jump to navigation

ຂົວ​ມິດຕະພາບ 3 ລາວ ໄທ ເປີດເປັນທາງການແລ້ວ ! ថ្ងៃ សុក្រ 11 ខែវិច្ឆិកា 2011

Posted by សុភ័ក្ត្រ in ภาษาไทย, ພາສາລາວ.
trackback

*(ຂປລ) ການກໍ່ສ້າງ​ຂົວ​ມິດຕະພາບ 3 ໄດ້ດຳ​ເນີນ​ມາ​ແຕ່​ປີ 2009 ແລະ​ ຈະ​ເປີດ​ນຳ​ໃຊ້​ຢ່າງ​ເປ​ັນທາງ​ການ​ໃນ​ມື້ນີ້​ ເວລາ 11 ໂມງຂອງ​ວັນ​ທີ 11 ເດ​ືອນ 11 ປີ 2011(11.11.11.11) ຢູ່​ບ້ານ​ເວີນ ​ເມື​ອງທ່າ​ແຂກ​ ແຂວງ​ຄຳ​ມ່ວນ. ທ່ານ ​ຄຳ​ໃບ ​ດຳລັດ ກຳ​ມະ​ການ​ສູນ​ກາງ​ພັກ, ​ເລຂາ​ຄະນະ​ພັກ​ແຂວງ ​ເຈົ້າ​ແຂວງ​ຄຳ​ມ່ວນ​ ໄດ້​​ໃຫ້ສຳພາດ​ຕໍ່​ສື່ມວນ​ຊົນ​ລາວ​ວ່າ: ພາຍຫລັງ​ການ​ກໍ່ສ້າງ​ຂົວ​ມິດຕະພາບ 3 ຄຳ​ມ່ວນ-ນະຄອນ​ພະນົມໄດ້​ສຳ​ເລັດກໍ​ຈະ​ເປີດ​ນຳ​ໃຊ້​ຢ່າງ​ເປັນ​ທາງ​ການ​ໃນ​ ວັນ​ທີ 11 ພະຈິກ 2011 ຈະ​ມີ​ຜູ້ນຳ​ຂັ້ນສູງ​ຂອງ​ສອງປະ​ເທດ​ລາວ ​ແລະ ​ໄທ ​ເຂົ້າ​ຮ່ວມ. ​ເມື​່ອ​ເປີດ​ນຳ​ໃຊ້​ຂົວ​ມິດຕະພາບ 3 ຄຳ​ມ່ວນ-ນະຄອນ​ພະນົມ ນີີ້ແລ້ວ ​ເມືອ​ງ ທ່າ​ແຂກ ​ຈະກາຍ​ເປັນ​ເຂດ​ການຄ້າ, ການບໍລິການ-ອຸດສາຫະກຳ ທີ່​ທັນ​ສະ​ໄຫມຂອງ​ແຂວງ​; ຂົວ​ແຫ່ງ​ນີ້ ເປັນ​ຂົວ​ມິດຕະພາບ ລາວ-​ໄທ ແຫ່ງ​ທີ 3 ນັບ​ຈາກ​ຂົວ​ ມິດຕະພາບ ວຽງ​ຈັນ-ຫນອງ​ຄາຍ ແລະ ຂົວ​ມິດຕະພາບ ສະຫວັນ​ນະ​ເຂດ-ມຸກດາ​ຫານ. ການ​ກໍ່ສ້າງ​ຂົວ​ທ່າ​ແຂກ-ນະຄອນ​ພະນົມ ​ແມ່ນ​ເລີ່​ມດຳ​ເນີນ​ມາ ຕັ້ງ​ແຕ່​ກາງ​ປີ 2009 ຈິ່ງ​ສຳ​ເລ​ັດລົງ ​ໃນ​​ທ້າຍ​​ປີ 2011 ໂດຍ​ໄດ້​ຮັບ​ການ​ຊ່ວຍ​ເຫລືອ​ລ້າ ຈາກ​ປະ​ເທດ​ໄທ ມູນ​ຄ່າ 1,6 ລ້ານ​ໂດ​ລາ​ສະຫະ ລັດ, ຍ້ອນ​ມີ​ການ​ປ່ຽນ​ ແປງ​ຂອງ​ລາຄາ​ນ້ຳມັນ ເຮັດ​ໃຫ້ງົບປະມານ​ໃນ​ການ​ກໍ່ສ້າງ​ເພີ່ມ​ຂຶ້ນ ຈາກ 1.500 ລ້ານ​ບາດ ຂຶ້ນ​ເປັນ 2.000 ລ້ານ​ບາດ.

