ទៅមើលកុននៅរោងស្រុកខ្មែរ ថ្ងៃព្រហស្បតិ៍ 21 ខែមិថុនា 2012
Posted by សុភ័ក្ត្រ in អំពីសុភ័ក្ត្រ, អំពីស្រុកខ្មែរ.trackback
ប្រហែលជាលោកអ្នកដឹងហើយថា ស្រុកយើងឥឡូវ (ភ្នំពេញ) ក៏មានរោងភាពយន្តដាក់បញ្ចាំងរឿងបរទេសថ្មីៗទាន់សម័យនឹងគេដែរ។ ល្ងាចមិញនេះ បន្ទាប់ពីទទួលទានអាហារល្ងាចជាមួយអាម៉ាករួច វាក៏បបួលទៅមើលកុនរឿងស្អីវាទេ Prometheus មិនដឹងថាខ្មែរយើងប្រែថាម៉េចទេ។ តាមពិតទៅខ្ញុំមិនមែនជាអ្នកចំណូលរឿងហូលីវូដអីប៉ុន្មានទេ បានមើលក៏មើល អត់បានមើលក៏ហី។ តែបំណាច់មកស្រុកខ្មែរហើយក៏ចង់ចូលទៅមើលយកអេចស្ពៀរៀននឹងគេទៅ។
សូមនិយាយដើមរឿងរោងកុនស្រុកខ្មែរបន្តិច
បានទៅមើលកុន ដូចបានទៅឲ្យខ្ញុំមានរឿងសរសេរប្លក់និយាយដើម ដូចអាពួកម៉ាកខ្ញុំនិយាយមែន។ ដូចលោកអ្នកដឹងហើយថាខ្ញុំនៅស្រុកថៃច្រើនជាងនៅស្រុកខ្មែរ ចឹងទេ រោងកុននៅប្រទេសថៃបើថាខ្ញុំមិនដែលចូលមើលសោះ មានតែខ្ញុំឆ្កួត។
រោងកុនដែលខ្ញុំទៅមើលយប់មិញនេះគឺរោង Legend CMall HALL 1 (មិនដឹងជាខ្មែរថាស្អីទេ ដ្បិតគេសរសេរជាអង់គ្លេស) នៅជាន់ខាងលើផ្សារស៊ីធីម៉ល។ ចំណាប់អារម្មណ៍ដំបូងពេលទៅដល់រោងកុនភ្លាមគឺថា «អីយ៉ា! ឡូយបស់គេ…»។ ចូលទៅដល់ក្នុងរោង «ហ៊ឺម! មានអី អស្ចារ្យតើហ៍! ផ្ទាំងសំពត់សក៏ធំ…»។ អង្គុយមួយសន្ទុះស្រាប់តែរឿងគេបញ្ចាំងទៅហើយ ខ្ញុំក៏លាន់មាត់ថា យី! អត់មានគោរពភ្លេងជាតិដូចនៅក្នុងរោងកុនស្រុកថៃទេ? (ខ្ញុំធ្លាប់ចូលរោងកុនខ្មែរធម្មតាៗ កាលពីមុនដែរ ដូចជាគេឲ្យគោរពភ្លេងជាតិដែរ តែមិនដឹងអ្វីស្រាប់តែរោងកុនយប់មិញនេះអត់មាន)។
រឿង បើទោះបីថ្មី ឬចាស់ នៅស្រុកថៃ បើថានិយាយអង់គ្លេស (មិនដែលសូវមានទេ) គេក៏ដាក់អក្សររត់ខាងក្រោមជាភាសាថៃ ឲ្យជនជាតិគេអានដែរ តែមិនដឹងជាយ៉ាងម៉េចលោកអ្នករឿងយប់មិញនេះ ក្រៅពីគ្មានអក្សររត់ពីក្រោមហើយ គឺរឿងតាំងពីដើមដល់ចប់និយាយភាសាអាគាំងយកតែម្ដង។ អង្គុយមើលរឿងបណ្ដើរគិតបណ្ដើរ យី! ស្រុកយើងឡូយណាស់ណ៎! អាឡូវចូលមើលកុនស្ដាប់ភាសាអង់គ្លេសយកតែម្ដង! ចឹងមិនអែម? ហេហេ…
រឿងយប់មិញនេះ ខ្ញុំចូលមើលនៅម៉ោង២១.១០នាទី និងចប់ម៉ោង២៣ជាង។ ដោយសាររឿងនិយាយជាភាសាអង់គ្លេស ខ្ញុំមិនសូវជាយល់សាច់រឿងប៉ុន្មានទេ តែជាត្រួសៗ ខ្ញុំដាក់ពិន្ទុរឿងនេះបាន៨លើ១០ទៅចុះ។ ចំណែកឯតម្លៃសំបុត្រវិញ គឺ៥ដុល្លារអ៊ុយអេស៕
សំបុត្រកុនយប់មិញនេះ លោកអ្នកមើលចុះរោងកុននៅស្រុកណាទេ?
ធម្មតា គេក៏មានអក្សរខ្មែរពីក្រោមដែរ។ វាតាមតែរឿងទេ។ ឯរឿងគោរពភ្លេងជាតិ ពីមុនក៏មានដែរ តែឥឡូវមិនដឹងយ៉ាងម៉េចបានជាគេឈប់វិញ។ តែបើនិយាយមកដល់ចំនុចនេះ ស្រុកថៃក៏គេមិនគោរពភ្លេងជាតិដែរ។ គេគោរពតែភ្លេងស្តេចគេទេ។ តាមបទពិសោធន៍ខ្ញុំទៅស្រុកផ្សេងទៀត គ្មាននរណាគោរពភ្លេងជាតិពេលមើលកុនទេ។ ស្រឡាញ់មិនស្រឡាញ់ គឺនៅលើចិត្តមនុស្សទេ។
Yes, Legends cinema is standard. I have ever watch movie at AU. we can say that we have standard cinema now.
មានរឿងខ្លះ មាន Subtitle ជាខ្មែរ, តែរឿងខ្លះបែបយកមកបញ្ចាំងទាំងតក់ក្រហល់ពេក ក៏មិនបានរកអ្នកបកប្រែដាក់បញ្ចូល, មានទាំង Dubs ផងដែរ តែមិនជាបានល្អប៉ុន្មានទេ ការបកប្រែមិនសូវជាស៊ីនឹងសាច់រឿង ។ ចំពោះរឿងគោរពភ្លេងជាតិ រោងកុនលុច្ស នៅតែមាន តែតាមរោងកុនបែបបរទេសនេះ ខ្ញុំទៅច្រើនដងហើយ មិនដែលមានទេ ។
បើដាក់ភ្លេងជាតិឱ្យគោរព បងនៅតែមានរឿងមកសរសេរអ៊ីចឹង ព្រោះរោងហ្នឹងដាក់ទង់ជាតិខុស.. ប្រាប់ហើយនៅមិនដូរ។ ឥឡូវមិនដាក់ឱ្យគោរពតែម្ដង។
គួរតែផ្ដល់ព័ត៌មានដល់ក្រសួងឬយ៉ាងម៉េចរឿងហ្នឹង?
អេ…អត់ឱនទោសឱ្យគ្នាផងរឿងអត់មានអក្សរខ្មែរនៅពីក្រោម ឬ មិនបក ជាភាសាខ្មែរអីហ្នឹង។ ព្រោះអីរោងកុនទើបចាប់ផ្តើមបើកមិនទាន់បានយូរ ប៉ុន្មានអ៊ីចឹង តែងនិយមយករឿងទើបចេញថ្មីៗមកបញ្ចាំងដើម្បីទាក់ទាញ ចំណាប់អារម្មណ៍ ខ្ញុំគិតថារឿងដែលមានអក្សរនៅក្រោម ឬ បក ទាល់តែរឿងហ្នឹងអាចមើលបានគ្រប់វ័យ ឬ ល្បីល្បាខ្លាំង។ ខ្ញុំចេះតែសន្និដ្ឋានតាមការយល់ឃើញទេ… ព្រោះមិនទាន់បានទៅជាន់ដី ខ្មែរនៅឡើយទេ មិនដឹងអីដែរ។
ចំណែករឿងដែលគួរឱ្យបន្ទោសខានមិនបាននោះគឺ សំបុត្រកុនគ្មានអក្សរខ្មែរម៉ាតួ!
