jump to navigation

បក្ស​កុម្មុយនីស្ត​លាវ ចាត់​សមាជ​លើក​ទី​៩ យ៉ាង​សង៉ាផាផើយ ថ្ងៃ​ព្រហស្បតិ៍ 17 ខែ​មីនា 2011

Posted by សុភ័ក្ត្រ in ພາສາລາວ.
trackback

*( ຂປລ ): ກອງ​ປະຊຸມ​ໃຫຍ່​ຜູ້​ແທນ​ທົ່ວ​ປະ​ເທດ​ຄັ້ງທີ IX ຂອງ​ພັກ ປະຊາຊົນ​ປະຕິວັດ​ລາວ ​ໄດ້​ໄຂ​ຂຶ້ນ​ຢ່າງ​ເປັນ​ທາງ​ການ ​ແລະ ສະຫງ່າ​ຜ່າ​ເຜີຍ ​ເມື່ອ​ຕອນ​ເຊົ້າ ​ວັນ​ທີ 17 ມີນາ 2011 ທີ່​ນະຄອນຫລວງ​ວຽງ​ຈັນ ​ໂດຍ​ມີ​ຜູ້​ແທນ​ສົມບູນ​ເຂົ້າຮ່ວມ 576 ສະຫາຍ ທີ່​ເປັນ​ຕົວ​ແທນ​ໃຫ້​ແກ່​ບັນດາ​ສະມາຊິກ​ພັກ​ທັງ​ໝົດ​ໃນ​ຂອບ​ເຂດ​ ທົ່ວ​ປະ​ເທດຈຳນວນ 191.700 ກວ່າສະຫາຍ ແລະ ແຂກຖືກເຊີນເຂົ້າຮ່ວມ. ​ເປັນ​ກຽດ​ຂົ້າຮ່ວມ​ເທິງ​ເວທີ​ຂອງ​ຄະນະ​ປະທານ​ປະກອບ​ມີສະຫາຍ ຈູມ​ມາລີ ​ໄຊ​ຍະ​ສອນ​, ​ເລຂາທິການ​ໃຫຍ່ຄະນະ​ບໍລິຫານ​ງານ​ສູນ​ກາງ​ພັກປະຊາຊົນ​ປະຕິວັດ​ລາວ, ປະທານ​ປະ​ເທດ​ແຫ່ງ ສປປ ລາວ ພ້ອມ​ດ້ວຍ​ບັນດາ​ສະຫາຍ​ກຳມະ ການ​ກົມ​ການ​ເມືອງ​ສູນ​ກາງ​ພັກ, ບັນດາ​ຜູ້ຕາງໜ້າ​ອົງການ​ຈັດຕັ້ງມະຫາຊົນ​ຂັ້ນສູນ​ກາງ ​ແລະ ຕົວ​ແທນ​ວິລະ​ຊົນ​ແຫ່ງ​ຊາດ.


ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ IX ຂອງພັກປະຊາຊົນ ປະຕິວັດລາວ​ໄຂ​ຂຶ້ນ​ຢ່າງ​ສະຫງ່າ​ຜ່າ​ເຜີຍ

