Repost: ជំនឿលើ «ណាត» នៅក្នុងសង្គមភូមា ថ្ងៃ អង្គារ 28 ខែសីហា 2012
Posted by សុភ័ក្ត្រ in မြန်မာဘာသာ.trackback
ក៏ដូចជាជនជាតិមួយចំនួននៅសុវណ្ណភូមិនេះដែរ ជនជាតិភូមាមុននឹងប្រកាន់យកលទ្ធិព្រះពុទ្ធបែបថេរវាទ មកដាក់ក្នុងខ្លួន ជនជាតិនេះមានជំនឿដើមរបស់ខ្លួនទាក់ទិននឹងអរូបីយជំនឿ, ជំនឿលើព្រលឹង, ខ្មោច, អារក្ស, អ្នកតា ។ល។ ជាដើម។ នៅប្រទេសភូមាគេហៅថា «ណាត»។
«ណាត» នេះគឺជាមនុស្សពិតៗ ដែលនៅពេលរូបគេណាម្នាក់បានស្លាប់ទៅ ប្រជាជន នឹងសាង់សង់រូបនោះដើម្បីជាសក្ការៈតាមជំនឿផ្ទាល់ៗខ្លួន ទៅតាមអច្ឆរិយភាពនៃបុគ្គលនោះមុនពេលស្លាប់ ឬបន្ទាប់ពីស្លាប់ហើយ ហើយព្រលឹងគេមានភាពស័ក្ដសិទ្ធិណាមួយសម្រាប់ឲ្យអ្នកភូមិជឿជាក់។ និយាយរួម គឺស្រដៀងនឹងជំនឿលើអ្នកតា នៅក្នុងសង្គមខ្មែរដែរ។
នៅគ្រប់ទីកន្លែងទាំងអស់នៅប្រទេសភូមា (កន្លែងដែលខ្ញុំបានទៅទស្សនា) រាប់ទាំងវត្តអារាមផង សុទ្ធតែតាមរូបសំណាក «ណាត» ទាំងអស់។ ប្រជាជនគោរពបូជា ព្រះពុទ្ធរូប និងណាតរូបនៅពេលព្រមគ្នា។ ជាទូទៅ «ណាត» តំណាងឲ្យតួអង្គល្អ និងជាអ្នកដើរតាមព្រះពុទ្ធអង្គដូចជាអ្នកភូមិទាំងនោះដែរ។
នៅលើអតីតភ្នំភ្លើងមួយឈ្មោះ ភ្នំប៉ូប៉ា នៅបាកាន ទីដែលខ្ញុំបានទៅទស្សនា មានរូបសំណាក «ណាត» ច្រើនប្រមាណ៣០រូបដែលគេបានសាងសង់ឡើង និងគេជឿថានៅលើកំពូលភ្នំនេះជាទីកំណើតនៃ «ណាត» នានានៅក្នុងប្រទេសនេះ។ ដោយសារកំពូលភ្នំមានសភាពខ្ពស់ នេះរឹងរឹតធ្វើឲ្យប្រជាជននៅទីនោះមានជំនឿអំពីបារមីភាពនៃ «ណាត» កាន់តែខ្លាំងឡើង។
រួមសេចក្ដីមកជំនឿទៅលើ «ណាត» នៅក្នុងសង្គមភូមា ពិតជាមានភាពទូលំទូលាយ ជាងការគោរពបូជាអ្នកតានៅក្នុងប្រទេសកម្ពុជា។ ប្រជាជនភូមាគោរពបូជា «ណាត» រូមជាមួយនឹងព្រះពុទ្ធសាសនាដោយឥតមានផលប៉ះរមាស់អ្វីឡើយ។ ទាំងនេះបានធ្វើឲ្យជំនឿលើណាត រឹតតែមានភាពរឹងមាំឡើងៗក្នុងចំណោមប្រជាជននេះ និងសង្គមរស់នៅរបស់គេ៕
ភ្នំប៉ូប៉ា ដែលគេជឿថាជាទីកំណើតនៃ «ណាត» នានា
នេះជារូបសំណាក «ណាត» មួយក្នុងចំណោមណាតនានា ដែលបានសាងនៅកូនភ្នំ Mindama Kone ជាយក្រុងរ៉នកុន
នេះជាសំណែនដែលគេតែងតែដាក់ជាទូទៅសម្រាប់ «ណាត»
មតិ»
No comments yet — be the first.