មត៌កដូនតាត្រូវបានបំភ្លេចចោល ថ្ងៃព្រហស្បតិ៍ 24 ខែកុម្ភៈ 2011
Posted by សុភ័ក្ត្រ in រាមកេរ្ដិ៍, អំពីស្រុកខ្មែរ.trackback
រៀងរាល់ពេលចូលទស្សនាព្រះបរមរាជវាំងចតុម្មុខម្ដងៗ ខ្ញុំតែងតែមានអារម្មណ៍ខ្លោចចិត្តនឹងផ្ទាំងរូបគំនូររឿងរាមកេរ្ដិ៍ នៅតាមថែវ ព្រះឧបោសថរតនារាម ព្រះវិហារព្រះកែវមក៌តណាស់។ រូបគំនូររឿងរាមកេរ្ដិ៍ នៅតាមថែវព្រះវិហារនេះ គឺជាមត៌កដ៏ថ្លៃថ្លា និងមានតម្លៃវិសេសវិសាលមិនអាចកាត់ថ្លៃបានដែលជាស្នាដៃ និងកេរតំណែលនៃសិល្បៈវប្បធម៌ខ្មែរ ដែលបន្សល់ទុកដោយអតីតព្រះមហាក្ស័ត្រិយ៍ និងបុព្វជនខ្មែរ។
ដោយសារសង្គ្រាមហែកហួរក្នុងប្រទេស បណ្ដារូបគំនូរទាំងអស់ត្រូវបានបំផ្លាញដោយស្នាដៃមនុស្សខ្មែរជាតិខ្លួនឯង រហូតស្ទើរមើលមិនបានទៅហើយ បើទោះបីក្នុងអតីតរដ្ឋកម្ពុជាធ្លាប់ត្រូវបានស្ដារម្ដងរួចមកហើយក្ដី។
មកដល់ក្នុងសម័យនេះទៀតសោត ព្រះរាជាណាចក្រកម្ពុជាត្រូវបានបង្កើតឡើងវិញជិត២០ឆ្នាំមកហើយ តែទោះជាយ៉ាងនេះក្ដីរូបគំនូររាមកេរ្តិ៍ទាំងនោះ មិនត្រូវបានស្ដារឡើងវិញទាល់តែសោះ តែអ្វីដែលគួរឲ្យសោកស្ដាយនោះទៅទៀត ក្រៅពីមិនត្រូវបានស្ដារហើយ រូបគំនូរទាំងនោះមិនត្រូវបានទទួលការយកចិត្តទុកដាក់ថែរក្សាពីសំណាក់អ្នកមើលការខុសត្រូវក្នុងវាំងផងទៀត។ ជារឿយៗរូបគំនូរទាំងនោះត្រូវបានបំផ្លាញបន្ថែមថ្មីៗនេះទៀត ដូចជាការដាក់របស់ចោលមុខថែវគំនូរ និងការលាបថ្នាំលើពិដាន ហូរហៀរលើផ្ទាំងគំនូរ។ល។
ការចូលទស្សនារូបគំនូរដែលមានភាពមិនយកចិត្តទុកដាក់បែបនេះធ្វើឲ្យខ្ញុំមានការសោកសង្រេងខ្លាំងណាស់ ចំពោះស្នាដៃដ៏មហាសាលនៃអតីតបុព្វជនខ្មែរ ហើយបើយើងងាកទៅមើលរូបគំនូរបែបគ្នានេះដែរ នៅឯព្រះបរមរាជវាំងក្រុងបាងកក គេបានយកចិត្តទុកដាក់ថែរក្សាសម្បើមណាស់។
ក្នុងនាមជាកូនខ្មែរមួយរូបនៃខេមរប្រទេស ដោយយល់ឃើញពីកេរតំណែលដ៏មហាសាលនេះ ខ្ញុំសូមអំពាវនាវឲ្យរាជការទទួលបន្ទុកព្រះបរមរាជវាំងចតុម្មុខ មេត្តាយកចិត្តទុកដាក់ថែរក្សា និងស្ដារឡើងវិញជាបន្ទាន់នូវរូបគំនូររឿងរាមកេរ្ដិ៍នេះ។ ប្រសិនបើគ្មានថវិកាគ្រប់គ្រាន់ខ្ញុំថាយើងជាជនជាតិខ្មែរទាំងមូលពិតជានឹងចូលរួមចំណែកម្នាក់បន្តិចៗដើម្បីអាចមានលទ្ធភាពស្ដាររូបទាំងនោះបានជាប្រាកដ៕
ថែវគំនូររឿងរាមកេរ្ដិ៍មិនត្រូវបានការថៃទាំទាល់តែសោះ
មានការដាក់សម្ភារៈពាសវាលកាលមុខរូបគំនូរ
រូបគំនូរខូចខាតស្ទើរគ្មានសល់
រូបគំនូរត្រូវបានបំផ្លាញនិងខូចខាត
រូបគំនូរដ៏មហាសាលនៃខេមរជនត្រូវបានបំផ្លាញ និងខូចខាតស្ទើរទាំងស្រុង
ម៉េចក៏មត៌កដូនតា ចេញរូបសុទ្ធតែកង្កែបក្នុងដុំទឹកកកអញ្ចឹង?
