jump to navigation

ប្រើ​ទូរស័ព្ទ​អក្សរ​ខ្មែរ​ជា​រឿង​ហួស​សម័យ ថ្ងៃ​អង្គារ 14 ខែ​កញ្ញា 2010

Posted by សុភ័ក្ត្រ in អំពីសុភ័ក្ត្រ, អំពីស្រុកខ្មែរ.
trackback

វា​នឹក​ៗ​ទៅ​គួរ​ឲ្យ​អស់​សំណើច​ណាស់​​កាល​ពី​ថ្ងៃ​ដែល​ខ្ញុំ​ទៅ​ទិញ​ទូរស័ព្ទ​ដៃ​ថ្មី​ម៉ាកណូគៀ ស៊ី​៣នោះ។

និយាយ​ទៅ​ទូរស័ព្ទ​ដៃ​ប្រភេទ​នេះ​ជា​ទូរស័ព្ទ​ ហៅ​ថា​បែប​ទំនើប​ចុង​ក្រោយ​គេ​បំផុត​របស់​ណូគៀ​ដែល​មាន​ភ្ជាប់​ភាសា​ខ្មែរ ឬ​ដែល​ហៅ​ថា​ទូរស័ព្ទ​ដៃ​ភាសា​ខ្មែរ តែ​ដំណឹង​ដែល​ទទួល​បាន​​ពី​អ្នក​លក់​គឺ​ថា ប្រជាជន​ខ្មែរ​មិន​និយម​ប្រើ​ទេ ទូរស័ព្ទ​ដែល​មាន​អក្សរ​ខ្មែរ​បែប​នេះ តែ​អ្វី​ដែល​គួរ​ឲ្យ​ហួស​ចិត្ត​នោះ គឺ​គាត់​បែរ​ជា​និយាយ​ចំអក​ថា «…ប្រើ​ទូរស័ព្ទ​អក្សរ​ខ្មែរ​ហួស​សម័យ​ណាស់…» sic

វា​មិន​សោះ​ឡើយ​និង​ហូរ​ចេញ​ភាសា​បែប​នេះ​ពី​បបូរ​មាត់​ជន​ជាតិ​ខ្មែរ​ណាស់ ខណៈ​អ្នក​បច្ចេក​ទេស​ខិត​ខំ​ដើម្បី​ឲ្យ​ខ្មែរ​មាន​អក្សរ​ប្រើ​នឹង​គេ ចុះ​បើ​គាត់​មិន​ចូល​ចិត្ត​ប្រើ​ក៏​ដោយ​ចុះ ពួក​គាត់​ក៏​មិន​គួរ​និយាយ​បែប​ចំអក​មិន​លើ​អ្នក​និយម​ប្រើ ដូច​រូប​ខ្ញុំ​នេះ​ទេ

នរណា​ថា​​ខ្ញុំ​ស្រែ ខ្ញុំ​ហួស​សម័យ ឬ​ចង់​ថា​អី​ថា​ទៅ តូយ​មិន​ខ្វល់​ទេ សំខាន់​ខ្ញុំ​​មាន​មោទនភាព​នឹង​ប្រើ​អក្សរ​ខ្មែរ​លើ​ទូរស័ព្ទ​ដៃ​ខ្ញុំ៕

___________________________________________________
អានផងដែរ
១. ញូវហ្វូន Nokia C3
២. ណូគៀ ឈប់ផលិតទូរស័ព្ទភាសាខ្មែរហើយ
៣. អិល​ជី នាំ​មុខ​លើក​កម្ពស់​ភាសា​ខ្មែរ​លើ​ទូរស័ព្ទ​ដៃ
៤. សារ​ភាសា​ខ្មែរ​ពី​​ក្រុមហ៊ុន​ទូរស័ព្ទ​ដៃ

Advertisements

មតិ»

1. គឹមស៊ា - ថ្ងៃ​ព្រហស្បតិ៍ 16 ខែ​កញ្ញា 2010

អ្នកនិយាយបានតែនិយាយ មិនគិតថា តើភាសាខ្មែរមាននូវលើកម្មវិធីអ្វីខ្លះ?

