ការឆ្លងចូលនៃក្បាច់រាំបែបជនជាតិលាវ “បាត់សាឡូប” នៅក្នុងសង្គមខ្មែរ ថ្ងៃ អង្គារ 26 ខែមេសា 2011
Posted by សុភ័ក្ត្រ in វីដេអូ, អំពីស្រុកខ្មែរ, ພາສາລາວ.trackback
កាលពីរយៈកាលបុណ្យចូលឆ្នាំថ្មី ឆ្នាំថោះព.ស.២៥៥៥ នៅស្ថានីយ៍វិទ្យុទូរទស្សន៍បាយ័ន មានរៀបចំកម្មវិធីជួបជុំរាំកម្សាន្តមួយជាមួយបងប្អូនយុទ្ធជននៅសមរភូមិនានាតាមបណ្ដោយព្រំដែនកម្ពុជាថៃ។
តាមការសង្កេតរបស់ខ្ញុំឃើញមានការនាំចូលវឌ្ឍនធម្មនៃការរាំមួយបែបដែលបងប្អូនយុទ្ធជនបង្ហាញសិល្បករដែលទៅចូលរួម ក៏ដូចជាប្រជាជនខ្មែរទូទាំងនគរ នោះគឺការរាំមួយបែបដែលកំពុងពេញនិយមនៅប្រទេសលាវ គឺគេហៅ ថា “បាត់សាឡូប”។
“បាត់សាឡូប” នេះ គឺជាការច្នៃបែបរាំប្រហាក់ប្រហែលនឹងចង្វាក់ម៉ាឌីហ្សូន ដែលខ្មែរពេញនិយមដែរ។ តែអ្វីដែលចម្លែកនោះគឺខុសពីខ្មែរយើង នៅប្រទេសលាវ គេរាំចលនាចង្វាក់បែបដដែលៗនេះ មិនរើសបទទេ មិនថារាំវង់ ឆាឆាឆា… ទេ គឺគេរាំចេញចង្វាក់បែបនេះបានទាំងអស់។
សូមលោកអ្នកទស្សនាវីដេអូខាងក្រោមដែលខ្ញុំបានចម្លងចេញពីទូរទស្សន៍បាយ័ន នៃការរាំបង្ហាញរបស់បងប្អូនយុទ្ធជនខ្មែរ ដែលគាត់កំពុងរាំ “បាត់សាឡូប” នេះ គឺគាត់រាំក្បាច់ដដែលៗ គ្រប់បទទាំងអស់ ខណៈដែលសិល្បករមកពីភ្នំពេញរាំតាមចង្វាក់បែបបទ តាមប្រភេទភ្លេង។ រួមនឹងវីដេអូពីការបង្ហាញក្បាច់រាំ “បាត់សាឡូប” របស់ជនជាតិលាវ ខាងក្រោមជាបន្តបន្ទាប់។
ខ្ញុំមិនគាំទ្រការនាំចូលវឌ្ឍនធម្មនៃការរាំបែបលាវនេះក្នុងសង្គមខ្មែរទេ។ យើងមានក្បាច់រាំតាមប្រទេសបទត្រឹមត្រូវ នឹងជាពិសេសមានចង្វាក់ម៉ាឌីហ្សូន ដែលយើងអាចកែច្នៃបន្ថែមទៀត ដើម្បីឲ្យមានការរាំជក់ចិត្ត និងសប្បាយ មិនមែនយកតែចង្វាក់មួយបែបមករាំគ្រប់បទបែបនេះទេ៕
ពិនិត្យមើលក្បាច់រាំថ្មីដែលទើបនាំចូល
ច្បាប់រាំរបស់ជនជាតិលាវ (បទទំនងរាំវង់តែបែបរាំបាត់សាឡូប)
________________________________________________________
អានផងដែរ៖
១. របាយការណ៍៖ ចូលឆ្នាំថោះនៅស្រុកខ្មែរ
[...] [...]
ខ្ញុំក៏មិនគាំទ្រដែរ។
ខ្ញុំតែសរសើរថា ចេះរកក្បាច់រាំប្លែកៗ។ ដល់ចឹងទៅអន់ចិត្តជ្រិបហ្មង
ប្លែកត្រង់ណា រាំវង់ក៏អាហ្នឹង, ឆាឆាឆាក៏អាហ្នឹង, ធ្វីសស៍ក៏អាហ្នឹង… ស្អីៗក៏រាំអញ្ចឹង… ដល់ចឹងទៅរាំធុញណាស់ វាសាំពេក
អត់ដឹងផង បានមើលតែពេលគេរាំចង្វាក់ញ៉ាប់ៗ
កុំជោរជាមួយខ្មែរស្មោះ កូពីគ្មានសល់ទេ
នេះគេហៅថា បទក្រឡុកប្រវត្តិសាស្រ្ត ទើបត្រឹមត្រូវ !មិនសូវចាប់ អារម្មណ៍ដែរទេ ចំពោះការច្រៀងនិងក្បាច់រាំ ចាប់អារម្មណ៍អ្នករាំទៅ វិញទេ ជាពិសេស ទាហាន-ប៉ូលិស ដែលរាំទាំងឯកសណ្ឋាននិង អាវុធជាប់ខ្លួន អត់ដែលឃើញចឹងទេ មានតែស្រុកខ្មែរទេមើលទៅ !
