ទៅលេងហួហិន ថ្ងៃ អាទិត្យ 6 ខែឧសភា 2012
Posted by សុភ័ក្ត្រ in អំពីសុភ័ក្ត្រ, ภาษาไทย.2 comments
ថ្ងៃសៅរ៍ ម្សិលមិញនេះ ខ្ញុំបានឆ្លៀតពេលទៅលេងស្រុកជាប់សមុទ្ទមួយរបស់ថៃគឺហួហិន (ថៃ៖ หัวหิน) ខេត្តប្រចួបគីរីខន្ធ (ថៃ៖ จังหวัดประจวบคีรีขันธ์) និងវិលត្រឡប់មកវិញកាលពីព្រឹកមិញនេះ។
ពីបាងកកទៅហួហិន ត្រូវធ្វើដំណើរតាមរថយន្តប្រមាណជា២.៣០នាទី តែដោយម្សិលមិញនេះមនុស្សធ្វើដំណើរច្រើន (ដ្បិតជាថ្ងៃឈប់សម្រាករបស់ថៃ រហូតដល់ថ្ងៃច័ន្ទ) ទើបការធ្វើដំណើរធ្លោយរហូតដល់ទៅ៤ម៉ោងឯណុះ ទើបទៅដល់។
តាមពិតទៅស្រុកនេះមិនជាមានអ្វីធំដុំសម្រាប់កម្សាន្តទេ តែភាគច្រើនសម្រាប់ពួកសេដ្ឋីស្រុកថៃ និងបរទេសគេទៅសម្រាក និងបណ្ដែតអារម្មណ៍ថ្ងៃសៅរ៍អាទិត្យប៉ុណ្ណោះ។ សណ្ឋាគារធំៗទំនើបៗ និងលំដាប់អន្តរជាតិមានច្រើនណាស់បងប្អូនអើយ ច្រើនជាងភ្នំពេញយើងទៀតផងនោះ។ ហេហេ… ចំណែកឯខនដូ និងផ្ទះធំៗវិញ មិនបាច់និយាយទេ។
ដោយដេកនៅទីនោះមួយយប់ ព្រឹកមិញនេះ ខ្ញុំក៏បានត្រឡប់មកបាងកកវិញ រួចម៉ោង១៥ក៏បន្តមកផ្ទះឯខនកែនវិញ និងមកដល់នៅម៉ោងប្រមាណ២២៕
ក្រុងបាងកកពេលធ្វើដំណើរទៅហួហិន
ស្រុកហួហិន
ទីមួយនៃស្រុកហួហិន
ស្រុកហួហិន
កន្លែងកម្សាន្តមួយ
កន្លែងកម្សាន្តមួយ
___________________________________________
អានផងដែរ៖
១. បច្ចន្តគិរីខែត្រ, កោះកុងក្នុងទស្សនៈសៀម