2. cambomaths - ថ្ងៃ​ព្រហស្បតិ៍ 16 ខែ​កញ្ញា 2010

និយាយ​ចឹង​បាន​ត្រឹម​ត្រូវ! ខ្ញុំស្អប់​បំផុត​នៅ​ពេល​លឺ គេ​ហៅ​ ឬ​ប្រើ​ពាក្យ​ ស្រែ​ទៅ​លើ​នរណាម្នាក់… មើល​តែ​ខ្លួន​ឯង​ណឹង​ស្អី…ប្រភព​មក​ពី​ស្រែ​ដែរ​ទេ អាវ៉ា…ហាស​ ហា…

3. យ៉ា - ថ្ងៃ​ព្រហស្បតិ៍ 16 ខែ​កញ្ញា 2010

ខ្ញុំ​ថា​ទាន់​សម័យ​ទៅ​វិញ​ទេ ព្រោះ​អក្សរ​ខ្មែរ​ទើប​នឹង​មាន​បញ្ចូល​ដាក់​ក្នុង​ទូរ​ស័ព្ទ​នៅ​ពេល​ថ្មី​ៗ​នេះ កន្លង​មក​មិន​ដែល​មាន​អក្សរ​ខ្មែរ​ឯណាម៉េច​នឹង​ហួស​សម័យ​ទៅកើត? អ្នក​ថា​នេះ​យ៉ាប់​តែ​ម្តង​ហើយ !

សុភ័ក្ត្រ - ថ្ងៃ​ព្រហស្បតិ៍ 16 ខែ​កញ្ញា 2010

គេ​ថា​ហួស​សម័យ ឬ​មិន​ទាន់​សម័យ ដ្បិត​ទូរស័ព្ទ​ដៃ​ភាសា​ខ្មែរ​សុទ្ធ​សឹង​តែ​ជា​ប្រភេទ​ស៊េរី​ទាប​ៗ យល់?

4. ឧត្តម - ថ្ងៃ​ព្រហស្បតិ៍ 16 ខែ​កញ្ញា 2010

ខ្ញុំក៏ប្រើទូរស័ព្ទអក្សរខ្មែរដែរ!

5. ក្មេងស្រែ - ថ្ងៃ​ព្រហស្បតិ៍ 16 ខែ​កញ្ញា 2010

កុំ​ទៅ​ប្រកាន់​គាត់​អី! គាត់​និយាយ​ទាំង​មិន​បាន​គិត​តែ​ប៉ុណ្ណោះ! គាត់​និ​យាយ​បែប​នេះ ប្រហែល​ជា​គាត់​ចង់​និយាយ​ថា «ហួស​សម័យ» សំដៅដល់ «សម័យ​នេះ​លែង​មាន​អ្នក​ប្រើ​អក្សរ​ខ្មែរ​ក្នុង​ទូរស័ព្ទ​ទៀត​ហើយ» តែ​ប៉ុណ្ណោះ!

6. អង្គរក្សតូច - ថ្ងៃ​ព្រហស្បតិ៍ 16 ខែ​កញ្ញា 2010

សមតែប្រើអាទូរស័ព្ទនៅក្នុងប្លកខ្ញុំទេ បានហៅថាទាន់សម័យ!!!!!!!

7. -:-បាត់ដំបង-:- - ថ្ងៃ​ព្រហស្បតិ៍ 16 ខែ​កញ្ញា 2010

ខ្ញុំមិនខ្វល់ពីអ្វីដែលពួកគាត់ និយាយទេ។ នេះមកពីពួកគាត់ហ្នឹង មិនទាន់យល់ពីសារះប្រយោជន៏វា។ អ្នកខ្លះអានអង់គ្លេសមិនចង់ដាច់ ផង ក៏ស្រែកថា ប្រើទូរស័ព្ទអក្សរខ្មែរ ហួសសម័យដែរ(sic) ។ ខ្ញុំវិញប្រើ Metfone អក្សរខ្មែរ។ 😀

8. pisitnseiha - ថ្ងៃ​ព្រហស្បតិ៍ 16 ខែ​កញ្ញា 2010

ញ៉ុម​វិញ​ មាន​មោទន​ភាព​ទៅ​វិញ​រ៉េ​ ដែល​បាន​ប្រើ​ទូរសព្ទ័​ជា​ភាសា​ខ្មែរ! តាម​ពិត​អ្នក​ដែល​ថា ហួស​សម័យ​ ហ្នឹង​មក​ពី​គាត់​អត់​ចេះ​ប្រើ​ហង ទើប​គាត់​ថា​ចឹង។

