ករណីរន្ទះបាញ់សម្លាប់ពលរដ្ឋ រាជការបានធ្វើអ្វីខ្លះ? ថ្ងៃ អាទិត្យ 13 ខែឧសភា 2012
Posted by សុភ័ក្ត្រ in អំពីស្រុកខ្មែរ.trackback
វាស្ទើរតែរៀងរាល់ថ្ងៃទៅហើយ ព័ត៌មានពីករណីរន្ទះបាញ់សម្លាប់ប្រជាជនខ្មែរតែងតែឮ និងត្រូវបានផ្សព្វផ្សាយ។ ជាក់ស្ដែងដូចក្នុងថ្ងៃនេះ យ៉ាងហោចណាស់មនុស្សខ្មែរពីរនាក់ ត្រូវបានរន្ទះបាញ់សម្លាប់យ៉ាងអនោចអធម។ តាមរបាយការណ៍បានឲ្យដឹងថា ក្នុងមួយឆ្នាំៗ មានប្រជាពលរដ្ឋខ្មែរស្លាប់ដោយសាររន្ទះកំណាចនេះមិនតិចជាង១០០នាក់ទេ។
បើទោះបីជាមានរបាយការណ៍ករណីពលរដ្ឋស្លាប់ដោយសាររន្ទះជាច្រើនរយនាក់ក្ដី ខ្ញុំមិនទាន់បានឮ ឬឃើញចំណាត់ការណាប្រាកដប្រជាមួយពីរាជរដ្ឋាភិបាល ឬក្រសួងមន្ទីរពាក់ព័ន្ធឡើយ។ ក្នុងនាមជាប្រជាពលរដ្ឋមួយរូប ខ្ញុំសូមសំណូមពរដល់រដ្ឋាភិបាល និងក្រសួងមន្ទីរពាក់ព័ន្ធមេត្តាចាត់វិធានការណ៍ជាក់លាក់ក្នុងការជួយបញ្ជៀស ការពារអាយុជីវិតប្រជាពលរដ្ឋពីគ្រោះថ្នាក់រន្ទះបាញ់ដ៏សាហាវនេះ។
ជាបន្តទៅទៀតនេះ ខ្ញុំសូមអនុញ្ញាត ធ្វើបញ្ជីពលរដ្ឋខ្មែរដែលបានស្លាប់ដោយសាររន្ទះ តាមប្រភពព័ត៌មាននានា ទុកជាករណីសិក្សាដល់រាជការ ដើម្បីចាត់វិធានការណ៍ ជាបន្ទាន់៖
ឆ្នាំ២០១២
មករា មីនា [៣៨ នាក់]
មេសា [៩ នាក់]
- ០៥ - ស្ត្រី ឈួយ បូផា (៤០ឆ្នាំ) ភូមិអណ្តូងខ្លុង ឃុំគំរូ ស្រុកថ្មពួក ខេត្តសៀមរាប។
- ២៧ - បុរស ធិម ចង់ (៣៧ឆ្នាំ) ភូមិចក្រី ឃុំត្រីញ័រ ស្រុកពួក ខេត្តសៀមរាប។
- ២៧ - បុរស លី រតនា (៣០ឆ្នាំ) ភូមិចំបក់ហែ ឃុំពួក ខេត្តសៀមរាប។
- ២៧ - បុរស ឆោម វុធ (២៨ឆ្នាំ) ភូមិព្រះអំពិល ឃុំបឹងបត់កណ្តាល ស្រុកបាកាន ខេត្តពោធិសាត់។
- ២៨ - នារី ម៉ាក់ ធឿន (២២ឆ្នាំ) ភូមិអូរ ឃុំបឹងបត់ កណ្តាលស្រុកបាកាន ខេត្តពោធិសាត់។
- ២៩ - បុរស លប យ៉ុន (៥១ឆ្នាំ) ភូមិតាង៉ាល ឃុំខ្វិតធំ ស្រុកព្រៃឈរ ខេត្តកំពង់ចាម។
- ២៩ - នារី ចិន គា (១៨ឆ្នាំ) ស្រុកភ្នំស្រុក ក្នុងភូមិសាស្ត្រភូមិព្រៃមាន់ ឃុំរហាល ស្រុកព្រះនេត្រព្រះ ខេត្តបន្ទាយមានជ័យ។ (ជនរងគ្រោះទី២)
- ៣០ - បុរស ណែម វ៉ន (២៦ឆ្នាំ) ភូមិមេលំ ឃុំមេលំ ស្រុកបរិបូណ៌។
ឧសភា [១០ នាក់]
- ០២ - បុរស កម្មករដឹកដំឡូង២នាក់នៅខេត្តប៉ៃលិន។
- ០៩ – បុរស កម្មករជួសជុសដំបូលព្រះវិហារវត្តកោះកែវ ក្នុងភូមិកោះកែវ ខេត្តពោធិ៍សាត់។ (ជនរងគ្រោះទី៣)
- ១២ – ស្ត្រី ឃឹម ថាត (៣៨ឆ្នាំ) ភូមិតាឡាត់ ឃុំស្វាយរំពា ស្រុកកំពង់លែង ខេត្ដកំពង់ឆ្នាំង។
- ១២ – ស្ត្រី ថាប់ ឆាម (៤៨ឆ្នាំ) ភូមិដាឃុំដា ស្រុកកំពង់លែង ខេត្ដកំពង់ឆ្នាំង។
