ស្តាដជាតិ ឬស្តាដតេជោ? ថ្ងៃពុធ 22 ខែសីហា 2012
Posted by សុភ័ក្ត្រ in បរិយាយថ្ងៃនេះ, អំពីស្រុកខ្មែរ.trackback
ថ្ងៃនេះតាមរយៈគេហទំព័រភ្នំពេញ ប៉ុស្តិ៍ ផ្នែកភាសាខ្មែរ បានឲ្យដឹងពីគ្រោងការណ៍សាងសង់ពហុកីឡដ្ឋានថ្មីមួយទៀត (ដ្បិតពហុកីឡដ្ឋានជាតិ ដែលជាមោទនភាពខ្មែរសម័យមុនសង្គ្រាមត្រូវបានបំផ្លាញខ្ទេចខ្ទីអស់ហើយ) នាចុងឆ្នាំ២០១២នេះ ព្រមទាំងដាក់ឈ្មោះថាជា «ពហុកីឡដ្ឋានជាតិមត៌កតេជោ» ផងទៀត sic។
ប្រសិនបើព័ត៌មាននៃគ្រោងការណ៍នេះជាការពិតនោះ វាពិតជាគួរឲ្យអស់សំណើចណាស់។ សំណួរនៅត្រង់ថា តើរដ្ឋបានថវិកាពីណាមកសាងសង់ពហុកីឡដ្ឋានដ៏សម្បើមនេះ ហើយបើតាមប្រភពព័ត៌មាននោះ គឺត្រូវចំណាយប្រាក់មិនតិចជាង១០០លានដុល្លារអាមេរិកទេ។ ជារឿយៗ លោកនាយករដ្ឋមន្ត្រី ហ៊ុន សែន តែងតែប្រកាសថា កម្ពុជាមិនទាន់ត្រូវការអភិវឌ្ឍន៍ផ្នែកកីឡាទេ ហើយលោកថែមទាំងបានបដិសេធមិនព្រមធ្វើជាម្ចាស់ផ្ទះការប្រកួតកីឡាអាស៊ីអាគ្នេយ៍ ឬស៊ីហ្គេមស៍ ផងដែរ ដោយលោកបានប្រកាសថាគួរបង្វែថវិកាទាំងនោះមកសាងសង់ហេដ្ឋារចនាសម្ព័ន្ធរូបវ័ន្តផ្សេងៗវិញល្អជាង។
-
តើការសាង់សង់ពហុកីឡដ្ឋានថ្មីនេះ ជារបស់ជាតិមែនឬយ៉ាងណា?
ប្រសិនបើការសាងសង់ពហុកីឡដ្ឋានថ្មីមានមែនដូចដែលគេហទំព័រខាងលើការចុះផ្សាយនោះ រាជការមិនគួរណាឡើយដាក់ឈ្មោះពហុកីឡដ្ឋានជាតិថ្មីបែបនេះទេ។ ពហុកីឡដ្ឋានជាតិអូឡាំពិក ដែលសាងសង់ដោយថវិកាជាតិ សំណង់ជាស្នាដៃល្អឯកពីកូនខ្មែរ ដែលសាង់សង់តាំងពីរទេះគោ និងគោដឹកដីទៅចាក់បំពេញ ក្នុងសម័យសង្គមរាស្ត្រនិយមនោះ រាជការជំនាន់នោះ មិនទាំងហ៊ានដាក់ឈ្មោះបុគ្គលផង។ ការយកថវិកាជាតិ ដែលបានមកអំពីកម្លាំងញើសឈាម ភាស៊ីរបស់ជនជាតិខ្មែរពេញមួយប្រទេសមកដាក់ឈ្មោះពហុកីឡដ្ឋានជាឈ្មោះបុគ្គលម្នាក់ឯងបែបនេះឃើញថាមិនសមណាឡើយទាល់តែសោះ។
ក៏ប៉ុន្តែប្រសិនបើការសាងសង់ពហុកីឡដ្ឋានថ្មីនេះ ចេញថវិកាផ្ទាល់ដោយលោកនាយករដ្ឋមន្ត្រី ឬនរណាម្នាក់ ក្រុមណាមួយដែលចំណាយប្រាក់សាងសង់ ហើយដាក់ឈ្មោះនាយករដ្ឋមន្ត្រីនោះ វាមិនមានខុសអ្វីទេ តែគេក៏មិនអាចប្រើប្រាស់ពាក្យថា «ជាតិ» នៅក្នុងពហុកីឡដ្ឋាននោះដែរ យ៉ាងហោចណាស់គួរដាក់ត្រឹមតែថា «ពហុកីឡដ្ឋានមត៌កតេជោ» តែប៉ុណ្ណោះ។
រដ្ឋាភិបាល និងលោកនាយករដ្ឋមន្ត្រី ហ៊ុន សែន ខ្លួនឯងផ្ទាល់ក៏គួរតែស្វែងយល់ឲ្យបានច្បាស់លាស់ពីរឿងនេះ មិនគួរបណ្ដែតបណ្ដោយឲ្យពួកស៊ីអែបវាយអប បញ្ចុកបន្ស៊ី ឬយកឈ្មោះជាតិ ដែលជារបស់ជាតិខ្មែរទាំងមូលមកលេងសើចបានទេ។ ទោះបីជាយ៉ាងណាក៏ដោយសង្ឃឹមថាព័ត៌មាននោះមិនពិត និងត្រឹមតែជាគម្រោងខ្យល់ដូចដែលគម្រោងខ្យល់នានាមុនៗនោះទៅចុះ៕
គំរូពហុកីឡដ្ឋានថ្មីបែបបរទេសនិយម ដែលគេហទំព័រខាងលើបានអះអាងថានឹងសាងសង់នាចុងឆ្នាំ២០១២ខាងមុខនេះ ដោយដាក់ឈ្មោះថា «ពហុកីឡដ្ឋានជាតិមត៌កតេជោ»
__________________________________________________________
អានបន្ថែម៖
១. ពហុកីឡដ្ឋានជាតិមរតកតេជោនឹងផ្តើមសង់ចុងឆ្នាំ២០១២
២. នាំគ្នានិយាយពីពហុកីឡដ្ឋានជាតិមរតកតេជោពេញ Facebook
ម៉ាស្រុកមានតែមួយ
គេអត់បានដាក់ថា «តេជោហ៊ុនសែន» ទេ, គ្រាន់តែ «តេជោ» គឺមានម៉ាគគោក!
កុំថាគាត់ដល់អារឿងដាក់ឈ្មោះនោះ ការពិតគាត់ប្រយ័ត្នណាស់ខ្លាច់គេ និយាយថាអោយគាត់ តែគាត់ចេះគិតដាក់ត្រឹម តេជោ កុំអី តេជោសែនហើយ។
ការដាក់ឈ្មោះនេះប្រហែលជាអាមីអាថោងវាយកគាប់យកគួរគ្រាន់បានឡើងថានះដឹង.ក្រឡេកមើលស្រុកខ្មែរអីក៍តេជោៗ.
[...] ស្តាដជាតិ ឬស្តាដតេជោ?, លោក ហ៊ុន សែន [...]