9. កំឡោះខ្មែរ - ថ្ងៃ​ព្រហស្បតិ៍ 16 ខែ​កញ្ញា 2010

អោយតែនិយាយដល់រឿងហ្នឹង កំឡោះខ្មែរចង់តែប៉ាចោអោយវាណាណីម្តង។ ម្នាក់ៗដូចជាចង់ឆ្គួតនិងអក្សរបរទេស ចំរៀងបរទេស ។ល។ អាសូរតែ ជាតិខ្លួនឯងមិនមានអក្សរទៅ មិនថាទេ។ ជាតិខ្លួនឯងមានអក្សរសោះ មិនប្រើអក្សរខ្លួនឯងទេ បែរទៅជាប្រើអក្សរបរទេសទៅវិញ។

តួយ៉ាងដូចជា អ្នកខ្លះដាក់ផ្លាកយីហោថា គីមហ៊ួដេគ័រ។ កំឡោះខ្មែរគ្រាន់តែអានភ្លាម ក៏ចាប់គិតថា បើសិនជាកំឡោះខ្មែរមិនចេះ អង់គ្លេសខ្លះ និងបារាំងតិចតួច ច្បាស់ជាយល់ថា ផ្លាកយីហោនិង គេកំពុងផ្សាយពីរៀងដេរពោះ។ ព្រោះដេរ ខ្មែរមានន័យថាដេរ ហើយគ័រ និងសំដៅលើពោះ។ ចឹងអាហាងនិង​ ច្បាស់ជាហាងដេរពោះ។

សុវិចិត្រ - ថ្ងៃ​ព្រហស្បតិ៍ 16 ខែ​កញ្ញា 2010

ខ្ញុំគាំ​ទ្រ​ណា​បង,,,, នឹក​ឡើង​ចង់​តែ​ហក់​ទៅ​ធាក់​ទេ។ គិត​ចុះ​គិត​ឡើង យូរៗ​ទៅ​បែរ​ជា​យក​អា​វប្បធម៌​បរទេស មក​ដាក់​ក្នុង​ខ្លួន​ទៅវិញ។ គេ​មិន​គិត​ថា​ខ្លួន​ជា​ខ្មែរ ហើយ​មិន​មើល​ចារិក​ស្រុកជិត​ខាង​រ៉េ,,,បើ​ស្រុក​គេ​លឺ​វិញ មិនដឹង​ជា​អង្គុយ​អស់​សំណើច​ប៉ុណ្ណាទេ…

នឹក​ឡើង​ហួស​ចិត្ត​អស់​ពាក្យ​និយាយ…..

សុវិចិត្រ - ថ្ងៃ​ព្រហស្បតិ៍ 16 ខែ​កញ្ញា 2010

ព្រោះ​អី​ស្រុក​គេ គេ​ស្រលាញ់​ភាសា​ជាតិ​ខ្លួនគេ​ណាស់។

ដានីកា - ថ្ងៃ​សុក្រ 22 ខែ​តុលា 2010

នេះបានចំជាអ្នកវិភាគអាជីពមែន។ ខ្ញុំអានហើយសើចចុកពោះ។

10. ទឹម បឿន - ថ្ងៃ​ព្រហស្បតិ៍ 16 ខែ​កញ្ញា 2010

តាំង​ពី​ទូរស័ព្ទ​ភាសា​ខ្មែរ​មក ប្រើ​តែ​អាភាសា​ខ្មែរ​ហ្នឹង មិនដែល​ប្ដូរ​ទៅ​ស៊េរី សម័យ​អី​ឯណា​ទេ តែ​ខ្ញុំ​ពេញចិត្ត ។

11. Fidele - ថ្ងៃ​ព្រហស្បតិ៍ 16 ខែ​កញ្ញា 2010

មនុស្ស​តែង​មាន​ទស្សនៈ​ខុស​គ្នា ទោះ​ជាតិ​ដូច​គ្នា​ក៏​ដោយ! កុំ​ទៅ​ឈឺ​ក្បាល​ច្រើន​ពេក! ធ្វើ​អ្វី​ដែល​យើង​គិត​ថា​ត្រឹម​ត្រូវ និង​មិន​នាំ​ទុក្ខ​ទោស​ដល់​អ្នក​ដទៃ​ជា​អំពើ​ល្អ​ប្រសើរ​ណាស់​ហើយ! :mrgreen:

