កម្មវិធីថ្វាយព្រះពររបស់ស្ថានីយ៍ទូរទស្សន៍ជាតិកម្ពុជា (ទទក) ក្នុងឱកាសព្រះរាជពិធីមហាមង្គលចម្រើនព្រះជន្មវស្សាព្រះករុណា គម្រប់៦០ព្រះវស្សា ថ្ងៃព្រហស្បតិ៍ 16 ខែឧសភា 2013
Posted by សុភ័ក្ត្រ in វីដេអូ, អំពីស្រុកខ្មែរ.add a comment
ថ្ងៃទី១៣ ខែឧសភា ឆ្នាំ២០១៣
ថ្ងៃទី១៤ ខែឧសភា ឆ្នាំ២០១៣
ថ្ងៃទី១៥ ខែឧសភា ឆ្នាំ២០១៣
សូមចុចលើរូបនីមួយៗដើម្បីទស្សនាវីដេអូ
ព្រះរាជពិធីមហាមង្គលចម្រើនព្រះជន្មាយុគម្រប់៥ជុំ ថ្ងៃពុធ 15 ខែឧសភា 2013
Posted by សុភ័ក្ត្រ in បុគ្គលសំខាន់, ប្រវត្តិសាស្ត្រ, វីដេអូ, អំពីស្រុកខ្មែរ.add a comment
ឆ្នាំនេះ រាប់ថាជាទិវាមហាមង្គលនៃព្រះនគរកម្ពុជា ដែលព្រះចៅផែនដី ទ្រង់យាងគម្រប់ព្រះជន្មាយុ៥ជុំ ៦០ព្រះវស្សា។ រាជការនៃព្រះនគរ ដែលមានសម្ដេចអគ្គមហាសេនាបតីតេជោ រួមជាមួយអាណាប្រជានុសាស្ត្រនៃព្រះនគរ បាននាំគ្នាប្រារព្ធព្រះរាជពិធីដ៏មហាពិសេសមួយសម្រាប់ឆ្នាំនេះ ធំជាងឆ្នាំណាៗទាំងអស់សម្រាប់ជាមង្គលដល់ព្រះមហាក្សត្រិយ៍ជាអម្ចាស់ជីវិត ក៏ដូចជាព្រះនគរ។
សម្រាប់ឆ្នាំមហាមង្គលនៃព្រះរាជពិធីចម្រើនព្រះជន្មគម្រប់៥ជុំ ៦០ព្រះវស្សានៃព្រះករុណា ជាអម្ចាស់នេះ នៅឯព្រះបរមរាជវាំងមានចាត់ព្រះរាជពិធីថ្វាយបង្គំ និងថ្វាយព្រះពរ ព្រមទាំងពិធីចម្រើនព្រះពុទ្ធមន្តតាមបែបសាសនាពុទ្ធ និងព្រហ្មណ៍ ដូចតទៅនេះ៖
នាព្រឹកថ្ងៃទី១៣ ខែឧសភា វេលាម៉ោង១០.០០ នៅឯព្រះទីន័ងទេវាវិនិច្ឆ័យនៃព្រះបរមមហារាជវាំង ព្រះករុណាព្រះមហាក្សត្រិយ៍ ព្រះអង្គសព្វព្រះរាជហ្ឫទ័យប្រោសព្រះរាជទានជូនបណ្ដាអង្គទូតប្រចាំព្រះរាជាណាចក្រកម្ពុជា អញ្ជើញចូលបង្គំគាល់ និងថ្វាយព្រះពរ។
