ប្រៃសណីយ៍ខ្មែរបន្ទោសបច្ចេកវិជ្ជា ថ្ងៃ អង្គារ 11 ខែតុលា 2011
Posted by សុភ័ក្ត្រ in បរិយាយថ្ងៃនេះ, អំពីស្រុកខ្មែរ.trackback
គិតៗថាអស់សំណើចក៏ថាបានដែរ នរណាៗក៏ដឹងហើយថាប្រៃសណីយ៍ស្រុកខ្មែរមហាអន់។ គ្មាននរណាគេចង់ប្រើប្រាស់សេវារបស់រដ្ឋមួយនេះទេ។ អ្នកខ្លះរាប់ឆ្នាំក៏មិនដែលបានទៅប្រៃសណីយ៍ដ្ឋានម្ដងផង។ ខ្ញុំឯណេះជាមនុស្សដែលចូលចិត្តប្រើសេវាប្រៃសណីយ៍ណាស់ តែធ្វើម្ដេចចេះតែទ្រាំៗទៅ។ ប្រៃសណីយ៍ប័ត្រខ្ញុំផ្ញើរាប់ខែហើយ តាំងពីខែកុម្ភៈ ដើមឆ្នាំ មកដល់ពេលនេះមិនទាន់បានទទួលនៅឡើយទេ។
អានអត្ថបទពីគេហទំព័រសប្បាយថ្ងៃនេះ បានឃើញពីប្រៃសណីយ៍ខ្មែរបន្ទោសបច្ចេកវិជ្ជា ថាបានធ្វើឲ្យវិស័យនេះធ្លាក់ចុះ ហាហា… គួរឲ្យចង់សើចពេកពន់។ តាមពិតទៅគឺអញ្ចេះទេ សូមអ្នកគ្រប់គ្រងប្រៃសណីយ៍ខ្មែរមើលប្រទេសផ្សេងៗទៅដែលមានបច្ចេកវិជ្ជាទំនើប ឬម្ចាស់បច្ចេកវិជ្ជានោះទៅទៀត ប្រៃសណីយ៍ស្រុកគេគ្មានងាប់ស្ដូកដូចស្រែខ្មុកទេ។ មិនបាច់ទៅឯណាឆ្ងាយទេ ត្រឹមស្រុកថៃ សូមចូលទៅមើលប្រៃសណីយដ្ឋានគេទៅ តម្រង់ជួរផ្ញើរបស់ដូចស្អីអញ្ចឹង។
ប្រៃសណីយ៍ស្រុកខ្មែរពិតណាស់គ្មានមកដោយសារបច្ចេកវិជ្ជាស្អីទេ តាមពិតទៅហេតុផលនៅលើគោក សូមប្រាប់យកតែបុណ្យចុះ។
- សេវាកម្មយឺត អន់…
- ពេលផ្ញើសំបុត្រយកថ្លៃលើសតែមប្រិ៍ដែលបិទ…
- ពេលអ្នកយកសំបុត្រមកផ្ទះ ត្រូវជូនលុយទៅពួកគាត់ទៀត ក្នុងលេសថ្លៃសាំងម៉ូតូ…
- បាត់របស់ ។ល។ និង ។ល។ និង…. ច្រើនទៀតរាប់មិនអស់។
ប្រសិនបើក្រសួងប្រៃសណីយ៍ខ្មែរ មិនកែប្រែ លើកកម្ពស់វិស័យនេះទេ មិនយូរមិនឆាប់ប្រៃសណីយ៍ដ្ឋានខាងកើតវត្តភ្នំហ្នុងច្បាស់ជាបិទទ្វារហើយ សូមប្រាប់យកបុណ្យចុះ៕
ការឃោសនារបស់ប្រៃសណីយ៍ខ្មែរ (រូប៖ សប្បាយ)
_________________________________________________________
អានបន្ថែម៖
១. បច្ចេកវិជ្ជា ទំលាក់ប្រជាប្រិយប្រៃសណីយ៏
២. ឯណាទៅប័ណ្ណប្រៃសណីយ៍របស់ខ្ញុំ
[...] [...]