ການ​ມີ​ຂົວ​ຂ້າມ​ແມ່ນ້ຳຂອງ ​ທ່າ​ແຂກ-ນະຄອນ​ພະນົມ ຈະສ້າງເງຶ່ອນ ໄຂສະດວກໃນການໄປມາຫາສູ່ ກັນຂອງ​ປະຊາຊົນ​ມີ​ຄວາມ​ສະດວກ ​ແລະ ດີ​ຂື້ນ​ຫລາຍ, ຂົວ​ດັ່ງກ່າວ ​ມີ​ຜົນ​ປະ​ໂຫຍ​ດອັນມະຫາສານ​ໃຫ້​ແກ່​ສັງຄົມ. ນອກຈາກ​ຈະ​ເປັນ​ການ​ດຶງ​ດູດການ​ຂົນ​ສົ່ງ​ໃຫ້​ສະດວກ​ຂຶ້ນ ແລະ ປະຢັດ​ເວລາ​ແລ້ວ ຍັງ​ເປັນ​ການ ​ເຊື່​ອມ​ໂຍງ​ແຂວງ​ຄຳ​ມ່ວນ​ ກັບ​ ຫວຽດນາມ ​ແລະ ​ໄທ ດ້ວຍ​ໄລຍະ​ທາງ​ທີ່​ສັ້ນທີ່​ສຸດ ຄື ປະມານ 120 ກິ​ໂລ​ແມັດ ​ເທົ່າ​ນັ້ນ. ແຂວງ​ຄຳ​ມ່ວນ ບໍ່​ພຽງ​ແຕ່​ມີ​ທາງ​ຜ່ານ​ ຂອງ​ເສັ້ນທາງ​ເລກທີ 13 ໃຕ້ ແຕ່​ຍັງ​ມີ​ທາງ​ເລກທີ 12 ທີ່​ຕັດ​ອອກ​ຫວຽດນາມ​ອີກ​ດ້ວຍ.​ ເມືອງທ່າ​ແຂກ​ ມີ​ທ່າ​ແຮງ​ທາງ​ດ້ານ​ການ​ຄ້າ, ການ​ລົງທຶນ ແລະ ການ ​ບໍລິການ. ເພື່ອ​ຮອງຮັບ​ທ່າ​ແຮງ​ກໍ​ຄື​ໂອກາດ​ດັ່ງກ່າວ ອຳນາດ​ການ​ປົກຄອ​ງ​ແຂວງຄຳ​ມ່ວນ​ ​ໄດ້​ວາງນະ​ໂຍບາຍ​ສ້າງ​ແຂວງ​ໃຫ້​ກາຍ​ເປັນ​ເຂດ​ການຄ້າ, ບໍລິການ ແລະ ອຸດສາຫະກຳ ທີ່​ທັນ​ສະ​ໄຫມ​ດ້ວຍ​ການ​ສ້າງ​ເຂດ​ເສດຖະກິດ ພິ​ເສດ-​ເຂດ​ເສດຖະກິດ​ສະ​ເພາະ ຂຶ້ນຢູ່​ສົ້ນຂົວ ​ແລະ ທີ່​ພູ​ຂຽວ ​ເພື່ອ​ສ້າງ​ແຮງ​ຈູງ​ໃຈ​ໃຫ້​ບັນດາ ​ນັກ​ລົງ ທຶນ​ຕື່ມອີກ. ຈາກ​ການ​ມີທ່າ​ແຮງ​ນີ້ ໄດ້​ເຮັດ​ໃຫ້​ນັກທຸລະກິດ​ຫັນມາ​ສົນ​ໃຈ​ແຂວງ​ຄຳ​ມ່ວນ ເປັນ​ຈຳນວນ​ຫລາຍ, ໂດຍອີງ​ຕາມ​ຂໍ້ມູນ​ຈາກ​ຄະນະ​ກຳມະການ ​ແຫ່ງ​ຊາດ ​ເພື່ອ​ຄຸ້ມ​ຄອງ​ເຂດ​ເສດຖະກິດ​ສະ​ເພາະ ​ແລະ ​ເຂດ​ເສດຖະກິດ​ພິ​ເສດ, ​ເຂດ​ເສດຖະກິດ​ສະ​ເພາະພູຂຽວ ມີ​ເນື້ອທີ່​ທັງ​ຫມົດ 4.850 ເຮັກຕາ ​ເປັນ​ການ ​ລົງທຶນ​ຂອງ​ ບໍລິສັດ ວີ​ເອສກຣຸບ 100% ດ້ວຍ​ມູນ​ຄ່າ​ການ​ລົງທຶນ 708 ລ້ານ​ໂດ​ລາ​ສະຫະລັດ.