នៅវេលាល្ងាចនៃថ្ងៃដដែលនេះដែរ ព្រះករុណាព្រះមហាក្សត្រិយ៍ ព្រះអង្គសព្វព្រះរាជហ្ឫទ័យ ព្រះបរមរាជានុញ្ញាតថ្វាយសម្ដេចរាជបុត្រីព្រះរៀម នរោត្ដម បុប្ផាទេវី ឧត្ដមប្រឹក្សាផ្ទាល់ព្រះមហាក្សត្រិយ៍យាងដឹកនាំសម្ដេច ព្រះអង្គម្ចាស់ អង្គម្ចាស់ អ្នកម្នាង ជាព្រះរាជវង្សានុវង្ស និងជូនថ្នាក់ដឹកនាំសមាជិកសមាជិកាព្រឹទ្ធសភា, រដ្ឋសភា និងរាជរដ្ឋាភិបាល ដឹកនាំដោយសម្ដេចអគ្គមហាធម្មពោធិសាល ជា ស៊ីម ប្រធានព្រឹទ្ធសភា, សម្ដេចអគ្គមហាពញាចក្រី ហេង សំរិន ប្រធានរដ្ឋសភា និងសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី ព្រមទាំងក្រុមប្រឹក្សារដ្ឋធម្មនុញ្ញ និងស្ថាប័នតុលាការ យាង និងអញ្ជើញចូលថ្វាយបង្គំគាល់ នៅព្រះទីន័ងទេវាវិនិច្ឆ័យ ដើម្បីថ្វាយព្រះសព្ទសាធុការពរ។
នៅព្រឹកថ្ងៃទី៥កើត ខែពិសាខ ឆ្នាំ ម្សាញ់ បញ្ចស័ក ព.ស.២៥៥៧ ត្រូវនឹងថ្ងៃទី១៤ ខែឧសភា ឆ្នាំ២០១៣ ព្រះករុណាជាអម្ចាស់ជីវិតតម្កល់លើត្បូង ព្រះមហាក្សត្រិយ៍ ជាទីគោរពសក្ការៈដ៏ខ្ពង់ខ្ពស់បំផុត ព្រះអង្គសព្វព្រះរាជហ្ឫួ័យ ស្ដេចយាងជាព្រះរាជាធិបតីដ៏ខ្ពង់ខ្ពស់បំផុតក្នុងព្រះរាជពិធីស្វាធ្យាយព្រះបរិត្ត ពុទ្ធជ័យមង្គល និងបំពេញមហាព្រះរាជកុសលដោយព្រះរាជសទ្ធាជ្រះថ្លាក្នុងព្រះរាជពិធីបុណ្យចម្រើនព្រះជន្មវស្សា នៅព្រះទីន័ងទេវាវិនិច្ឆ័យនៃព្រះបរមមហារាជវាំង។
ដោយឡែកនៅរសៀលនាថ្ងៃដដែលនេះដែរ ព្រះអង្គបានសព្វព្រះរាជហ្ឫទ័យស្ដេចយាងក្នុងព្រះរាជពិធីស្រង់ព្រះសុគន្ធវារីព្រះពុទ្ធមន្ត ប្រារព្ធថ្វាយដោយសម្ដេចព្រះអង្គមហាសង្ឃរាជាធិបតី ទេព វង្ស សម្ដេចព្រះមហាសង្ឃរាជនៃព្រះរាជាណាចក្រកម្ពុជា និងសម្ដេចព្រះអភិសិរីសុគន្ធាមហាសង្ឃរាជធិបតី បួរ គ្រី សម្ដេចព្រះមហាសង្ឃរាជនៃគណៈធម្មយុត្តិកនិកាយនៃព្រះរាជាណាចក្រកម្ពុជា នៅលើព្រះទីន័ងបស្បុកខាងមុខព្រះទីន័ងទេវាវិនិច្ឆ័យនៃព្រះបរមមហារាជវាំងចតុម្មុខមង្គល៕៚
ព្រះរាជពិធីមហាមង្គលចម្រើនព្រះជន្មវស្សា ព្រះករុណាព្រះបាទសម្ដេចព្រះបរមនាថ នរោត្ដម សីហមុនី គម្រប់៦០ព្រះវស្សា ថ្ងៃ អង្គារ 14 ខែឧសភា 2013
Posted by សុភ័ក្ត្រ in បុគ្គលសំខាន់, វីដេអូ, អំពីស្រុកខ្មែរ.add a comment