ກອງ​ປະຊຸມ​ໄດ້​ຈັດ​ຂຶ້ນ ພາຍ​ໃຕ້​ຄຳ​ຂວັນ ”​ເພີ່ມ​ທະວີ​ຄວາມ​ສາມັກຄີ​ເປັນ​ປຶກ​ແຜ່ນ ​ທົ່ວປວງ​ຊົນ​ລາວ ​ແລະ ຄວາມ​ເປັນ​ເອກະ​ພາບ​ພາຍ​ໃນ​ພັກ, ​ເຊີດ​ຊູ​ບົດບາດ ​ແລະ ຄວາມ​ສາມາດ​ນຳພາ​ຂອງ​ພັກ, ສ້າງ​ບາດກ້າວ​ບຸກທະລຸໃນ​ການຈັດຕັ້ງປະຕິບັດ​ແນວທາງ​ປ່ຽນ​ແປງ​ໃໝ່, ສ້າງ​ພື້ນຖານ​ອັນ​ໜັກ​ແໜ້ນໃຫ້ການ​ນຳ​ເອົາ​ ປະ​ເທດ​ເຮົາຫລຸດ​ພົ້ນອອກ​ຈາກ​ຄວາມ​ດ້ອຍ​ພັດທະນາ​ໃນ​ປີ 2020 ​ແລະ ສືບ​ຕໍ່​ກ້າວ​ຂຶ້ນ​ສູ່​ຈຸດໝາຍ​ສັງຄົມ​ນິຍົມ”. ​​ໃນ​ບົດ​ສູນ​ທອນ​ພົດ​ກ່າວ​ໄຂ​ກອງ​ປະຊຸມ ​ໃຫຍ່​ຄັ້ງທີ IX ຂອງ​ພັກ ປະຊາຊົນ​ປະຕິວັດ​ລາວ ທີ່​ສະ​ເໜີ​ໂດຍ​ ສະຫາຍ ທອງສິງ​ ທຳ​ມະ​ວົງ ກຳມະການ​ກົມ​ການ​ເມືອງ​ສູນ​ກາງ​ພັກ, ນາຍົກລັດຖະມົນຕີ​ແຫ່ງ ສປປ ລາວ ຊ່ິງມີ​ເນື້ອ​ໃນ​ບາງ​ຕອນ​ສຳຄັນ​ວ່າ: ກອງ​ປະຊຸມ​ຂອງ​ພັກ​ແຕ່ລະຄັ້ງລ້ວນ​ແຕ່​ເປັນ​ເຫດການ​ສຳຄັນ​ໃນ​ຊີວິດ​ການ​ເມືອງ-ສັງຄົມ ຂອງ​ປະ​ເທດ​ເຮົາ ​ເພາະວ່າ​ ກອງ​ປະຊຸມ​ໃຫຍ່​ແມ່ນ​ອົງການ​ນຳ​ສູງ​ສຸດ​ຂອງ​ພັກ​ທີ່​ຕົກລົງ​ຮັບຮອງ​ເອົາ​ແນວທາງ​ນະ​ໂຍບາຍ ​ແລະ ທິດ​ທາງ​ວຽກ​ງານ​ໃຫຍ່​ສຳລັບ​ການ​ນຳພາ​ປະ​ເທດ​ຊາດກ້າວ ​ຂຶ້ນ​ສູ່​ຄວາມ​ມັ່ງ​ຄັ່ງ​ເຂັ້ມ​ແຂງ, ນຳ​ເອົາ​ຄວາມ​ຮັ່ງມີ​ຜາ​ສຸກ​ມາສູ່​ປະຊາຊົນ​ເຮົາ. ສຳລັບ​ກອງ​ປະຊຸມ​ໃຫຍ່​ຄັ້ງນີ້​ແມ່ນ​ມີໜ້າ​ທີ່​ຄົ້ນຄວ້າ ​ແລະ ຮັບຮອງ​ເອົາລາຍ​ງານ​ການ ​ເມືອງ​ຂອງ​ຄະນະ​ບໍລິຫານ​ງານ​ສູນ​ກາງ​ພັກ, ການ​ພັດທະນາ​ເສດຖະກິດ​-ສັງຄົມ​​ແຫ່ງ​ຊາດຄັ້ງທີ VII ສຳລັບ​ໄລຍະ 2011-2015 ​ແລະ ກົດ​ລະບຽບ​ຂອງ​ພັກ ​ສະບັບ​ປັບປຸງ. ພ້ອມ​ກັນນັ້ນ ກໍ​ຈະ​ໄດ້​ເລືອກ​ຕັ້ງ​ເອົາ​ບຸກຄະລາ​ກອນ​ຄະນະນນຳ​ຂອງ​ພັກ​ເພື່ອ​ສືບ​ຕໍ່​ນຳພາ ​ພາລະກິດ​ປະຕິວັດ​​ໃຫ້​ກ້າວຂຶ້ນ​ຢ່າງ​ຕໍ່​ເນື່ອງ ໜັກ​ແໜ້ນສູ່​ ຈຸດໝາຍ​ທີ່​ວາງ​ໄວ້. ທັງ​ໝົດ​ນັ້ນ ​ແມ່ນ​ໜ້າ​ທີ່​ສຳຄັນ​ທີ່​ກອງ​ປະຊຸມ​ໃຫຍ່​ຂອງ​ພວກ​ເຮົາ​ຄັ້ງນີ້ ຕ້ອງ​ປະຕິບັດ​ດ້ວຍ​ຄວາມ​ຮັບຜິດຊອບ​ສູງ ​ແລະ ​ມີ​ຜົນສຳ​ເລັດອັນ ​ຈົບງາມ ​ເພື່ອ​ການ​ເຕີບ​ໃຫຍ່​ເຂັ້ມ​ແຂງ​ຂອງ​ພັກ ​ແລະ ການ​ຂະຫຍາຍຕົວ​ຂອງ​ປະ​ເທດ​ຊາດ​. ສະນັ້ນ ຈິ່ງ​ຮຽກຮ້ອງຜູ້​ແທນ​ທຸກ​ສະຫາຍ ຈົ່ງ​ເຊີດ​ຊູ​ຄວາມ​ເປັນ ​ເຈົ້າການ ​ແລະ ຄວາມ​ຮັບຜິດຊອບໃນ​ລະດັບ​ສູງ, ສຸມ​ສະຕິ​ປັນຍາ ​ແລະ ປະສົບ​ການ​ເຂົ້າ​ໃນ​ການຄົ້ນຄວ້າ​ຕົກລົງ​ບັນຫາ​ສຳຄັນ​ໃຫ້​ເລິກ​ເຊິ່ງຖືກຕ້ອງ, ປະ ກອບສ່ວນ​ເຮັດ​ໃຫ້​ກອງ​ປະຊຸມ​ຄັ້ງນີ້ດຳ​ເນີນ​ໄປ​ດ້ວຍ​ຄວາມ​ສາມັກຄີ ​ເປັນ​ເອກະ​ພາບ​ອັນ​ໜັກ​ແໜ້ນ ​ແລະ ມີ​ຜົນ​ສຳ​ເລັດ​ຢ່າງ​ຈົບງາມ.