http://tamabnyaymab.wordpress.com/2011/07/13/cambodia-post-network/
“ប្រសិនបើក្រសួងប្រៃសណីយ៍ខ្មែរ មិនកែប្រែ លើកកម្ពស់វិស័យនេះទេ មិនយូរមិនឆាប់ប្រៃសណីយ៍ដ្ឋានខាងកើតវត្តភ្នំហ្នុងច្បាស់ជា” អានមកដល់ត្រឹមនេះ ឡើងភ័យមិញនេះ ហេសហេ។
ខ្ញុំឃើញប្រកាស់ណឹងនៅសប្បាយ មិនទាំងអានផង ឃើញតែចំណងជើង អង្គុយសើចឡើងធ្វើការមិនកើតហើយ
បាទមិនខុសគ្នាពីសហរដ្ឋទេ គ្រាន់តែនៅសហរដ្ឋមិនអាចជូនលុយកាក់ដល់ពួកគាត់បានទេ ព្រោះពួកគាត់ជាអ្នកស៊ីលុយរដ្ឋ បើចាងហ្វាងខាងប្រេសណីយ៍ដឹងគាត់នឹងដេញបញ្ឈប់អោយធ្វើការ ។ កាលពី ២០ ឆ្នាំមុន ប្រេសណីយ៍របស់អាមេរិកាំង មានថវិការច្រើនរាប់លាន ដុល្លា អាលូវរកតែប្រាក់បង់ពន្ធដា អោយក្រសួងហិរញ្ញវត្ថុក៏គ្មានផង កាលពីមុន ប្រអប់សំបុត្រ មានគ្រប់ជ្រុងថ្នល់ អាលូវគ្មានទេ មូលហេតុ មកពី ប្រជាជនឈប់ប្រើផ្ញើរសំបុត្រ គេផ្ញើរតាមអីម៉ែលម្តង !
តែនៅស្រុកបារាំង អ្នកតម្រង់ជួរនៅប៉ុស្តិ៏នោះ ដូចហែរជំនួនចឹង។ គេមានទាំងធ្វើម៉ាស៊ីនលក់តែម ដើម្បីកុំអោយពិបាកឈរចាំ។ ក្រៅពីរណឹង គេមានលុយជួលអ្នក research អោយបង្កើតកម្មវិធីល្អៗអោយគេប្រើទៀតផង។
ភាគច្រើនគឺក្រុមហ៊ុនគេប្រើ។ ហើយងាយស្រួលណាស់ក្នុងការទិញរបស់តាមអាំងទែណេត។
និយាយដល់រឿងហ្នឹងខ្ញុំក្ដៅឆេវមិនបាត់ទេ ផ្ញើរឥវ៉ាន់ទៅក្រៅ ស្រាប់តែខលមកប្រាប់វិញថា អោយផ្ញើរលុយទៅយកឥវ៉ាដើម្បីផ្ញើរមកខ្មែរវិញ ហើយធ្វើឯកសារម្ដងទៀតដើម្បីផ្ញើរត្រឡប់ទៅក្រៅវិញ។ បើមិនចឹងទេគឺទូកចោល
អធិប្បាយបានល្អ និងត្រូវចំនុចដែលមន្រ្តីរបស់ក្រសួងត្រូវយកចិត្តទុកដាក់ និងកែលម្អ!
មែនហ្អី? សប្បាយចិត្តណាស់នៀកបានកំឡោះខ្មែរសសើរ
ចេះតែសរសើរលេងទៅ កុំអោយអ្នកធ្វើអធិប្បាយ អត់ទឹកចិត្តសរសេរ!
ផ្ញើរូបថតចង់ម៉ាឆ្នាំហើយ អត់ទាន់ទៅដល់ទៀត អាឡូវបាច់ទេស ផ្ញើតាមតាអ៊ីម៉ែល គ្មានអស់លុយម៉ារៀលលុយខ្មែរ ផ្ញើតែ ៥នាទីដល់បាត់