វីដេអូថ្វាយព្រះពរ ក្នុងឱកាសព្រះរាជពិធីមហាមង្គល ព.ស.២៥៥៧
ប្រទេសថៃនាអតីត ថ្ងៃ សុក្រ 10 ខែឧសភា 2013
Posted by សុភ័ក្ត្រ in វីដេអូ, ภาษาไทย, English.add a comment
វីដេអូស្ដីអំពីប្រទេសថៃកាលពីឆ្នាំ១៩៣៧។
«ខ្មែរ» នៅក្នុងបទភ្លេងថៃដើម ថ្ងៃ ចន្ទ 29 ខែមេសា 2013
Posted by សុភ័ក្ត្រ in ចម្រៀង, វីដេអូ, ภาษาไทย.1 comment so far
លោកអ្នកដឹងទេ នៅក្នុងបទភ្លេងបុរាណ និងមហោរី របស់ជនជាតិសៀម ឬដែលបច្ចុប្បន្នហៅថាថៃនោះ មានភ្លេងជាច្រើនត្រាប់ទំនុក ឬមានទាក់ទងនឹងជនជាតិខ្មែរយើង ដែលនិយាយតាំងពីជីវភាពរស់នៅ និងការប្រកបរបរប្រចាំថ្ងៃ…។ល។ ជាច្រើនបទ។
ទំនាក់ទំនងជាពិសេសនេះ ត្រូវបានមើលឃើញថា ពីអតីតកាល បើទោះបីថាខ្មែរបានស្ថិតនៅក្នុងអំណាចនៃការគ្រប់គ្រងរបស់ជនជាតិសៀមក៏ដោយ ក៏វាបានបង្ហាញឲ្យឃើញថា ជនជាតិខ្មែរគឺជាជនជាតិមួយដែលមានវត្តមានទៅដោយវប្បធម៌, អារ្យធម៌ ក៏ដូចជាជីវិតប្រចាំថ្ងៃយ៉ាងប្រចក្សនៅក្នុងដែនដីតំបន់នេះ ហើយដែលត្រូវបានកោតសសើរ និងទទួលស្គាល់ពីសំណាក់ជន (សៀម) ដែលមានអំណាច ឬខ្លាំងជាងខ្លួន ក្នុងគ្រានោះផងដែរ។
បទភ្លេងបុរាណសៀម ដែលមានទាក់ទងនឹង «ខ្មែរ» ទាំងនោះ មានដូចជា៖
១. เขมรพายเรือ (ខ្មែន.ផាយ.រឿ) ប្រែថា ខ្មែរអុំទូក
២. เขมรเขด็จ (ខ្មែន.ខ្ដេច) ប្រែថា ខ្មែរក្ដិច?
៣. เขมรชมจันทร์ (ខ្មែន.ឈុម.ចាន់) ខ្មែរមើលច័ន្ទ្រ
៤. เขมรเหลือง (ខ្មែន.ហ្លឿង) ខ្មែរលឿង
៥. เขมรโพธิสัตว์ (ខ្មែន.ពោ.សាត់) ខ្មែរពោធិ៍សាត់ [កកន៖ ថៃសរសេរ «ពោធិ៍សត្វ»]
៦. เขมรไล่ควาย (ខ្មែន.ល៉ៃ.ខ្វាយ) ខ្មែរដេញក្របី
៧. เขมรเป่าใบไม้ (ខ្មែន.ប៉ៅ.បៃ.ម៉ៃ) ខ្មែរផ្លុំស្លឹកឈើ
៨. เขมรลออองค์ (ខ្មែន.ល្អ.អ៊ុង) ខ្មែរល្អអង្គ
៩. เขมรปี่แก้วน้อย (ខ្មែន.ពី.កែវ.ណយ) ខ្មែរខ្លុយតូច
១០. เขมรเอวบาง (ខ្មែន.អែវ.បាង) ខ្មែរចង្កេះស្ដើង
១១. เขมรไทรโยค (ខ្មែន.សៃ.យោគ) ខ្មែរជ្រៃយោគ