ພາຍຫລັງທີ່​ສະຫາຍ ບຸນ​ທອງ ຈິ​ດມະ​ນີ, ຄະນະ​ເລຂາທິການ​ສູນ​ກາງ​ພັກ​ ໄດ້​ຂຶ້ນ​ລາຍ​ງານ​ຄຸນ​ລັກສະນະ​ຜູ້​ແທນ​ກອງ​ປະຊຸມ​ໃຫຍ່​ຄັ້ງທີ IX ຂອງ​ພັກ​ແລ້ວສະ ຫາຍເລຂາ​ທິການ​ໃຫຍ່​ໄດ້​ຂຶ້ນ​ຜ່ານ​ຮ່າງ​ລາຍ​ງານ​ການ​ເມືອງ​ ຊຶ່ງປະກອບ​ມີ​ສອງ​ພາກ​ໃຫຍ່​ຄື: ພາກ​ທີ​ໜຶ່ງໄດ້​ສະຫລຸບ​ຕີ​ລາຄາ​ຜົນງານ​ແຫ່ງ​ການຈັດຕັ້ງປະຕິບັດ​ ມະຕິ​ກອງ​ປະຊຸມ​ຄັ້ງທີ VIII ຂອງ​ພັກ ​ໃນ 5 ປີ​ຜ່ານ​ມາ (2006-2010) ​ໂດຍ​ໄດ້​ຍົກ​ໃຫ້​ເຫັນ​ວ່າ ພວກ​ເຮົາ​ສາມາດ​ປົກ​ປັກ​ຮັກສາ​ຄວາມ​ເປັນ​ເອກະລາດ, ອະທິປະ​ໄຕ ​ແລະ ຜືນແຜ່ນດິນ​ອັນ​ຄົບ​ຖ້ວນ ຂອງ​ປະ​ເທດ​ຊາດ​ໄວ້​ໄດ້​ຢ່າງ​ໝັ້ນຄົງ, ລະບອບ​ການ​ເມືອງ​ມີສະຖຽນ​ລະ​ພາບອັນ​ໜັກ​ແໜ້ນ, ສັງຄົມ​ມີ​ຄວາມ​ສະຫງົບ​ປອດ​ໄພ ​ແລະ ມີ​ຄວາມ​ເປັນ​ລະບຽບ​ຮຽບຮ້ອຍ​ໂດຍ​ທົ່ວ​ໄປ; ພວກ​ເຮົາ​ມີ​ຜົນສຳ​ເລັດ​ໃໝ່​ຫລາຍ​ປະການ ​ໃນ​ການ​ພັດທະນາ​ເສດຖະກິດ-​ສັງຄົມ. ອັນ​ພົ້ນ​ເດັ່ນ​ແມ່ນ​ຈັງຫວະ ​ການ​ເຕີບ​ໂຕ​ເສດຖະກິດ​ແຫ່ງ​ຊາດ ​ໄດ້​ເພີ່ມ​ຂຶ້ນ​ຢ່າງ​ຕໍ່​ເນື່ອງ ​ໂດຍ​ສະ​ເລ່ຍ 5 ປີ ​ແມ່ນ 7,9% ຕໍ່​ປີ, ລວມຍອດ​ຜະລິດ​ຕະພັນ​ພາຍ​ໃນ​ສົກ​ປີ 2009-2010 ສະ​​ເລ່ຍຕໍ່​ພົນລະ​ເມືອງ​ບັນລຸ 8,7 ລ້ານ​ກີບ​ຕໍ່​ຄົນ ຫລື 1.069 ​ໂດ​ລາ​ສະຫະລັດ; ລະບົບ​ການ​ເມືອງ​ຂອງ​ປະ​ເທດ​ມີ​ສະຖຽນ​ລະ​ພາບ​ຢ່າງ​ໜັກ​ແໜ້ນ. ອັນ​ນີ້​ເປັນ ​ເງື່ອນ​ໄຂ​ຕັດສິນ​ຕໍ່​ການ​ສ້າງສາ​ພັດທະນາ ​ແລະ ການ​ເຊື່ອມ​ໂຍງ​ກັບ​ສາກົນ; ພວກ​ເຮົາ​ໄດ້​ຮັບ​ຜົນສຳ​ເລັດ​ທີ່​ສຳຄັນ​ຫລາຍ​ປະການ​ໃນ​ການຈັດຕັ້ງປະຕິບັດ​ ແນວທາງ​ນະ​ໂຍບາຍ​ການ​ຕ່າງປະ​ເທດ ​ໂດຍ​ສະ​ເພາະ​ແມ່ນ​ກັບ​ບັນດາ​ປະ​ເທດ​ ເພື່ອນ​ມິດ​ຍຸດ​ທະ​ສາດ, ການ​ຮ່ວມ​ມື​ກັບ​ບັນດາ​ປະ​ເທດ​ໃນ​ຄອບຄົວ​ອາ​ຊຽນ ມີ​ຄວາມ​ສະໜິດ​ແໜ້ນ​ບົນ​ພື້ນຖານ​ການ​ຢຶດໝັ້ນຫລັກການ​ພື້ນຖານ​ ​ແລະ ການ​ເຄື່ອນ​ໄຫວ​ໄປ​ຕາມ​ທິດ​ທາງ​ດຽວ​ກັນ ​ເພື່ອ​ກ້າວ​ໄປ​ສູ່​ການ​ເປັນ​ປະຊາ​ຄົມ​ອາ​ຊຽນ; ​ໃນ 5 ປີ ຜ່ານ​ມາພັກ​ເຮົາ​ໄດ້​ສືບ​ຕໍ່​ເປັນ​ເຈົ້າການປັບປຸງ​ກໍ່ສ້າງ​ຕົນ​ເອງ​ ໃຫ້​ເຂັ້ມ​ແຂງ, ​ເປັນ​ກຳລັງ​ການ​ເມືອງ​ອັນ​ໜຶ່ງ​ອັນ​ດຽວນຳພາ​ທົ່ວ​ສັງຄົມປະຕິບັດ​ສອງ​ໜ້າ ​ທີ່​ຍຸດ​ທະ​ສາດຕາ​ມ​ແນວທາງ​ປ່ຽນ​ແປງ​ໃໝ່ ຊຶ່ງ​ພັກ​ເຮົາຖື​ເອົາ​ເປັນ​ພາລະ​ກຳ ​ແລະ ​ເປັນຄວາມ​ຮັບຜິດຊອບ​ການ​ເມືອງ​ອັນ​ສູງ​ສົ່ງ​ຂອງ​ຕົນ.