បានមើលតែគាត់រាំបែបម៉ាឌីហ្សុនម៉ាភ្លែតប៉ុណ្ណោះកាលហ្នឹង
នៅជិតគ្នា វាជៀសផុតអីនឹងចម្លងគ្នា ដូចបទឡាំលាវ សារ៉ាវ៉ាន់ រាំវង់ អីជាដើម គ្រាន់តែចង្វាក់ សាឡូប ជាចង្វាក់សម័យដែលគេកំពុងពេញនិយម ដូចចង្វាក់ម៉ាឌីហ្សុន និង កន្ទ្រឹម ដែលខ្មែរកំពុងពេញនិយមក្នុងពេលបច្ចុប្បន្ន ។ ខ្ញុំយល់ថា មិនទាស់ខុសអីទេ បើយើងយកមករាំ ។
ចង្វាក់នេះបើយកមករាំនៅស្រុកខ្មែរ អាចកាប់គ្នាច្រើននៅតាមជនបទ ព្រោះបទនេះរាំទធាក់ជើងសម្បើមណាស់ ។ កុំនាំចូលអីល្អជាង។
Ah…you are all here! that why nobody visits my blog: Let visit my blog, entitled “Cambodia Situations”
all great in term of Cambodia Views: http://meetkhmer.blogspot.com
ខ្ញុំឃើញរាំបែបហ្នឹងនៅក្លឹបហាត់ ស្តាតអូឡាំពិច និង មុខវត្តបទុមជាងមួយឆ្នាំហើយ! ហើយនៅមានបែបប្លែកជាងហ្នឹងពីរទៅបីបែបទៀតដែលច្នៃចេញពីម៉ាឌីហ្សន … មិនដឹងអ្នកណាចម្លងអ្នកណាទេ ដូចបឿនថាអញ្ចឹងនៅក្បែរគ្នា!
ទទួលស្គាល់ខ្លះរ៉ូវ
ទទួលស្គាល់រឿងអី? ល្ងាចៗទៅមុខវត្តបទុម មើលគេរាំហាត់ប្រាណនឹងបានឃើញ ។ សូមបញ្ជាក់គឺខ្ញុំបានរាំនៅក្លឹបហាត់ប្រាណចង្វាក់ហ្នឹង ជាងមួយឆ្នាំហើយ មិនមែនត្រឹមឃើញទេ ឬ អាន Comment ខាងក្រោម គេថាធ្លាប់រាំតាំងពីឆ្នាំ ១៩៩៧ មកម៉្លេះ! យកពីណាខ្ញុំមិនដឹងទេ ដឹងតែថាវាមិនមែនថ្មី ហើយមិនមានអីភ្ញាក់ផ្អើល!
ថ្មីសំរាប់អ្នក? ខ្ញុំធ្លាប់រាំបទនេះតាំងពីឆ្នាំ1997មកម៉្លេះ!
កាលនោះ លោកពូម្នាក់របស់ខ្ញុំទៅរៀនហ៊្វឹកហាត់ផ្នែកទ័ពនៅឥណ្ឌូនេស៊ី ពេលមកវិញគាត់ចេះរាំរបៀបនេះឯង។ តែកាលនោះខ្ញុំមិនបានដឹងថាវាជាចង្វាក់ របស់ឡាវទេ។ អត់យោបល់ដែរ គ្រាន់តែចង្វាក់នេះមិនមែនថ្មីសំរាប់ខ្ញុំទេ។
ខ្ញុំគិតថា ការលួចគេរបស់ខ្មែរនេះ មិនមែនជាការបាក់មុខអីទេ បើធ្វើម៉េច បើស្រុកយើងឥលូវ រឿងនេះជារឿងថ្លៃថ្នូរទៅហើយ។
គំនិតតូចច្រមក់៖ បើអ្នកជាចោរគួរប្រឹងលួចចុះ ព្រោះវាជាអាជីព តែបើអ្នកមិន មែនជាចោរទេ គួរកុំសាកល្បូងអី ប្រយ័ត្នមានពូជជាចោរ។
បណ្ឌិតកិត្តិយស
មើលទៅតាមការរាំរបស់បងទាហាន វាអាចជាការរាំបែបហ្វឹកហាត់ទុក មុនជាជាងការរាំតាមចំណាំ។ ព្រោះការរាំវាស្រុសគ្នាពេក។
[...] [...]
[...] «ស្រែខ្មុក» ខ្ញុំសូមដាក់ប្រកាស ការឆ្លងចូលនៃក្បាច់រាំបែបជនជាតិលាវ … ឡើងវិញ។ [...]