ឯរឿងគោរពភ្លេងជាតិនោះ កាលខ្ញុំនៅស្រុកខ្មែរ 5-6ឆ្នាំមុន មានគោរពភ្លេងជាតិដោយ រោងកុនទេ… (លុច្សគោរព តែគិរីរម្យអត់គោរពផង ឯសុរិយាដូចជាអត់ដែរ…)។ ចំណែកនៅបរទេសឯណេះវិញ (ប៉ែកអឺរ៉ុប) ខ្ញុំមើលកុននៅ៤ប្រទេសផ្សេងៗគ្នា មិនដែលមានគេគោរពទង់ជាតិអីទេ។
ចំណែកឯរឿងដែល ភ័ក្ត្រ មើលវិញ ជារឿងដែលគេផលិតឡើងជា Prequel របស់ស៊េរីរឿង Alien ដ៏ល្បីល្បាញតាំងពីឆ្នាំយើងមិនទាន់កើតម៉្លេះ (1979) គឺគេចង់និយាយពីហេតុការណ៍ ដំបូងផុតនៃការរកឃើញសត្វចម្លែកនៅភពអវកាសរបស់មនុស្ស។ ខ្ញុំក៏ឱ្យតម្លៃដូច ភ័ក្ត្រ ដែរ គឺ 8/10 ព្រោះមានសាច់រឿង បច្ចេកទេស ការសម្តែងល្អគ្រាន់បើ។
កុំភ្លេចទៅមើលនៅរោង CINEPLEX ផង! ឮថា សុខនី មិត្តរួមថ្នាក់យើងនៅ IFL ជាថៅកែរោងកុនមួយហ្នឹង! ហើយកុំភ្លេចហៅការ វាផង! ម៉េចៗ កុំហៅតែឯងវ៉ើយ!
ដឹងតើហ៍… តែខ្ចិលណាស់…
ពេលដែលខ្ញុំមើលកុននៅប្រទេសម៉ាឡេស៊ីវិញ គេក៏គ្មានដាក់ភ្លេង គោលរពទង់ជាតិនិងមិនបក់ប្រែ រឺ បញ្ចូសំលេងភាសារបស់គេដែល។ តាម មើលទៅកាលពីមុន ខ្មែរកាលមុន ដាក់ ភ្លេងគោលរពទង់ជាតិ ប្រហែលធ្វើតាមថៃហើយតាមគេនិយាយ។ ម្យ៉ាងទៀតដូចេះVioletana គាត់និយាយថា នៅអឺរ៉ុបករគេមិនដាក់ភ្លេងគោលរពទង់ជាតិ ដូចនៅ សហករដ្ឋអាមេរិចក៍គ្មានភ្លេងគោលរពទង់ជាតិ ប្រទេសអូស្រ្តាលី្ និងប្រទេស New Zealand ក៍គ្មានបែបនេះដែល នេះយោងតាមអ្នក ដែលគេផ្លាប់នៅទីនោះ និងដូចជាបងប្អូនរបស់ខ្ញុំដែល។ ដូចនេះ ហើយខ្ញុំហ៑ាននិយាយថា ពេលមុនមើលគុនមានភ្លេងគោរពទង់ជាតិ គឺយកស្តាយតាមថៃតែម្តង។
ចេះតែថា… ម៉ែខ្ញុំគាត់ថារឿងចូលមើលកុនគោរពភ្លេងជាតិនឹងគឺតាំងពីគាត់នៅតូចៗនោះ… មានហេតុផលអីថាយើងយកស្តាយតាមថៃ??
ទៅមើលកុនថ្ងៃមុន ដូចអត់មានដាក់ភ្លេងជាតិអីផង (កូរ៉េ)។ តែនៅខ្មែរ ដូចជាឃើញដាក់រាល់ដងតើ! តែរោងកុននៅស៊ីធីម៉ល់នឹង អត់ទាន់បានចូលម្តងទេ ដូចនេះ ហេវណូអាយឌៀ។
អូ ចំណែកអក្សររត់ពីក្រោមវិញ ទីនេះគឺមានជានិច្ច
គេមានគោរពភ្លេងជាតិសោះ!!! មកពីគាត់ទៅមិនចំពេលគេដាក់ ហាហាហា
ចុះម៉េចមិនដាក់រាល់ថ្ងៃទៅ? ម្ដងមានម្ដងអត់…!
ខ្ញុំអត់ដឹងដែរ!! តែពេលខ្ញុំទៅមើលម៉ោង៥ល្ងាច គេដាក់រាល់ថ្ងៃតើបង
[...] ធ្វើប័ណ្ណឥណទាននៅកាណាឌីយ៉ា, ទៅមើលកុននៅរោងស្រុកខ្មែរ, ប្រជាជនខ្មែរ៖ ភាពបាក់ស្បាត, [...]