ទៅលេងសាំងកាពួរ ក្រោយរយៈពេលមួយទសវត្សរ៍ ថ្ងៃ អង្គារ 15 ខែមីនា 2011
Posted by សុភ័ក្ត្រ in អំពីសុភ័ក្ត្រ.trackback
-
២២-២៣ កុម្ភៈ ២០១១
តាមពិតទៅសិង្ហបុរី គឺជាប្រទេសដំបូងដែលខ្ញុំបានទៅលេងនៅក្រៅប្រទេស កាលពីចុងឆ្នាំ២០០១ ពោលគឺរយៈពេល១០ឆ្នាំមុននេះ។ កាលនោះ គឺខ្ញុំបានត្រូវជ្រើសរើសជាតំណាងនិស្សិតកម្ពុជាក្នុងចំណោម១០នាក់ (ស្រី៥ ប្រុស៥) ដើម្បីចូលរួមបោះជំរុំយុវជននិស្សិតអាស៊ាន Sunburst Youth Camp ដែលឆ្នាំនោះកម្ពុជាយើងទើបតែបានចូលរួមជាលើកទី១។
កាលពីខែកុម្ភៈ កន្លងទៅនេះ ខ្ញុំក៏បានធ្វើដំណើរទៅលេងប្រទេសសិង្ហបុរីនេះម្ដងទៀតជាលើកទីពីរ ក្នុងរយៈពេល១០ឆ្នាំ បន្ទាប់ពីលើកទី១នោះរួចមក។ អ្វីដែលប្លែកគ្រានេះ គឺថាជាការធ្វើដំណើរលក្ខណៈឯកជនសុទ្ធសាធ និងធ្វើដំណើរតាមរថយន្ត ខុសពីគ្រាទី១ ដែលធ្វើដំណើរតាមយន្តហោះ ជាលើកទីមួយផងដែរ ចូលទៅសិង្ហបុរី។
នៅល្ងាចថ្ងៃទី២២ បន្ទាប់ពីលេងកម្សាន្តនៅប្រទេសប្រុយណេ អស់រយៈពេល៣យប់៤ថ្ងៃរួចមក ពួកយើងក៏បានធ្វើដំណើរត្រឡប់មកទីក្រុងកួឡា ឡូមពួរ ប្រទេសម៉ាឡេស៊ីវិញ។ ម៉ោងប្រមាណ៩យប់ ពួកយើងបានមកដល់កួឡា ឡូមពួរ និងស្រស់ស្រូបអាហាររួច ពួកយើងត្រូវបែកផ្លូវគ្នា ដោយអ្នកខ្លះត្រូវនៅកួឡា ឡូមពួរ ដើម្បីធ្វើដំណើរត្រឡប់មកស្រុកខ្មែរវិញ ចំណែកឯ៤នាក់ រួមនឹងខ្ញុំ ត្រូវធ្វើដំណើរតាមរថយន្តបន្តទៀតនាយប់នោះ ដើម្បីមកសិង្ហបុរី។
នៅយប់នោះ ទម្រាំតែរករថយន្តក្រុងបានដើម្បីធ្វើដំណើរមកសិង្ហបុរី ពួកយើងត្រូវចំណាយពេលជាច្រើន រហូតស្ទើរមិនបានមកសិង្ហបុរីទៅហើយ។ ទីបំផុតពួកយើងបានចេញពីទីក្រុងកួឡា ឡូមពួរ ប្រទេសម៉ាឡេស៊ី តាមរថយន្តក្រុងដែលមានតម្លៃប្រមាណ៣០ដុល្លារអាមេរិក នៅម៉ោង១២ និង៣០នាទីអាធ្រាតឆ្ពោះមកសិង្ហបុរី។
ការធ្វើដំណើរពេលយប់បែបនេះចំណាយពេលលឿនជាងពេលថ្ងៃ ប្រមាណ៤ម៉ោងប៉ុណ្ណោះក៏ធ្វើដំណើរមកដល់ព្រំដែនម៉ាឡេស៊ី សិង្ហបុរី ទៅហើយ។ បន្ទាប់ពីឆ្លងកាត់អន្តោប្រវេសន្តទាំងពីរប្រទេសហើយ ឡានក្រុងក៏បានទម្លាក់ពួកយើងនៅម៉ោងប្រមាណ៥ភ្លឺ ធ្វើឲ្យពួកយើងឡេឡឺគ្រប់គ្នា ដែលបីនាក់ក្នុងចំណោមគ្នាយើងទាំង៤ មិនមាននរណាម្នាក់ធ្លាប់មកសិង្ហបុរីនៅឡើយទេ មានតែខ្ញុំ ដែលមិនធ្លាប់មកអស់រយៈពេលមួយទសវត្សរ៍ទៅហើយដែលនោះ។ ហេតុនេះពេញមួយដំណើរកម្សាន្តនៅទីនេះ ត្រូវខ្ញុំជាអ្នករ៉ាប់រងទាំងស្រុង 
(អានភាគបញ្ចប់)
ព្រឹកព្រលឹមនៅសិង្ហបុរី
សិង្ហបុរីមានអ្វីខ្លះក្រៅពីផ្ទះថ្ម?