វេបសាយនេះត្រូវមេរោគfrog ស៊ីហើយ ទើបមានរូបហ្នឹងគ្រប់កន្លែងអញ្ចឺង ។
យើងនៅប្រឹងរឿងក្រពះជាងសិល្បៈ ។ យើងមិនសូវចង់ដឹងរឿងអនាគតនឹងទៅជាយ៉ាងណា ទោះណាយើងធ្លាប់ឈឺចាប់កាលអតីតក៏ដោយ ។
រូបគំនូរសុទ្ធតែកង្កែបចឹងរឺ ?
អ្ហេ…លោកភាក់! លោកឯងល្មមប្ដូរអា Hosting សម្រាប់រូបភាពទៀតទៅ,, គួរប្រើ http://www.photobucket.com ទើបល្អ… អាឡូវនេះទំព័រលោកឯងបង្ហាញតែរូបកង្កែប (ទាំងក្នុង post ទាំង Header ទាំង Slide bar
ខ្ញុំគិតថាគូតែ ប្រើ flickr.com បើមិនអញ្ចឹងប្លករបស់សុភ័ក្ត្រឯងនឹងចេញតែរូបកង្កែបនេះរហូត ដោយប្លក់មួយត្រូវបានគេមើលច្រើន! ទើបវាចេញរូបកង្កែប!!!!
ស្មានតែកុំព្យូទ័រខ្ញុំ មេរោគស៊ី! តាមពិត គេមើលឃើញចឹងដែរ សុទ្ធតែកង្កែប! ហិហិ
ងាប់សុទ្ធតែ កង្កែបចឹង?
ខ្ញុំមើលឃើញធម្មតាតើ!
ហ្នឹងហើយអ្នកនៅក្នុងទឹកដូចគ្នាទើបមើលឃើញ….
ព្រះកួណារបានប្រាប់ឪយគេរៀបចំជួសជុលឡើងវិញនៅក្នុងពេល
ឆាប់ៗនេះហើយ។ទៅប្រដួចអីស្ដេចសៀមគេមានលុយច្រើនមិនដែលមាន
សង្រ្គៀម។
វាគ្មានពាក់ព័ន្ធស្អីនឹងមានលុយច្រើននោះទេ គឺស្ថិតនៅការការស្រឡាញ់ ការចេះថែទាំ និងយកចិត្តទុកដាក់ របស់អ្នកគ្រប់គ្រងគឺជាការសំខាន់បំផុត។ ដូចលោកមើលឃើញក្នុងរូបស្រាប់ ការដាក់ទុករបស់របរ បង្ហាញពីការមិនស្គាល់តម្លៃពិតប្រាកដនៃមត៌កដូនតាខ្មែរ របស់ថ្នាក់ដឹកនាំព្រះបរមរាជវាំង។
លុយជាបញ្ហានៃការជួសជុលអ្នកណាក័ត្រួវការលុយដើម្បីជួសជល់ដែរ។ខ្មែរក្រហមមិនចេះស្រឡាញ់ទេរបស់ស្តេចនោះ។
ស្ការទុកដាក់របស់របរបើគ្មានកន្លែងដាក់យកទៅទុកទីណា?