ພາກ​ທີ​ສອງ​ໄດ້​ຍົກ​ໃຫ້​ເຫັນ​ເຖິງ ບັນດາ​ທິດ​ທາງ ​ແລະ ໜ້າ​ທີ່​ຈຸດ​ສຸມ​ໃນ 5 ປີ​ຕໍ່ໜ້າ 2011-2015 ​ເປັນຕົ້ນ ​ແມ່ນ​ຄາດ​ຄະ​ເນ​ສະພາບ​ແວດ​ລ້ອມ​ສາກົນ ​ແລະ ສະພາວ​ະຄວາມ​ເປັນ​ຈິງ​ຂອງ​ປະ​ເທດ​ເຮົາ. ​ເພື່ອ​ເຮັດ​ຫລ້ອນ​ພາລະ​ກຳ​ປະຫວັດສາດ​ດັ່ງກ່າວ​ນັ້ນ ກ່ອນ​ອື່ນ​ໝົດ​ພວກ​ເຮົາ​ຕ້ອງ​ຕິດຕາມ​ຢ່າງ​ໃກ້ຊິດ ​ແລະ ຄາດ​ຄະ​ເນ​ ທ່າ​ອ່ຽງ​ລວມ ​ແຫ່ງ​ການ​ຜັນ​​ແປ​ຂອງ​ສະພາບ​ແວດ​ລ້ອມ​ສາກົນ ​ແລະ ພາກ​ພື້ນ ​ໃນ​ຊຸມ​ປີ​ຕໍ່ໜ້າ​ໃຫ້​ຈະ​ແຈ້ງ; ສຳ​ລັບ​ຄາດໝາຍ​ໃຫຍ່​ໃນ​ໄລຍະ 2011-2015 ​ໂດຍ​ອີງ​ໃສ່​ທ່າ​ອ່ຽງ​ແຫ່ງ​ການ​ຜັນ​ແປສະພາບ​ແວດ​ລ້ອມ ​ແລະ ສະພາວະ​ຄວາມ​ເປັນ​ຈິງ​ຂອງ​ປະ​ເທດ​ເຮົາ ດັ່ງນັ້ນພວກ​ເຮົາ​ຕ້ອງ​ເຊີດ​ຊູ​ຄວາມ​ຮັບຜິດຊອບ ​ແລະ ຄວາມ​ສາມາດ​ນຳພາ​ໃຫ້​ສູງ​ຂຶ້ນ​ຕື່ມ ​ເພື່ອ​ເຮັດ​ໃຫ້​ປະ​ເທດ​ຊາດ​ຫລຸດ​ພົ້ນຈາກ​ສະຖານະ​ພາບ​ດ້ອຍ​ພັດທະນາ​ໃນ​ປີ 2020 ​ແລະ ບັນລຸ​ຄາດໝາຍ​ໃຫຍ່​ຈຳນວນ​ໜຶ່ງ​ໃນ​ປີ 2015. ​ເພື່ອ​ເຮັດ​ໃຫ້​ບັນດາ​ຄາດໝາຍ​ທີ່​ວາງ​ອອກບັນລຸ​ຜົນສຳ​ເລັດ​ນັ້ນ ພັກ​ເຮົາ​ໄດ້​ກຳນົດ​ໜ້າ​ທີ່​ລວມດັ່ງ​ນີ້: ​ເພີ່ມ​ທະວີ​ການ​ນຳພາ, ຊີ້​ນຳ​ຢ່າງ​ເອົາ​ຈິງ​ເອົາຈັງ​ໃນ​ການຈັດ​ຕັ້ງປະຕິບັດ​ແນວທາງ​ນະ​ໂຍບາຍ​ຂອງ​ພັກ ​ແລະ ລັດ, ສ້າງ​ໃຫ້​ໄດ້​ການ​ຫັນປ່ຽນ​ໃນ​ການ​ພັດທະນາ ​ໂດຍ​ຮັບປະກັນ​ການຈະ​ເລີ​ນ​ເຕີບ​ໂຕ ມີ​ຈັງຫວະ​ອັນ​ເໝາະ​ສົມ ໝັ້ນທ່ຽງ ​ແລະ ມີ​ລັກສະນະ​ຍືນ​ຍົງ, ຍຶດໝັ້ນການ​ນຳພາ​ປ່ຽນ​ແປງ​ໃໝ່​ຮ​ອບດ້ານ​ຢ່າງ​ໜັກ​ແໜ້ນ ​​ແລະ ຖືກຕ້ອງ​ຕາມ 6 ຫລັກການ​ທີ່​ວາງ​ໄວ້, ທັງ​ມີ​ຄວາມ​ເດັດດ່ຽວ​ປະດິດ​ສ້າງ​ໃນ​ການ​ຂຸດ​ຄົ້ນກຳລັງ​ແຮງ​ສັງ​ລວມ ​ແລະ ນຳ​ໃຊ້​ກາລະ​ໂອກາດ ​ເພື່ອ​ສ້າງ​ບາດກ້າວ​ບຸກທະລຸ​ໃຫ້​ໄດ້, ຊຶ່ງກ່ອນອື່ນໝົດ ຕ້ອງບຸກທະລຸໃຫ້ໄດ້ ທາງດ້ານຈິນຕະນາການ ດ້ວຍການແກ້ໄຂທັດສະນະແນວຄຄິດແບບຄຳພີ, ຂີ້ຄ້ານມັກງ່າຍ, ຊ້າຍຈັດຂວາໂພດ, ຕ້ອງບຸກທະລຸຢ່າງແຂງ ແຮງດ້ານການພັດທະນາຊັບພະຍາກອນມະນຸດ, ແກ້ໄຂລະບອບ ລະບຽບການບໍລິຫານ, ຄຸ້ມຄອງທີ່ຍັງກົດໜ່ວງອັດຕັນການຜະລິດທຸລະກິດ ແລະ ການບໍລິ ການໃຫ້ຕົກໄປຢ່າງຂາດຕົວ, ແກ້ໄຂຄວາມທຸກຍາກຂອງປະຊາຊົນ, ສ້າງພື້ນຖານໂຄງລ່າງດ້ານເສດຖະກິດ-ສັງຄົມຢ່າງມີຈຸດສຸມ ເພື່ອເປັນກຳລັງແຮງຊຸກດັນ ໃຫ້ພັດ ທະນາໃນຂົງເຂດອື່ນໆຢ່າງແຂງແຮງ.