អាគារកប់ពពកនានានៅក្រុងសិង្ហបុរី
សិង្ហ ដែលជាអត្តសញ្ញាណប្រទេសនេះ
អាគារកប់ពពកនៅសិង្ហបុរី
អាគារសួនអាកាសដែលទើបសាងសង់ថ្មីនៅសិង្ហបុរី
______________________________________
អានផងដែរ៖
១. ទៅលេងប្រុយណេ
២. សិង្ហបុរី
៣. ដំណើរកម្សាន្តគ្រានេះ
៤. ទៅលេងសាំងកាពួរ ក្រោយរយៈពេលមួយទសវត្សរ៍ (ចប់)
៥. ទៅលេងម៉ាឡេស៊ី ក្រោយរយៈពេល៩ឆ្នាំ
៦. ភ្លៀងធ្លាក់ខ្លាំងនៅបីប្រទេស
៧. ទៅលេងម៉ាឡេស៊ី ក្រោយរយៈពេល៩ឆ្នាំ (ចប់)
៨. ចរាចរណ៍នៅសិង្ហបុរី
៩. ឯណាទៅប័ណ្ណប្រៃសណីយ៍របស់ខ្ញុំ
[...] [...]
[...] [...]
[...] [...]
គិតរកទៅទិញ ខុនដូ ជាប់ដីនៅសាំងកាប៉ូ មួយសិន
ខំធើការរកលុយប៉ះកង់ម៉ូតូឲ្យគ្រប់សិនរ៉ូវ
ខំប្រឹងអានពីរបីសារ ដូចអត់ឃើញសរសេរថា នាំគេដើរវង្វេងផ្លូវ? ឬមួយមាន នៅវគ្គបន្ត?
ដើរប៉ុណ្ណឹងក៏វង្វេងដែរលើកក្រោយចាំខ្ញុំទៅដែរ ខ្ញុំនាំផ្លូវព្រោះស្គាល់ច្បាស់ណាស់
អីយ៉ា! តួឯកចេញហើយតើនែក សង្ឃឹមថាសាម៉ាឌីនឹងមិននាំខ្មុំដើរឡើង ហើមជើងដូចអ្នកខ្លះទៅចុះ:)
សង្ឃឹមនរណាមិនសង្ឃឹម សង្ឃឹមក្ឌីហ្នឹង?
មេចអត់ជិះអាទេះភ្លើង? ខ្ញុំជិះដូចជាមិនថ្ងៃជាងណឹងទេ រួចហើយមានកន្លែងគេងទៀត។
វីអាយភី បាទ ហេហេ
[...] [...]
[...] លោកអ្នកធ្លាប់បានអានហើយពីប្រកាសទៅលេងសិង្ហបុរី ក្រោយរយៈពេល១០… របស់ខ្ញុំ ថ្ងៃនេះខ្ញុំសូមដាក់ប្រកាសមួយទៀត គឺរឿងរ៉ាវទៅម៉ាឡេស៊ី កាលពីខែកន្លងទៅនេះ។ [...]
[...] មិនថានៅប្រុយណេ, ម៉ាឡេ, សិង្ហបុរី [...]
[...] [...]
[...] និយាយពីរឿងទៅប្រុយណេ, ម៉ាឡេ និងសិង្ហបុរី បន្តទៀត ហាហា… [...]
[...] និងប្រុយណេ ៣. ចរាចរណ៍នៅប្រុយណេ ៤. ទៅលេងសាំងកាពួរ ក្រោយរយៈពេលមួយ… ៥. អាហារដំបូងនៅសិង្ហបុរី ៦. ស LikeBe the [...]
[...] ម៉ាឡេស៊ី និងសិង្ហបុរី [...]
[...] ពីប្រទេសប្រុយណេ, ម៉ាឡេស៊ី និងសិង្ហបុរី នៅតែមកដល់ពេលនេះ [...]
[...] ចរាចរណ៍នៅប្រុយណេ, ទៅលេងប្រុយណេ, ទៅលេងសាំងកាពួរ ក្រោយរយៈពេលមួយ…, ឬថា ភូថង អេ [...]