- ១៤ – កុមារា កាន់ វិសាល (៧ឆ្នាំ) ភូមិពងទឹក ឃុំអូររ៉ៃ ស្រុកថាឡាបរិវ៉ាត់ ខេត្តស្ទឹងត្រែង។
- ១៥ – បុរស ធឿន ជាវ (៥៨ឆ្នាំ) ភូមិព្រែកតាកែរ និងភូមិល្វាក្រោម ឃុំល្វាក្រោម ស្រុកកោះសូទិន ខេត្តកំពង់ចាម។
- ៣១ – កុមារា ជ្រុង តុលា (៩ឆ្នាំ) ភូមិព្រែកអាតែង សង្កាត់ព្រែកកំពិស ខណ្ឌដង្កោ រាជធានីភ្នំពេញ។
សីហា [២ នាក់]
- ២៣ – ស្ត្រី ឡេស លី (២៧ឆ្នាំ) ភូមិអូរតាប៉ាង ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ
- ២៣ – បុរស ទួន សន (៥៧ឆ្នាំ) ភូមិអូរឧកញ៉ាហេង ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ
សរុបចំនួនប្រជាពលរដ្ឋស្លាប់ [៥៩ នាក់]*
* តួលេខនេះគ្រាន់តែយកតាមសេចក្ដីរាយការណ៍ពីព័ត៌មាននានាប៉ុណ្ណោះ
_______________________________________________
អានព័ត៌មាន៖
១. ស្ដ្រីម្នាក់ត្រូវរន្ទះបាញ់ស្លាប់ក្នុងពេលទៅបេះឈូក និងម្នាក់ទៀតត្រូវរន្ទះបាញ់ស្លាប់ ពេលកំពុងច្រូតស្រូវ
២. រន្ទះបាញ់សម្លាប់ស្ត្រីពីរនាក់នៅកន្លែងពីរផ្សេងគ្នាក្នុងស្រុកកំពង់លែង
៣. រន្ទះបាញ់សម្លាប់កម្មករម្នាក់ ខណ:កំពុងជួសជុសដំបូលព្រះវិហារ
៤. រាជបណ្ឌិតសភាកម្ពុជាផ្តើមស្រាវជ្រាវពីបញ្ហារន្ទះ នៅកម្ពុជា
៥. ភ្លៀងធ្លាក់យ៉ាងខ្លាំងរន្ទះបាញ់ស្លាប់ប្រជាពលរដ្ឋម្នាក់នៅស្រុកព្រៃឈរ
៦. រន្ទះប្រល័យជីវិត2នាក់នៅ សៀមរាប5នាក់របួសធ្ងន់-ស្រាល នៅកំពង់ស្ពឺស្លាប់2នាក់របួស2 នាក់នៅពោធិ៍សាត់
៧. រន្ទះបាញ់នារីអាយុ១៨ឆ្នាំម្នាក់បណ្តាលឱ្យស្លាប់ភ្លាមៗមួយរំពេចខណៈពេលឈប់រថយន្តចុះបត់ជើងតូច
៨. រន្ទះបានបាញ់សម្លាប់កម្មករដឹកដំឡូង២នាក់នៅប៉ៃលិន
៩. រន្ទះបាញ់ស្លាប់បុរសម្នាក់និងស្ត្រីម្នាក់របួសធ្ងន់
១០. បទសម្ភាសន៍ស្តីពី «វិធីសាស្ត្រ បញ្ចៀស និងការពាររន្ទះបាញ់»
១១. រន្ទះបាញ់ សម្លាប់មនុស្ស ៤៧នាក់ គិតមកត្រឹម ពាក់កណ្តាល ខែឧសភានេះ
១២. អ្នកស្លាប់ដោយសារ រន្ទះបាញ់ កើនឡើងដល់ ៥៧នាក់ ក្នុងរយៈពេល៥ខែ ដើមឆ្នាំ២០១២
វាជាគ្រោះថ្នាក់ដ៏សាហាវដែលរងឥទ្ធិពលពីធម្មជាតិ ក៏ប៉ុន្ដែយើង ការពារដោយនៅពេលមានភ្លៀងក៏ដូចជាពេលមេឃខ្មៅ យើងគួរតែនៅកន្លែងមានសុវត្ថភាព មិនត្រូវកាន់យករបស់ដែលមាន ជាតិស្រូប ដូចជាដែកស្ពាន់ និងមិនត្រូវនិយាយទូរស័ព្ទនៅពេលមាន ថ្គរ រន្ធះឡើយ
រដ
ភូមិអណ្តូងខ្លុង ឃុំគំរូ ស្រុកថ្មពួក ខេត្តបន្ទាយមានជ័យមិនមែនខេត្តសៀម
រាបទេ ។
ភូមិព្រៃមាន់ ឃុំរហាល ស្ថិតក្នុង ដែនដីនៃស្រុកព្រះនេត្រព្រះ ដែលជាប់ព្រំប្រទល់ស្រុកភ្នំស្រុក
[...] 2 ករណីរន្ទះបាញ់សម្លាប់ពលរដ្ឋ រា… 2 COMMENTS ខែឧសភា 2012 [...]