១២. เรื่องเขมรใหญ่ (រឿង.ខ្មែន.ហ្យ៉ៃ) រឿងខ្មែរធំ
១៣. เขมรเขาเขียว (ខ្មែន.ខោ.ខៀវ) ខ្មែរខៀវ
១៤. เขมรกล่อมลูก (ខ្មែន.ក្លម.លូក) ខ្មែរបំពេកូន
១៥. เขมรพวง (ខ្មែន.ផូង) ខ្មែរភួង
១៦. เขมรเลียบนคร (ខ្មែន.លៀប.ន៉ៈ.ខន) ខ្មែរដើរក្បែរនគរ
១៧. ทยอยเขมร (ថៈយ៉យ.ខ្មែន) ដើរតាមខ្មែរ
១៨. เขมรชนบท (ខ្មែន.ឈុនន៉ៈបុទ) ខ្មែរជនបទ
១៩. …
ស្ដាប់បទភ្លេងនីមួយៗ សូមចុចលើចំណងជើងបទភ្លេងភាសាថៃ ឬចុចស្ដាប់បទភ្លេងតួយ៉ាង នៅខាងក្រោមនេះ៖
______________________________________________________
អានផងដែរ៖
១. ប្រៀបធៀបភ្លេង «សាធុការ» ខ្មែរ និងថៃ
ទៅលេងកៀនស្វាយ ថ្ងៃ ចន្ទ 22 ខែមេសា 2013
Posted by សុភ័ក្ត្រ in វីដេអូ, អំពីសុភ័ក្ត្រ.1 comment so far
កាលពីថ្ងៃទី១៧ មេសា ២០១៣ កន្លងទៅនេះ ខ្ញុំបានទៅលេងរមណីយដ្ឋានកៀនស្វាយ។ ជារៀងរាល់ឆ្នាំមិនភ្លេចអារឿងទៅលេងកៀនស្វាយនេះ ដ្បិតមិនឆ្ងាយប៉ុន្មានពីភ្នំពេញ និងមិនឆ្ងាយពីផ្ទះខ្ញុំទេ។ ឥឡូវនេះផ្លូវក៏ស្រួលបើកឡានប្រមាណ១៥នាទីទៅដល់កៀនស្វាយបាត់ទៅហើយ។
កៀនស្វាយឥឡូវមិនដូចពីមុនទេ សម័យតេជោហើយ គេអភិវឌ្ឍន៍យ៉ាងស្អាត !ឡ! នេះជាគ្រាទីមួយហើយ ដែលខ្ញុំបានទៅលេងកៀនស្វាយបន្ទាប់ពីគេមានធ្វើជារោងដាក់ឲ្យអ្នកលក់ដូរនៅទីនោះនាំគ្នាលក់ (មិនដឹងជាយកលុយប៉ុន្មានពីពួកគាត់ទេ)។ ឃើញតែស្អាតរបស់គេហើយ តែចំពោះខ្ញុំវិញមិនជាគាំទ្រទេ មើលទៅហាក់បីដូចជាបាត់បងអស់ធាតុដើមជាទីផ្សារទេចរណ៍ជនបទ មកលើកនេះ មើលទៅដូចជាមកដើរផ្សារលេងធម្មតា បាត់អស់លក្ខណៈធម្មជាតិ។ បើខ្ញុំជាអ្នកដឹកនាំនៅទីនោះវិញខ្ញុំមិនធ្វើដូច្នេះទេ តែរៀបចំឲ្យមានរបៀបរៀបរយវិញល្អជាង។ ណាស់ហើយគេថាអ្នកថាបានតែថាទេ តែអ្នកធ្វើបានគេធ្វើ 
កៀនស្វាយបច្ចុប្បន្ន
កន្លែងលក់ខាងក្រៅ
ត្រីអាំងស្រស់ៗ
លក់ដាច់ណាស់
បង្កងអាំង ថ្លៃណាស់
_________________________________________________________
អានផងដែរ៖
១. កៀនស្វាយឥឡូវ