12. ចម្ងល់​អាចូច៖ ឆ្ងល់? ម៉េច​មិន​ចង់​ប្រើ​កម្មវិធីជា​ភាសា​ខ្មែរ ? | ក្មេង​ប្រុស​ខ្មែរ - ថ្ងៃ​ព្រហស្បតិ៍ 16 ខែ​កញ្ញា 2010
13. ikhmerhome - ថ្ងៃ​ព្រហស្បតិ៍ 16 ខែ​កញ្ញា 2010

បងនិយាយត្រូវហើយ! បញ្ហាគឺមកពីភាសាខ្មែរដែលត្រូវបានដាក់បញ្ចូលទៅ
ទូរស័ព្ទដែលហួសសម័យហើយប្រើមិនសូវល្អទេ ទើបគេគិតថាទូរស័ព្ទភាសាខ្មែរ
គឺជាទូរស័ព្ទហួសសម័យ តែបើគេដាក់បញ្ចូលភាសាខ្មែរក្នុងទូរស័ព្ទទំនើបវិញនោះ
ទូរស៏ព្ទភាសាខ្មែរពិតជាពេញនិយមជាមិនខាន។

14. aznin - ថ្ងៃ​សុក្រ 17 ខែ​កញ្ញា 2010

ខ្ញុំ​មិនដែល​អន់ចិត្តនឹងគេនិយាយថាស្រែទេ​ ក៏ប៉ុន្តែអន់ចិត្តនឹងអ្នក​ផលិត​ Nokia គេយល់ថាៈ​​ ស្រុក​ខ្មែរ​ក្រណាស់ គ្មាន​លុយទិញ​ទូរស័ព្ទ​ថ្លៃទេ អីចឹង! ផលិតទូរសព្ទ​សេរ៊ីអន់ៗ ជាភាសា​ខ្មែរ​ទៅ​មិន​បាច់​ ផលិត​អាទំនើប​ជា​ភាសាខ្មែរទេ ព្រោះខ្លាច​ខ្មែរ​អត់លុយ​ទិញ។ ចឹង​ឲ្យតែ​ទូរសព្ទ​ជា​ភាសាខ្មែរ មិនមានអាណាសេរ៊ីខ្ពស់ S60v3 អីទេ ក្តៅម៉ង!!! 😦

15. ទឹម បឿន - ថ្ងៃ​សុក្រ 17 ខែ​កញ្ញា 2010

យុទ្ធសាស្ត្រ​​ទីផ្សារ​របស់​គេ គេ​ត្រូវតែ​ធ្វើ​ពី​តូច​ទៅ​ធំ​ចឹង​ហើយ ទៅ​ក្ដៅចិត្ត​ធ្វើ​អី!

aznin - ថ្ងៃ​សុក្រ 17 ខែ​កញ្ញា 2010

ប៉ុន្តែ​យុទ្ធសាស្រ្តនេះ​ពុំ​សូវ​ជោគជ័យ ពិព្រោះ​តែ​ពុំ​មាន​ការ​ធ្វើ Survey ទៅលើតម្រូវការ ត្បិត​យើង​បាន​ឃើញហើយថា​ទូរសព្ទភាសាខ្មែរ​សេរ៊ីទាបៗ ពុំ​សូវ​មានការ​ពេញ​និយមច្រើនទេ ។ ឧបមាថា ទូរសព្ទជា​ភាសា​សេរ៊ី​ N97 mini ​ចេញមក ​តើ​មាន​ការ​លក់​ដាច់​ប៉ុណ្ណា?

សុភ័ក្ត្រ - ថ្ងៃ​សុក្រ 17 ខែ​កញ្ញា 2010

ប្រសិន​បើ​រដ្ឋាភិបាល​តម្រូវ​ឲ្យ​ក្រុមហ៊ុន​ដាក់​អក្សរ​ខ្មែរ​នៅ​តាម​ទូរស័ព្ទ ដូច​ដែល​ប្រទេស​ថៃ​បាន​ធ្វើ ខ្ញុំ​ថា​នោះ​នឹង​មាន​ការ​ពេញ​និយម​ប្រើ​ទូទាំង​ប្រទេស​ដូច​ប្រទេស​ថៃ​ដែរ… តែ​រដ្ឋាភិបាល​យើង​ដឹង​ស្រាប់​ហើយ!!!!!