ຕໍ່​ມາ ສະຫາຍ ສົມ​ສະຫວາດ ​ເລັ່ງສະຫວັດ, ກຳມະການ​ກົມ​ການ​ເມືອງ​ສູນ​ກາງ​ພັກ, ຮອງ​ນາຍົກລັດຖະມົນຕີ, ຜູ້​ປະຈຳການ​ລັດຖະບານໄດ້​ສະ​ເໜີ​ຮ່າງ​ແຜນ​ພັດທະນາ​ເສດຖະກິດ​ສັງຄົມ 5 ປີ​ ຄັ້ງທີ VII (2011-2015) ​ໂດຍ​ສະຫາຍ ​ໄດ້​ຍົກ​ໃຫ້​ເຫັນ​ຄາດໝາຍ​ໃຫຍ່​ຈຳນວນ​ໜຶ່ງ​ເປັນ​ຕົ້ນ: ​ເສດຖະກິດ​ແຫ່ງ​ຊາດຕ້ອງ​ຂະຫຍາຍຕົວ​ຢ່າງ​ຕໍ່​ເນື່ອງ ​ແລະ ໝັ້ນທ່ຽງ, ລວມຍອດ​ຜະລິດ​ຕະພັນ​ພາຍ​ໃນ​ໃຫ້ເພີ່ມ​ຂຶ້ນ 8% ​ໃນ​ແຕ່ລະ​ປີ ​ແລະ ​ເມື່ອ​ຮອດ​ປີ 2015 ມູນ​ຄ່າ​ສະ​ເລ່ຍຕໍ່​ຫົວ​ຄົນ​ຕ້ອງບັນລຸ​ໃຫ້​ໄດ້ 1.700 ​ໂດ​ລາ​ສະຫະລັດ; ການ​ພັດທະນາ​ຕ້ອງ​ຫັນປ່ຽນ​​ໄປ​ຕາມ​ທິດ​ທີ່​ຍືນ​ຍົງ ​ໂດຍ​ໃຫ້​ການ​ພັດທະນາ​ທາງ​ດ້ານ​ສັງຄົມ, ວັດທະນະທຳ. ດຳ​ເນີນ​ໄປ​ສົມ​ຄູ່​ກັບ​ການ​ພັດທະນາ​ເສດຖະກິດ ​ແລະ ການ​ຮັກສາ​ສິ່ງ​ແວດ​ລ້ອມ, ມີ​ປັດ​ໄຈ​ພື້ນຖານ​ສຳລັບ​ການ​ຫັນ​ເປັນ​ອຸດສາຫະກຳ ​ແລະ ຫັນ​ເປັນ​ທັນ​ສະ​ໄໝ.

ຫລັງ​ຈາກ​ນັ້ນສະຫາຍ ບຸນ​ທອງ ຈິດ​ມະນີ ຄະນະ​ເລຂາທິການ​ສູນ​ກາງ​ພັກ ​ໄດ້​ລາຍ​ງານ​ກ່ຽວ​ກັບ ການ​ປັບປຸງ​ດັດ​ແປງ​ກົດ​ລະບຽບ​ພັກ ປະຊາຊົນ​ປະຕິ​ວັດ​ລາວ ​ໂດຍ​ໄດ້​ຍົກ​ໃຫ້​ເຫັນ​ຄວາມ​ຈຳ​ເປັນ, ທິດ​ນຳ ​ແລະ ການ​ດຳ​ເນີນ​ປັບປຸງ​ດັດ​ແປງ​ກົດ​ລະບຽບ​ພັກ, ​ໂດຍ​ຮັບ​ຮູ້​ວ່າ: ກົດ​ລະບຽບພັກແມ່ນ ​ທຳມະນູນ ​ແລະ ​ແມ່ນ​ແນວທາງ​ການຈັດຕັ້ງອັນ​ພື້ນຖານ​ຂອງ​ພັກ ​ເພື່ອ​ຊີ້​ນຳ​ວຽກ​ງານ​ກໍ່ສ້າງ​ພັກ ​ໃນ​ທົ່ວ​ພັກ​ໃຫ້​ມີ​ຄວາມ​ເປັນ​ເອກະ​ພາບ ທັງ​ສອດຄ່ອງ​ກັບ​ຈຸດ​ພິ​ເສດ ​ແລະ ລັກສະນະ​ຂອງ​ການ​ປະຕິວັດ​ຢູ່​ປະ​ເທດ​ເຮົາ ​ໃນ​ແຕ່​ໄລຍະ, ທັງ​ເປັນ​ການສະ​ແດງ​ເຖິງ​ການ​ໝູນ​ໃຊ້​ບັນດາ​ຫລັກ​ມູນ​ທິດ​ສະ​ດີ​ມາກ-​ເລ​ນິນ ກ່ຽວ​ກັບ​ການ​ກໍ່ສ້າງ​ພັກ​ປະຕິວັດ​ຂອງ​ຊົນ​ຊັ້ນກຳມະກອນ ​ເຂົ້າ​ໃນ​ເງື່ອນ​ໄຂ​ຕົວ​ຈິງ​ຂອງ​ປະ​ເທດ​ເຮົາ​ຢ່າງ​ຖືກຕ້ອງ ​ແລະ ປະດິດ​ສ້າງ. ​ພ້ອມ​ນີ້​ຍັງ​ໄດ້​ຍົກ​ໃຫ້​ເຫັນ​ຈຸດ​ຢືນ ​ແລະ ທິດ​ທາງ​ໃນ​ການ​ປັບປຸງ​ດັດ​ແປງ​ກົດ​ລະບຽບ​ພັກ ​ແລະ ບັນດາ​ເນື້ອ​ໃນ ທີ່​ໄດ້​ປັບປຸງ​ດັດ​ແປງ​ໃໝ່​ໃນ​ກົດ​ລະບຽບ​ຂອງ​ພັກ ຄື: ກົດ​ລະບຽບ​ຂອງ​ພັກ​ສະ​ໄໝ​ IX ປະກອບ​ດ້ວຍ 12 ໝວດ 51 ມາດຕາ ທຽບ​ໃສ່​ສະ​ໄໝ VIII ​ເຫັນ​ວ່າ ຈຳນວນ​ຂອງ​ມາດຕາ​ເພີ່ມ​ຂຶ້ນ 2 ມາດຕາ ​ແຕ່​ຕົວ​ຈິງ​ແມ່ນ​ເພີ່ມ​ຂຶ້ນ 4 ມາດຕາ ຄື: ​ແຍກ​ມາດຕາ 23 ​ເກົ່າ ອອກ​ເປັນ 2 ມາດຕາ ຄື ມາດຕາ 13 ​ແລະ 14; ​ແຍກ​ມາດຕາ 16 ​ເກົ່າ ອອກ​ເປັນມາດຕາ 24 ​ແລະ 25; ​ແຍກ​ມາດຕາ 28 ​ເກົ່າ​ອອກ​ເປັນ​ມາດຕາ 28 ​ແລະ 29 ; ​ແຍກ​ມາດຕາ 36 ອອກ​ເປັນ​ມາດ 37 ​ແລະ 38. ສະນັ້ນ ​ໄດ້​ມີ​ມາດຕາ​ໃໝ່ 4 ມາດຕາ ຄື: ມາດຕາ 14, 25, 29 ​ແລະ ມາດຕາ 38. ​ແຕ່​ຍ້ອນ​ມີ​ການ​ໂຮມ 3 ມາດຕາ​ຄື 2, 3, 4 ​ເກົ່າ​ເຂົ້າ​ເປັນ​ມາດຕາ​ດຽວ ຄື ມາດຕາ 2 ​ໃໝ່ ຈຶ່ງ​ເຮັດ​ໃຫ້​ຈຳນວນ​ມາດຕາ​ຂອງ​ກົດ​ລະບຽບ ສະບັບ​ປັບປຸງ​ໃໝ່​ເພີ່ມ​ຂຶ້ນ​ພຽງ 2 ມາດຕາ. ພ້ອມ​ນີ້ ​ໄດ້​ຂຽນ​ເພີ່ມ​ໃໝ່ ຫົວ​ຂໍ້​ພາກ​ເປີດ​ຫົວ​ເລື່ອງ, ຍ້າຍ​ພາກ​ມູນ​ເຊື້ອ ຂອງ​ພັກ ຢູ່​ວັກ 4, ປັບປຸງ ​ເນື້ອ​ໃນ​ວັດຖຸ​ປະສົງ​ຂອງ​ພັກ​ຄືນ​ໃໝ່, ປັບປຸງ​ເນື້ອ​ໃນ ວັກ 4 ການຈັດຕັ້ງພິທີ​ເລື່ອນ​ສະມາຊິກ​ສຳຮອງ​ເປັນ​ສະມາຊິກ​ພັກ​ສົມບູນ ​ແລະ ​ໄດ້​ປັບປຸງ​ເນື້ອ​ໃນ​​ບາງ​ໝວດ, ມາດຕາ ທີ່​ເຫັນ​ວ່າ​ມີ​ຄວາມ​ຈຳ​ເປັນ ​ເພື່ອ​ໃຫ້​ສອດຄ່ອງ​ກັບ​ສະພາບ​ຄວາມ​ເປັນ​ຈິງ.