ຈຸດປະສົງ ​ແມ່ນ​ເພື່ອ​ພັດທະນາ ​ເຂດ​ດັ່ງກ່າວ​ໃຫ້​ເປັນ​ຕົວ​ເມືອງ​ໃຫມ່ ມີ​ສູນ​ບໍລິການ-ການ​ຄ້າ, ການ​ສຶກສາ, ການທ່ອງທ່ຽວ, ​ໂຮງຫມໍ ແລະ ອຸດສາຫະກຳ​ການ ​ຜະລິດ. ເຂດ​ເສດຖະກິດ​ພິ​ເສດ ຢູ່​ສົ້ນຂົວ​ມິດຕະພາບ ທີ່​ຄາດ​ວ່າ​ຈະ​ມີ​ ເນື້ອທີ່ປະມານ 1.000 ເຮັກຕາ​ ກໍ​ກຳລັງ​ຢູ່​ໃນ​ຂັ້ນຕອນ​ການ​ພິຈາລະນາ​ຈາກ​ລັດຖະບານ. ຈາກ 2 ເຂດ​ທີ່​ອຳນາດ​ການ​ປົກຄອງ​ແຂວງ​ວາງ​ໄວ້ ຖື​ເປັນ​ການ​ຮອງ​ຮັບ​ທີ່​ດີ ເພື່ອ​ດຶງດູດການ​ລົງທຶນ ເຂົ້າ​ໃນ​ການ​ພັດທະນາ ​ແຂວງ​ຄຳ​ມ່ວນ ເຊິ່ງປະຈຸ​ບັນ ມີ​ຫລາຍ​ກວ່າ 10 ບໍລິສັດ ​ໄດ້​ສະ​ແດງ​ຄວາມ​ສົນ​ໃຈ ​ເຂົ້າ​ໄປ​ລົງທຶນ​ໃນ​ເຂດ​ສົ້ນຂົວ ມິດຕະພາບ ທ່າ​ແຂກ -ນະຄອນ​ພະນົມ.