16. Danh Hong - ថ្ងៃ​សុក្រ 17 ខែ​កញ្ញា 2010

សួស្ដីសុភ័ក្រ,
តើអក្សរខ្មែរនៅក្នុងទូរស័ព្ទ Nokia C3 ច្បាស់ឬអត់ ខ្ញុំធ្លាប់ឃើញស៊េរីមុនៗ អក្សរខ្មែរអានឥតចេញទេ វាដូចពុម្ពអក្សរ​ Khmer UI នៅក្នុង Windows 7 អ៊ីចឹង។​ ទូរស័ព្ទខ្លះអាចភ្ជាប់អ៊ីនធើណិតបាន ប៉ុន្ដែបើកវ៉ែបសៃយ៍ខ្មែរអាចអក្សរមិនបានទេ។ អានបានតែអង់គ្លេសដដែល។

សុភ័ក្ត្រ - ថ្ងៃ​សុក្រ 17 ខែ​កញ្ញា 2010

វា​ចេញ​ដូច​ពុម្ព Khmer UI ដដែល​នឹង​ដូច​ស៊េរី​មុន​ដែរ តែ​មាន​ការ​អភិវឌ្ឍ​វិធី​សរសេរ​បាន​ងាយ​ស្រួល​ជាង​មុន​ឆ្ងាយ​ណាស់ ខ្ញុំ​ចូល​ចិត្ត

ដាញ់ ហុង - ថ្ងៃ​សុក្រ 17 ខែ​កញ្ញា 2010

អ៊ីចឹងហើយទើបពុំសូវមានអ្នកប្រើ។ ខ្ញុំគិតថាមានមនុស្សជាច្រើនមិនស្អប់ទូរស័ព្ទអក្សរខ្មែរទេ ពិសេសអ្នកដែលចូលចិតអានព័ត៌មានតាមទូរស័ព្ទដៃ។​ ប៉ុន្ដែបើទិញទូរស័ទ្ទ Nokia មានអក្សរខ្មែរមែន នៅតែអានព័ត៌មានភាសាខ្មែរមិនបានដដែល។

សុភ័ក្ត្រ - ថ្ងៃ​សុក្រ 17 ខែ​កញ្ញា 2010

ហេតុ​អ្វី​អាន​មិន​បាន? ខ្ញុំ​អាន​បាន​ធម្មតា​តើហ៍?

សុផា - ថ្ងៃ​ពុធ 24 ខែ​វិច្ឆិកា 2010

នៅកន្លែងខ្មុំឯណេះគេអាចបញ្ចូលអក្សរខ្មែរនៅលើទូរស័ព្ទnokia
ហើយបង។

17. សង្ខេប​ព្រឹត្តិការណ៍​ឆ្នាំ​២០១០ ក្នុង​ប្លក់​សុភ័ក្ត្រ​ « -:- កំណត់ហេតុ​សុភ័ក្ត្រ -:- - ថ្ងៃ​អាទិត្យ 23 ខែ​មករា 2011
18. ណូគៀ ឈប់​ផលិត​ទូរស័ព្ទ​ភាសា​ខ្មែរ​ហើយ « ស្រែ​ខ្មុក - ថ្ងៃ​សុក្រ 27 ខែ​មេសា 2012
19. ញូវ​ហ្វូន​ Nokia C3 « ស្រែ​ខ្មុក - ថ្ងៃ​សុក្រ 27 ខែ​មេសា 2012
20. អិល​ជី នាំ​មុខ​លើក​កម្ពស់​ភាសា​ខ្មែរ​លើ​ទូរស័ព្ទ​ដៃ « ស្រែ​ខ្មុក - ថ្ងៃ​ចន្ទ 9 ខែ​កក្កដា 2012
21. ពុទ្ធិសិទ្ធិវេហា៏ - ថ្ងៃ​ព្រហស្បតិ៍ 12 ខែ​កក្កដា 2012

my computer,and my phone is use khmer.i like to do it because it mean that i support my language ,khmer must be support khmer language ❤

22. សារ​ភាសា​ខ្មែរ​ពី​​ក្រុមហ៊ុន​ទូរស័ព្ទ​ដៃ | ស្រែ​ខ្មុក - ថ្ងៃ​ព្រហស្បតិ៍ 31 ខែ​មីនា 2016

ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out / ផ្លាស់ប្ដូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out / ផ្លាស់ប្ដូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out / ផ្លាស់ប្ដូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out / ផ្លាស់ប្ដូរ )

កំពុង​ភ្ជាប់​ទៅ​កាន់ %s

%d bloggers like this: