កីឡាករខ្មែរនៅអូឡាំពិក ថ្ងៃ អង្គារ 7 ខែសីហា 2012
Posted by សុភ័ក្ត្រ in កីឡា, អូឡាំពិកXXX, អំពីស្រុកខ្មែរ.trackback
លោកអ្នកបានដឹងហើយ កីឡាលំដាប់ពិភពលោកអូឡាំពិក ដែលបានបើកកាលពីពេលថ្មីៗនេះ នៅឯចក្រភពអង់គ្លេសនោះ។ ព្រះរាជាណាចក្រអច្ឆរិយនៃយើងក៏បានបញ្ជូនក្រុមកីឡាករចំនួន៦រូបទៅចូលរួមដែរ ហើយរហូតពេលនេះ ក្រុមកីឡាករយើងមិនទាន់បានស្នាដៃអ្វីជាដុំកំភួនទេ ហើយក៏ប្រហែលជាគ្មានវាសនានឹងបានដែរ។ (អានប្រកាស៖ ប្រទេសអាស៊ានណាខ្លះបញ្ជូនកីឡាករទៅអូឡាំពិកច្រើនជាងគេ)
ថ្ងៃនេះ ខ្ញុំមានកិត្តិយសណែនាំក្រុមកីឡាករទាំង៦រូបដែលបានទៅជួយលើកទង់ជាតិ និងបង្ហាញឈ្មោះប្រទេសកម្ពុជា នៅក្នុងកីឡាអូឡាំពិកគ្រានេះ ជូនលោកអ្នកបានស្គាល់ ដ្បិតតែថាពួកគាត់មិនបានមេដាយ តែពួកគាត់ពិតជាខិតខំប្រឹងប្រែងអស់ពីសមត្ថភាពពួកគាត់ហើយ ធ្វើម្ដេចបានត្រឹមប៉ុណ្ណឹង។ ហេហេ….
កីឡាករទាំង៦រូបដែលបានចេញទៅប្រកួតកីឡាអូឡាំពិកតំណាងប្រទេសកម្ពុជា គ្រានេះ គឺ៖
- កីឡាការិនី ចាន់ សីហា អត្តពលិកវិញ្ញាសាររត់ល្បឿន១០០ម៉ែត្រ និង២០០ម៉ែត្រ
- កីឡាករ គៀង សាម៉ន អត្តពលិកវិញ្ញាសារម៉ារ៉ាតុន
- កីឡាករ ហែម ថុនពន្លឺ ផ្នែកហែលទឹក
- កីឡាការិនី ហែម ថុនវិទិនី ផ្នែកហែលទឹក
- កីឡាការិនី ស៊ន ដាវិន កីឡាករជម្រើសជាតិកម្ពុជា ផ្នែកតៃក្វាន់ដូ និង
- កីឡាករ ខុម រតនៈមុនី ផ្នែកយូដូ
សូមបញ្ជាក់ថា ក្នុងចំណោមកីឡាករទាំង៦រូបនេះ កីឡាការិនី ស៊ន ដាវិន គឺជាអ្នកកាន់ទង់ជាតិខ្មែរដើរនាំក្បួនកីឡាករ នៅក្នុងពិធីបើកកីឡាអូឡាំពិកជាផ្លូវការ គ្រានេះ៕
អានប្រវត្តិលម្អិតនៃកីឡាករទាំងអស់ សូមចុចលើឈ្មោះ ឬមើលគេហទំព័រ នរណាខ្លះនៅកម្ពុជា
__________________________________________________
ប្រកាសទាក់ទង៖
១. ស្វាគមន៍ឡុងដុងដ៍ ២០១២
២. ប្រទេសអាស៊ានណាខ្លះបញ្ជូនកីឡាករទៅអូឡាំពិកច្រើនជាងគេ
៣. Cambodia
៤. អង់គ្លេសបិទកីឡាអូឡាំពិក
៥. ប្រទេសអាស៊ាន៤បានមេដាយនៅអូឡាំពិក ឡុងដុង
៦. កីឡាករខ្មែរនៅប៉ារ៉ាឡាំពិក
៧. កីឡាករ-ការិនី និងគ្រូបង្វឹកទទួលប្រាក់រង្វាន់លើកទឹកចិត្តរបស់នាយករដ្ឋមន្ត្រី
[...] [...]
[...] កីឡាករខ្មែរនៅអូឡាំពិក [...]
[...] ឆ្លងកាត់ការប្រកួតពេញ១៦ថ្ងៃ សហរដ្ឋអាមេរិក គឺជាប្រទេសនាំមុខគេលើតារាងមេដាយសរុប ដោយបានមេដាយ១០៤គ្រឿង ក្នុងនោះមាស៤៦គ្រឿង។ ចិនដែលជាប្រទេសនាំមុខគេកាលពីព្រឹត្តិការណ៍អូឡាំពិកក្រុងប៉េកាំងឆ្នាំ២០០៨ ស្ថិតនៅលំដាប់ទី២ដោយមានមេដាយសរុប៨៨គ្រឿង ក្នុងនោះមាស ៣៨គ្រឿង។ ដោយឡែកម្ចាស់ផ្ទះអង់គ្លេស ស្ថិតនៅលំដាប់ទី៣ មានមេដាយមាស២៩គ្រឿង ប្រាក់១៧ សំរឹទ្ធិ១៩ សរុប៦៥គ្រឿង។ សម្រាប់កីឡាករកម្ពុជាទាំង៦រូប ដែលបានចេញទៅចូលរួមប្រកួតកីឡាអូឡាំពិកគ្រានេះ មិនទទួលបានមេដាយទេ៕ [...]
[...] ២. កីឡាករខ្មែរនៅអូឡាំពិក ៣. អង់គ្លេសបិទកីឡាអូឡាំពិក Like this:LikeBe [...]
[...] ខុសពីកីឡាករខ្មែរដែលទៅអូឡាំពិកនាពេលថ្មីៗនេះ [...]