ທ່ານ​ຄຳ​ໃບ ດຳລັດ ຍັງກ່າວຕື່ມວ່າ: ​ແຂວງ​ຄຳ​ມ່ວນ ກຳລັງ​ຈະ​ຖືກ​ພັດທະນາ ​ໃຫ້​ເປ​ັນທາງ​ຜ່ານ​ທີ່​ສຳຄັນ​ຂອງ​ພາກ​ພື້ນ ໂດຍ​ເລີ່​ມຈາກ​ທ່າ​ແຮງ​ດຶງ​ດູດ ການ​ ພັດທະນາ​ໃຫ້​ເປັນ​ທາງ​ຜ່ານ​ທີ່​ສຳຄັນ​ຂອງ​ພາກພື້ນ ໂດຍ​ເລີ່​ມຈາກ​ທ່າ​ແຮງ​ດຶງ​ດູດ​ການ​ພັດທະນາ​ຂອງ​ເຂື່ອນ​ນ້ຳ​ເທີນ 2 ​ແລະ ​ແຮງ​ຍູ້​ຫນູນ​ຈາກ​ການ​ສ້າງ​ຂົວ​ມິ​ດ ຕະ​ພາບ 3 ເຊິ່ງຈະ​ເຮັດ​ໃຫ້​ແຂວງ ​ມີ​ໂສມ​ຫນ້າ​ໃຫມ່. ເມື່ອ​ເບິ່ງ​ແຜນ​ໄລຍະ​ຍາວ​ຂອງ​ລັດຖະບານ ໃນ​ການ​ປ່ຽນ​ສະ ຖານະ​ຈາກ​ປະ​ເທດ​ບໍ່​ມີ​ທາງ​ອອກ​ສູ່​ທະ​ເລ ມາ​ ເປັນ​ປະ​ເທດ​ທາງ​ຜ່ານ​ຂອງ​ພາກພື້ນນັ້ນ,​ ລັດຖະບານ ຍັງ​ມີ​ແຜນ​ສ້າ​ງທາງລົດ​ໄຟ​ທີ່​ຕັດ​ຜ່ານ​ຕົວ​ເມືອງ​ທ່າ​ແຂກ ​​ເຊື່ອມ​ຕໍ່ໄປ​ຫວຽດນາມ ​ແລະ ​ໄທ ແລະ ຜ່ານ​ລົງ​ ໄປ​​ເຂດ​ໃຕ້​ຂອງ​ປະ​ເທດ​ນຳ​ອີກ. ສິ່ງ​ດັ່ງກ່າວ ນັບ​ວ່າ​ເປັນ​ທ່າ​ແຮ​ງອັນ​ສຳຄັນ​ໃຫມ່ ທີ່​ຈະ​ຊ່ວຍ​ດຶງ​ດູດ​ຄວາມ​ສົນ​ໃຈ​ຂອງ​ບັນດາ​ນັກ​ລົງທຶນ ເຂົ້າ​ໃນ​ເມື​ອງ ທ່າ​ແຂກ ​ໃຫ້​ຫລາຍ​ຂຶ້ນ ເຊິ່ງອັນ​ຈະ​ເຮັດ​ໃຫ້​ເມືອງ​ທ່າ​ແຂກ ກໍ​ຄື​ແຂວງ​ຄຳ​ມ່ວນ ກາຍ​​ເປັນ​ແຂວງ​ເສດຖະກິດ​ການ​ຄ້າ, ການ​ບໍລິການ​, ​ເປັນ​ທາງ​ຜ່ານ​ທີ່​ສຳຄັນ​ຂອງ​ປະ​ເທດ ​ແລະ ພາກພື້ນ​ໃນ​ອະນາຄົດ. ເມ​ືອງທ່າ​ແຂກ ທີ່​ເປັນ​ເມືອງ​ເອກ​ຂອງ​ແຂວງ ​ແມ່ນ​ຕັ້ງຢູ່​ແຄມ​ແມ່ນ້ຳຂອງ ຫລື ຕິດ​ກັບ​ຈັງຫວັດ​ນະຄອນ​ພະນົມ​ຂອງ​ໄທ. ແຂວງ​ຄຳ​ ມ່ວນ ເປັນ​ແຂວງ​ຫນຶ່ງ​ທີ່​ໄດ້​ຮັບ​ການ​ພິຈາລະນາ​ເປັນ​ແຂວງ​ຍຸດ​ທະ​ສາດ ທັງ​ທາງ​ດ້ານ​ການ​ເມືອງ ​ແລະ ​ເສດຖະກິດ ​​ເພາະເປັນແຂວງ​ທີ່​ອຸດົມສົມບູນ​ທາງ​ທຳ​ມະ ​ຊາດ, ມີ​ປ່າ​ສະຫງວນ​ແຫ່​ງຊາດ​ເຖິງ 2 ແຫ່ງ ຄື ປ່າ​ເຂດ​ພູ​ຫີນ​ປັ້ນ ແລະ ປ່າ​ນາ​ກາຍ-ນ້ຳ​ເທີນ, ມີ​ສາຍ​ນ້ຳ​ໃຫຍ່​ຫລາຍ​ສາຍ​ເຊັ່ນ: ນ້ຳຫີນ​ບູນ, ນ້ຳກະດິງ, ນ້ຳ​ເທີນ, ນ້ຳ​ເຊບັ້ງ​ໄຟ. ນອກ​ນັ້ນ ຍັງ​ເປັນ​ສະຖານ​ທີ່​ທ່ອງ​ທ່ຽວ​ທີ່​ມີ​ຫລາ​ຍຢ່າງ​ຫນ້າ​ສົນ​ໃຈ ​ເຊັ່ນ: ​ເຂື່ອນ​ໄຟຟ້າ 2 ແຫ່ງ, ມີຖ້ຳກອງ​ລໍ ທີ່​ຢູ່​ໃນ​ເປົ້າຫມາຍ​ເປັນ​ມໍລະດົກ​ໂລກ, ຖ້ຳນາງ​ແອ່ນ, ຖ້ຳພະ ​ແລະ ຖ້ຳ ອື່ນໆ./.

http://samakomlao.blogspot.com/2011/11/3.html

About these ads

មតិ»

No comments yet — be the first.

ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out / ផ្លាស់ប្តូរ )

រូបភាព​ពី Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out / ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out / ផ្លាស់ប្តូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out / ផ្លាស់ប្តូរ )

កំពុង​ភ្ជាប់​ទៅ​កាន់ %s

តាមដាន

Get every new post delivered to your Inbox.

Join 157 other followers

%d bloggers like this: