ទិញកាបូបលុយថ្មី ថ្ងៃ សៅរ៍ 7 ខែកក្កដា 2012
Posted by សុភ័ក្ត្រ in អំពីសុភ័ក្ត្រ.trackback
និយាយទៅមិនដឹងជាកាបូបលុយមួយត្រូវប្រើរយៈពេលប៉ុន្មានឆ្នាំទេ។ សម្រាប់ខ្ញុំ ខ្ញុំគិតថាខ្ញុំប្រើបានយូរគួរសម ដ្បិតតាំងពីឆ្នាំ២០០៧ មក ខ្ញុំទើបតែប្រើអស់កាបូបពីរប៉ុណ្ណោះ ហើយដែលល្ងាចមិញនេះ គឺជាថ្ងៃដែលចាប់ប្រើកាបូបទី៣។
កាលពីខែមិថុនា ឆ្នាំ២០០៧ ខ្ញុំចាប់ផ្ដើមហ៊ានទិញកាបូបថ្លៃយកមកប្រើ គឺម៉ាក Guy Laroche ទិញនៅផ្សារផារ៉ាហ្កន (ភ្នំពេញ)។ ប្រើវារហូតដល់ខែកក្កដា ឆ្នាំ២០១០ ឯណុះ គឺមានរយៈពេល៣ឆ្នាំ ទើបទិញមួយទៀតយកមកប្រើ ម៉ាក Arrow នៅឯមណ្ឌលហាងទំនិញអេមប៊ីខេ ក្រុងបាងកក ប្រទេសថៃ។
កាបូបទី២នេះ រហូតមកដល់ពេលនេះមានអាយុពីរឆ្នាំហើយ គឺឃើញថាប្រើបានល្អគួរសម និងនៅល្អចែស ដ្បិតតែរៀងចាស់បន្តិច។ ព្រឹកមិញនេះសម្រេចចិត្តទិញកាបូបថ្មីមួយទៀតយកមកប្រើប្រាស់។ តាមពិតទៅមិនមែនមានបញ្ហាអ្វីជាមួយអាទី២ទេ គ្រាន់តែវារៀងតូចបន្តិច ពេលដាក់លុយ ដាក់ការ៍ដ ទៅគឺពេញ និងប៉ោងកាបូបខ្លាំងណាស់ រកអង្គុយមិនបានទេ។ ប័ណ្ណធនាគារខ្ញុំធ្លាប់បាក់អស់មួយហើយ។ នៅស្រុកនេះចម្លែកបន្តិច គឺត្រូវប្រើការ៍ដច្រើនណាស់។
កាបូបថ្មីដែលទិញល្ងាចមិញនេះម៉ាក Albédo ដោយសារវាមានរៀងប្លែក (បញ្ឈរ) ខុសពីកាបូបមុនៗ និងមានច្រកដាក់ការ៍ដច្រើន ហើយធំជាងមុនទៀត ច្នេះទេក៏សម្រេចទិញថ្មីផ្លាស់ប្ដូរអាចាស់ចោលតែម្ដង។ កាបូបនេះទិញនៅផ្សារសែនត្រាល ផ្លាហ្សា ឯក្រុងខនកែន ប្រទេសថៃ៕
កាបូបថ្មី ទិញល្ងាចមិញ
ខាងក្នុង
ប្រៀបធៀបអាថ្មី និងអាចាស់
______________________________________________
អានផងដែរ៖
១. New Wallet
២. ទិញកាបូបលុយថ្មី
[...] ទិញកាបូបលុយថ្មី « ស្រែខ្មុក – ថ្ងៃ អាទិត្យ 8 ខែកក្កដា [...]
[...] អានផងដែរ៖ ១. New Wallet ២. ទិញកាបូបលុយថ្មី Like this:LikeBe the first to like [...]
ខ្ញុំទើបតែទិញ ម្សិលមិញនេះដែរ ១២ ដូឡា! អត់មានលុយទិញអាថ្លៃដូច តាប៉ិកឯងទេ ហេហេហេ
តាមពិតទៅមិនមែនមានបញ្ហាអ្វីជាមួយអាទី២ទេ គ្រាន់តែវារៀងតូចបន្តិច ដាក់លុយមិនអស់ ព្រោះឡូវលុយច្រើនជាងមុន
អ្នកដឹងបានដឹង កាបូបខ្ញុំមានតែក្រដាស និងកាតទេ រកលុយគ្មានទេ ទៅញ៉ាំអីម្ដងៗគេថាឲ្យរហូតហ្នឹង ហាហាហា…..
ទៅដឹងថាលុយច្រើនជាងមុនហើយ ចឹងបានជាទិញកាបូបធំជាងមុន ដាក់ស្អី អាកាតវីសា ម៉ាត់ស្ទើស្អី បានច្រើនកន្លាក់ទៀត
ហាហាហាហាហា….. មុខផា ចេញម៉ោមួយទៀតហើយ!