ក្រុងស្យាមចាត់ព្រះរាជពិធីបុណ្យរំលាយព្រះសពអតីតបុត្រីស្ដេចថៃដែលមានឈាមខ្មែរ ថ្ងៃ ចន្ទ 9 ខែមេសា 2012
Posted by សុភ័ក្ត្រ in ภาษาไทย.trackback
ថ្ងៃនេះ (ច័ន្ទ ០៩ មេសា ២០១២) នៅឯក្រុងទេពមហានគរ នៃរាជអាណាចក្រថៃ មានចាត់ព្រះរាជពិធីដ៏ធំអស្ចារ្យមួយ គឺព្រះរាជពិធីបុណ្យរំលាយព្រះសព សម្តេចព្រះចៅភគិនីធើចៅហ្វាពេជ្ររ័ត្នរាជសុតាសិរិសោភាពណ្ណវតី (ថៃ៖ พระเจ้าภคินีเธอ เจ้าฟ้าเพชรรัตนราชสุดา สิริโสภาพัณณวดี) នៅឯមណ្ឌលពិធីវាលព្រះមេរុ ស្នាមហ្លួង ក្បែរព្រះបរមមហារាជវាំង ក្រុងទេពមហានគរ។
សម្តេចព្រះចៅភគិនីធើចៅហ្វាពេជ្ររ័ត្នរាជសុតាសិរិសោភាពណ្ណវតី ព្រះអង្គគឺរាជបុត្រីទោលដែលមានតំណពូជវង្សជាជាតិ និងព្រះញាតិវង្សខ្មែរ (អានអត្ថបទ៖ សាវតារត្រកូល «អភ័យវង្ស», អានព្រះរាជប្រវត្តិរបស់ទ្រង់នៅទីនេះ) នៃអតីតព្រះមហាក្ស័ត្រិយ៍ថៃ រជ្ជកាលទី៦ ព្រះបាទសម្ដេចព្រះមង្កុដក្លៅចៅយូហួ។ ប្រសូតនៅថ្ងៃទី២៤ ខែវិច្ឆិកា ឆ្នាំ១៩២៥ ព្រះអង្គបានចូលទិវង្គត កាលពីរសៀលថ្ងៃទី២៧ ខែកក្កដា ឆ្នាំ២០១១ ក្នុងព្រះជន្ម៨៥វស្សា។
ដើម្បីជាព្រះកិត្តិយសដល់ព្រះអង្គ រាជការក្រុងស្យាមបានចាត់ពិធីបុណ្យតាំងពីពេលទ្រង់ចូលទិវង្គតរហូតដល់ពិធីបុណ្យរំលាយព្រះសពកាលពីព្រឹកមិញនេះ ដោយមានពិធីចាត់ក្បួនដង្ហែរព្រះកោដ្ឋពីព្រះបរមរាជវាំងចូលមកសណ្ឋិតឯមណ្ឌលពិធីព្រះមេរុ ស្នាមហ្លួង ដើម្បីប្រារព្ធពិធី។ ព្រះរាជពិធីដង្ហែរព្រះសពត្រូវបានរៀបចំឡើងយ៉ាងអស្ចារ្យ ក្រោមការយាងចូលរួមពីសំណាក់ក្រុមព្រះញាតិវង្សថៃ មន្ត្រី ជំទាវ ខុនណាង ខ្ញុំរាជការ ទាហាន ស៊ីវិល ព្រមអាណាប្រជានុរាស្ត្រថៃ ច្រើនកុះករ៕
ព្រះរាជពិធីដង្ហែរព្រះសព
ក្បួនព្រះរាជពិធីដង្ហែរព្រះសព
ក្បួនព្រះរាជពិធីដង្ហែរព្រះសព
ព្រះសពចូលដល់មណ្ឌលពិធី
មណ្ឌលពិធី និងព្រះមេរុសម្រាប់បូជាព្រះសព
________________________________________________
អានផងដែរ៖
១. រាជបុត្រីថៃឈាមខ្មែរចូលទិវង្គត
២. សាវតារត្រកូល «អភ័យវង្ស»
គេរៀបចំមានរបៀបដល់ហើយ