មកដល់ស្រុកម៉ាឡេ ថ្ងៃ សុក្រ 18 ខែកុម្ភៈ 2011
Posted by សុភ័ក្ត្រ in អំពីសុភ័ក្ត្រ.9 comments
ចេញពីស្រុកខ្មែរយើងព្រឹកមិញនេះ ហើយមកដល់ស្រុកម៉ាឡេ ក្រុង កួឡា ឡូមពួរ ហើយ កាលពីថ្ងៃមិញនេះ ក្រោយពីជិះយន្តហោះតាមជើង អ៊ែរ អាស៊ី ជិតពីរម៉ោងមក។ នេះគឺជាលើកទីពីររបស់ខ្ញុំក្នុងការមកលេងប្រទេសម៉ាឡេស៊ី ក្នុងរយៈពេលជិត១០ឆ្នាំ ដែលកាលគ្រាមកលេងម៉ាឡេស៊ី លើកទីមួយ គឺតាំងពីប្រមាណខែកក្កដា ឆ្នាំ២០០២ មកម្ល៉េះ (អានអត្ថបទ៖ ដំណើរទេសចរដែលខ្ញុំពេញចិត្តបំផុត)។
តាមគម្រោងគឺស្នាក់នៅទីនេះ (កួឡា ឡូមពួរ) តែមួយយប់នេះទេ ដោយស្អែកព្រឹកនេះ ត្រូវធ្វើដំណើរបន្តទៀតទៅទីក្រុង បានដារ សេរី បេហ្កាវាន ប្រទេសប្រុយណេ ដារូស្សាឡាម រយៈពេលបួនថ្ងៃបីយប់ ទើបត្រឡប់មក នេះម្ដងទៀត៕
យន្តហោះដែលជិះមកព្រឹកមិញនេះ
មកដល់ចំណតអាកាសយាន្ដដ្ឋានក្រុងកូឡា ឡូមពួរ ប្រទេសម៉ាឡេស៊ី
_________________________________________________________
អានផងដែរ៖
១. កួឡា ឡូមពួរ
២. ដំណើរទេសចរដែលខ្ញុំពេញចិត្តបំផុត
៣. មកដល់អាណាចក្រប្រេង
៤. អាហារដំបូងនៅម៉ាឡេ
៥. ត្រឡប់មកដល់ខ្មែរវិញ
៦. ដំណើរកម្សាន្តគ្រានេះ
៧. ទៅលេងម៉ាឡេស៊ី ក្រោយរយៈពេល៩ឆ្នាំ
អនុមោទនា មាឃបូជា ព.ស.២៥៥៤ ថ្ងៃ សុក្រ 18 ខែកុម្ភៈ 2011
Posted by សុភ័ក្ត្រ in អំពីស្រុកខ្មែរ.1 comment so far
មាឃបូជា (អានថា៖ មាឃៈបូជា មិនមែនអាន មាឃ-បូជា ទេ) វចនានុក្រមខ្មែរ ទំព័រ៨៧២ ន. (សំ.បា. មាឃ + បូជា) ការធ្វើបូជាក្នុងខែមាឃ។ ឈ្មោះបុណ្យមួយសម្រាប់ពុទ្ធសាសនា ធ្វើក្នុងថ្ងៃពេញបូណ៌មីខែមាឃ រំឮកដល់ សាវកសន្និបាត “ការប្រជុំសាវ័ក” នៃព្រះសម្ពុទ្ធដែលហៅថា ចាតុរង្គសន្និបាត “ការប្រជុំមានអង្គបួន” គឺ
- ថ្ងៃនោះព្រះចន្ទ្រចរចូលដល់មាឃនក្សត្រ (ថ្ងៃពេញបូរណ៌មីខែមាឃ),
- ព្រះភិក្ខុសង្ឃចំនួន១.២៥០ រូប ឥតបានកំណត់ពេលគ្នាជាមុនសោះ ក៏ស្រាប់តែមកប្រជុំព្រមគ្នា ក្នុងសំណាក់ព្រះបរមសាស្ដា,
- ព្រះភិក្ខុសង្ឃទាំងអម្បាលនោះសុទ្ធតែជាឯហិភិក្ខុដូចគ្នាទាំងអស់,
- ព្រះភិក្ខុសង្ឃទាំងនោះសុទ្ធតែជាព្រះអរហន្ត។
ការប្រជុំមានអង្គ៤ដូច្នេះ ក្នុងពុទ្ធសម័យមានតែម្ដងគត់, ក្នុងវេលានោះ ព្រះសម្មាសម្ពុទ្ធទ្រង់ត្រាស់សម្ដែងឱវាទបាតិមោក្ខ…។
ពួកពុទ្ធមាមកជនគ្រប់ប្រទេសក្នុងសាសនកាលរៀងមក កំណត់យកថ្ងៃពេញបូណ៌មីខែមាឃរាល់ឆ្នាំ ថាជាថ្ងៃសំខាន់មួយក្នុងការធ្វើបូជាៈ ថ្ងៃមាឃបូជា, ធ្វើមាឃបូជា, បុណ្យមាឃបូជា។
- ឆ្នាំនេះមាឃបូជា ត្រូវនឹងថ្ងៃសុក្រ ទី១៨ ខែកុម្ភៈ គ.ស.២០១១។
ស្ដាប់ព្រះតេជព្រះគុណ ហុក សុវណ្ណ មានតំណាលពីមាឃបូជា
