជនថៃណាដែលអះអាង ថាជាទង់របស់ថៃ?
ក៏ប៉ុន្តែ អ្វីដែលចម្លែកក្នុងចិត្ត ហើយដែលទាក់ទាញចំណាប់អារម្មណ៍ខ្ញុំក្រោយពេលលោកនាយករដ្ឋមន្ត្រីថៃបច្ចុប្បន្ន នាយ អភិសិទ្ធិ វេជ្ជាជីវៈ ឲ្យកម្ពុជាដកទង់ពីវត្តកែវសិក្ខានោះ ខ្ញុំក៏ឃើញថាទង់ជាតិខ្មែរនៅលើប្រាសាទព្រះវិហារដែលធ្លាប់តែបក់រវិចៗនោះ ដូចជាមិនឃើញមានទៀតទេ។ ជាពិសេសរូបភាពចុងក្រោយបំផុតកាលប្រយុទ្ធគ្នានាដើមខែកុម្ភៈ ឆ្នាំ២០១១ គឺរូបភាពច្បាស់ណាស់ថាមិនមានទង់ជាតិខ្មែរទៀតទេ។
គួរឲ្យសោកស្ដាយណាស់ដែរ តែខ្ញុំមិនបានដឹងថាទង់ជាតិខ្មែរនោះ ត្រូវបានដកចេញពីប្រាសាទព្រះវិហារតាំងពីពេលណាមកទេ ឬថាតាំងពីមុនជម្លោះទៅទៀត។
ក្រោយពេលប្រាសាទព្រះវិហារត្រូវបានចុះចូលជាបេតិកភណ្ឌពិភពលោកមក ទង់ចំនួន៣ក៏ត្រូវបានបង្ហូតនៅក្បែរប្រាសាទនេះដែរ ដែលក្នុងនោះរួមមានទង់ជាតិខ្មែរយើងមួយដែរ។ តាមវិធាននេះ ខ្ញុំគិតថា ឬមួយទង់ជាតិខ្មែរដែលបានដាក់លើប្រាសាទពីមុនមកត្រូវបានដកចេញក្រោយដាក់ទង់ទាំងបីនោះទេដឹង? បើបងប្អូនណាបានដឹង ឬធ្លាប់ទៅឃើញសូមជួយប្រាប់ផង៕
រូបភាពចុងក្រោយបំផុតកាលពីពេលប្រយុទ្ធគ្នាដើមខែនេះ មិនឃើញមានទង់ជាតិទៀតទេ
រូបភាពដូចគ្នាដែលកាលពីមុននោះ គឺឃើញមានទង់ជាតិដែលធ្លាប់ដាក់លើប្រាសាទ
ទង់បី (រួមមានទង់ជាតិខ្មែរមួយដែរ) ត្រូវបានបង្ហូតក្បែរប្រាសាទបន្ទាប់ពី ប្រាសាទព្រះវិហារត្រូវបានបញ្ចូលជាបេតិកភណ្ឌពិភពលោក
_________________________________________________
អានផងដែរ៖
១. ថៃប្រកាសឲ្យខ្មែរដកទង់ជាតិ និងរុះរើវត្តកែវសិក្ខាគិរីស្វារៈ
សង្ស័យតែគេបាញ់ឆេះបាត់ទៅហើយ
បើបាញ់ឆេះទង់មែន គួរតែដងនៅ តែនេះមិនឃើញមានទេ។ តែបើពិនិត្យរូបទី៣ ក្រោយពេលដាក់ទង់យូណេស្កូនោះ ក៏ដូចជាលែងឃើញមានទង់នៅចងជាប់ប្រាសាទដែរ សង្ស័យតែដកចេញតាំងពីពេលនោះមកម្ល៉េះ តែគ្មាននរណាចាប់អារម្មណ៍។
ប្រហែលជាដកចេញទេ គឺដាក់ទង់ ទាំងបីជំនួសវិញ គឺ ១ ទង់ជាតិ កម្ពុជា ២ ទង់យូណេស្កូ ៣ ទង់បេតិកភណ្ឌ តែម្តង ! មិនចាំបាច់ដាក់ច្រើនកន្លែង ! ហេហេ
កន្លែងហ្នឹង បើតាមតែខ្មុំធ្លាប់បានថតកាលពីប៉ុន្មានខែមុន ដូចជាអត់ឃើញ មានទង់ជាតិទេ តែបើតាមរូបនេះប្រហែលជាគេដោះទុកដឹង
ចោសៀមវាបាញ់បាក់ទាំងដងទាំងទង់ជ័យ។
បើមិនឃើញនឹងភ្នែកទេ កុំចេះតែនិយាយ
[...] [...]
ខ្ញុំមិនដែលបានទៅលេងទេ តែខ្ញុំគិតថាប្រហែលជាគេថតពីជ្រុងផ្សេងគ្នាទេដឹង ។
លោកមើលរូបទី១ និងទី២ មើល៍ មើលយ៉ាងម៉េចឃើញជ្រុងផ្សេងគ្នា?
ម៉េចមិនមើលផ្សែងដែលហុយក្បែរហ្នុង បើវាហុយម្លឹង ៗ បើមិនដកទុកទេក្រែងវាប្រឡាក់ខូចអស់ហើយឬអាចមកពីគេដកដងទៅលាបថ្នាំនិងដោះទង់ទៅបោកទឹកទេដឹង ។
រូបភាពដែលអត់ទង់ជាតិហ្នឹង បើពិនិត្យមើលអោយច្បាស់ ដូចជារូបកែទេ មិនមែនជារូបពិតឡើយ សូមជួយពិនិត្យមើលឡើងវិញទាំងអស់គ្នា។ តែបើជារូបពិត
ខ្ញុំយល់ស្របនិងគំនិតខ្មែរលីង ប្រហែលជាផ្សែងបាំងជីតមើលមិនឃើញផងក៏មិនដឹង។
ខ្ញុំគិតថាលោកអត់ចេះមើលរូបពិត ឬមិនពិតទេ។ នេះជារូបពិតថតចេញពីទូរទស្សន៍មក គឺការផ្ទុះអាវុធដើមខែកុម្ភៈ នេះឯង។ ចំណែកផ្សែងគឺមិនអាចបាំងទង់ជាតិបាត់ដូចនេះបានទេ ព្រោះផ្សែងនៅពីក្រោយប្រាសាទឆ្ងាយណាស់។
ប្រហែលជាខ្ញុំមិនចេះរឺគ្មានជំនាញមើលមែនហើយមើលទៅ
ប្រសិនបើនរណាអាចទៅមើលអោយដឹងការពិតនោះល្អណាស់!
ប្រាក់ សុភី អាចយោងទៅលើមតិ កែវ ឌីណា ខាងលើ គឺគាត់បានទៅលេង និងថតរូបដោយផ្ទាល់នៅទីនោះ មុនពេលផ្ទុះអាវុធដើមខ្មែរកុម្ភៈ ហើយគាត់ថាមិនឃើញមានទង់ជាតិនេះទេ។ ដូច្នេះ ខ្ញុំសន្និដ្ឋានថាទង់ត្រូវបានគេដកពិតប្រាកដក្រោយពេលដាក់ទង់ទាំងបី កាលពីចុងឆ្នាំ២០០៨ ក្រោយចូលបេតិកភណ្ឌពិភពលោក (ដូចរូបទី៣បង្ហាញស្រាប់) យ៉ាងពិតប្រាកដ គ្រាន់ពួកយើងមិនសូវបានចាប់អារម្មណ៍ប៉ុណ្ណោះឯង។
រូបទីមួយដែលបាយ័នយកមកដាក់ប្រហែលជាវីដេអូកាលវាយប្រយុទ្ធគ្នាលើក
ទីមួយហើយផ្សែងអ៊ួអាប់នេះគឺផ្សែងឆេះផ្សារខ្មែរដែលទ័ពសៀមបាញ់
បំផ្លាញ ហើយទង់ក៏មិនមានដាក់នៅទីតាំងនេះដែរ។
កំឡុងពេលប្រយុទ្ធគ្នាចុងក្រោយប្រហែលគ្មានវីដេអូរថតផ្ទាល់លើប្រាសាទ
នៅទីតាំងដូចឃើញក្នុងរូបនេះទេ។
សូមជួយពិចារណា អាចយករូបភាពចាស់មកកាត់តដាក់បង្ហាញ ។
រូបទីមួយមានដាក់ទៀតថា រូបភាពឯកសារ។
ដូចនេះសន្និដ្ឋានថា ទង់ជាតិខ្មែរមិនបានបាត់ពីលើប្រាសាទព្រះវិហារទេ
ហើយរូបភាពដែលមានទង់ជារូបភាពថតក្រោយរូបទីមួយ។
គេប្តូរទីតាំងទង់ទេដឹង?
មែនប្រហែលជាគេប្តូរទីតាំង!
សួរ សយ សុភាព ប្រហែលជាច្បាស់ជាង ព្រោះគាត់ទៅដេកស៊ីចាំមើលគេបាញ់គ្នាយូរក្រែលដែរនៅទីនោះ ។ ហេតុនេះគាត់ប្រាកដជាដឹង ។
ញ៉ុមស្របតាមគំនិតកំណត់ត្រាថ្ងៃនេះ
រូបភាពណឹងគឺកាលពីសៀមផ្លោងឆេះផ្សារ គឺមិនទាន់មានទង់ទេ
សួរស្តី ចំពោះមតិរបស់ខ្ញុំបើបាត់មែនសូមអោយដាក់វិញ។ ព្រោះពេលនេះខ្ញុំមិនបានដឹងទេថានៅ រឺ មិននៅនោះ។
nice to read your page…Mr.Sopheak
nice to read your page…Mr.Sopheak…
[...] [...]