នៅពេលដែលកន្លែងមួយដែលត្រួវជួសជុលកន្លែងផ្សេងត្រួវតែទទួល
របស់របរពីកន្លែងដែលត្រួវជួសជុលហើយ។សព្វថ្វៃប្រាសាទណាប៉ូឡេអុង ប្រាសាទសំលៀកបំពាក់ព្រះកុសមះកំពុងតែជួសជុលអ្នក
មានសំណាងហើយដែលគេឪយចូលមើលនៅពេលដែលគេកំពុង
ជួសជល់នោះ។
លុយជាបញ្ហានៃការជួសជុលអ្នកណាក័ត្រួវការលុយ
ដើម្បីជួសជល់ដែរ។
ខ្មែរក្រហមមិនចេះស្រឡាញ់ទេរបស់ស្តេចនោះ។
ស្ការទុកដាក់របស់របរបើគ្មានកន្លែងដាក់យកទៅទុកទីណា?
នៅពេលដែលកន្លែងមួយដែលត្រួវជួសជុល
កន្លែងផ្សេងត្រួវតែទទួល
របស់របរពីកន្លែងដែលត្រួវជួសជុលហើយ។
សព្វថ្វៃប្រាសាទណាប៉ូឡេអុង ប្រាសាទសំលៀកបំពាក់ព្រះកុសមះកំពុងតែជួសជុល
អ្នកមានសំណាងហើយដែលគេឪយចូលមើលនៅ
ពេលដែលគេកំពុងជួសជល់នោះ។
និយាយត្រឡប់ត្រឡិនរកស្ដាប់អីមិនបានទេ លោកឯងនោះ!
ខ្ញុំក៏ឃើញតែរូបកង្កែបក្នុងដុំទឹកកកដែរ ដំបូងស្មានតែមកពីកុំព្យូទ័រខ្ញុំដឹងអី គេក៏ឃើញចឹងដែរ
ណឹង! កង្កែបសុទ្ធ!
នៅតែកង្កែបអាដែលចឹង! បងភ័ក្រអត់មានចំណាត់ការទេហ្អេ! ប៉ាយ៉ាត់ទឹកកកអាលាយ វាលោតពេញប្លកហូវ!
មិនមែនតែគេហទំព័រនេះទេ មានគេហទំព័រជាច្រើនទៀតចេញចឹងដែរ។ តើមានមូលហេតុអ្វីទៅ?ជួយប្រាប់ខ្ញុំផង!
តាមពិតទៅរូបភាពខាងលើនេះគឺជារូបដែលទាញចេញ (Embed) ពីកេហទំព័រ http://imageshack.us/ រួចគាត់យក Link របស់រូបនីមួយ មកដាក់ក្នុងទីនេះ ដើម្បីបង្ហាញ ប៉ុន្តែសម្រាប់យើងរាល់គ្នាដែលមិនបាន ចុះឈ្មោះប្រើប្រាស់ (Sign Up) ទេនោះយើងពុំអាចមើលឃើញឡើយ…
ករណីដែលកើតមានឡើងនេះគឺប្រហែលជា រូបភាពដែលគាត់បានផ្ទុកឡើង (Upload) មិនទាន់ត្រូវបានកំណត់ឱ្យមើលឃើញគ្រប់គ្នា (Private) បើចង់មើលឃើញទាល់តែយើងចុះឈ្មោះប្រើប្រាស់មួយសិនទើបបាន…
លោកសុភ័ក្ត្រអើយ ! មេត្តាសុំកង្កែបពីរបីម៉ោ យកទៅឆាក្តៅ !!!
ថែវគំនូររឿងរាមកេរ្ដិ៍មិនត្រូវបានការថៃទាំទាល់តែសោះ
—>បងថែទាំ!!
[...] ដំណើរកម្សាន្តគ្រានេះ, មត៌កដូនតាត្រូវបានបំភ្លេចចោល, [...]