ສຳລັບພາກ​ບ່າຍ ກອງ​ປະຊຸມ​ດຳ​ເນີນ​ໄປ​ດ້ວຍ​ການ​ເປັນ​ປະທານ​ຂອງ ສະຫາຍ ທອງ​ສິງ ທຳ​ມະ​ວົງ ກຳມະການ​ກົມ​ການ​ເມືອງ​ສູນ​ກາງ​ພັກ, ນາຍົກລັດຖະມົນຕີ​ແຫ່ງ ສປປ ລາວ; ​ໃນ​ວາລະ​ກອງ​ປະຊຸມ ​ໄດ້​ມີ​ການ​ປະກອບ​ຄຳ​ເຫັນ​ຂອງ​​ຜູ້​ຕາງໜ້າ​ຄະນະ​ພັກຈາກ​​ກະຊວງ ​ແລະ ບັນດາແຂວງ.

___________________________________________________
អាន​ផង​ដែរ៖
១. ឡាវ​កុ​ម្មុយ​និស្ត​កំពុង​ប្រជែង​គ្នា​យក​តួនាទី​វៀតណាម​ឬ​ចិន​
២. 9th Party Congress of the Lao People’s Revolutionary Party opens
៣. បក្ស​កុម្មុយនីស្ត​លាវ​បើក​កិច្ច​ប្រជុំ​​ធំ​លើក​ទី​ X រើស​មេ​ដឹក​នាំ​ថ្មី​កំណត់​ទិស​ដៅ​ប្រទេស

Advertisements

មតិ»

1. Samady KS - ថ្ងៃសុក្រ 18 ខែ​មីនា 2011

អ្ហេ ល្បង! ប្លក់​លោក​ឯង​ចេញ​រូប​កង្កែប​ទៀត​ហើយ

សុភ័ក្ត្រ - ថ្ងៃសុក្រ 18 ខែ​មីនា 2011

មាន​ណា? ចេះ​តា​ថា

Samady KS - ថ្ងៃសុក្រ 18 ខែ​មីនា 2011

អូហ៍…​ចេញ​វិញ​ហើយ! ព្រឹក​មិញ​ឃើញ​ចេញ កង្កែប

2. បក្ស​កុម្មុយនីស្ត​លាវ​បើក​កិច្ច​ប្រជុំ​​ធំ​លើក​ទី​ X រើស​មេ​ដឹក​នាំ​ថ្មី​កំណត់​ទិស​ដៅ​ប - ថ្ងៃអាទិត្យ 24 ខែមករា 2016

[…] _________________________________ អាន​ផង​ដែរ​៖ ១. បក្ស​កុម្មុយ​នីស្ត​វៀតណាម​បើក​កិច្ច​ប្រជុំ​ធំ​លើក​ទី XII ចាប់​ផ្ដើម​ផ្លាប់​ប្ដូរ​នយោបាយ ២. បក្ស​កុម្មុយ​នីស្ត​លាវ​ផ្លាស់​ប្ដូរ​ក្បាល​ម៉ាស៊ីន​ដឹក​នាំ ៣. បក្ស​កុម្មុយនីស្ត​លាវ ចាត់​សមាជ​លើ… […]


ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out / ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out / ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out / ផ្លាស់ប្តូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out / ផ្លាស់ប្តូរ )

កំពុង​ភ្ជាប់​ទៅ​កាន់ %s

%d bloggers like this: